ສ້າງພື້ນທີ່ໃຫ້ແກ່ການພົບປະແລກປ່ຽນປະຊາຊົນ ຫວຽດນາມ - ລັດເຊຍ ຕື່ມອີກ
	ເປີດສະຫຼອງວັນວັດທະນະທຳ ຫວຽດນາມ ຢູ່ສະຫະພັນ ລັດເຊຍ

Tổng thống Nga Vladimir Putin và Chủ tịch nước Tô Lâm tại buổi gặp gỡ các thế hệ cựu sinh viên Việt Nam từng học tập tại Nga. / ທ່ານປະທານາທິບໍດີ ລັດເຊຍ Vladimir Putin ແລະ ທ່ານປະທານປະເທດ ຫວຽດນາມ ໂຕ່ເລີມ ທີ່ການພົບປະສັງສັນກັບບັນດາລຸ້ນອະດີດນັກສຶກສາ ຫວຽດນາມ ທີ່ເຄີຍຮ່ຳຮຽນຢູ່ ລັດເຊຍ. ພາບ: baoquocte.vn

ເຂັ້ມຂຸ້ນໄປດ້ວຍຄວາມເປັນ ລັດເຊຍ ຢູ່ໃຈກາງ ຮ່າໂນ້ຍ

ດ້ວຍ​ແຂກຮັບເຊີນ​ເກືອບ 400 ຄົນ​ໃນ​ໂຮງ​ລະຄອນໃຫຍ່, ບັນດາອະດີດ​ນັກ​ສຶກສາ​ ຫວຽດນາມ ​ທີ່​ເຂົ້າ​ຮ່ວມ​ກອງ​ປະຊຸມ​ໄດ້​ຮັບຟັງ​ທ່ານ​ປະທານາທິບໍດີ Putin ​ແບ່ງປັນ​ໂດຍ​ບໍ່​ມີ​ນາຍ​ແປພາສາ​ຊ່ວຍ. ໂດຍພື້ນທີ່ເຂັ້ມຂຸ້ນໄປດ້ວຍຄວາມເປັນ ລັດເຊຍ ຢູ່ໃຈກາງນະຄອນຫຼວງ ຮ່າໂນ້ຍ, ດ້ວຍຫົວໃຈ ມີຈັງຫວະດຽວກັນແຫ່ງຄວາມຮັກກັບດິນແດນແຫ່ງ ຕົ້ນ poplar ຂາວ!

ໂດຍບັນດາຄຳ​ເວົ້າ​ອັນ​ອົບ​ອຸ່ນ​ຂອງ​ປະມຸກ​ລັດ​ ລັດ​ເຊຍ ຊ້ຳ​ແລ້ວ​ຊ້ຳ​ອີກ​ ເຮັດ​ໃຫ້​ທັງຫໍ​ປະຊຸມ​​ຕົບມື​ຢ່າງ​ບໍ່​ຢຸດບໍ່ເຊົາ. ແນ່ນອນວ່າ, ໃນຫົວໃຈຂອງແຕ່ລະຄົນລ້ວນແຕ່ເຕັມໄປດ້ວຍຄວາມຕື້ນຕັນໃຈ, ຈິດໃຈຫັນໄປສູ່ຄວາມຊົງຈໍາຂອງໄລຍະຍັງເປັນໄວຫນຸ່ມ, ມີຄວາມກະຕືລືລົ້ນໃນບັນດາໂຮງຮຽນທີ່ຢູ່ທົ່ວປະເທດສາທາລະນະລັດຂອງສະຫະພາບ ໂຊວຽດ ແລະ ລັດເຊຍ ໃນປະຈຸບັນ, ໃນນັ້ນມີບັນດາໂຮງຮຽນທີ່ມີຊື່ສຽງທົ່ວໂລກເຊັ່ນ: ມະຫາວິທະຍາໄລສັງລວມ Moscow, ມະຫາວິທະຍາໄລການຕ່າງປະເທດ Moscow (MGIMO), ມະຫາວິທະຍາໄລ Saint Petersburg, ສະຖາບັນດົນຕີ Tchaikovsky ...

