 | ເຍື່ອງອາຫານ ແລະ ວັນນະຄະດີ ຫວຽດນາມ ໄດ້ດຶງດູດນັກທ່ອງທ່ຽວ ຝຣັ່ງ |
| ສະເໜີໃຫ້ພັດທະນາ “ໝູ່ບ້ານ ຫວຽດນາມ” ຢູ່ Bonghwa (ແຂວງ Kyungsang ເໜືອ, ສ.ເກົາຫຼີ) ກາຍເປັນໂຄງການຮ່ວມມືແລກປ່ຽນວັດທະນະທຳລະດັບຊາດ |
ໃນຂອບເຂດງານບຸນຈະດຳເນີນ: ເວທີປາໄສສົ່ງເສີມການທ່ອງທ່ຽວ ແລະ ການຮ່ວມມືວັດທະນະທຳ ຫວຽດນາມ - ສ.ເກົາຫຼີ, ການພົບປະວິສາຫະກິດ ໂດຍມີການເຂົ້າຮ່ວມຂອງການນຳຂັ້ນສູງຂອງ ຫວຽດນາມ; ພື້ນທີ່ໂຄສະນາຮູບພາບຂອງປະເທດ, ປະຊາຊົນ, ວັດທະນະທໍາການທ່ອງທ່ຽວ; ງານລ້ຽງແລກປ່ຽນການຄ້າ; ງານສະແດງສິລະປະ...
ນີ້ແມ່ນໂອກາດເພື່ອໃຫ້ກົມທ່ອງທ່ຽວແຫ່ງຊາດ, ບັນດາທ້ອງຖິ່ນ, ວິສາຫະກິດທ່ອງທ່ຽວແນະນຳນະໂຍບາຍ, ແຫຼ່ງທ່ອງທ່ຽວ, ຜະລິດຕະພັນທີ່ໜ້າສົນໃຈ, ເປັນໂອກາດໃຫ້ບັນດາວິສາຫະກິດສ້າງຕັ້ງການພົວພັນຮ່ວມມືດຳເນີນທຸລະກິດ, ດຶງດູດນັກທ່ອງທ່ຽວ ສ.ເກົາຫຼີ ເຂົ້າມາຍັງ ຫວຽດນາມ.
 |
| ການພົບປະກັບບັນດາຄູ່ຮ່ວມມືການທ່ອງທ່ຽວ ຫວຽດນາມ - ສ.ເກົາຫຼີ ໄດ້ຈັດຂຶ້ນເປັນປະຈຳ. ພາບ: VGP/DA |
ຕາມກົມທ່ອງທ່ຽວແຫ່ງຊາດ ຫວຽດນາມ ແລ້ວ, ແຕ່ປີ 2015 – 2019, ຈຳນວນນັກທ່ອງທ່ຽວ ສ.ເກົາຫຼີ ມາ ຫວຽດນາມ ໄດ້ເພີ່ມຂຶ້ນຢ່າງຫຼວງຫຼາຍ, ຈາກ 1,1 ລ້ານເທື່ອຄົນເປັນ 4,3 ລ້ານເທື່ອຄົນ (ເພີ່ມຂຶ້ນເກືອບ 4 ເທົ່າ). ລະດັບຄວາມໄວການເຕີບໂຕສະເລ່ຍໃນໄລຍະ 2015 – 2019 ບັນລຸ 40,1%/ປີ, ສູງສຸດໃນບັນດາທ້ອງຕະຫຼາດແຫຼ່ງສົ່ງນັກທ່ອງທ່ຽວມາຍັງ ຫວຽດນາມ. ສິ່ງດັ່ງກ່າວ ສະແດງໃຫ້ເຫັນວ່າ ສ.ເກົາຫຼີ ຍາມໃດກໍ່ແມ່ນທ້ອງຕະຫຼາດທີ່ສຳຄັນຂອງການທ່ອງທ່ຽວ ຫວຽດນາມ ແລະ ຍັງມີຫຼາຍຄວາມສາມາດບົ່ມຊ້ອນ, ຫຼາຍບ່ອນເພື່ອຂຸດຄົ້ນ.
