 | ປັດໃຈສະດວກໃຫ້ແກ່ການເຕີບໂຕເສດຖະກິດຂອງຫວຽດນາມ 2025 |
| ນັກສຶກສາຕ່າງປະເທດຢູ່ນະຄອນ ດານັງ ຕ້ອນຮັບປີໃໝ່ 2025 |
ເຂົ້າຮ່ວມກອງປະຊຸມມີຜູ້ແທນ 300 ກວ່າ ທ່ານ ທີ່ເປັນການນຳ ແລະ ພະນັກງານທີ່ເຮັດວຽກງານການທູດປະຊາຊົນຂອງແນວໂຮມປະເທດຊາດ ຫວຽດນາມ, ບັນດາອົງຄະນະ ແລະ ອົງການຈັດຕັ້ງປະຊາຊົນສູນກາງ, ບັນດາກະຊວງ, ຄະນະ, ຂະແໜງການຢູ່ສູນກາງ.
 |
| ທ່ານເລຮວ່າຍຈູງ, ເລຂາທິການສູນກາງພັກ, ຫົວໜ້າຄະນະພົວພັນການຕ່າງປະເທດສູນກາງ ກ່າວຄຳປາໄສທີ່ກອງປະຊຸມ. (ພາບ: ດິງຮວ່າ) |
ຕາມບົດລາຍງານຂອງຄະນະການຕ່າງປະເທດສູນກາງທີ່ໄດ້ນຳສະເໜີໃນກອງປະຊຸມແລ້ວ, ວຽກງານການທູດປະຊາຊົນໃນປີ 2025 ຈະສຸມໃສ່ 5 ວຽກງານຈຸດສຸມຄື:
ທິໜຶ່ງ, ສືບຕໍ່ປະຕິບັດແນວທາງການຕ່າງປະເທດທີ່ເປັນເອກະລາດ, ເປັນເຈົ້າຕົນເອງ, ຫັນເປັນຫຼາຍຝ່າຍ ແລະ ຫັນເປັນຄວາມຫຼາກຫຼາຍຂອງການພົວພັນການຕ່າງປະເທດ, ເສີມຂະຫຍາຍສະຖານະການຕ່າງປະເທດຢ່າງສະດວກສູງສຸດ, ຕັ້ງໜ້າຜັນຂະຫຍາຍບັນດາຂອບເຂດການພົວພັນທີ່ໄດ້ສ້າງຕັ້ງ, ບັນດາຂໍ້ຕົກລົງ, ຄວາມຮັບຮູ້ລວມຂອງການນຳຂັ້ນສູງ, ເຮັດໃຫ້ການພົວພັນມິດຕະພາບ ແລະ ການຮ່ວມມືກັບປະຊາຊົນບັນດາປະເທດບ້ານໃກ້ເຮືອນຄຽງ, ບັນດາປະເທດໃຫຍ່, ບັນດາປະເທດອາຊີຕາເວັນອອກສ່ຽງໃຕ້, ບັນດາຄູ່ຮ່ວມມືທີ່ສຳຄັນ ແລະ ເພື່ອນມິດທີ່ເປັນມູນເຊື້ອເລິກເຊິ່ງຕື່ມອີກ, ຍົກລະດັບການຕ່າງປະເທດຫຼາຍຝ່າຍ.
ທີສອງ, ເປັນເຈົ້າການ, ຕັ້ງໜ້າເຂົ້າຮ່ວມ ແລະ ຍົກສູງການເຊື່ອມໂຍງເຂົ້າກັບສາກົນຢ່າງມີປະສິດທິຜົນ, ຍາດແຍ່ງບັນດາແຫຼ່ງກຳລັງ ແລະ ເງື່ອນໄຂສະດວກເພື່ອປະກອບສ່ວນພັດທະນາເສດຖະກິດ - ສັງຄົມ, ກະກຽມໃຫ້ແກ່ສັງກາດບືນຕົວຂຶ້ນຂອງປະເທດຊາດ, ຍົກສູງຖານະສາກົນຂອງຫວຽດນາມ.
ທີສາມ, ຕັ້ງໜ້າເຂົ້າຮ່ວມການຂົນຂວາຍ, ຕໍ່ສູ້ປົກປັກຮັກສາເອກະລາດ, ອະທິປະໄຕ, ຜົນປະໂຫຍດຂອງປະເທດຊາດ.
ທີສີ່, ຍົກສູງຄຸນນະພາບ ແລະ ປະສິດທິຜົນວຽກງານຂ່າວສານ ແລະ ໂຄສະນາເຜີຍແຜ່ການຕ່າງປະເທດ. ສືບຕໍ່ປະກອບສ່ວນເຂົ້າໃນວຽກງານຂອງຊາວ ຫວຽດນາມ ອາໄສຢູ່ຕ່າງປະເທດຢ່າງຕັ້ງໜ້າ.
