 | ການແຂ່ງຂັນຮອບຄັດເລືອກເຕະບານຊິງແຊ້ມອາຊີ 2022: ທີມບານເຕະຍິງຫວຽດນາມ ເອົາຊະນະ ທີມເຕະບານຍິງ ມານດີວ 16-0 |
| ຫວຽດນາມ ສົ່ງເສີມ ກຸ້ງ 160 ໂຕນໄປຍັງ EU, ອາເມລິກາ ແລະ ຍີ່ປຸ່ນ ໃນຕົ້ນປີ 2021 |
ຮອບສຸດທ້າຍໄດ້ເຕົ້າໂຮມ 12 ທີມຈາກບັນດາມະຫາວິທະຍາໄລ, ວິທະຍາໄລເຂດພາກກາງ, ລວມມີ: ມະຫາວິທະຍາໄລ ຢຸຍເຕີນ, ວິທະຍາໄລ ເຫ້ວ, ມະຫາວິທະຍາໄລ ຮົ່ງດຶກ, ມະຫາວິທະຍາໄລພາສາຕ່າງປະເທດ - ມະຫາວິທະຍາໄລ ດ່າໜັງ, ມະຫາວິທະຍາໄລພາສາຕ່າງປະເທດ-ມະຫາວິທະຍາໄລເຫ້ວ, ມະຫາວິທະຍາໄລ ກວາງບິ່ງ, ມະຫາວິທະຍາໄລ ກວາງນາມ, ມະຫາວິທະຍາໄລ ວິງ, ແລະ ບັນດາທີມພັດທະນາ UED, ເຊື່ອມຕໍ່ UED ( ມະຫາວິທະຍາໄລສຶກສາ - ມະຫາວິທະຍາໄລ ດ່າໜັງ).
ຕາມສຳນັກຂ່າວສານຫວຽດນາມ, ກ່າວຄຳປາໄສທີ່ເຫດການນີ້, ທ່ານ ຮອງປະທານຄະນະປະຈຳຄະນະກຳມະການປະຊາຊົນນະຄອນ ດ່າໜັງ ໃຫ້ຮູ້ວ່າ: ເຖິງວ່າຈະຈັດຂຶ້ນເປັນຄັ້ງທຳອິດກໍ່ຕາມ, ແຕ່ການປະກວດໄດ້ດຶງດູດການຕອບສະໜອງຢ່າງຕັ້ງໜ້າຈາກຜູ້ເຂົ້າຮ່ວມ 160 ຄົນທີ່ມາຈາກຫຼາຍຊາດຄື ລາວ, ຈີນ, ອິນເດຍ, ອັງກິດ, ອາເມລິກາ, ຣັດເຊຍ, ມາເລເຊຍ...ຂຶ້ນກັບບັນດາຫົວໜ່ວຍມາຈາກ 7 ແຂວງ, ນະຄອນເຂດພາກກາງ.
ນີ້ບໍ່ພຽງແຕ່ແມ່ນສະໜາມຫຼິ້ນແລກປ່ຽນ, ວິຊາການສຶກສາໃຫ້ນັກສຶກສາສາກົນ, ຊາວຕ່າງປະເທດທີ່ພວມດຳລົງຊີວິດ, ຮ່ຳຮຽນ ແລະ ເຮັດວຽກຢູ່ບັນດາແຂວງ, ນະຄອນຂອງພາກກາງເທົ່ານັ້ນ, ຫາກຍັງປະກອບສ່ວນຊຸກຍູ້ໂຄສະນາເຜີຍແຜ່ພາສາຫວຽດ, ວັດທະນະທຳ ແລະ ປະຊາຊົນຫວຽດນາມ ອອກສູ່ໂລກ. ຜ່ານນັ້ນ, ກໍ່ ຮັດແໜ້ນມິດຕະພາບລະຫວ່າງປະຊາຄົມສາກົນ ກັບປະຊາຊົນ ຫວຽດນາມ ເວົ້າລວມ ແລະ ນະຄອນ ດ່າໜັງ ເວົ້າສະເພາະ.
