ເຮັດໃຫ້ນ້ຳໃຈມິດຕະພາບ ຫວຽດນາມ - ລັດເຊຍ ໝັ້ນແກ່ນ ຜ່ານແຕ່ລະລາຍແຕ້ມ

	ທີ່ຢູ່ສະໜອງຂໍ້ມູນຂ່າວສານຢ່າງເປັນທາງການໃຫ້ແກ່ນັກສຶກສາ ຫວຽດນາມ ຢູ່ ລັດເຊຍ
	ນ້ຳໃຈມິດຕະພາບ ຫວຽດນາມ - ລັດເຊຍ: ‘ທຸກຄວາມຮັ່ງມີບໍ່ສາມາດປຽບທຽບກັບນ້ຳໃຈເພື່ອນມິດ’

​ເຂົ້າ​ຮ່ວມ​ພິທີ​ມີ​ທ່ານ ຈິ້ງກວກແຄັງ, ຮອງ​ປະ​ທານ ​ຜູ້ປະຈຳ​ສະ​ມາ​ຄົມ​ມິດ​ຕະ​ພາບ ​ຫວຽດ​ນາມ - ລັດ​ເຊຍ; ທ່ານ ຫງວຽນ​ດັງ​ຟາດ, ຮອງ​ປະທານ ທັງເປັນເລຂາທິການ​ສະມາຄົມ​ມິດຕະພາບ ຫວຽດນາມ - ລັດ​ເຊຍ; ທ່ານ ເລ​ແທັງ​ມິນ ​ແລະ ທ່ານ ຫງວຽນ​ຕ໋ວນ​ທິ້ງ, ນັກ​ແຕ້ມ​ຮູບ, ສະມາຊິກ​ສະມາຄົມ​ວິຈິດ​ສິນ ຫວຽດນາມ; ທ່ານ Artem Zheleshchikov, ເລ​ຂາ​ໂທ ຂອງ​ສະ​ຖານ​ທູດ ລັດ​ເຊຍ ປະ​ຈຳ​ ຫວຽດ​ນາມ; ຜູ້ຕາງໜ້າສະຖາບັນ Pushkin ຢູ່ຮ່າໂນ້ຍ ພ້ອມກັບບັນດານັກ​ແຕ້ມ​ຮູບເດັກນ້ອຍ ແລະ ຄອບຄົວ.

ຄະນະຈັດຕັ້ງໄດ້ມອບລາງວັນໃຫ້ບັນດານ້ອງນັກຮຽນ. (ພາບ: ແບັກເຢືອງ)

ການເສັງ “ນ້ອງແຕ້ມ ຫວຽດນາມ - ນ້ອງແຕ້ມ ລັດເຊຍ” ຄັ້ງທີ VIII ສືບຕໍ່ຜົນສຳເລັດຂອງບັນດາລະດູຜ່ານມາ ດ້ວຍການເຂົ້າຮ່ວມຂອງບັນດາຜູ້ເຂົ້າຮ່ວມການເສັງຢ່າງຫຼວງຫຼາຍຢູ່ 3 ກຸ່ມເກນອາຍຸຄື: ອາຍຸ 6-9 ປີ, 10-12 ປີ ແລະ 13 – 16 ປີ. ນີ້​ແມ່ນ​ການ​ເຄື່ອນ​ໄຫວ​ທີ່​ມີ​ຄວາມ​ໝາຍ​ເພື່ອ​ຊ່ວຍ​ໃຫ້ບັນດາ​ເດັກນ້ອຍ​ ຫວຽດນາມ ​ແລະ ສະຫະພັນ ​ລັດ​ເຊຍ ສະ​ແດງ​ນ້ຳ​ໃຈ​ມິດຕະພາບ, ຄວາມ​ຮັກ​ແພງ​ບ້ານ​ເກີດ​ເມືອງ​ນອນ ​ແລະ ວັດທະນະທຳ​ຂອງ​ຕົນ​ຜ່ານ​ບັນດາ​ຜົນງານ​ການປະດິດສ້າງຈິດຕະກຳ.

