| 75 ປີແຫ່ງທະຫານອາສາສະໝັກຫວຽດນາມ ຢູ່ລາວ: ການເດີນທາງແຫ່ງຄວາມສາມັກຄີ ແລະການເສຍສະຫຼະ | |
| ລາວ ໝັ້ນໃຈຮັບດຳລົງບົດບາດເປັນປະທານອາຊຽນ 2024 ກັບການຮ່ວມເດີນທາງຂອງຫວຽດນາມ |
ການພົວພັນຫວຽດນາມ-ລາວ ໄດ້ປະຫວັດສາດຢັ້ງຢືນວ່າແມ່ນຕົວແບບ, ທີ່ຫາຍາກໃນໂລກຍ້ອນວ່າສອງຊາດຍາມໃດກໍ່ຮ່ວມທຸກຮ່ວມສຸກ, ເສຍສະຫຼະຊີວິດໃຫ້ກັນ, ຖືກັນແມ່ນສາຍຈິດມິດໃຈຄືເລືອດເນື້ອເຊື້ອໄຂ, ໃກ້ຊິດສະໜິດສະໜົມ, ສະເໝີຕົ້ນສະເໝີປາຍ. ຄວາມສະໜິດຕິດແໜ້ນລະຫວ່າງສອງຊາດໄດ້ຮັບການກໍ່ຕັ້ງຈາກເລືອດເນື້ອເຫື່ອແຮງຂອງຮຸ່ນຕ່າງໆ, ໄດ້ຮັບການຫຼໍ່ຫຼອມຜ່ານການຕໍ່ສູ້ປະຕິວັດ, ກາຍເປັນນ້ຳໃຈມິດຕະພາບອັນຍິ່ງໃຫຍ່ບໍ່ສາມາດຕັດແຍກອອກຈາກກັນໄດ້. ໃນນັ້ນ, ທະຫານອາສາສະໝັກ ແລະຊ່ຽວຊານຫວຽດນາມ ຢູ່ລາວ ແມ່ນສັນຍາລັກອັນຜ່ອງໃສຂອງການພົວພັນເປັນຕົວແບບ, ເຕັມໄປດ້ວຍນ້ຳໃຈບໍລິສຸດຜຸດຜ່ອງ, ໄວ້ເນື້ອເຊື່ອໃຈນັ້ນ.
 |
| ປະຊາຊົນລາວ ຕ້ອນຮັບທະຫານອາສາສະໝັກຫວຽດນາມ. ພາບເອກະສານ: ສຳນັກຂ່າວສານຫວຽດນາມ |
ຕ້ອງຢັ້ງຢືນວ່າ ປະຫວັດສາດຕິດພັນກັນສະໜິດແໜ້ນອັນຍາວນານ ແລະມູນເຊື້ອສາມັກຄີຊ່ວຍເຫຼືອ, ອຸ້ມຊູ້ຊ່ວຍເຫຼືອເຊິ່ງກັນ ແລະກັນລະຫວ່າງສອງຊາດພວກເຮົາບໍ່ແມ່ນຍ້ອນຄວາມປາດຖະໜາຢຢາກພາວະວິໄສຂອງຝ່າຍໃດຝ່າຍໜຶ່ງ ເຊິ່ງເລີ່ມຈາກຕົວຈິງວ່າ ຫວຽດນາມ ແລະລາວ ແມ່ນສອງປະເທດບ້ານໃກ້ເຮືອນຄຽງຕິດພັນກັນສະໜິດແໜ້ນ, ພູຜາປ່າດົງແມ່ນ້ຳລຳເຊຫຼາຍສາຍຕິດຈອດກັນ, ອີງຫຼັງໃສ່ສາຍພູຫຼວງໃຫຍ່ໂຕມະໂຫຖານ, ຮ່ວມກິນນ້ຳແມ່ນ້ຳຂອງ, ມີຫຼາຍຈຸດຄ້າຍຄືກັນດ້ານປະຫວັດສາດ, ເສດຖະກິດ, ວັດທະນະທຳ, ປະຊາຊົນສອງປະເທດອົງອາດກ້າແກ່ນຕ້ານສັດຕູຜູ້ຮຸກຮານ, ເຕັມໄປດ້ວຍຄວາມເມດຕາ, ຕ່າງຝ່າຍຕ່າງມີຜົນປະໂຫຍດກ່ຽວກັບເອກະລາດ, ເປັນເຈົ້າຕົນເອງ ແລະຄວາມມຸ່ງມາດປາດຖະໜາອັນຊອບທຳກ່ຽວກັບສັນຕິພາບ, ພັດທະນາ. ຈົນເມື່ອມີການກຳເນີດ ແລະການນຳພາຢ່າງສະຫຼາດສະຫຼຽວຂອງພັກກອມມູນິດອິນດູຈີນ, ຫຼັງຈາກນັ້ນແມ່ນພັກກອມມູນິດ ຫວຽດນາມ ແລະພັກປະຊາຊົນປະຕິວັດລາວ.
