 |
ຫ້ອງປະຊຸມ ຢຽນຮົ່ງ ຈະເປັນສະຖານທີ່ຈັດ ວາລະກອງປຸມສະໄໝສາມັນ ສະພາແຫ່ງຊາດຄັ້ງນີ້. (ພາບ: PV)
ກອງປະຊຸມຄັ້ງທີ 5 ສະພາແຫ່ງຊາດສາມັນສະໄໝທີ 14 ຈະໄຂຂຶ້ນໃນວັນທີ 21 ພຶດສະພາ ທີ່ນະຄອນຫຼວ ງຮ່າໂນ້ຍ, ເຊິ່ງຄາດວ່າຈະດຳເນີນໄປໃນເວລາ 20 ວັນ.
ຕາມປົກກະຕິ, ສະພາແຫ່ງຊາດ ຈະໃຊ້ເວລາສ່ວນຫຼາຍແມ່ນໃນການວຽກງານການກໍ່ສ້າງ ກົດຫມາຍ ແລະ ການເຄື່ອນໄຫວກວດກາສູງສຸດ (60% ຂອງເວລາທັງໝົດ). ໂດຍສະພາແຫ່ງຊາດຈະໃຊ້ເວລາ 12 ມື້ພິຈາລະນາທົບທວນ ແລະ ອະນຸມັດຜ່ານ 8 ຮ່າງກົດໝາຍ, ໃນນັ້ນລວມມີ ກົດຫມາຍວ່າດ້ວຍການຟ້ອງຮ້ອງ (ປັບປຸງ), ກົດຫມາຍວ່າດ້ວຍ ຫົວໜ່ວຍ ບໍລິຫານ - ເສດຖະກິດ ພິເສດ ເວິນໂດ່ນ, ບັ໋ກເວິນຟອງ, ຟູກ໋ວກ; ກົດຫມາຍ ວ່າດ້ວຍຄວາມປອດໄພທາງອິນເຕີເນັດ; ກົດຫມາຍ ວ່າດ້ວຍ ການປ້ອງກັນປະເທດ (ປັບປຸງ) ...
ບັນດາຮ່າງກົດຫມາຍອື່ນໆ ທີ່ຈະໄດ້ສະເຫນີປະກອບຄຳເຫັນລວມມີ ກົດຫມາຍວ່າດ້ວຍການສະກັດກັ້ນ-ຕ້ານການສໍ້ລາດບັງຫຼວງ (ປັບປຸງ); ກົດຫມາຍ ວ່າດ້ວຍ ຕໍາຫຼວດປະຊາຊົນ (ປັບປຸງ); ປັບປຸງ, ແກ້ໄຂ ບາງມາດຕາຂອງ ກົດຫມາຍ ວ່າດ້ວຍການສຶກສາ...
ສາມ ຈຸດປ່ຽນແປງໃຫມ່
ອັນທີໜື່ງ: ກອງປະຊຸມຄັ້ງນີ້ຈະເພີ່ມເວລາໃນການ ກະຈາຍສຽງທາງ ວິທະຍຸ ແລະ ຖ່າຍທອດສົດທາງໂທລະພາບ ດ້ວຍ 15 ວາລະ ກວມ 40% ຂອງໄລຍະເວລາທັງໝົດ ຂອງກອງປະຊຸມ. ໃນນັ້ນມີຫຼາຍເນື້ອໃນທີ່ໄດ້ຮັບ ຄວາມສົນໃຈ ແລະ ຕິດຕາມ ຈາກປະຊາຊົນຜູ່ມີສິດເລືອກຕັ້ງໃນທົ່ວປະເທດເຊັ່ນ: ການກວດກາສູງສຸດການປະຕິບັດນະໂຍບາຍ ແລະ ກົດຫມາຍ ກ່ຽວກັບການຄຸ້ມຄອງ ແລະ ນໍາໃຊ້ທຶນລັດ ແລະ ຊັບສິນລັດໃນວິສາຫະກິດ; ຮ່າງ ກົດຫມາຍ ວ່າດ້ວຍການສະກັດກັ້ນ ແລະ ການຕ້ານການສໍ້ລາດບັງຫຼວງ (ປັບປຸງ) ...