ເດືອນທັນວາ 2022, ກົມທ່ອງທ່ຽວແຫ່ງຊາດ ຫວຽດນາມ (ໃນນັ້ນແມ່ນກົມໃຫຍ່ການທ່ອງທ່ຽວ - VNAT) ແລະ ອົງການທ່ອງທ່ຽວແຫ່ງຊາດ ສ.ເກົາຫຼີ (KTO) ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມືສົ່ງເສີມການທ່ອງທ່ຽວ ຫວຽດນາມ - ສ.ເກົາຫຼີ ໄລຍະ 2023 – 2024, ສ້າງພື້ນຖານໃຫ້ສອງຝ່າຍຊຸກຍູ້ການຮ່ວມມືດ້ານການທ່ອງທ່ຽວ, ແລກປ່ຽນແຂກທ່ອງທ່ຽວ.
ໃນປີ 2023, ຫວຽດນາມ ຕ້ອນຮັບນັກທ່ອງທ່ຽວສາກົນ 12,6 ລ້ານເທື່ອຄົນ, ໃນນັ້ນມີນັກທ່ອງທ່ຽວ ສ.ເກົາຫຼີ 3,6 ລ້ານເທື່ອຄົນ, ຢືນອັນດັບທີ 1 ໃນບັນດາທ້ອງຕະຫຼາດນັກທ່ອງທ່ຽວຕ່າງປະເທດມາຍັງ ຫວຽດນາມ. ໝາກຜົນອັນຕັ້ງໜ້ານີ້ ແມ່ນຫຼັກຖານພະຍານໃຫ້ເຫັນປະສິດທິຜົນຂອງວຽກງານສົ່ງເສີມໂຄສະນາການທ່ອງທ່ຽວ, ການຮ່ວມມືສອງຝ່າຍລະຫວ່າງ ຫວຽດນາມ - ສ.ເກົາຫຼີ.
ຕາມຕົວເລກສະຖິຕິໃນປີ 2023, ມີຊາວຫວຽດນາມ ມາຢ້ຽມຢາມ ສ.ເກົາຫຼີ ປະມານ 420.000 ເທື່ອຄົນ, ເຮັດໃຫ້ ຫວຽດນາມ ກາຍເປັນປະເທດທີ່ມີຈຳນວນນັກທ່ອງທ່ຽວຢູ່ອາຊີຕາເວັນອອກສ່ຽງໃຕ້ ມາຢ້ຽມຢາມ ສ.ເກົາຫຼີ ຫຼາຍທີ່ສຸດ. ໃນປີ 2023, ຍອດມູນຄ່າການແລກປ່ຽນນັກທ່ອງທ່ຽວສອງສົ້ນລະຫວ່າງ ຫວຽດນາມ ແລະ ສ.ເກົາຫຼີ ບັນລຸໄດ້ 4 ລ້ານເທື່ອຄົນ, ຟື້ນຟູ 83% ເມື່ອທຽບໃສ່ກ່ອນໂລກລະບາດໂຄວິດ-19. ບັນດາຈຸດໝາຍທີ່ນັກທ່ອງທ່ຽວ ສ.ເກົາຫຼີ ໄດ້ຮັບຄວາມນິຍົມຊົມຊອບແມ່ນກຸ່ມ ເຫ້ວ-ດານັງ-ໂຮ້ຍອານ, ຍ່າຈ່າງ, ກຸຍເຍີນ, ດາຫຼາດ, ຝູກວັກ...; ບັນດາຖ້ຽວບິນເຊົ່າເໝົາລຳ (charter) ຍັງສຸມໃສ່ຂຸດຄົ້ນໄປຍັງຈຸດຫມາຍປາຍທາງເຫຼົ່ານີ້.
ກ່ອນໜ້ານັ້ນ, ປີ 2023, ງານບຸນສົ່ງເສີມການທ່ອງທ່ຽວ-ວັດທະນະທຳ ຫວຽດນາມ ຢູ່ ສ.ເກົາຫຼີ ໄດ້ດຳເນີນຢູ່ນະຄອນ Suwon ແລະ Seoul. ພິເສດ ແມ່ນລາຍການແນະນຳການທ່ອງທ່ຽວ ຫວຽດນາມ ແລະ ເຊື່ອມຕໍ່ບັນດາວິສາຫະກິດທ່ອງທ່ຽວຂອງສອງປະເທດຢູ່ Seoul ໄດ້ດຶງດູດຜູ້ເຂົ້າຮ່ວມນັບພັນຄົນ,ຮັບຊົມຄ່ຳຄືນສະແດງສິລະປະ “ສີສັນຫວຽດນາມ”.
