 | ແມ່ຍິງ 250,000 ຄົນ ທີ່ເຮັດວຽກຢູ່ຕ່າງປະເທດ ສ້າງລາຍຮັບໄດ້ 2,5 ຕື້ USD |
| ຍ້ອງຍໍກົມກອງລວມໝູ່, ບຸກຄົນທີ່ມີຜົນງານໃນການເຄື່ອນໄຫວປະຊາຄົມຢູ່ ຍີ່ປຸ່ນ ໃນປີ 2024 |
 |
| ຫໍພິພິທະພັນວັງພະບໍລົມວົງສານຸວົງ ເມືອງຫຼວງພະບາງ ປະເທດລາວ. (ພາບ: ຫາຍຕຽນ) |
ຕີລາຄາສູງຜົນສຳເລັດຂອງລາຍການປີທ່ອງທ່ຽວລາວ 2024, ທ່ານ ສຸນສະຫວັນ ວິຍະເກດ ລັດຖະມົນຕີກະຊວງຖະແຫລງຂ່າວ, ວັດທະນະທຳ ແລະ ທ່ອງທ່ຽວລາວ ໄດ້ອ້າງຂໍ້ມູນສະຖິຕິໃຫ້ຮູ້ວ່າ ໃນປີ 2024 ມີນັກທ່ອງທ່ຽວທັງພາຍໃນ ແລະ ຕ່າງປະເທດປະມານ 5 ລ້ານຄົນ ໃຊ້ບັນດາບໍລິການທ່ອງທ່ຽວໃນທົ່ວປະເທດ, ພຽງແຕ່ຈຳນວນນັກທ່ອງທ່ຽວຢູ່ພາຍໃນ ໄດ້ເກີນເປົ້າໝາຍ 27%, ສ້າງແຫຼ່ງລາຍຮັບໃຫ້ປະເທດໄດ້ກວ່າ 1 ຕື້ USD.
ນັບແຕ່ໄດ້ເປີດລາຍການປີທ່ອງທ່ຽວລາວ 2024 ຢ່າງເປັນທາງການແຕ່ເດືອນພະຈິກ 2023 ເປັນຕົ້ນມາ ດ້ວຍຫົວຂໍ້ “ສະຫວັນຂອງວັດທະນະທຳ, ທຳມະຊາດ ແລະ ປະຫວັດສາດ”, ໄດ້ຈັດຂຶ້ນທັງໝົດ 79 ເຫດການ, ລວມມີ 14 ເຫດການຈັດຂຶ້ນໃນຂອບຂະໜາດທົ່ວປະເທດ ແລະ 65 ເຫດການແມ່ນຈັດຂຶ້ນຢູ່ທ້ອງຖິ່ນ . ທັງໝົດເພື່ອແນໃສ່ດຶງດູດນັກທ່ອງທ່ຽວ ແລະ ເຜີຍແຜ່ປີທ່ອງທ່ຽວລາວ. ລັດຖະບານ ລາວ ກໍ່ປັບປຸງບັນດາມາດຕະຖານການບໍລິການ ແລະ ສິ່ງອຳນວຍຄວາມສະດວກຢູ່ແຫຼ່ງທ່ອງທ່ຽວຢ່າງຕັ້ງໜ້າ.
ນອກຈາກນັ້ນ, ຫວ່າງມໍ່ໆມານີ້, ວາລະສານທ່ອງທ່ຽວທີ່ມີຊື່ສຽງຫຼາຍສະບັບໃນພາກພື້ນ ແລະ ທົ່ວໂລກ ໄດ້ຕີລາຄາປະເທດລາວເປັນໜຶ່ງໃນຈຸດໝາຍປາຍທາງທີ່ໜ້າສົນໃຈ. ໃນນັ້ນ, ຈຸດເດັ່ນແມ່ນຄວາມດຶງດູດກ່ຽວກັບບັນດາສະຖານທີ່ທ່ອງທ່ຽວທາງດ້ານວັດທະນະທໍາ, ລົງຕົວຈິງທໍາມະຊາດ ແລະ ສະເໜ່ທີ່ງ່າຍດາຍ, ເຊິ່ງຍັງຄົງຮັກສາຮູບລັກສະນະທີ່ສະຫງ່າງາມ ແລະ ບໍ່ໄດ້ຮັບຜົນກະທົບຈາກການຄ້າ.
ເຖິງວ່າປະເທດລາວບໍ່ມີທະເລ, ແຕ່ມັນຍັງມີຄວາມດຶງດູດຂອງຕົນເອງຍ້ອນພູມສັນຖານພູເຂົາອັນສະຫງ່າງາມທີ່ມີແມ່ນ້ໍາຂອງທີ່ໄຫຼໄປຕາມຄວາມຍາວຂອງປະເທດຈາກເຫນືອໄປໃຕ້, ມີວັດທີ່ເກົ່າແກ່ທີ່ມີລັກສະນະສະຖາປັດຕະຍະກໍາຂອງພຸດທະສາດສະຫນາ ແລະ ລັກສະນະວັດທະນະທໍາທີ່ເປັນເອກະລັກດຶງດູດນັກທ່ອງທ່ຽວທີ່ຕ້ອງການຄົ້ນຫາ, ໄປຢ້ຽມຢາມ ແລະ ຮຽນຮູ້.
