ເຂົ້າຮ່ວມກອງປະຊຸມມີທ່ານ ໂດ໋ວັນຈ໋ຽນ, ກຳມະການກົມການເມືອງ, ເລຂາທິການສູນກາງພັກ, ປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ; ຜູ້ຕາງໜ້າບາງກະຊວງ, ຄະນະ, ຂະແໜງການສູນກາງ; ຜູ້ນໍາ VUFO, ອະດີດຜູ້ນໍາ VUFO ແລະ ບັນດາກຳມະການຄະນະປະທານ.
 |
| ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໋ວັນຈ໋ຽນ ກ່າວຄຳປາໄສຊີ້ນຳກອງປະຊຸມ. |
ທ່ານ ຫງວຽນຫງອກຮຸ່ງ, ຮອງປະທານ VUFO ໄດ້ລາຍງານທີ່ກອງປະຊຸມວ່າ: ປີ 2024 ມີສິ່ງທ້າທາຍຫຼາຍຢ່າງ, ແຕ່ລະບົບ VUFO ທັງໝົດໄດ້ມານະພະຍາຍາມສຳເລັດບັນດາແຜນການທີ່ໄດ້ວາງອອກ. ດ້ານປະລິມານ ແລະ ຄຸນນະພາບຂອງບັນດາການເຄື່ອນໄຫວໄດ້ຮັບການຍົກສູງ, ຢັ້ງຢືນບົດບາດ, ທີ່ຕັ້ງ ແລະ ຜັນສະທ້ອນຂອງການທູດຂອງປະຊາຊົນ ເວົ້າລວມ ແລະ ລະບົບ VUFO ເວົ້າສະເພາະ. ບັນດາກິດຈະກໍາໄດ້ຖືກຜັນຂະຫຍາຍຢ່າງຄົບຊຸດ, ນັບມື້ນັບເຂົ້າສູ່ລວງເລິກ, ມີອິດທິພົນ ແລະ ມີປັດໄຈໃໝ່ຫຼາຍຢ່າງ. ການປະສານງານໃນທົ່ວລະບົບໄດ້ຮັບການປັບປຸງ; ບັນດາອົງການສະມາຊິກຈາກສູນກາງລົງຮອດທ້ອງຖິ່ນສຸມໃສ່ການປ່ຽນແປງໃໝ່, ຍົກສູງຄຸນນະພາບ ແລະ ປະສິດທິຜົນການດຳເນີນງານ. ບັນດາຜູ້ແທນໄດ້ປຶກສາຫາລື ແລະ ສະເໜີບາງວິທີແກ້ໄຂ ເພື່ອຍົກສູງປະສິດທິຜົນການທູດປະຊາຊົນໃນໄລຍະຈະມາເຖິງ, ສຸມໃສ່ວຽກງານບຳລຸງສ້າງ, ຍົກສູງທັກສະ, ວຽງານການປະສານງານ, ປ່ຽນແປງໃໝ່ແນວຄິດຈິນຕະນາການ, ວິທີເຂົ້າເຖິງ...
100% ກຳມະການຄະນະປະທານໄດ້ຮັບຮອງເອົາບົດລາຍງານສະຫຼຸບວຽກງານໃນປີ 2024, ທິດທາງ ແລະ ວຽກງານຈຸດສຸມໃນປີ 2025; ລາຍງານກ່ຽວກັບການຍົກເລີກ ແລະ ການແຕ່ງຕັ້ງສະມາຊິກຄະນະປະທານ VUFO; ບົດລາຍງານສະຫຼຸບວຽກງານການແຂ່ງຂັນ ແລະ ຍ້ອງຍໍໃນປີ 2024.