ທີຫ້າ, ເພີ່ມທະວີວຽກງານການຊີ້ນຳ, ຄຸ້ມຄອງ ແລະ ຜັນຂະຫຍາຍການເຄື່ອນໄຫວການທູດປະຊາຊົນ.
 |
| ທ່ານ ເລຮວ່າຍຈູງ ໄດ້ມອບທຸງແຂ່ງຂັນໃຫ້ບັນດາໝູ່ຄະນະນຳໜ້າໃນວຽກງານການທູດປະຊາຊົນໃນປີ 2024. (ພາບ: ດິງຮວ່າ) |
ກ່າວຄຳປາໄສທີ່ກອງປະຊຸມ, ທ່ານ ເລຮວ່າຍຈູງ, ເລຂາທິການສູນກາງພັກ, ຫົວໜ້າຄະນະພົວພັນການຕ່າງປະເທດສູນກາງ ໃຫ້ຮູ້ວ່າ ໃນໄລຍະຈະມາເຖິງ ວຽກງານການຕ່າງປະເທດ, ໃນນັ້ນ ມີການທູດປະຊາຊົນ, ຕ້ອງສືບຕໍ່ເສີມຂະຫຍາຍບົດບາດປະຈັນບານໃນການຮັກສາສະພາບແວດລ້ອມສັນຕິພາບ, ຄວາມໝັ້ນຄົງເພື່ອພັດທະນາ, ຍົກສູງຖານະຂອງປະເທດໃນເວທີສາກົນ, ປະກອບສ່ວນປະຕິບັດນະໂຍບາຍການຕ່າງປະເທດເອກະລາດ, ເປັນເຈົ້າຕົນເອງ, ຫັນເປັນຫຼາຍຝ່າຍ, ຫັນເປັນຄວາມຫຼາກຫຼາຍໃນການພົວພັນການຕ່າງປະເທດ.
ທ່ານຮຽກຮ້ອງບັນດາກະຊວງ, ຄະນະ, ຂະແໜງການ ສືບຕໍ່ຮັບປະກັນການຊີ້ນຳ-ນຳພາທີ່ເປັນເອກະພາບ, ຮອບດ້ານຂອງພັກ, ການຄຸ້ມຄອງສຸມໃສ່, ມີປະສິດທິຜົນຂອງລັດສຳລັບການທູດປະຊາຊົນ, ຕິດພັນກັບການປະຕິບັດມະຕິ ເລກທີ 18 NQ/TW ລົງວັນທີ 25 ຕຸລາ 2017 ຂອງຄະນະບໍລິຫານງານສູນກາງ ກ່ຽວກັບການປ່ຽນແປງໃໝ່, ກະທັດລັດ, ການສັບຊ້ອນ, ການຈັດຕັ້ງ, ກົງຈັກ. ໃນໄລຍະຈະມາເຖິງ, ຖັນແຖວເຮັດວຽກງານການທູດປະຊາຊົນຕ້ອງປັບປຸງຕາມທິດທາງກະທັດລັດ, ມີປະສິດທິຜົນ, ເຂົ້າຮ່ວມໃນການປະກອບສ່ວນປະຕິບັດບັນດາເປົ້າໝາຍພັດທະນາປະເທດຊາດໃນສັງກາດໃໝ່ - ສັງກາດບືນຕົວຂຶ້ນຂອງຊາດ ຫວຽດນາມ.
ທີ່ກອງປະຊຸມ, ຄະນະພົວພັນການຕ່າງປະເທດສູນກາງໄດ້ມອບທຸງແຂ່ງຂັນ 5 ອັນ, ໃບຢັ້ງຢືນ 36 ໃບໃຫ້ບັນດາໝູ່ຄະນະ ແລະ ບຸກຄົນທີ່ມີຜົນງານດີເດັ່ນໃນວຽກງານການທູດປະຊາຊົນໃນປີ 2024, ມອບຫຼຽນກາລະນຶກ “ເພື່ອພາລະກິດການທູດປະຊາຊົນ” ໃຫ້ 31 ບຸກຄົນ. ໃນນັ້ນ, ສະຫະພັນບັນດາອົງການມິດຕະພາບ ຫວຽດນາມ (VUFO) ໄດ້ເປັນກຽດໄດ້ຮັບທຸງແຂ່ງຂັນສຳລັບໝູ່ຄະນະນຳໜ້າໃນວຽກງານການທູດປະຊາຊົນໃນປີ 2024. ນອກຈາກນັ້ນ 24 ບຸກຄົນຈາກອົງການປະຈຳ ແລະ ບັນດາອົງການສະມາຊິກຂອງ VUFO ກໍ່ໄດ້ຮັບຫຼຽນກາລະນຶກ, ພ້ອມກັບ 8 ໝູ່ຄະນະ ແລະ 5 ບຸກຄົນ ໄດ້ຮັບໃບຍ້ອງຍໍ.
 | ສານຈາກທ່ານເລຂາທິການໃຫຍ່, ປະທານປະເທດລາວ ຕ້ອນຮັບປີໃໝ່ 2025 ຍສໝ - ເມື່ອຄືນທີ່ຜ່ານມາ (31 ທັນວາ) ທີ່ນະຄອນຫລວງວຽງຈັນ, ທ່ານເລຂາທິການໃຫຍ່, ປະທານປະເທດລາວ ທອງລຸນ ສີສຸລິດ ໄດ້ຂຶ້ນກ່າວຄຳປາໄສຕ້ອນຮັບປີໃໝ່ 2025 ຕໍ່ສື່ມວນຊົນ ໂດຍຍົກໃຫ້ເຫັນໂອກາດ ແລະສິ່ງທ້າທາຍສຳລັບລາວໃນປີ 2025. |
 | ສະມາຄົມມິດຕະພາບຫວຽດນາມ-ລາວ ແຂວງຕວຽນກວາງ ຜັນຂະຫຍາຍໜ້າທີ່ວຽກງານຂອງສະມາຄົມໃນປີ 2025 ຍສໝ - ຕອນເຊົ້າວັນທີ 28 ທັນວາ, ສະມາຄົມມິດຕະພາບຫວຽດນາມ - ລາວ ແຂວງຕວຽນກວາງ ຈັດຕັ້ງກອງປະຊຸມສະຫຼຸບວຽກງານສະມາຄົມປີ 2024 ແລະຜັນຂະຫຍາຍໜ້າທີ່ໃນປີ 2025. |
ແທັງຮັ່ງ