ຄວາມສະໜິດຕິດພັນລະຫວ່າງສອງຊາດໄດ້ຮັບການຍົກສູງຂຶ້ນທັງດ້ານຄຸນນະພາບ. ພາຍໃຕ້ແສງສະຫວ່າງເຍື່ອງທາງຂອງພັກກອມມູນິດອິນດູຈີນ, ປະຊາຊົນຫວຽດນາມ ແລະປະຊາຊົນລາວ ໄດ້ເສີມຂະຫຍາຍຈິດໃຈເອກະລາດ, ເປັນເຈົ້າຕົນເອງ ແລະກຳລັງແຮງຂອງແຕ່ລະຊາດ, ພ້ອມທັງເພີ່ມທະວີຄວາມສະໜິດຕິດແທດລະຫວ່າງປະຊາຊົນສອງປະເທດພ້ອມກັນກ້າວຂຶ້ນໃນພາລະກິດຕໍ່ຕ້ານສັດຕູໂຕດຽວທີ່ເຕັມໄປດ້ວຍຄວາມທຸກຍາກ, ລຳບາກກາກກຳ, ດຸເດືອດ, ກາຍເປັນນ້ຳໃຈສາມັກຄີ, ຮ່ວມ ສຳພັນສູ້ຮົບແບບພິເສດ, ເປັນຕົວແບບມີໜຶ່ງບໍ່ມີສອງໃນປະຫວັດສາດການພົວພັນສາກົນ, ແມ່ນກຳລັງແຮງທີ່ນຳສອງຊາດຈາກໄຊຊະນະນີ້ໄປສູ່ໄຊຊະນະອື່ນ.
ດ້ວຍຈິດໃຈສາກົນກຳມະຊີບ, ດ້ວຍມູນເຊື້ອອັນອົງອາດກ້າຫານ, ດ້ວຍຄວາມໄວ້ເນື້ອເຊື່ອໃຈໄຊຊະນະຢ່າງແນ່ນອນ, ປະຕິບັດຕາມຄຳສັ່ງສອນຂອງປະທານ ໂຮ່ຈີມິນ “ຊ່ວຍປະຊາຊົນປະເທດເພື່ອນໝາຍຄວາມວ່າຊ່ວຍຕົນເອງ”, ທະຫານອາສາສະໝັກ ແລະຊ່ຽວຊານ ຫວຽດນາມ ນັບຫຼາຍໝື່ນຄົນໃນໄລຍະນັ້ນຫຼາຍຄົນໃນເກນອາຍຸຍັງໜຸ່ມ, ອາຍຸສິບແປດ, ຊາວປີ ໄດ້ຂ້າມສາຍພູຫຼວງອັນໃຫຍ່ໂຕມະໂຫຖານໄປຫາປະເທດລາວອ້າຍນ້ອງເພື່ອປະຕິບັດພັນທະສາກົນອັນສູງສົ່ງ. ເຂົາເຈົ້າບໍ່ຫົວຊາຕໍ່ຄວາມຫຍຸ້ງຍາກ, ລຳບາກກາກກຳ, ຄຽງບ່າຄຽງໄຫຼ່ຕໍ່ສູ້, ຮ່ວມເປັນຮ່ວມຕາຍກັບກອງທັບ ແລະປະຊາຊົນລາວອ້າຍນ້ອງ ຢູ່ໃນຂຸມຄອງ ດຽວກັນເພື່ອຕໍ່ສູ້ຕ້ານພວກລ່າເມືອງຂຶ້ນ ຝລັ່ງ ແລະຈັກກະພັດອາເມລິກາ.