 |
| ທ່ານນາງ ຫງວຽນທິແທງ, ກໍາມະການສູນກາງພັກ, ຮອງປະທານສະພາແຫ່ງຊາດ, ປະທານສະມາຄົມມິດຕະພາບ ຫວຽດນາມ - ກຳປູເຈຍ ກ່າວຄໍາປາໄສທີ່ກອງປະຊຸມ. |
ກ່າວຄຳປາໄສຊີ້ນຳທີ່ກອງປະຊຸມ, ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໋ວັນຈ໋ຽນ ໃຫ້ຮູ້ວ່າ: ປີ 2024, ປະເທດຊາດຜ່ານຜ່າຄວາມຫຍຸ້ງຍາກຫຼາຍຢ່າງ ເພື່ອບັນລຸໄດ້ໄຊຊະນະ, ຮອບດ້ານບັນດາເປົ້າໝາຍເສດຖະກິດ - ສັງຄົມຢ່າງຈົບງາມ. ບັນລຸໄດ້ບັນດາໝາກຜົນດັ່ງກ່າວແມ່ນຄວາມມານະພະຍາຍາມຂອງທົ່ວພັກ, ທົ່ວປວງຊົນ ແລະ ກອງທັບ, ໃນນັ້ນ ມີບົດບາດສຳຄັນຂອງວຽກງານການຕ່າງປະເທດທັງ 3 ເສົາຄ້ຳຄື: ການພົວພັນຕ່າງປະເທດຂອງພັກ, ການທູດແຫ່ງລັດ ແລະ ການທູດປະຊາຊົນ. ທ່ານຍັງໄດ້ຮັບຮູ້ການປະກອບສ່ວນຂອງ VUFO ເຂົ້າໃນການເຄື່ອນໄຫວຂອງແນວໂຮມປະເທດຊາດ ຫວຽດນາມ ໃນປີ 2024.
ໃນປີ 2025, ທ່ານ ໂດ໋ວັນຈ໋ຽນ ໄດ້ສະເໜີໃຫ້ VUFO ເສີມຂະຫຍາຍບົດບາດຂອງຕົນໃນການປະກອບຄຳເຫັນຢ່າງຄົບຖ້ວນກ່ຽວກັບຮ່າງເອກະສານຂອງກອງປະຊຸມໃຫຍ່ຂອງພັກທຸກຂັ້ນ, ສຸມໃສ່ວຽກງານການຕ່າງປະເທດ ແລະ ການທູດປະຊາຊົນ. ດ້ວຍຄຳຂວັນ “ເບິ່ງກວ້າງເຫັນໄກ, ຄິດເລິກເຮັດວຽກໃຫຍ່”, VUFO ຕ້ອງກຳນົດຢ່າງຈະແຈ້ງຄື: ຈະເຮັດຫຍັງ, ເຮັດແນວໃດ ແລະ ຜູ້ໃດຈະເຮັດ ເພື່ອພ້ອມກັບທົ່ວພັກ, ທົ່ວປວງຊົນ ແລະ ກອງທັບກ້າວເຂົ້າສູ່ສັງກາດບືນຕົວຂຶ້ນ ແລະ ສ້າງສາປະເທດຊາດໃຫ້ຈະເລີນຮຸ່ງເຮືອງ, ປະຊາຊົນມີຄວາມຜາສຸກ.
ໂດຍໄດ້ຮັບການຊີ້ນຳ ແລະ ບັນດາການປຶກສາຫາລືຂອງທ່ານ ໂດ໋ວັນຈ໋ຽນ, ປະທານ VUFO ທ່ານ ຟານແອ່ງເຊີນ ໃຫ້ຮູ້ວ່າ: VUFO ແລະ ບັນດາອົງການສະມາຊິກຈະເສີມຂະຫຍາຍຄວາມຮັບຜິດຊອບຂອງທົ່ວລະບົບ ແລະ ປະຕິບັດບັນດາໜ້າທີ່ທີ່ໄດ້ຮັບມອບໝາຍໃຫ້ເປັນຢ່າງດີ.
