 | ຂະແໜງການທ່ອງທ່ຽວລາວ ຈະບັນລຸລາຍຮັບຫຼາຍກວ່າ 1 ຕື້ USD ໃນປີ 2024 |
| ເຮັດໃຫ້ນ້ຳໃຈມິດຕະພາບ ຫວຽດນາມ - ລັດເຊຍ ໝັ້ນແກ່ນ ຜ່ານແຕ່ລະລາຍແຕ້ມ |
ເຂົ້າຮ່ວມພິທີມີຜູ້ແທນ 100 ກວ່າທ່ານ ແລະ ແຂກຮັບເຊີນທີ່ຕາງໜ້າໃຫ້ຄະນະພັກ, ສະຖານທູດ ຫວຽດນາມ ປະຈຳ ລັດເຊຍ, ພາກສ່ວນການສຶກສາ; ສະຫະພັນບັນດາອົງການຈັດຕັ້ງ ຫວຽດນາມ ປະຈຳ ລັດເຊຍ ກໍ່ຄືຜູ້ຕາງໜ້າຄະນະຮັບຜິດຊອບວຽກງານຊາວໜຸ່ມ, ສະມາຄົມນັກສຶກສາ ຫວຽດນາມ ປະຈຳ ລັດເຊຍ ແລະ ພິເສດແມ່ນການມີໜ້າຂອງນັກສຶກສາ 36 ຄົນທີ່ໄດ້ຮັບນາມມະຍົດ “ນັກສຶກສາ 5 ດີ” ຢູ່ທົ່ວປະເທດ ລັດເຊຍ.
 |
| ພາບທີ່ພິທີສະເຫຼີມສະຫຼອງ. ຮູບພາບ: ສະມາຄົມນັກສຶກສາ ຫວຽດນາມ ປະຈຳລັດເຊຍ |
ຜູ້ຕາງໜ້າຂອງຄະນະພັກ, ສະຖານທູດ ຫວຽດນາມ ປະຈຳ ສະຫະພັນ ລັດເຊຍ ແລະ ສະຫະພັນບັນດາອົງການຈັດຕັ້ງ ຫວຽດນາມ ປະຈຳ ລັດເຊຍ ໄດ້ຮັບຮູ້ ແລະ ຕີລາຄາສູງບັນດາການປະກອບສ່ວນ ແລະ ຜົນງານເຊິ່ງສະມາຄົມນັກສຶກສາ ຫວຽດນາມ ປະຈຳ ລັດເຊຍ ບັນລຸໄດ້ໃນຊຸມປີ 2024; ພ້ອມກັນນັ້ນ, ທ່ານກໍ່ໄດ້ຍ້ອງຍໍບົດບາດປະຈັນບານ, ຂະຫຍັນຂັນເຄື່ອນ, ຄວາມຟົດຟື້ນຂອງປະຊາຄົມນັກສຶກສາ ຫວຽດນາມ ປະຈຳ ລັດເຊຍ, ໄດ້ສະແດງໃຫ້ເຫັນຜ່ານບັນດາໝາກຜົນທີ່ບັນລຸໄດ້ໃນປີຜ່ານມາຢ່າງຕັ້ງໜ້າ. ນອກຈາກນັ້ນ, ກໍ່ຫວັງວ່າ ສະມາຄົມນັກສຶກສາ ຫວຽດນາມ ຢູ່ ລັດເຊຍ ຈະນັບມື້ນັບພັດທະນາ, ດຶງດູດການເຂົ້າຮ່ວມຂອງນັກສຶກສາ ຫວຽດນາມ ປະຈຳ ລັດເຊຍ ເປັນຈຳນວນຫຼວງຫຼາຍ, ຍູ້ແຮງການເຊື່ອມໂຍງ ແລະ ພົບປະແລກປ່ຽນກັບບັນດານັກສຶກສາຈາກບັນດາປະເທດ, ປະກອບສ່ວນເຜີຍແຜ່ບັນດາຄຸນຄ່າວັດທະນະທຳຂອງຊາວຫວຽດນາມ ກັບເພື່ອນມິດສາກົນຢູ່ ລັດເຊຍ.
