| ສະມາຄົມມິດຕະພາບຫວຽດນາມ-ລາວ ແຂວງຕວຽນກວາງ ຜັນຂະຫຍາຍໜ້າທີ່ວຽກງານຂອງສະມາຄົມໃນປີ 2025 | |
| ບຸນປີໃໝ່ປະຈຳຊາດ ຫວຽດນາມ ທີ່ຄຶກຄັກຢູ່ Ibaraki 2025 |
ນີ້ແມ່ນຂໍ້ສັງເກດຂອງບັນດານັກຊ່ຽວຊານທີ່ການໂອ້ລົມສົນທະນາ “ເສດຖະກິດມະຫາພາກຫວຽດນາມ: ໝາກຜົນປີ 2024 ແລະແງ່ຫວັງປີ 2025”, ໂດຍສະຖາບັນຄົ້ນຄວ້າເສດຖະກິດ ແລະນະໂຍບາຍ, ຂຶ້ນກັບມະຫາວິທະຍາໄລເສດຖະກິດ, ມະຫາວິທະຍາໄລແຫ່ງຊາດຮ່າໂນ້ຍ ສົມທົບກັບບັນດາຫົວໜ່ວຍຈັດຂຶ້ນໃນຕອນເຊົ້າວັນທີ 3 ມັງກອນ, ຢູ່ ຮ່າໂນ້ຍ.
ຕາມການຕີລາຄາຂອງສະຖາບັນຄົ້ນຄວ້າເສດຖະກິດ ແລະນະໂຍບາຍ ແລ້ວ, ປີ 2024, ການເຕີບໂຕ GDP ຂອງຫວຽດນາມ ບັນລຸບັນດາໝາກຜົນຕັ້ງໜ້າ. ສະນັ້ນ, ບັນດາອົງການຈັດຕັ້ງສາກົນລ້ວນແຕ່ຄາດຄະເນລະດັບເຕີບໂຕ GDP ຂອງຫວຽດນາມ ໃນປີ 2025 ແມ່ນປະມານ 6,5%. ທ່ານປະລິນຍາເອກ ຫງວຽນກວັກຫວຽດ, ຮອງຫົວໜ້າສະຖາບັນຄົ້ນຄວ້າເສດຖະກິດ ແລະ ນະໂຍບາຍ, ໄຈ້ແຍກວ່າ: “ບັນດາກຳລັງໜູນເຕີບໂຕ, ຄື: ການລົງທຶນພາກລັດ-ເອກະຊົນ ແລະການເຄື່ອນໄຫວສົ່ງອອກ, ນຳເຂົ້າສາມາດຮັກສາທ່າເຕີບໂຕໃນປີ 2025, ຄວາມສະດວກຈາກພາຍນອກກໍ່ຈະໜູນຊ່ວຍແກ່ການເຕີບໂຕ. ຊ້ຳບໍ່ໜຳ, ຫວຽດນາມ ສາມາດນຳໃຊ້ນະໂຍບາຍການຄ້າໃໝ່ຂອງທ່ານປະທານາທິບໍດີ ອາເມລິກາ Donald Trump ເພື່ອຍົກສູງທີ່ຕັ້ງແກ່ງແຍ້ງທົ່ວໂລກ”.
 |
| ພາບປະກອບ: thuonghieucongluan.com.vn |
ຕາມບັນດານັກຊ່ຽວຊານແລ້ວ, ໃນໄລຍະຊັ້ນໆ, ມາດຕະການເພື່ອຊຸກຍູ້ລະດັບເຕີບໂຕແມ່ນຕ້ອງສືບຕໍ່ເອົາໃຈໃສ່ມາດຕະການກະຕຸ້ນການລົງທຶນ; ໃນໄລຍະກາງ, ຕ້ອງສືບຕໍ່ຍົກສູງພື້ນຖານໂຄງລ່າງ, ຍົກສູງລະດັບຄວາມຮູ້ ແລະທັກສະໃຫ້ແກ່ກຳລັງຜູ້ອອກແຮງງານ ແລະພັດທະນາເຕັກໂນໂລຊີ… ນັກຊ່ຽວຊານດ້ານເສດຖະກິດ, ປະລິຍາເອກ ເກີນວັນລຶກ, ຖືວ່າ: “ພວກເຮົາຕ້ອງເອົາໃຈໃສ່ເຖິງເສດຖະກິດມະຫາພາກ, ອັດຕາແລກປ່ຽນເງິນຕາ, ໄພເງິນເຟີ້. ພິເສດ, ຕະຫຼາດອະສັງຫາລິມະຊັບ ແລະຕະຫຼາດພັນທະບັດວິສາຫະກິດຟື້ນຟູຢ່າງຕັ້ງໜ້າ, ພ້ອມກັນນັ້ນແມ່ນປັດໃຈກ່ຽວຂ້ອງເຖິງການບຸກທະລຸກ່ຽວກັບລະບອບ ແລະຫັນກົງຈັກໃຫ້ກະທັດຮັດ. ພວກຂ້າພະເຈົ້າ ຫວັງວ່າ, ດ້ວຍທ່າດັ່ງກ່າວ, ຄວາມໄວ້ເນື້ອເຊື່ອໃຈຂອງປະຊາຊົນ ແລະວິສາຫະກິດຈະດີຂຶ້ນ. ຄວາມສາມາດບັນລຸລະດັບເຕີບໂຕ GDP ຂອງຫວຽດນາມ ແຕ່ 7,5% - 8% ໃນປີ 2025 ແລະ 2026”.
 | ຝູເຖາະເພີ່ມທະວີວຽກງານການທູດປະຊາຊົນ, ເປີດກວ້າງການພົວພັນສາກົນໃນປີ 2025 ຍສໝ - ວັນທີ 13 ທັນວາ, ສະຫະພັນບັນດາອົງການມິດຕະພາບແຂວງ ຝູເຖາະ ໄດ້ຈັດຕັ້ງກອງປະຊຸມສະຫຼຸບວຽກງານການທູດປະຊາຊົນ ປີ 2024 ແລະ ຜັນຂະຫຍາຍທິດທາງ, ໜ້າທີ່ ປີ 2025. |
 | ນັກສຶກສາຕ່າງປະເທດຢູ່ນະຄອນ ດານັງ ຕ້ອນຮັບປີໃໝ່ 2025 ຍສໝ - ຕອນຄ່ຳວັນທີ 31 ທັນວາ, ມະຫາວິທະຍາໄລສຶກສາ - ມະຫາວິທະຍາໄລ ດານັງ ໄດ້ຈັດຕັ້ງລາຍການພົບປະແລກປ່ຽນສີລະປະຕ້ອນຮັບປີໃໝ່ 2025. |
