 | ເພີ່ມພູນຄູນສ້າງນ້ຳໃຈມິດຕະພາບແຂວງ ບິ່ງເຢືອງ ແລະ ນະຄອນ Daejeon (ສ.ເກົາຫຼີ) |
| ການຮ່ວມມືພາກພື້ນເພື່ອໂຕ້ຕອບການປ່ຽນແປງຂອງສະພາບດິນຟ້າອາກາດຢູ່ ສປປ ລາວ, ສສ ຫວຽດນາມ, ຣາຊະອານາຈັກກຳປູເຈຍ ແລະ ສ ເກົາຫຼີ |
 |
| ທ່ານ Park Hang Seo. (ພາບ: ທຸຍເຢືອງ/ສຳນັກຂ່າວສານ ຫວຽດນາມ) |
ໃນພາລະວັດເພື່ອແນໃສ່ເພີ່ມທະວີການຮ່ວມມື ແລະ ແລກປ່ຽນວັດທະນະທຳລະຫວ່າງ ຫວຽດນາມ ແລະ ສ.ເກົາຫຼີ, ທ່ານ Park Hang Seo ອະດີດຫົວໜ້າຄູຝຶກທີມບານເຕະແຫ່ງຊາດ ຫວຽດນາມ ໄດ້ຮັບການແຕ່ງຕັ້ງເປັນເອກອັກຄະລັດຖະທູດການພົວພັນມະຫາຊົນກິດຕິມະສັກຂອງແຂວງ Jeolla ເໜືອ (Jeonbuk).
ພິທີແຕ່ງຕັ້ງໄດ້ດຳເນີນຢ່າງສົມກຽດທີ່ສຳນັກງານຫ້ອງວ່າການແຂວງໃນວັນທີ 13 ມັງກອນນີ້.
ທ່ານ Kim Gwan Young ຜູ້ວ່າການແຂວງ Jeolla ຕີລາຄາສູງບັນດາການປະກອບສ່ວນຂອງຄູຝຶກ Park Hang Seo ໃນການຮັດແໜ້ນສາຍພົວພັນລະຫວ່າງສອງປະເທດ.
ທ່ານເນັ້ນໜັກວ່າ ອະດີດຄູຝຶກ Park Hang Seo ບໍ່ພຽງແຕ່ໄດ້ສ້າງຄວາມປະທັບໃຈຢ່າງເລິກເຊິ່ງໃນໃຈປະຊາຊົນສອງປະເທດເທົ່ານັ້ນ, ຫາກຍັງເປັນຮູບຕົວແທນທາງດ້ານຈິດໃຈຜ່ານຜ່າຄວາມຫຍຸ້ງຍາກຂອງແຂວງ Jeolla ເໜືອ.
ການແຕ່ງຕັ້ງນີ້ ແມ່ນນອນໃນຍຸດທະສາດລວມຂອງແຂວງໃນການໂຄສະນາພາບພົດທ້ອງຖິ່ນ, ພິເສດແມ່ນສະພາບການແຂວງ Jeolla ເໜືອ ທີ່ພວມພະຍາຍາມຂົນຂວາຍເປັນເຈົ້າພາບການແຂ່ງຂັນກິລາລະດູຮ້ອນ 2036. ແຂວງມີຄວາມຕັ້ງຫວັງເຂົ້າໃນກຳລັງຜົນສະທ້ອນຢ່າງໃຫຍ່ຫຼວງຂອງທ່ານ Park ໃນບົດບາດເປັນຂົວເຊື່ອມຕໍ່ວັດທະນະທຳລະຫວ່າງສອງປະເທດ.
ເພື່ອຕອບສະໜອງຄວາມໄວ້ເນື້ອເຊື່ອໃຈນີ້, ຄູຝຶກ Park Hang Seo ສະແດງຄວາມເປັນກຽດທີ່ໄດ້ຮັບມອບໝາຍ ແລະ ໃຫ້ຄຳໝັ້ນສັນຍາຈະໝູນໃຊ້ປະສົບການທີ່ສະສົມທັງຢູ່ ຫວຽດນາມ ແລະ ສ.ເກົາຫຼີ ຢ່າງສູງສຸດ ເພື່ອໂຄສະນາຄວາມສາມາດບົ່ມຊ້ອນການພັດທະນາຂອງ Jeolla ເໜືອ.
