ການຮ່ວມມືພາກພື້ນເພື່ອໂຕ້ຕອບການປ່ຽນແປງຂອງສະພາບດິນຟ້າອາກາດຢູ່ ສປປ ລາວ, ສສ ຫວຽດນາມ, ຣາຊະອານາຈັກກຳປູເຈຍ ແລະ ສ ເກົາຫຼີ

	ໂຄສະນາ, ສົ່ງເສີມ, ດຶງ​ດູດ​ນັກ​ທ່ອງ​ທ່ຽວ ສ.​ເກົາຫຼີ ມາຍັງ ​ຫວຽດນາມ
	ຫວຽດນາມ ສົ່ງເສີມວິ​ສາ​ຫະກິດ ສ.​ເກົາຫຼີ ​ເປີດ​ກວ້າງ​ການ​ຮ່ວມ​ມື​ລົງທຶນ

ກອງປະຊຸມຄັ້ງນີ້ມີຈຸດປະສົງເພື່ອສ້າງເວທີສົນທະນາແລກປ່ຽນບົດຮຽນກ່ຽວກັບແຜນຍຸດທະສາດ ແຫ່ງຊາດ, ລົງເລິກສົນທະນາເພື່ອສ້າງຄວາມເຂົ້າໃຈ ກ່ຽວກັບຜົນກະທົບທາງດ້ານເສດຖະກິດ-ສັງຄົມ ແລະ ພ້ອມກັນຄົ້ນຄວ້າແນວທາງແກ້ໄຂ ໃນແຕ່ລະຂະແໜງການ ແລະ ການຮ່ວມມືສາກົນ ເພື່ອຮັບມືກັບ ການປ່ຽນແປງດິນຟ້າອາກາດແລະ ເພື່ອເປັນການຊຸກຍູ້ຄວາມຮັບຜິດຊອບໃນຄວາມພະຍາຍາມຮ່ວມມື ກັນຈາກທຸກປະເທດທີ່ເຂົ້າຮ່ວມ; ພ້ອມນັ້ນ, ຍັງໄດ້ເກັບກຳບັນດາຄຳຄິດຄຳເຫັນຈາກນັກຊ່ຽວຊານ ແລະ ປະສົບການຂອງ ສ ເກົາຫຼີ, ກຳປູເຈຍ, ຫວຽດນາມ ແລະ ລາວ ມາເປັນແນວທາງໃນການສ້າງແຜນຍຸດທະສາດທີ່ມີປະສິດທິພາບ ເພື່ອຫຼຸດຜ່ອນ ແລະ ສາມາດປັບຕົວເຂົ້າກັບສະພາບແວດລ້ອມຈາກຜົນກະທົບ ການປ່ຽນແປງຂອງດິນຟ້າອາກາດ ທີ່ສາມາດຮັບປະກັນຄວາມຍືນຍົງ ແລະ ຍືດດຍຸ່ນ ຂອງສັງຄົມໃນອະນາ ຄົດ.

ການຮ່ວມມືພາກພື້ນເພື່ອໂຕ້ຕອບການປ່ຽນແປງຂອງສະພາບດິນຟ້າອາກາດຢູ່ ສປປ ລາວ, ສສ ຫວຽດນາມ, ຣາຊະອານາຈັກກຳປູເຈຍ ແລະ ສ ເກົາຫຼີ

ທ່ານ ກອງແກ້ວ ໄຊສົງຄາມ ປະທານກອງປະຊຸມ ໄດ້ສະເໜີວ່າ: ກອງປະຊຸມຄັ້ງນີ້ເປັນກອງປະ ຊຸມທີ່ 4 ສະຖາບັນພ້ອມກັນຈັດຕັ້ງຂຶ້ນເພື່ອເປັນເວທີສົນທະນາແລກປ່ຽນບົດຮຽນ ແລະ ຄຳຄິດຄຳເຫັນທາງ ດ້ານວິທະຍາສາດຮ່ວມກັນ; ໃນກອງປະຊຸມສຳມະນາວິທະຍາສາດສາກົນປະຈຳປີ 2023 ຜ່ານມາ ທີ່ໄດ້ ຈັດຂຶ້ນ ທີ່ນະຄອນໂຮ່ຈິມິນ ຂອງ ສສ ຫວຽດນາມ ຊຶ່ງທັງ 4 ສະຖາບັນ ກໍໄດ້ມີການສົນທະນາ ປຶກສາຫາລື ແລະ ຕົກລົງເປັນເອກະພາບກັນສືບຕໍ່ຈັດກອງປະຊຸມ 4 ສະຖາບັນປະຈຳປີ 2024 ໂດຍມອບໃຫ້ສະຖາບັນວິທະຍາສາດເສດຖະກິດ-ສັງຄົມແຫ່ງຊາດລາວ ເປັນເຈົ້າພາບ ພາຍໃຕ້ຫົວຂໍ້ຫຼັກ “ການຮ່ວມມືພາກ ພື້ນເພື່ອໂຕ້ຕອບການປ່ຽນແປງ ຂອງສະພາບດິນຟ້າອາກາດ” ແລະ ເຫັນວ່າຫົວຂໍ້ດັ່ງກ່າວ ເປັນຫົວຂໍ້ທີ່ມີຄວາມສຳຄັນຫຼາຍ, ເປັນບັນຫາທີ່ໂລກຂອງພວກເຮົາພວມປະເຊີນໜ້າໃນປັດຈຸບັນ.