ບັນດາການນຳ ແລະປະຊາຊົນລາວ ຢັ້ງຢືນເປັນຫຼາຍເທື່ອວ່າ ສ່ວນຫຼາຍຢູ່ບັນດາສະໜາມຮົບຢູ່ແຜ່ນດິນປະເທດລາວ, ບໍ່ມີບ່ອນໃດຂາດຮອຍຕີນ ກໍ່ຄືບໍ່ມີໄຊຊະນະໃດທີ່ບໍ່ມີການເສຍສະຫຼະຊີດວິດ, ການປະກອບສ່ວນຂອງພະນັກງານ, ນັກຮົບອາສາສະໝັກ ແລະຊ່ຽວຊານຫວຽດນາມ. ເລືອດເນື້ອຂອງທະຫານອາສາສະໝັກ ແລະຊ່ຽວຊານຫວຽດນາມ ໄດ້ປົນກັບເລືອດເນື້ອຂອງພະນັກງານ, ສະມາຊິກພັກ, ນັກຮົບ ແລະປະຊາຊົນລາວ, ຊຶມເຂົ້າສາຍພູຫຼວງ, ປົນໃນນ້ຳແມ່ນ້ຳຂອງ, ເພື່ອພື້ນຖານເອກະລາດ, ເສລີພາບຂອງປະເທດລາວ. ບັນດາສະຫາຍບໍ່ຢ້ານກົວ ຫຼືວ່າບໍ່ທໍ້ຖອຍຕໍ່ຄວາມຫຍຸ້ງຍາກ, ລຳບາກ. ບັນດາສະຫາຍໄດ້ເຊື່ອມຊຶມອຸດົມການອັນສູງສົ່ງ, ຈິດໃຈສາກົນກຳມະຊີບອັນໂປ່ງໃສ, ຖືນັ້ນແມ່ນອາວຸດ, ກຳລັງແຮງ, ໃຫ້ກຳລັງໃຈຕໍ່ກັບຕົວເອງ... ຫຼາຍສະຫາຍໄດ້ເສຍສະຫຼະຊີວິດ, ເລືອດເນື້ອຊຶມເຂົ້າແຜ່ນດິນລາວ. ປະຊາຊົນລາວ ຍາມໃດກໍ່ຈົດຈຳ, ບໍ່ສາມາດຫຼົງລືມບຸນຄຸນອັນໃຫຍ່ຫຼວງດັ່ງກ່າວ”, ສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ ເນັ້ນໜັກທີ່ການພົບປະສັງສັນອະດີດທະຫານອາສາສະໝັກ ແລະຊ່ຽວຊານຫວຽດນາມ ຢູ່ລາວ ໃນວັນທີ 11 ກັນຍາ 2024 ເນື່ອງໃນໂອກາດຢ້ຽມຢາມທາງລັດຖະກິດຫວຽດນາມ.
 |
| ທະຫານອາສາສະໝັກຫວຽດນາມ ອຳລາເພື່ອນລາວ ກ່ອນກັບປະເທດ. ພາບເອກະສານ: ສຳນັກຂ່າວສານຫວຽດນາມ |
ພາຍໃຕ້ການນຳພາຂອງສອງພັກ, ພວກຂ້າພະເຈົ້າ ຮູ້ສຶກເປັນກຽດທີ່ໄດ້ສູ້ຮົບ ແລະປະຕິບັດງານໃນນາມແມ່ນທະຫານອາສາສະໝັກ ແລະຊ່ຽວຊານຫວຽດນາມ ຢູ່ລາວ. ໃນເວລາເກືອບ 40 ປີປະຕິບັດພັນທະສາກົນອັນສູງສົ່ງຢູ່ແຜ່ນດິນປະເທດລາວ, ທະຫານອາສາສະໝັກ ແລະຊ່ຽວຊານຫວຽດນາມ ໄດ້ສຳເລັດໜ້າທີ່ຢ່າງດີເດັ່ນ, ພ້ອມກັບທະຫານ ແລະປະຊາຊົນລາວ ສູ້ຮົບຢ່າງສະຫຼາດສະຫຼຽວ, ອົງອາດກ້າແກ່ນ, ສ້າງວິລະກຳເລີດລ້ຳລືຊາ, ກາຍເປັນບົດເພງອະມະຕະກ່ຽວກັບນ້ຳໃຈສາມັກຄີແບບພິເສດລະຫວ່າງສອງພັກ, ສອງລັດ, ກອງທັບ ແລະປະຊາຊົນສອງປະເທດ, ປະກອບສ່ວນເຂົ້າໃນພາລະກິດປະຕິວັດອັນສະຫງ່າລາສີຂອງຫວຽດນາມ ແລະລາວ. ພວກຂ້າພະເຈົ້າ ຍາມໃດກໍ່ຈົດຈຳຄຳແບ່ງປັນຂອງສະຫາຍ ທອງລຸນ ສີສຸລິດ ເລຂາທິການໃຫຍ່, ປະທານປະເທດລາວ ກ່ຽວກັບນ້ຳໃຈດ້ວຍ 4 ໂຕໜັງສືເວົ້າເຖິງການພົວພັນລະຫວ່າງສອງປະເທດ. ນັ້ນແມ່ນນ້ຳໃຈສະຫາຍອ້າຍນ້ອງຮ່ວມອຸດົມການ; ນ້ຳໃຈອ້າຍນ້ອງຮ່ວມຕົ້ນກຳເນີດແມ່ນພັກກອມມູນິດອິນດູຈີນ; ນ້ຳໃຈເພື່ອນມິດ, ແມ່ນຜູ້ທີ່ໃກ້ຊິດ ສະໜິດສະໜົມ, ໄວ້ເນື້ອເຊື່ອໃຈ, ຮ່ວມທຸກຮ່ວມສຸກ, ແບ່ງປັນ “ເຂົ້າເມັດຫັກພັກເສັ້ນດຽວບີ້ແບ່ງປັນກັນ”; ນໍ້າໃຈສາມັກຄີ, ມິດຕະພາບແບບພິເສດ, ເລີ່ມຈາກຫົວໃຈ, ສະໜິດຕິດແໜ້ນ, ໂປ່ງໃສ, ບໍລິສຸດຜຸດຜ່ອງ.
