ວາລະປະຊຸມຄົບຄະນະຂອງອະນຸກໍາມະການຫວຽດນາມ ໃນຄະນະກຳມະການປະສານງານລະຫວ່າງລັດຖະບານ ກ່ຽວກັບສູນເຂດຮ້ອນ ຫວຽດນາມ - ລັດເຊຍ

ຍສໝ - ອນເຊົ້າວັນທີ 4 ພະຈິກ, ຢູ່ຮ່າໂນ້ຍ, ວາລະປະຊຸມຄົບຄະນະຂອງອະນຸກໍາມະການຫວຽດນາມ ໃນຄະນະກຳມະການປະສານງານລະຫວ່າງລັດຖະບານກ່ຽວກັບສູນເຂດຮ້ອນ ຫວຽດນາມ - ລັດເຊຍ ໄດ້ໄຂຂຶ້ນ.

ທ່ານພົນໂທ ຮ່ວາງຊວນຈຽນ ກໍາມະການສູນກາງພັກ, ຮອງລັດຖະມົນຕີກະຊວງປ້ອງກັນປະເທດ, ປະທານອະນຸກໍາມະການຫວຽດນາມ, ປະທານຮ່ວມຄະນະກໍາມະການປະສານງານລະຫວ່າງລັດຖະບານກ່ຽວກັບສູນເຂດຮ້ອນຫວຽດນາມ - ລັດເຊຍ ໄດ້ຍ້ອງຍໍ, ຮັບຮູ້, ຕີລາຄາສູງບັນດາໝາກຜົນແຫ່ງການເຄື່ອນໄຫວຂອງສູນເຂດຮ້ອນຫວຽດນາມ - ລັດເຊຍ; ຢືນຢັນວ່າ ສູນໄດ້ຜັນຂະຫຍາຍບັນດາໜ້າທີ່ໂດຍອະນຸກຳມະການຫວຽດນາມ ແລະຄະນະກໍາມະການປະສານງານ ມອບໝາຍໃຫ້ຢ່າງເຂັ້ມງວດ, ເຫັນດີເປັນເອກະພາບຮັບຮອງເອົາບັນດາບົດລາຍງານ ແລະເອກະສານຂອງສູນເຂດຮ້ອນຫວຽດນາມ - ລັດເຊຍ. ໃນສະພາບການຂອງປີ 2025 ແລະຊຸມປີຕໍ່ໄປ, ບັນຫາຄວາມໝັ້ນຄົງບໍ່ແມ່ນການທະຫານເຊັ່ນ: ໂລກພະຍາດ, ການປ່ຽນແປງຂອງດິນຟ້າອາກາດສືບຕໍ່ແມ່ນສິ່ງທ້າທາຍໃຫຍ່, ຕ້ອງມີການເຂົ້າຮ່ວມແກ້ໄຂຂອງບັນດານັກວິທະຍາສາດ. ທ່ານພົນໂທ ຮ່ວາງຊວນຈຽນ ສະເໜີໃຫ້ສູນເຂດຮ້ອນຫວຽດນາມ - ລັດເຊຍ ສຸມໃສ່ຄົ້ນຄວ້າພະຍາກອນ, ກະກຽມຊັບພະຍາກອນມະນຸດ, ພື້ນຖານໂຄງລ່າງ, ອຸປະກອນ,... ເປັນເຈົ້າການສະເໜີບັນດາໜ້າທີ່ເຂົ້າຮ່ວມແກ້ໄຂວຽກງານປ້ອງກັນ, ຕ້ານໂລກພະຍາດ; ສົມທົບກັບຝ່າຍລັດເຊຍ ຢ່າງແໜ້ນແຟ້ນເພື່ອກະກຽມໃຫ້ແກ່ວາລະປະຊຸມຄະນະກຳມະການປະສານງານລະຫວ່າງລັດຖະບານ ຄັ້ງທີ 35 ຢູ່ນະຄອນ Saint Petersburg, ສະຫະພັນລັດເຊຍ ທີ່ຈະດຳເນີນໃນວັນທີ 15 ພະຈິກ ແລະບັນດາການເຄື່ອນໄຫວນອກວາລະປະຊຸມເປັນຢ່າງດີ. ພາບ: ກອງທັບປະຊາຊົນ