ກ່າວ​ຄຳ​ປາໄສທີ່​ພິ​ທີ, ທ່ານ ຫງວຽນ​ດັງ​ຟາດ ​ໃຫ້​ຮູ້​ວ່າ: ການເສັງ​ໄດ້​ຮັບການ​ຕອບສະໜອງ​ຈາກ​ບັນ​ດາ​ນັກ​ຮຽນ, ພໍ່​ແມ່​ຜູ້ປົກຄອງ ແລະ ໂຮງ​ຮຽນ​ຂອງ​ຫລາຍ​ແຂວງ ນະຄອນ​ຄື: ຮ່າ​ໂນ້ຍ, ກາວ​ບັງ, ລ້າງ​ເຊີນ... ພິ​ເສດ, ການເສັງ​​ບໍ່​ພຽງ​ແຕ່​ດຳ​ເນີນ​ຢູ່ ​ຫວຽດ​ນາມ ​ເທົ່າ​ນັ້ນ ຫາກຍັງໄດ້​ຈັດ​ຂຶ້ນ​ຢູ່​ສະຫະພັນ ​ລັດ​ເຊຍ, ປະກອບສ່ວນ​ເພີ່ມ​ທະວີ​ຄວາມ​ເຂົ້າ​ໃຈ​ເຊິ່ງກັນ ​ແລະ ກັນ​ລະຫວ່າງ​ລຸ້ນໜຸ່ມ ​ແລະ ປະຊາຊົນ​ສອງ​ປະ​ເທດ.

ພື້ນທີ່ເພື່ອສະແດງບັນດາຮູບແຕ້ມທີ່ໄດ້ຮັບລາງວັນ. ພາບ: ແບັກເຢືອງ

ນ້ອງ ບຸ່ຍເຟືອງແອງ, ນັກຮຽນໂຮງຮຽນປະຖົມ ຕິກຢ່າງ, ຮ່າໂນ້ຍ, ຜູ້ເຂົ້າຮ່ວມການເສັງທີ່ໄດ້ຮັບລາງວັນທີ 1 ຂອງການເສັງແບ່ງປັນວ່າ: “ລາງວັນນີ້ແມ່ນກຳລັງຜັກດັນເພື່ອໃຫ້ນ້ອງສືບຕໍ່ຮ່ຳຮຽນ ແລະ ແຕ້ມບັນດາຮູບທີ່ງາມກວ່າ. ຜ່ານ​ການເສັງ, ນ້ອງ​ບໍ່​ພຽງ​ແຕ່​ສາ​ມາດ​ສະ​ແດງ​ຄວາມຫຼົງໄຫຼ​ເທົ່າ​ນັ້ນ, ຫາກ​ຍັງ​ເຂົ້າ​ໃຈກ່ຽວກັບ​ປະ​ເທດຊາດ, ວັດ​ທະ​ນະ​ທຳ ແລະ ປະ​ຊາ​ຊົນ​ ລັດ​ເຊຍ ​ຕື່ມ​ອີກ. ຂ້າ​ພະ​ເຈົ້າ​ຫວັງ​ວ່າ​ ຈະ​ມີ​ການ​ເສັງ​ທີ່​ຄ້າຍ​ຄື​ກັນ​ຫຼາຍກວ່າ​ເພື່ອ​ພວກນ້ອງຈະມີ​ໂອ​ກາດ​ທີ່ລອງກຳລັງແຮງ ແລະ​ ຫົວ​ຄິດ​ປະ​ດິດ​ສ້າງ”.

ນ້ອງ ບຸ່ຍເຟືອງແອງ (ເບື້ອງຊ້າຍ) - ຜູ້ເຂົ້າຮ່ວມການເສັງໄດ້ຮັບລາງວັນທີ 1 ໃນກຸ່ມອາຍຸ 6-9 ປີ. ພາບ: ແບັກເຢືອງ

ທ່ານ ຈິ້ງກວກແຄັງ, ຜູ້ຕາງໜ້າ​ຄະນະ​ຈັດ​ຕັ້ງ ​ເນັ້ນ​ໜັກ​ວ່າ ຜົນສຳ​ເລັດ​ໃຫຍ່​ທີ່​ສຸດ​ຂອງ​ການເສັງ​ແມ່ນ​ປະກອບ​ຄວາມ​ຮູ້​ໃຫ້ບັນດາ​ນັກ​ຮຽນກ່ຽວ​ກັບ ​ລັດ​ເຊຍ ​ແລະ ການພົວພັນມິດຕະພາບ​ທີ່​ເປັນ​ມູນ​ເຊື້ອ​ລະຫວ່າງ ຫວຽດນາມ - ລັດ​ເຊຍ. ປີ 2025, ຫວຽດນາມ ​ແລະ ສະຫະພັນ​ລັດ​ເຊຍ ຈະ​ສະ​ເຫຼີ​ມສະຫຼອງ 75 ປີ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ (30 ມັງກອນ 1950 – 30 ມັງກອນ 2025). ທ່ານ ຈິ້ງກວກແຄັງ ປາດ​ຖະໜາ​ວ່າ ບັນດາ​ການ​ເຄື່ອນ​ໄຫວ​ຂອງ​ສະມາຄົມ​ມິດຕະພາບ ຫວຽດນາມ - ລັດ​ເຊຍ ຈະ​ສືບ​ຕໍ່​ໄດ້​ຮັບ​ການ​ໜູນ​ຊ່ວຍ​ຈາກບັນດາ​ນັກຮຽນ, ພໍ່​ແມ່​ຜູ້ປົກຄອງ ​ແລະ ​ໂຮງຮຽນ.