ດ້ວຍບັນດາວິລະກຳດີເດັ່ນ ແລະການປະກອບສ່ວນອັນໃຫຍ່ຫຼວງຕໍ່ກັບການປະຕິວັດຂອງສອງປະເທດ, ທະຫານອາສາສະໝັກ ແລະຊ່ຽວຊານຫວຽດນາມ ຢູ່ ລາວ ເປັນກຽດທີ່ໄດ້ພັກ, ລັດຫວຽດນາມ ມອບຫຼຽນໄຊດາວເຫຼືອງ, ນາມມະຍົດວິລະຊົນກຳລັງປະກອບອາວຸດປະຊາຊົນ; ໄດ້ພັກ, ລັດລາວ ມອບຫຼຽນໄຊຄຳແຫ່ງຊາດ, ພ້ອມດ້ວຍລາງວັນອັນສູງສົ່ງອື່ນໆ.
ນ້ຳໃຈສາມັກຄີແບບພິເສດຫວຽດນາມ - ລາວ ໄດ້ຮັບການທົດສອບຢ່າງຮ້າຍແຮງ, ເສຍສະຫຼະຊີວິດ, ປະສົບກັບຄວາມຫຍຸ້ງຍາກລຳບາກ, ກາຍເປັນກົດເກນທຳມະຊາດ, ຊັບສົມບັດອັນລ້ຳຄ່າ, ກົດເກນອັນເປັນຕາຍຂອງສອງປະເທດ. ເຖິງວ່າໂລກມີການປ່ຽນແປງຄືແນວໃດກໍ່ຕາມ, ແຕ່ວ່າຄົນຮຸ່ນກ່ອນກ້າວຂຶ້ນ, ຄົນຮຸ່ນຫຼັງສືບທອດ, ນ້ຳໃຈບໍລິສຸດຜຸດຜ່ອງ, ໂປ່ງໃສ ຫວຽດນາມ-ລາວ ຈະໝັ້ນຄົງຂະໜົງແກ່ນໄປຊົ່ວກາລະນານ.
 | ອົງການຊ່ວຍເຫຼືອເດັກນ້ອຍຊ່ວຍເຫຼືອສຸກເສີນ 10 ຕື້ດົງ ໃຫ້ແກ່ປະຊາຊົນເຂດທີ່ປະສົບພາຍຸ ແລະ ໄພນ້ຳຖ້ວມຢູ່ ລາວກາຍ ຍສໝ - ວັນທີ 1 ຕຸລາ, ທີ່ເມືອງ ບາດຊາດ ແຂວງ ລາວກາຍ, ອົງການ Save the Children International - ສຳນັກງານປະຈຳ ປະເທດຫວຽດນາມ (ອົງການຊ່ວຍເຫຼືອເດັກນ້ອຍສາກົນ) ໄດ້ຮ່ວມມືກັບສະພາກາແດງແຂວງ ລາວກາຍ ຈັດພິທີເປີດໂຄງການ “ຊ່ວຍເຫຼືອສຸກເສີນໃຫ້ແກ່ບັນດາຄອບຄົວທີ່ໄດ້ຮັບຜົນກະທົບຈາກຝົນຕົກໜັກ ແລະ ນໍ້າຖ້ວມເນື່ອງມາຈາກພາຍຸເລກທີ 3 ... |
 | ອົງການ Dove Fund (ອາເມລິກາ) ຊ່ວຍເຫຼືອການດູແລດວງຕາໃຫ້ນັກຮຽນ 10.000 ກວ່າຄົນຢູ່ແຂວງເທືອທ່ຽນເຫວ້ ຍສໝ -ຄະນະກຳມະການປະຊາຊົນແຂວງເທື່ອທຽນເຫ້ວ ຫາກໍ່ໄດ້ອອກຂໍ້ຕົກລົງສະບັບເລກທີ 2130/QD-UBND ລົງວັນທີ 8 ສິງຫາ 2024 ວ່າດ້ວຍການອະນຸມັດການຮັບເງິນຊ່ວຍເຫຼືອລ້າ 485 ກວ່າລ້ານດົ່ງ ຈາກອົງການ Dove Fund (ອາເມລິກາ) ເພື່ອຊ່ວຍເຫຼືອການດູແລດວງຕາໃຫ້ນັກຮຽນ 10.000 ກວ່າຄົນຢູ່ເທດສະບານເມືອງເຮືອງຈ່າ. |
ແສງເດືອນ