ຫນຶ່ງໃນຈຸດຫມາຍປາຍທາງທີ່ມີຊື່ສຽງທີ່ສຸດໃນລາວແມ່ນເມືອງເກົ່າແກ່ ຫຼວງພະບາງ ທີ່ຖືກຈົດຊື່ໂດຍອົງການ UNESCO ເປັນມໍລະດົກໂລກນັບແຕ່ປີ 1995, ເຊິ່ງເອີ້ນວ່າ "ແກ້ວອັນປະເສີດຂອງອາຊີຕາເວັນອອກສຽງໃຕ້" ເປັນຈຸດຫມາຍປາຍທາງທີ່ເຫມາະສົມສໍາລັບຜູ້ທີ່ມັກການເດີນທາງຊ້າໆ.
ຕາມທ່ານນາງ ສຸນສະຫວັນ ວິຍະເກດ ແລ້ວ, ລັດຖະບານລາວ ຖືວ່າ ການທ່ອງທ່ຽວເປັນເສົາຄ້ຳທາງດ້ານເສຖະກິດທີ່ສຳຄັນຂອງປະເທດ, ເປັນການກະຕຸກການພັດທະນາຂອງບັນດາຂະແໜງການທີ່ກ່ຽວຂ້ອງດ້ວຍການສ້າງວຽກເຮັດງານທຳ ແລະ ລາຍຮັບ, ພ້ອກັນນັ້ນ ຍັງນຳເງິນຕາຕ່າງປະເທດເຂົ້າມາລາວ ເປັນຈຳນວນຫລວງຫລາຍ. ສິ່ງດັ່ງກ່າວປະກອບສ່ວນເຂົ້າໃນການພັດທະນາເສດຖະກິດ-ສັງຄົມຂອງປະເທດໂດຍລວມ ແລະ ຊ່ວຍຍູ້ແຮງການລົບລ້າງຄວາມອຶດຫີວ ແລະ ຫຼຸດຜ່ອນຄວາມທຸກຍາກ, ຕາມທິດທາງ ແລະ ແນວທາງພັດທະນາຂອງພັກ ແລະ ລັດຖະບານລາວ.
ທ່ານລັດຖະມົນຕີກະຊວງຖະແຫຼງຂ່າວ, ວັດທະນະທຳ ແລະ ທ່ອງທ່ຽວ ລາວ ກໍ່ຢືນຢັນວ່າ ຄວາມຕ້ອງການຂອງການສືບຕໍ່ໂຄສະນາຊື່ສຽງຂອງປະເທດລາວ ໃຫ້ເປັນແຫຼ່ງທ່ອງທ່ຽວທີ່ດຶງດູດໃຈ ແລະ ວາງອອກບັນດາແຜນການໃຫ້ປີທ່ອງທ່ຽວ ລາວ ໃນຕໍ່ໜ້າ.
 | ທ່ານນາຍົກລັດຖະມົນຕີ ລາວ ຕ້ອນຮັບລັດຖະມົນຕີກະຊວງຍຸຕິທຳຫວຽດນາມ ຍສໝ - ໃນຕອນເຊົ້າ ວັນທີ 19 ທັນວານີ້ 2024 ທີ່ສຳນັກງານນາຍົກລັດຖະມົນຕີ, ທ່ານ ສອນໄຊ ສິພັນດອນ, ນາຍົກລັດຖະມົນຕີ ແຫ່ງ ສປປ ລາວ ໄດ້ໃຫ້ກຽດຕ້ອນຮັບການເຂົ້າຢ້ຽມຂໍ່ານັບ ຂອງທ່ານ ຫງວຽນ ຫ໋າຍ ນິງ,ລັດຖະມົນຕີກະຊວງຍຸຕິທໍາ ແຫ່ງ ສສ ຫວຽດນາມ ພ້ອມດ້ວຍຄະນະ ໃນໂອກາດທີ່ມາເຄື່ອນໄຫວຢ້ຽມຢາມ ... |
 | ຜົນສຳເລັດຂອງຂະແໜງການທ່ອງທ່ຽວລາວ 2018 ພິທີສະຫຼຸບປີທ່ອງທ່ຽວ ລາວ 2018 ໄດ້ຈັດຂຶ້ນເມື່ອວັນທີ 11 ກຸມພານີ້ທີ່ຫໍວັດທະນະທຳແຫ່ງຊາດໂດຍໃຫ້ກຽດເຂົ້າຮ່ວມຂອງທ່ານ ສອນໄຊ ສີພັນດອນ ຮອງນາຍົກລັດຖະມົນຕີ ປະທານຄະນະຊີ້ນຳລະດັບຊາດໃນການຈັດປິີທ່ອງທ່ຽວລາວ 2018, ມີພາກສ່ວນທີ່ກ່ຽວຂ້ອງ ແລະ ແຂກຖືກເຊີນເຂົ້າຮ່ວມ. |
ແທັງຮັ່ງ