ໃນສະພາບການປະເທດຊາດຫັນປ່ຽນຢ່າງເຂັ້ມແຂງພາຍຫຼັງເກືອບ 40 ປີແຫ່ງການປ່ຽນແປງໃໝ່ ແລະ ທ່າອ່ຽງເຊື່ອມໂຍງເຂົ້າກັບສາກົນ; ປີ 2024 ທີ່ຜ່ານມາ, ຄະນະເລຂາສະມາຄົມນັກສຶກສາ ຫວຽດນາມ ປະຈຳ ລັດເຊຍ ໄດ້ຜັນຂະຫຍາຍຫຼາຍຮູບແບບທີ່ດີ ແລະ ການເຄື່ອນໄຫວທີ່ຫຼາກຫຼາຍ, ປັບຕົວເຂົ້າກັບສະພາບການ ແລະ ເງື່ອນໄຂຕົວຈິງ, ດຶງດູດນັກຮຽນຊາວໜຸ່ມນັບພັນຄົນເຂົ້າຮ່ວມ; ສ້າງສະພາບແວດລ້ອມທີ່ຂະຫຍັນຂັນເຄື່ອນເພື່ອໃຫ້ນັກຮຽນ, ນັກສຶກສາຮ່ຳຮຽນ, ຄົ້ນຄ້ວາ, ຄິດປະດິດສ້າງ, ແຂ່ງຂັນຮຽນດີ, ປະກອບສ່ວນເຂົ້າໃນຜົນສຳເລັດລວມຂອງຂະບວນການນັກສຶກສາ ຫວຽດນາມ ຢູ່ ລັດເຊຍ.
ກ່າວຄຳປາໄສທີ່ລາຍການ, ທ່ານ ເລຮວິ່ງດຶກ, ຮອງເລຂາຄະນະຮັບຜິດຊອບວຽກງານຊາວໜຸ່ມ, ປະທານສະມາຄົມນັກສຶກສາ ຫວຽດນາມ ປະຈຳ ລັດເຊຍ ໄດ້ທົບທວນບົດລາຍງານສະຫຼຸບວຽກງານຂອງສະມາຄົມໃນປີ 2024 ແລະ ກຳນົດທິດທາງການເຄື່ອນໄຫວໃນປີ 2025.
ໃນບັນຍາກາດອັນປິຕິຊົມຊື່ນໃນໂອກາດສະເຫຼີມສະຫຼອງ 75 ປີແຫ່ງວັນມູນເຊື້ອຂອງນັກຮຽນ, ນັກສຶກສາ ແລະ ສະມາຄົມນັກສຶກສາ ຫວຽດນາມ, ພິທີບໍ່ພຽງແຕ່ແມ່ນໂອກາດສະແດງໃຫ້ເຫັນຄວາມພາກພູມໃຈໃນບັນດາໝາກຜົນທີ່ບັນລຸໄດ້ເທົ່ານັ້ນ, ຫາກຍັງແມ່ນຈຸດເວລາໃຫ້ບັນດາລຸ້ນນັກຮຽນ, ນັກສຶກສາ , ພ້ອມກັບສະມາຄົມນັກສຶກສາ ຫວຽດນາມ ປະຈຳ ລັດເຊຍ ໄດ້ຮັບຮູ້ຢ່າງເລິກເຊິ່ງກ່ຽວກັບຄວາມຮັບຜິດຊອບ ແລະ ພາລະກິດອັນສັກສິດຂອງຕົນໃນສັງກາດໃໝ່.