ຕາມທ່ານ ໂຮ່ກິມິງ ແລ້ວ, ຄວາມເຂົ້າໃຈ ແລະ ການນຳໃຊ້ພາສາຫວຽດນາມ ຢ່າງຄ່ອງແຄ້ວ ແມ່ນຂໍ້ໄດ້ປຽບທີ່ຊ່ວຍໃຫ້ນັກສຶກສາຕ່າງປະເທດທີ່ຮ່ຳຮຽນ ແລະ ຄົ້ນຄວ້າຢູ່ບັນດາສະຖາບັນການສຶກສາ ຫວຽດນາມ ເພື່ອຮັບເອົາຄວາມຮູ້, ຄວາມສະດວກກວ່າໃນຂະບວນການຮ່ວມມືກັບບັນດາຄູ່ຮ່ວມມື ຫວຽດນາມ ແລະ ເຊື່ອມໂຍງເຂົ້າກັບປະຊາຄົມທ້ອງຖິ່ນຢ່າງສະດວກ.
 |
| ນັກສຶກສາລາວ ແລະ ຈີນ ຈາກມະຫາວິທະຍາໄລການສຶກສາ-ດາຫນັງໃນປະກວດການເວົ້າ. (ພາບ: ໜັງສືພິມ ດ່າໜັງ) |
ບັນດາທີມເຂົ້າຮ່ວມສອງພາກສ່ວນ: ການປາກເວົ້າ ແລະ ພອນສະຫວັນ. ໃນພາກສ່ວນປາກເວົ້າ, ບັນດາຜູ້ເຂົ້າຮ່ວມລາຍງານເປັນພາສາຫວຽດໃນເວລາສູງສຸດ 10 ນາທີ,ດ້ວຍບັນດາຫົວຂໍ້ທີ່ຄຸ້ນເຄີຍຄື: ວັດທະນະທຳ, ຮີດຄອງປະເພນີ, ປະສົບການຢູ່ຫວຽດນາມ ຫຼື ພາລະບົດບາດຂອງພາສາຫວຽດນາມ ໃນການແລກປ່ຽນສາກົນ. ໃນພາກສ່ວນພອນສະຫວັນ, ແຕ່ລະທິມສະແດງລາຍການສິລະປະໃຫ້ເຫັນລັກສະນະຫວຽດນາມຢ່າງ ເຂັ້ມແຂງ, ສະແດງໃຫ້ເຫັນຄວາມຮັກແພງຈິງໃຈ, ຄວາມເຄົາລົບ ແລະ ຄວາມເອກອ້າງທະນົງໃຈຕໍ່ປະເທດ, ປະຊາຊົນ ແລະ ວັດທະນະທຳ ຫວຽດນາມ.
ສະຫຼຸບຜົນ, ທີມຈາກມະຫາວິທະຍາໄລພາສາຕ່າງປະເທດ-ມະຫາວິທະຍາໄລດາໜັງ ໄດ້ຮັບລາງວັນທີ 1. ສອງທີມຈາກມະຫາວິທະຍາໄລ ເຫ້ວ ແລະ ມະຫາວິທະຍາໄລ ກວາງນາມ ຍາດໄດ້ລາງວັນທີ 2.
 |
| ຄະນະຈັດຕັ້ງໄດ້ມອບທຸງທີ່ລະນຶກໃຫ້ບັນດາຜູ້ຕາງໜ້າທີ່ເຂົ້າຮ່ວມການປະກວດ. (ພາບ: ໜັງສືພິມ ດາໜັງ) |
ທ່ານຮອງສາດສະດາຈານ, ປອ ຫວໍວັນມິນ, ຜູ້ອຳນວຍການມະຫາວິທະຍາໄລສຶກສາ-ມະຫາວິທະຍາໄລ ດ່າໜັງ, ຫົວໜ້າຄະນະຈັດຕັ້ງໃຫ້ຮູ້ວ່າ: “ການປະກວດປາກເວົ້າພາສາຫວຽດນາມ ສຳລັບຊາວຕ່າງປະເທດ” ຈະສືບຕໍ່ໄດ້ຮັບການເປີດກວ້າງ ແລະ ຄາດວ່າຈະກາຍເປັນການເຄື່ອນໄຫວປະຈຳປີຢູ່ພາກກາງ, ປະກອບສ່ວນເຜີຍແຜ່ຄວາມຮັກແພງພາສາຫວຽດນາມ ແລະ ຊຸກຍູ້ການຮ່ວມມືສາກົນໃນຂົງເຂດການສຶກສາ ແລະ ວັດທະນະທຳ.
| ພິທີປຸກລະດົມວັນເຊີດຊູພາສາຫວຽດ: ຮັກສາພາສາຫວຽດ, ຮັກສາປະເພນີຫວຽດ | |
| ເຊີດຊູພາສາຫວຽດນາມ: ເຜີຍແຜ່ຄວາມຮັກແພງໃຫ້ແກ່ເດັກນ້ອຍຢູ່ນະຄອນ New York, ອາເມລິກາ |
ແທັງຮັ່ງ