ລາຍການ ໄດ້ສ້າງຄວາມປະທັບໃຈໃຫ້ຜູ້ຊົມໂດຍຜ່ານບັນດາຮູບພາບທັດສະນີຍະພາບທີ່ສວຍງາມ, ພູມສັນຖານກະວີ ແລະ ບັນດາມໍລະດົກວັດທະນະທຳທີ່ເປັນເອກະລັກສະເພາະ, ຍົກໃຫ້ເຫັນເອກະລັກສະເພາະຂອງ 3 ພາກພື້ນ ຫວຽດນາມ. ພ້ອມກັນນັ້ນ, ຍັງໄດ້ສະແດງໃຫ້ເຫັນຮູບພາບ ຫວຽດນາມ ທີ່ຮຸ່ງເຮືອງເຫຼືອງເຫຼື້ອມ, ປະສານເຂົ້າກັບບັນດາຄຸນຄ່າດັ້ງເດີມ ແລະ ທັນສະໄໝ, ຮັບເອົາສິ່ງຍອດຢ້ຽມຂອງວັດທະນະທຳມະນຸດ, ເຊື່ອມໂຍງ, ຍາມໃດກໍ່ໃຫ້ການຕ້ອນຮັບເພື່ອນມິດສາກົນ...
ຫວ່າງມໍ່ໆມານີ້, ໃນທ້າຍເດືອນພຶດສະພາ 2024, ງານບຸນທ່ອງທ່ຽວ ສ.ເກົາຫຼີ - Korea Travel Festa 2024 ນອນໃນຂອບເຂດໂຄສະນາ “ປີທ່ອງທ່ຽວ ສ.ເກົາຫຼີ 2023-2024” ໄດ້ຈັດຂຶ້ນເປັນຂອບຂະໜາດໃຫຍ່ ແລະ ມີການເຄື່ອນໄຫວທີ່ມີສີສັນ, ມີຄວາມຫຼາກຫຼາຍ. ດ້ວຍຮ້ານວາງສະແດງ 40 ກວ່າຮ້ານຂອງຫຼາຍຫົວໜ່ວຍທີ່ມາຈາກ ຫວຽດນາມ ແລະ ສ.ເກົາຫຼີ, ງານບຸນໄດ້ນຳເອົາການລົງຕົວຈິງທີ່ເປັນໜ້າສົນໃຈມາໃຫ້ແຂກທ່ອງທ່ຽວ.
 | ຊຸກຍູ້ການຮ່ວມມືດ້ານກົດໝາຍລະຫວ່າງ ຫວຽດນາມ - ສ.ເກົາຫຼີ, ປະກອບສ່ວນເພີ່ມທະວີການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດ ຍສໝ - ຕອນບ່າຍວັນທີ 13 ມີຖຸນາ, ຢູ່ສຳນັກງານກະຊວງຍຸຕິທຳ, ທ່ານຮອງນາຍົກລັດຖະມົນຕີ, ລັດຖະມົນຕີກະຊວງຍຸຕິທຳ ຫວຽດນາມ ເລແທງລອງ ໄດ້ໃຫ້ການຕ້ອນຮັບ ແລະ ໂອ້ລົມເຈລະຈາກັບ ທ່ານລັດຖະມົນຕີ LEE Wan-kyu ພ້ອມດ້ວຍຄະນະຜູ້ແທນກະຊວງນິຕິບັນຍັດລັດຖະບານ ສ.ເກົາຫຼີ. |
 | ຫວຽດນາມ -ສ.ເກົາຫຼີ ເຫັນດີຍູ້ແຮງການພົວພັນຄູ່ຮ່ວມມືຍຸດທະສາດຮອບດ້ານໃຫ້ແທດຈິງກວ່າ ຍສໝ - ໃນຂອບເຂດການຢ້ຽມຢາມ ສ.ເກົາຫຼີ ຢ່າງເປັນທາງການ, ຕອນເຊົ້າວັນທີ 31/5, ຢູ່ສຳນັກງານລັດຖະບານ, ທ່ານລັດຖະມົນຕີການຕ່າງປະເທດ ບຸຍແທັງເຊີນ ໄດ້ມີການພົບປະກັບທ່ານນາຍົກລັດຖະມົນຕີ ສ.ເກົາຫຼີ Han Duck-soo. |
ມິງດຶກ