| ທີ່ກອງປະຊຸມ, ທ່ານ ໂດ໋ວັນຈ໋ຽນ ໄດ້ປະດັບຫຼຽນໄຊເອກະລາດຊັ້ນ 3 ຂອງປະທານປະເທດ ສາທາລະນະລັດ ສັງຄົມນິຍົມ ຫວຽດນາມ ໃຫ້ທ່ານນາງ ຫງວຽນເຟືອງງາ, ອະດີດປະທານ VUFO, ເພາະທ່ານມີຜົນງານອັນດີເດັ່ນພິເສດໃນຂະບວນວິວັດການປະຕິບັດງານ, ປະກອບສ່ວນເຂົ້າໃນພາລະກິດກໍ່ສ້າງສັງຄົມນິຍົມ ແລະ ປົກປ້ອງປະເທດຊາດ.  |
ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໋ວັນຈ໋ຽນ ໄດ້ມອບຫຼຽນໄຊເອກະລາດຊັ້ນ 3 ໃຫ້ທ່ານນາງ ຫງວຽນເຟືອງງາ, ອະດີດປະທານ VUFO. | ທ່ານກໍ່ໄດ້ມອບຫຼຽນໄຊແຮງງານຊັ້ນ 1 ໃຫ້ທ່ານ ຫງວຽນວັນແຢວງ, ອະດີດຮອງປະທານ VUFO, ສຳລັບບັນດາຜົນງານດີເດັ່ນໃນການເຮັດວຽກ, ປະກອບສ່ວນສ້າງສາສັງຄົມນິຍົມ ແລະ ປົກປັກຮັກສາປະເທດຊາດ. ເນື່ອງໃນໂອກາດນີ້, ຄະນະປະທານ VUFO ໄດ້ມອບທຸງແຂ່ງຂັນໃຫ້ 9 ຫົວໜ່ວຍນຳໜ້າໃນການທູດປະຊາຊົນ; 2 ຫົວໜ່ວຍນຳໜ້າໃນຂົງເຂດສັນຕິພາບ, ຄວາມສາມັກຄີ, ມິດຕະພາບ ແລະ 1 ຫົວໜ່ວຍໃນຂົງເຂດຄົ້ນຄວ້າ, ໃຫ້ຄຳປຶກສາ ແລະ ຂໍ້ມູນຂ່າວສານຕ່າງປະເທດໃນ ປີ 2024. 19 ໝູ່ຄະນະ ແລະ 56 ບຸກຄົນຈາກບັນດາອົງການສະມາຊິກຍັງໄດ້ຮັບໃບຍ້ອງຍໍຈາກຄະນະປະທານ VUFO ເພາະໄດ້ປະຕິບັດສຳເລັດໜ້າທີ່ວຽກງານຢ່າງຈົບງາມໃນປີ 2024. |
ບາງຮູບພາບໃນເຫດການ:
 | ກາລະໂອກາດເພື່ອໃຫ້ບັນດາປະເທດ ແມ່ນ້ຳຂອງ - ລ້ານຊ້າງ ເພີ່ມທະວີການຮ່ວມມື, ພ້ອມກັນພັດທະນາ ຍສໝ - ວັນທີ 29 ຕຸລາ, ເວທີການຮ່ວມມືອຳນາດການປົກຄອງທ້ອງຖິ່ນ ແມ່ນ້ຳຂອງ - ລ້ານຊ້າງ ໄດ້ຈັດຂຶ້ນຢູ່ເມືອງ ຫາງໂຈ່, ແຂວງ ເຈີ້ຈ່າງ ຂອງຈີນ. ເວທີບໍ່ພຽງແຕ່ແມ່ນໂອກາດ ເພື່ອໃຫ້ບັນດາຜູ້ແທນມາຈາກບັນດາປະເທດແນະນຳສະພາບການພາກພື້ນ, ແບ່ງປັນປະສົບການ, ສະເໜີຄວາມຄິດຄວາມເຫັນ... ຫາກຍັງແມ່ນໂອກາດສຳຄັນເພື່ອຊຸກຍູ້ການແລກປ່ຽນ, ຮັດແໜ້ນມິດຕະພາບ, ເພີ່ມທະວີຄວາມໄວ້ເນື້ອເຊື່ອໃຈ ແລະ ການຮ່ວມມືລະຫວ່າງ 6 ປະເທດ ... |
 | ຮ່າຕິ້ງ ແລະ ເຊີນລາ ຝຶກອົບຮົມວຽກງານການຕ່າງປະເທດໃຫ້ແກ່ພະນັກງານທ້ອງຖິ່ນ ຍສໝ - ຮ່າຕິ້ງ ແລະ ເຊີນລາ ໄດ້ຈັດບັນດາກອງປະຊຸມຝຶກອົບຮົມ ເພື່ອຍົກລະດັບວິຊາການ ແລະ ທັກສະໃຫ້ແກ່ບັນດາພະນັກງານທີ່ຮັບຜິດຊອບວຽກງານຂໍ້ມູນຂ່າວສານການຕ່າງປະເທດໃນທ້ອງຖິ່ນ. |