ໂດຍໄດ້ຮັບການຂະໜານນາມວ່າເປັນ “ວິລະຊົນຂອງບານເຕະ ຫວຽດນາມ”, ຄູຝຶກ Park Hang Seo ໄດ້ນຳພາບານເຕະ ຫວຽດນາມ ບັນລຸໄດ້ຜົນງານທີ່ໜ້າປະທັບໃຈຫຼາຍຢ່າງ, ລວມມີ ການເຂົ້າຮອບຊິງຮອງຊະນະເລີດຂອງ Asian Games 2018 ແລະ ຊະນະເລີດ AFF Suzuki Cup, ເຂົ້າຮອບຮອງຊະນະເລີດ AFC Asian 2019 ແລະ ຍາດໄດ້ຫຼຽນກາ SEA Games 2019.
Jeolla ເໜືອ, ເປັນແຂວງທີ່ຕັ້ງຢູ່ໃນພາກຕາເວັນຕົກສຽງໃຕ້ຂອງ ສ.ເກົາຫຼີ, ມີຊື່ສຽງທາງດ້ານທິວທັດທໍາມະຊາດທີ່ສວຍງາມຕະຫຼອດປີ, ວັດທະນະທໍາອາຫານທີ່ເປັນເອກະລັກພິເສດເຊັ່ນ: Jeonju Bibimbap, ສະຖາປັດຕະຍະກໍາເຮືອນ Hanok ແລະ ບັນດາມໍລະດົກວັດທະນະທໍາທີ່ບໍ່ເປັນວັດຖຸເຊັ່ນ: ສິລະປະ Mongyeon ແລະ ການຕີມວຍ Taekwondo.
 | ໂຄສະນາ, ສົ່ງເສີມ, ດຶງດູດນັກທ່ອງທ່ຽວ ສ.ເກົາຫຼີ ມາຍັງ ຫວຽດນາມ ຍສໝ - ກົມທ່ອງທ່ຽວແຫ່ງຊາດ ຫວຽດນາມ (ກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ) ແຈ້ງວ່າ ງານບຸນສົ່ງເສີມການທ່ອງທ່ຽວ - ວັດທະນະທຳ ຫວຽດນາມ ຢູ່ ສ.ເກົາຫຼີ ປີ 2024 ຈະດຳເນີນແຕ່ວັນທີ 29 ມີຖຸນາ ຫາ ວັນທີ 3 ກໍລະກົດ. |
 | ກໍາປັ່ນຕໍາຫຼວດທະເລ 8004 ສິ້ນສຸດການຢ້ຽມຢາມ ແລະພົບປະແລກປ່ຽນຢູ່ ສ.ເກົາຫຼີ ຕອນເຊົ້າວັນທີ 8 ພະຈິກ, ກໍາປັ່ນຕໍາຫຼວດທະເລ 8004 ພ້ອມດ້ວຍຄະນະປະຕິບັດງານຕໍາຫຼວດທະເລຫວຽດນາມ ໄດ້ອອກຈາກທ່າກໍາປັ່ນ Yeosu, ສິ້ນສຸດການຢ້ຽມຢາມ ແລະພົບປະແລກປ່ຽນກັບວິທະຍາຄານກໍາລັງປ້ອງກັນຝັ່ງທະເລ ສ.ເກົາຫຼີ ດ້ວຍຜົນສຳເລັດອັນຈົບງາມ. ທ່ານພົນຈັດຕະວາ Han Sang-Chul, ຫົວໜ້າວິທະຍາຄານກໍາລັງປ້ອງກັນຝັ່ງທະເລ ສ.ເກົາຫຼີ ເຂົ້າຮ່ວມພິທີສົ່ງກໍາປັ່ນ. |
ແທັງຮັ່ງ
