 | ເລຂາທິການໃຫຍ່ ອາຊຽນ: ຫວຽດນາມ ຮ່ວມແຮງຮ່ວມໃຈປະກອບສ່ວນອັນໃຫຍ່ຫຼວງໃຫ້ແກ່ຜົນງານໃນຕະຫຼອດ 56 ປີຜ່ານມາຂອງ ອາຊຽນ |
| ມອບຫຼຽນກາ “ເພື່ອສັນຕິພາບ ແລະ ມິດຕະພາບລະຫວ່າງບັນດາປະເທດ” ໃຫ້ສະຖານກົງສູນໃຫຍ່ໄທ ປະຈຳນະຄອນໂຮ່ຈີມິນ |
ການພົບປະແມ່ນການເຄື່ອນໄຫວທຳອິດຂອງກຸ່ມ AWCH ໃນປີ 2025 ດ້ວຍເປົ້າໝາຍປະກອບສ່ວນຮັດແໜ້ນຄວາມສາມັກຄີ, ມິດຕະພາບລະຫວ່າງບັນດາປະເທດ ອາຊຽນ, ເພີ່ມທະວີການພົວພັນຮ່ວມມືກັບບັນດາຄູ່ຮ່ວມມື, ໂຄສະນາວັດທະນະທຳ ຫວຽດນາມ ເຖິງເພື່ອນມິດສາກົນ. ນີ້ກໍ່ແມ່ນໜຶ່ງໃນບັນດາການເຄື່ອນໄຫວສະເຫຼີມສະຫຼອງ 10 ປີແຫ່ງວັນສ້າງຕັ້ງກຸ່ມ AWCH (2015-2025), 10 ປີແຫ່ງການຮ່ວມເດີນທາງ ແລະ ການປະກອບສ່ວນຢ່າງບໍ່ຢຸດຢັ້ງເຂົ້າໃນຄວາມມານະພະຍາຍາມສ້າງປະຊາຄົມ ອາຊຽນ.
ທີ່ການພົບປະ, ບັນດາແຂກຖືກເຊີນໄດ້ຊົມພາບແຕ້ມຂອງທ່ານນາງ ເລທ໋ຽວເງິນ, ອະດີດອາຈານມະຫາວິທະຍາໄລພາສາຕ່າງປະເທດ, ມະຫາວິທະຍາໄລແຫ່ງຊາດ ຮ່າໂນ້ຍ, ພັນລະຍາອະດີດຮອງລັດຖະມົນຕີກະຊວງການຕ່າງປະເທດ, ອະດີດເອກອັກຄະລັດຖະທູດ ຫວຽດນາມ ປະຈຳ ຍີ່ປຸ່ນ ຫງວຽນຝູ໋ບິງ ແລະ ລາຍການສິລະປະພິເສດ ລວມມີບັນດາບົດເພງຄຼາດສິກ, ອາລົມຈິດ ແລະ ບົດເພງປະສານສຽງ clarinet, violin, piano ຈຳນວນໜຶ່ງທີ່ສະແດງໂດຍນັກສິລະປິນຂອງສະຖາບັນດົນຕີແຫ່ງຊາດ ຫວຽດນາມ. ບັນດາແຂກຍັງໄດ້ໂອ້ລົມສົນທະນາ, ແລກປ່ຽນ, ແບ່ງປັນກ່ຽວກັບຈຸດວັດທະນະທຳທີ່ເປັນເອກະລັກສະເພາະຂອງແຕ່ລະປະເທດ ແລະ ປະສົບການຂອງແຕ່ລະຄົນໃນຊີວິດ.