ອັນທີສອງ: ວາລະການອະພິປາຍ ຈະນຳໃຊ້ວິທີ 1 – 3 , ຜູ່ແທນ ຍົກເນື້ອໃນທີ່ຈະອະພິປາຍໃນ ເວລາ 1 ນາທີ, ສະມາຊິກລັດຖະບາຍ ຕອບຄຳຖາມພາຍໃນເວລາ 3 ນາທີ. ພາຍຫຼັງ ຜູ່ແທນ 3 ຄົນຖາມແລ້ວ ຜູ່ທີຖືກຖາມຈະ ຕອບໜື່ງເທື່ອ.
ທ່ານເລຂາທິການໃຫຍ່ ສະພາແຫ່ງຊາດ ຫງວ໋ຽນແຮ໋ງຟຸກ ໄດ້ກ່າວວ່າ ການປັບປຸງນີ້ຈະຊ່ວຍ ໃຫ້ວາລະ ໃນການອະພິປາຍ ມີຄວາມຟົດຟື້ນ ກວ່າເກົ່າ ຍ້ອນຈຳນວນຜູ່ແທນ ໄດ້ຕັ້ງຄຳຖາມຫຼາຍຂື້ນ, ເນື້ອໃນຂອງຄຳຖາມຖືກກັ່ນຕອງກວ່າເກົ່າ. ສ່ວນ ສະມາຊິກ ລັດຖະບານ ຕ້ອງຕອບຄໍາຖາມ ໃຫ້ກົງຄຳຖາມ, ບໍ່ອ້ອມໄປອ້ອມມາ. ການປ່ຽນແປງນີ້ຍັງຫລີກລ້ຽງການຊໍ້າຊ້ອນຂອງເນື້ອຫາການອະພິປາຍ, ເຮັດໃຫ້ ເວລາໃນການສົນທະນາ ປືກສາຫາລື ບັນຫາອື່ນເພີ່ມຂື້ນ.
ການປ່ຽນແປງອັນທີສາມ: ຄຽງຄູ່ກັບບັນດາດຳລັດ ຫົວຂໍ້ພິເສດແລ້ວ, ສະພາແຫ່ງຊາດ ຈະອອກ ດຳລັດລວມ ເພື່ອ "ລວບລວມ" ບັນດາ ບັນຫາທີ່ໄດ້ ພົ້ນຂື້ນມາ ແລະ ໄດກຮັບການພິຈາລະນາຈາກ ສະພາແຫ່ງຊາດ ຫຼື ມີແນວຄວາມຄິດຢ່າງເປັນທາງການແຕ່ບໍ່ນອນຢຸ່ໃນວາລະກອງປະຊຸມ…. ຮູບແບບນີ້ຈະສືບຕໍ່ນໍາໃຊ້ໃນກອງປະຊຸມຕໍ່ໄປ.
ຕິດຕາມການໃຫ້ໝັ້ນ-ສັນຍາ ຂອງລັດຖະມົນຕີ
ໃນວາລະກອງປະຊຸມສຸດທ້າຍ ແລະ ວາລະກາງ, ສະພາແຫ່ງຊາດຈະກວດກາ ການປະຕິບັດ ຄໍາຫມັ້ນ-ສັນຍາ ແລະ ຄໍາສັດຈະຍາບັນຂອງສະມາຊິກ ລັດຖະບານ. ຫຼັງຈາກນັ້ນກອງປະຊຸມຈະມີດຳລັດກ່ຽວກັບເນື້ອໃນດັ່ງກ່າວ.
ທ່ານ ຟຸກ ໄດ້ໃຫ້ຮູ້ວ່າ: "ການລົງໂທດແຮງທີ່ສຸດ ແມ່ນ ການລົງຄະແນນສຽງຄວາມໄວ້ວາງໃຈ." ຖ້າລັດຖະມົນຕີ, ຫົວຫນ້າຂະແໜງການໄດ້ຄະແນນຕ່ຳກວ່າ 50% ແມ່ນຈະປົດເລີຍ, ຈະບໍ່ໄດ້ຢູ່ໃນຕຳແໜງອີກຕໍ່ໄປ ຕ້ອງໄດ້ລາອອກ " ທີ່ກອງປະຊຸມນີ້ ລັດຖະມົນຕີ, ອາດຈະຕອບຄຳຖາມເອງ ຖ້າຮູ້ສືກວ່າ ຮອງລັດຖະມົນຕິ ຕອບຍັງບໍ່ທັນກະຈ່າງແຈ້ງແລະໄດ້ຕາມຄາດໝາຍ.
（ຫັດທະບູນ）