 |
| ຍ້ອງຍໍບັນດາບຸກຄົນທີ່ບັນລຸໄດ້ນາມມະຍົດ “ນັກສຶກສາ 5 ດີ” ຂັ້ນສູນກາງ ແລະ ຂັ້ນທົ່ວລັດເຊຍ. ຮູບພາບ: ສະມາຄົມນັກສຶກສາ ຫວຽດນາມ ປະຈຳ ລັດເຊຍ |
ພ້ອມກັນນັ້ນ, ນີ້ກໍ່ແມ່ນຄັ້ງທຳອິດໃນຂະບວນການນັກສຶກສາ ຫວຽດນາມ ປະຈຳ ລັດເຊຍ ທີ່ຈັດຕັ້ງຊົມເຊີຍ, ຍ້ອງຍໍໃຫ້ບັນດາບຸກຄົນທີ່ດີເດັ່ນ ໄດ້ຮັບນາມມະຍົດ “ນັກສຶກສາ 5 ດີ”. ພາຍຫຼັງການປຸກລະດົມພຽງແຕ່ 5 ວັນຂະບວນການ “ນັກສຶກສາ 5 ດີ”, ສະມາຄົມນັກສຶກສາ ຫວຽດນາມ ປະຈຳ ລັດເຊຍ ກໍ່ໄດ້ຮັບເອກະສານຈົດທະບຽນກ່ວາ 230 ຊຸດ, ໃນນັ້ນ ມີ 43/57 ອົງການຄະນະ - ສະມາຄົມຮາກຖານເຂົ້າຮ່ວມ, ກວມ 75,4% ຍອດຈໍານວນຂອງອົງການ. ພາຍຫຼັງວິວັດການກວດກາ ແລະ ຕີລາຄາຢ່າງທ່ຽງທຳ, ທັງໝົດມີ 36 ຊຸດເອກະສານດີເດັ່ນໄດ້ຖືກຄັດເລືອກເພື່ອພິຈາລະນາຮັບນາມມະຍົດ “ນັກສຶກສາ 5 ດີ” ໃນລະດັບທົ່ວລັດເຊຍ, ໃນນັ້ນ ມີເອກະສານ 25 ຊຸດຈາກ ມົດສະກູ ແລະ 11 ຊຸດຈາກບັນດາຮາກຖານຢູ່ຊານນະຄອນຫຼວງ.
 | ສະເຫຼີມສະຫຼອງ 80 ປີແຫ່ງວັນກອງທັບປະຊາຊົນ ຫວຽດນາມ ຢູ່ ລັດເຊຍ, ອິນເດຍ ແລະ ອົດສະຕາລີ ຍສໝ - ເນື່ອງໃນໂອກາດສະເຫຼີມສະຫຼອງ 80 ປີແຫ່ງວັນສ້າງຕັ້ງກອງທັບປະຊາຊົນ ຫວຽດນາມ, ສະຖານທູດ ຫວຽດນາມ ປະຈຳ ລັດເຊຍ, ອິນເດຍ ແລະ ອົດສະຕາລີ ໄດ້ຈັດຕັ້ງບັນດາການເຄື່ອນໄຫວລະນຶກ ທວນຄືນການເດີນທາງອັນສະຫງ່າລາສີຂອງກອງທັບປະຊາຊົນ ຫວຽດນາມ ແລະ ການພົວພັນຄູ່ຮ່ວມມືດ້ານການປ້ອງກັນຊາດອັນເລິກເຊິ່ງ ລະຫວ່າງ ຫວຽດນາມ ກັບບັນດາປະເທດ. |
 | ຍສໝ - ອນເຊົ້າວັນທີ 4 ພະຈິກ, ຢູ່ຮ່າໂນ້ຍ, ວາລະປະຊຸມຄົບຄະນະຂອງອະນຸກໍາມະການຫວຽດນາມ ໃນຄະນະກຳມະການປະສານງານລະຫວ່າງລັດຖະບານກ່ຽວກັບສູນເຂດຮ້ອນ ຫວຽດນາມ - ລັດເຊຍ ໄດ້ໄຂຂຶ້ນ. |
ແທັງຮັ່ງ