 |
| ທ່ານນາງ ໂງເຟືອງລີ, ພັນລະຍາຂອງທ່ານເລຂາທິການໃຫຍ່ ໂຕເລິມ ກ່າວຄຳປາໄສທີ່ການພົບປະ. |
ໃນການພົບປະແລກປ່ຽນກັບບັນດາແຂກຖືກເຊີນ, ທ່ານນາງ ໂງເຟືອງລີ, ພັນລະຍາຂອງທ່ານເລຂາທິການໃຫຍ່ ໂຕເລິມ ໄດ້ສະແດງຄວາມປິຕິຊົມຊື່ນທີ່ໄດ້ພົບປະກັບບັນດາສະມາຊິກຂອງກຸ່ມ AWCH ພ້ອມທັງບັນດາທ່ານເອກອັກຄະລັດຖະທູດຍິງ ແລະ ພັນລະຍາເອກອັກຄະລັດຖະທູດທີ່ເປັນຄູ່ຮ່ວມມືຂອງ ອາຊຽນ. ທ່ານນາງ ໄດ້ສະແດງຄວາມຊົມເຊີຍຕໍ່ຜົນສຳເລັດ ແລະ ຮັບຮູ້ຄວາມມານະພະຍາຍາມ, ຄວາມຈິງໃຈ ແລະ ການປະກອບສ່ວນຂອງກຸ່ມ AWCH ເຂົ້າໃນການສ້າງສາ ແລະ ພັດທະນາປະຊາຄົມ ອາຊຽນ ໃນ 10 ປີຜ່ານມາ. ໂດຍແບ່ງປັນວ່າ, ປີ 2025 ມີຫຼາຍຂີດໝາຍສຳຄັນຂອງທັງ ອາຊຽນ ແລະ ຫວຽດນາມ, ເຊັ່ນ: 10 ປີແຫ່ງວັນສ້າງຕັ້ງປະຊາຄົມ ອາຊຽນ (2015-2025), 30 ປີແຫ່ງວັນ ຫວຽດນາມ ເຂົ້າຮ່ວມ ອາຊຽນ (1995-2025),...,
ທ່ານນາງເຊື່ອໝັ້ນວ່າ ກຸ່ມ AWCH ຈະສືບຕໍ່ຮ່ວມຈິດຮ່ວມໃຈ ແລະ ປະກອບສ່ວນເພີ່ມທະວີຄວາມສາມັກຄີ, ສະໜິດສະໜົມ ແລະ ການຮ່ວມມືລະຫວ່າງບັນດາປະເທດ ອາຊຽນ, ລະຫວ່າງບັນດາປະເທດ ອາຊຽນ ກັບບັນດາຄູ່ຮ່ວມມື, ຮ່ວມກັນສ້າງຄອບຄົວໃຫຍ່ ອາຊຽນ ໃຫ້ໝັ້ນຄົງເຂັ້ມແຂງ ແລະ ສະໜິດຕິດພັນກັນ. ເນື່ອງໃນໂອກາດນີ້, ທ່ານນາງ ໂງເຟືອງລີ ໄດ້ສົ່ງຄຳອວຍພອນເຖິງ ສປປ ລາວ ທີ່ໄດ້ປະສົບຜົນສຳເລັດໃນການປະຕິບັດໜ້າທີ່ເປັນປະທານ ອາຊຽນ 2024 ແລະ ເຊື່ອໝັ້ນວ່າ ມາເລເຊຍ ຈະດຳລົງຕຳແໜ່ງໃນປີ 2025 ຢ່າງສຳເລັດຜົນ.