ການເສັງ “ນ້ອງແຕ້ມ ຫວຽດນາມ - ນ້ອງແຕ້ມ ລັດເຊຍ” ປີນີ້ ທັງເປັນສະໜາມຫຼິ້ນຂອງບັນດານັກແຕ້ມເດັກນ້ອຍ ເພື່ອສະແດງໃຫ້ເຫັນຄວາມສາມາດ ແລະ ມູມມອງສິລະປະ, ທັງເປັນຂົວເຊື່ອມຕໍ່ໃຫ້ເຂົາເຈົ້າໄດ້ຄົ້ນຫາ ແລະ ຮຽນຮູ້ປະຫວັດສາດຂອງສອງຊາດ. ບັນດາ​ຮູບ​ແຕ້ມ​ທີ່​ມີ​ສີສັນ​ພິ​ເສດ​ບໍ່​ພຽງ​ແຕ່​ບອກ​ເລົ່າ​ເລື່ອງ​ວັດທະນະທຳ ​ແລະ ປະຊາຊົນ​ເທົ່າ​ນັ້ນ ຫາກ​ຍັງ​ສະ​ແດງ​ຄວາມ​ຫວັງ​ໃຫ້​ແກ່​ອະນາຄົດທີ່​ສະໜິດຕິດພັນຢ່າງໝັ້ນແກ່ນລະຫວ່າງ ຫວຽດນາມ ​ແລະ ລັດ​ເຊຍ.

ທ່ານປະທານາທິບໍດີ ລັດເຊຍ Vladimir Putin ແລະ ທ່ານປະທານປະເທດ ຫວຽດນາມ ໂຕ່ເລິມ ໄດ້ພົບປະກັບບັນດາອະດີດນັກສຶກສາ ຫວຽດນາມ ຢູ່ ລັດເຊຍ ຍສໝ - ວັນທີ 20 ມິຖຸນາ, ຢູ່ ຮ່າໂນ້ຍ, ທ່ານປະທານາທິບໍດີສະຫະພັນ ລັດເຊຍ Vladimir Putin ແລະ ທ່ານປະທານປະເທດ ຫວຽດນາມ ໂຕ່ເລິມ ໄດ້ໃຫ້ການຕ້ອນຮັບການນໍາສະມາຄົມມິດຕະພາບ ຫວຽດນາມ - ລັດເຊຍ ແລະ ບັນດາອະດີດນັກສຶກສາ ຫວຽດນາມ ທີ່ຮໍ່າຮຽນຢູ່ສະຫະພັນ ລັດເຊຍ.

ບັນດາລຸ້ນນັກສຶກສາ ຫວຽດນາມ ຢູ່ ລັດເຊຍ - ຂົວເຊື່ອມຕໍ່ມິດຕະພາບ ​ຍສໝ - ວັນ​ທີ 20 ມີຖຸນາ, ຢູ່ ​ຮ່າ​ໂນ້ຍ, ກ່າວ​ຄຳ​ປາໄສ​ທີ່​ການ​ພົບ​ປະ​ກັບ​ການ​ນຳ​ສະມາຄົມ​ມິດຕະພາບ​ ຫວຽດນາມ - ​ລັດ​ເຊຍ ​ແລະ ບັນດາ​ລຸ້ນອະດີດນັກສຶກສາ ຫວຽດນາມ ທີ່​​ຮ່ຳຮຽນ​ຢູ່ ລັດ​ເຊຍ ​ໂດຍ​ສະຫະພັນ​ບັນດາ​ອົງການ​ມິດຕະພາບ​ ຫວຽດນາມ ​ເປັນ​ເຈົ້າພາບ, ທ່ານ​ປະທານາທິບໍດີ ​ສະຫະພັນ​ ລັດ​ເຊຍ Vladimir Putin ຫວັງ​ວ່າ ...