ການປ່ຽນແປງ ຂອງສະພາບດິນຟ້າອາກາດ ເປັນບັນຫາທີ່ເຄັ່ງຮ້ອນ, ຮີບດ່ວນ ແລະ ຕ້ອງການ ມີສ່ວນຮ່ວມຂອງທຸປະເທດ ແລະ ທຸກພາກສ່ວນຂອງສັງຄົມເພື່ອຊ່ວຍກັນຫຼຸດຜ່ອນການປ່ຽນແປງສະພາບ ໂລກຮ້ອນ ແລະ ຮັບມືກັບໄພທຳມະຊາດທີ່ອາດຈະເກີດຂຶ້ນຈາກການປ່ຽນແປງ ຂອງສະພາບດິນຟ້າອາ ກາດ ຊຶ່ງ2-3 ອາທິດຜ່ານມາ, ຢູ່ຫຼາຍພື້ນທີ່ ຂອງ ສປປ ລາວ ແລະ ສສ ຫວຽດນາມ ກໍໄດ້ຮັບຜົນກະ ທົບຢ່າງໜັກໜ່ວງຈາກພາຍຸຢາກິ ຊຶ່ງເຮັດໃຫ້ຝົນຕົກໜັກຕໍ່ເນື່ອງ ພາໃຫ້ເກີດໄພນໍ້າຖ້ວມ, ດິນເຊາະເຈື່ອນ, ນໍ້າປ່າໄຫຼຊຸແຮງ ອັນໄດ້ສົ່ງຜົນໃຫ້ເກີດຄວາມເສຍຫາຍ ຕໍ່ຊີວິດ ແລະ ຊັບສິນ, ພື້ນຖານໂຄງລ່າງເສດຖະ ກິດ ແລະ ກະທົບຕໍ່ຊີວິດການເປັນຢູ່ຂອງປະຊາຊົນຢ່າງມະຫາສານ; ການປ່ຽນແປງ ຂອງສະພາບດິນຟ້າອາກາດ, ໂດຍສະເພາະແມ່ນການເພີ່ມຂຶ້ນ ຂອງອຸນຫະພູມ(ໂລກຮ້ອນ), ການປ່ຽນແປງປະລິມານນໍ້າຝົນ, ການປ່ຽນແປງລະດູການ, ການເພີ່ມຂຶ້ນຂອງຄວາມຜັນຜວນ ຂອງອາກາດໄດ້ສົ່ງຜົນກະທົບຕໍ່ເສດຖະກິດ, ພື້ນຖານໂຄງລ່າງ, ສຸຂະພາບ ແລະ ການດຳລົງຊີວິດ ຂອງປະຊາຊົນເປັນວົງກວ້າງໃນຂອບເຂດທົ່ວໂລກ.

ກອງປະຊຸມໄດ້ແບ່ງອອກເປັນສາມວາລະຄື: 1 ທ່າອ່ຽງສະພາບການປ່ຽນແປງ ຂອງດິນຟ້າອາກາດ ແລະ ຜົນກະທົບຕໍ່ການພັດທະນາເສດຖະກິດ-ສັງຄົມ; 2 ການຮັບມືຕໍ່ການປ່ຽນແປງດິນຟ້າອາກາດ-ຍຸດ ທະສາດແຫ່ງຊາດ, ແຜນການ, ນະໂຍບາຍ ແລະ ການຈັດຕັ້ງປະຕິບັດ; 3 ກໍລະນີສຶກສາກ່ຽວກັບວິທີການ ແກ້ໄຂຢູ່ຂະແໜງການຕໍ່ກັບການປ່ຽນແປງ ຂອງສະພາບດິນຟ້າອາກາດ ແລະ ການຮ່ວມມືສາກົນ; ລວມມີ 12 ບົດ ທີ່ຂຶ້ນນຳສະເໜີ, ກອງປະຊຸມດັ່ງກ່າວໄດ້ດຳເນີນເປັນເວລາ 1 ວັນເຕັມ.

ສະເໜີໃຫ້ພັດທະນາ “ໝູ່ບ້ານ ຫວຽດນາມ” ຢູ່ Bonghwa (ແຂວງ Kyungsang ເໜືອ, ສ.ເກົາຫຼີ) ກາຍເປັນໂຄງການຮ່ວມມືແລກປ່ຽນວັດທະນະທຳລະດັບຊາດ ຍສໝ - ນີ້​ແມ່ນ​ຂໍ້​ສະ​ເໜີ​ຂອງ​ອຳນາດການປົກຄອງ​ແຂວງ Kyungsang ​ເໜືອ ​ແລະ ​ເມືອງ Bonghwa ທີ່​ການ​ພົບ​ປະເຮັດວຽກ​ກັບ ​ທ່ານລັດຖະມົນຕີ​ກະຊວງ​ວັດທະນະທຳ, ກິລາ ​ແລະ ການທ່ອງ​ທ່ຽວ ສ.​ເກົາຫຼີ Yoo In-chon ​ໃນ​ວັນ​ທີ 13 ມີຖຸນາ.

ນັກທ່ອງທ່ຽວ ສ.ເກົາຫຼີ ເປັນອັນດັບໜຶ່ງໃນບັນດາປະເທດທີ່ຖືກດຶງດູດຍ້ອນອາຫານ ຫວຽດນາມ ຍສໝ - ຂໍ້ມູນຈາກການສຳຫຼວດຂອງ Agoda ທີ່ຫາກໍ່ປະກາດ, ນັກທ່ອງທ່ຽວຈາກ​ ສ.​ເກົາຫຼີ​ ເປັນ​ອັນ​ດັບທີ​ໜຶ່ງ​ໃນບັນດາ​ປະ​ເທດ​ທີ່ຖືກ​ດຶງ​ດູດຍ້ອນ​ອາ​ຫານ ​ຫວຽດ​ນາມ, ຖັດຈາກນັ້ນແມ່ນ ຍີ່ປຸ່ນ ແລະ ໄທ.