 |
| ທ່ານນາງ Akiko Morioka, ພັນລະຍາເອກອັກຄະລັດຖະທູດ ມາເລເຊຍ ໄດ້ແບ່ງປັນທີ່ການພົບປະ. |
ທ່ານນາງ Akiko Morioka, ພັນລະຍາເອກອັກຄະລັດຖະທູດ ມາເລເຊຍ ໄດ້ແບ່ງປັນວ່າ: ບັນດາພັນລະຍາມີພາລະກິດສຳຄັນໃນການຊຸກຍູ້ຄວາມສະໜິດຕິດພັນ, ບຳລຸງສ້າງຄວາມຮັກແພງ ແລະ ມິດຕະພາບລະຫວ່າງບັນດາປະເທດ ແລະ ຊົນຊາດ. ສະນັ້ນ, ການເຄື່ອນໄຫວຂອງກຸ່ມ AWCH ຈຶ່ງເປັນໂອກາດທີ່ມີປະໂຫຍດຫຼາຍ ເພື່ອໃຫ້ບັນດາພັນລະຍາໄດ້ແລກປ່ຽນແນວຄວາມຄິດໃໝ່ ແລະ ຄົ້ນຫາບັນໂອກາດເພື່ອພ້ອມກັນສ້າງປະຊາຄົມ ອາຊຽນ ໃຫ້ເຂັ້ມແຂງ ແລະ ສາມັກຄີ, ຍິ່ງກວ່ານັ້ນ ກໍ່ພ້ອມກັນສູ້ຊົນເພື່ອອຸດົມການອັນສູງສົ່ງໃນຊີວິດ.
ໂດຍຕາງໜ້າໃຫ້ກະຊວງການຕ່າງປະເທດ ຫວຽດນາມ, ທ່ານຮອງລັດຖະມົນຕີ ນາງ ເລທິທູຮັ່ງ ໄດ້ກ່າວຄຳປາໄສຕີລາຄາສູງບົດບາດ, ການປະກອບສ່ວນອັນແທດຈິງຂອງກຸ່ມ AWCH ໃນໄລຍະ 10 ປີຜ່ານມາ, ປະກອບສ່ວນເພີ່ມທະວີການພົວພັນແລກປ່ຽນ, ຄວາມເຂົ້າໃຈ ແລະ ໂຄສະນາວັດທະນະທໍາອັນອຸດົມສົມບູນຂອງບັນດາປະເທດ ອາຊຽນ. ທ່ານຮອງລັດຖະມົນຕີເນັ້ນໜັກວ່າ: ປີ 2025 ຍັງມີບັນດາຂີດໝາຍສຳຄັນຂອງ ຫວຽດນາມ ເຊັ່ນ: ວັນສະເຫຼີມສະຫຼອງ 80 ປີແຫ່ງວັນສ້າງຕັ້ງປະເທດ, 50 ປີແຫ່ງການທ້ອນໂຮມປະເທດຊາດ, 30 ປີແຫ່ງວັນ ຫວຽດນາມ ເຂົ້າຮ່ວມ ອາຊຽນ... ຢືນຢັນຄວາມສະໜັບສະໜູນຂອງກະຊວງການຕ່າງປະເທດສຳລັບບັນດາການເຄື່ອນໄຫວຂອງກຸ່ມ AWCH, ທ່ານຮອງລັດຖະມົນຕີ ປາດຖະໜາວ່າ ກຸ່ມຈະສືບຕໍ່ສຸດຈິດສຸດໃຈ ແລະ ມີຄວາມຫ້າວຫັນໃນປີ 2025 ດ້ວຍບັນດາຂໍ້ລິເລີ່ມ ແລະ ໂຄງການທີ່ມີຄວາມໝາຍ ແລະ ຫຼາກຫຼາຍ, ໂດຍຜ່ານນັ້ນ ກໍ່ນັບມື້ນັບເພີ່ມພູນຄູນສ້າງນ້ຳໃຈມິດຕະພາບ, ຄວາມສະໜິດຕິດພັນ, ຄວາມສາມັກຄີ ແລະ ການຮ່ວມມືລະຫວ່າງບັນດາປະເທດສະມາຊິກ ອາຊຽນ ແລະ ກັບບັນດາຄູ່ຮ່ວມມືຂອງ ອາຊຽນ, ກໍ່ຄືການເຜີຍແຜ່ບັນດາຄຸນຄ່າປະຊາຄົມທີ່ດີງາມ.
 |
| ກຸ່ມແມ່ຍິງປະຊາຄົມ ອາຊຽນ ປະຈຳ ຮ່າໂນ້ຍ (AWCH) ຖ່າຍຮູບທີ່ລະນຶກ. |
ໃນບັນຍາກາດອັນອົບອຸ່ນ, ສະໜິດສະໜົມ, ບັນດາທ່ານເອກອັກຄະລັດຖະທູດຍິງ ແລະ ພັນລະຍາເອກອັກຄະລັດຖະທູດບັນດາປະເທດ ອາຊຽນ ແລະ ຄູ່ຮ່ວມມືຂອງ ອາຊຽນ ຢູ່ ຮ່າໂນ້ຍ ກໍ່ສະແດງຄວາມຮູ້ສຶກ ແລະ ນັບຖືຢ່າງສູງສຳລັບຄວາມເອົາໃຈໃສ່ ແລະ ສະໜັບສະໜູນຂອງທ່ານນາງ ໂງເຟືອງລີ ແລະ ກະຊວງການຕ່າງປະເທດ ຫວຽດນາມ ໃນການເຄື່ອນໄຫວຂອງກຸ່ມ AWCH, ແບ່ງປັນນ້ຳໃຈ ແລະ ປະສົບການກ່ຽວກັບປະເທດຊາດ ແລະ ປະຊາຊົນ ຫວຽດນາມ.
ການພົບປະອັນສະໜິດສະໜົມຄັ້ງທຳອິດຂອງປີ 2025 ຂອງກຸ່ມ AWCH ໄດ້ສິ້ນສຸດລົງດ້ວຍຮອຍຍິ້ມສຽງຫົວ, ການຈັບມື ແລະ ອ້ອມກອດອັນອົບອຸ່ນຂອງບັນດາສະມາຊິກກຸ່ມ AWCH ແລະ ແຂກຮັບເຊີນ, ເໜືອສິ່ງໃດແມ່ນ ຄວາມຫວັງ ແລະ ຄວາມໄວ້ວາງໃຈໃນປີໃໝ່ 2025 ທີ່ດີງາມ ແລະ ໂຊກດີ.
 | ບັນດາປະເທດ ອາຊຽນ ຕີລາຄາສູງການກະກຽມໃຫ້ແກ່ກອງປະຊຸມສຸດຍອດ ອາຊຽນ ຂອງຫວຽດນາມ ຍສໝ - ບັນດາປະເທດ ອາຊຽນ ຕີລາຄາສູງການກະກຽມໃຫ້ແກ່ກອງປະຊຸມສຸດຍອດ ອາຊຽນ ຂອງຫວຽດນາມໂດຍພື້ນຖານ, ເຫັນດີເປັນເອກະພາບກ່ຽວກັບເອກະສານ, ວາລະກອງປະຊຸມ ແລະ ໂຄງການປະຕິບັດງານຂອງກອງປະຊຸມສຸດຍອດ. |
 | ຫວຽດນາມ ຈັດຕັ້ງ ພິທີຊັກທຸງ ອາຊຽນ ເນື່ອງໃນໂອກາດ ສະເຫຼີມສະຫຼອງ 52 ປີແຫ່ງວັນສ້າງຕັ້ງ ອາຊຽນ ຍສໝ - ໃນຕອນເຊົ້າວັນທີ 8 ສິງຫາ, ກະຊວງການຕ່າງປະເທດ ຫວຽດນາມ ໄດ້ຈັດຕັ້ງພິທີຊັກທຸງ ອາຊຽນ ປີ 2019 ຢູ່ນະຄອນຫຼວງ ຮ່າໂນ້ຍ ເພື່ອສະເຫຼີມສະຫຼອງ 52 ປີແຫ່ງວັນສ້າງຕັ້ງສະມາຄົມປະຊາຊາດບັນດາປະເທດອາຊີຕາເວັນອອກສ່ຽງໃຕ້ (ອາຊຽນ). |
ມິງດຶກ