ທ່ານ​ປະທານາທິບໍດີ Putin ຕີ​ລາຄາ​ສູງ​ບັນດາ​ການ​ປະກອບສ່ວນອັນ​ສຳຄັນ​ຂອງ​ບັນດາ​ນັກ​ສຶກສາ ຫວຽດນາມ ​ໃນ​ການ​ເພີ່ມ​ທະວີ​ການ​ພົວພັນ ຫວຽດນາມ - ລັດ​ເຊຍ ​ໃນ​ຊຸມ​ປີ​ທີ່ຜ່ານ​ມາ​. ເນັ້ນໜັກວ່າ ຜົນສຳເລັດຂອງນັກສຶກສາ ຫວຽດນາມ ຢູ່ໃນການເຮັດວຽກ, ກ່ອນອື່ນໝົດແມ່ນບັນດາຜົນງານຂອງສ່ວນບຸກຄົນ, ແມ່ນໝາກຜົນຂອງຄຸນນະທາດອັນສະເພາະ, ຄວາມດຸໝັ່ນ ແລະ ຄວາມສາມາດດ້ານວິຊາຊີບ, ແຕ່ກໍ່ມີບັນດາການປະກອບສ່ວນສຳຄັນຈາກຄຸນນະພາບການສຶກສາຢູ່ມະຫາວິທະຍາໄລ ລັດເຊຍ. ພາຍຫຼັງ​ທີ່ໄດ້​ຮັບພື້ນຖານ​ການ​ສຶກສາ​ທີ່​ດີ, ຄວາມ​ຮູ້, ຄວາມ​​ກ້າວໜ້າ​ ແລະ ທັກສະຈາກ​ສະຫະພາບ ​ໂຊ​ວຽດ, ຫຼັງຈາກນັ້ນແມ່ນ ສະຫະພັນ​ ລັດ​ເຊຍ, ບັນດາ​ນັກ​ວິສະວະກອນ, ທ່ານໝໍ, ຄູ​ອາຈານ, ນັກ​ເສດຖະສາດ ຫວຽດນາມ ນັບ​ໝື່ນ​ຄົນ​ໄດ້​ກັບ​ຄືນ​ເມືອ​ບ້ານ​ເພື່ອ​ປະກອບສ່ວນ​ກໍ່ສ້າງ​ບ້ານ​ເກີດ​ເມືອງ​ນອນ​ໃຫ້​ດີ​ຂຶ້ນ, ຊຸກຍູ້​ການ​ພັດທະນາ​ວິທະຍາສາດ, ສ້າງ​ຕັ້ງ ຂະແໜງການອຸດສາຫະກຳ​ໃໝ່, ຮັບປະກັນ​ຄວາມ​ໝັ້ນຄົງ​ແຫ່ງ​ຊາດ, ທ່າ​ແຮງ​ດ້ານ​ປ້ອງ​ກັນຊາ​ດ... ສຳລັບ​ທ່ານ​ປະທານາທິບໍດີ Putin, ບັນດາສິ່ງ​ດັ່ງກ່າວ​ລ້ວນ​ແຕ່​ເຮັດ​ໃຫ້​ທ່ານ​ມີ​ຄວາມ​ພາກພູມ​ໃຈ​ຕໍ່ “ພື້ນຖານ” ຂອງນ້ຳໃຈມິດຕະພາບ.

​ໃນ​ຄຳ​ປາ​ໄສ​ຂອງ​ຜູ້ນຳ ​ລັດ​ເຊຍ, ພວກ​ຂ້າພະເຈົ້າ​ຮູ້ສຶກ​ເຖິງ​ຄວາມ​ຮັກ​ແພງ​​ເປັນ​ພິ​ເສດທີ່ມີຕໍ່​​ປະທານ ​ໂຮ່ຈີມິນ. ບໍ່​ວ່າ​ຈະ​ມາ​ ຫວຽດ​ນາມ​ ຈັກ​ເທື່ອ, ທ່ານ​ໄດ້​ກົ້ມ​ຫົວຢ່າງເຂັ່ງຂຶມ​ຕໍ່​ສຸ​ສານ​ປະ​ທານ ​ໂຮ່​ຈີ​ມິນ. ທີ່​ການ​ພົບ​ປະ​ຄັ້ງ​ນີ້, ທ່ານ​ Putin ​ຍັງ​ໄດ້​ໃຊ້​ເວ​ລາ​ສ່ວນ​ໜຶ່ງ ​ເພື່ອສະ​ແດງ​ຄວາມ​ນັບຖື​ຕໍ່​ພໍ່​​ຂອງ​ປະ​ເທດ​ຊາດ​ ຫວຽດ​ນາມ. ຄວາມ​ອົງອາດກ້າຫານ, ລັດທິວິລະ​ຊົນ​ຂອງ​ຊາວ​ ຫວຽດນາມ ​ໃນ​ການ​ຕໍ່ສູ້​ຍາດ​ເອົາ​ເອກະລາດ​ແຫ່ງ​ຊາດ ​ແລະ ຈິດ​ໃຈ​ດຸໝັ່ນໃນການອອກແຮງງານ​ເພື່ອ​ພັດທະນາ​ປະ​ເທດ ​ກໍ່​ໄດ້​ເຂົ້າ​ເຖິງ​ອາລົມ​ຈິດ​ຂອງ​ເຈົ້າຂອງ​ວັງ Kremlin. “ຜູ້ເປັນລູກ” ຂອງ ລັດເຊຍ ມີຄວາມພາກພູມໃຈກ່ຽວກັບການປະກອບສ່ວນຂອງສະຫະພາບ ໂຊວຽດ ໃນບັນດາເສັ້ນທາງທີ່ຫຍຸ້ງຍາກ ແຕ່ສະຫງ່າລາສີທີ່ປະເທດຊາດ ແລະ ປະຊາຊົນ ຫວຽດນາມ ໄດ້ຜ່ານຜ່າ.

ແຂກ​ຮັບເຊີນ​ແມ່ນ​ຜູ້​ທີ່​ເຄີຍສະໜິດຕິດພັນ, ມີ​ຄວາມ​ຮັກ​ແພງ​ຕໍ່​ປະ​ເທດຊາດ, ປະ​ຊາ​ຊົນ​ ແລະ​ ວັດ​ທະ​ນະ​ທຳ​ຂອງ​ ລັດ​ເຊຍ. ພາບ: baoquocte.vn

ສືບຕໍ່ຂຽນເລື່ອງລາວທີ່ສວຍງາມ

ການ​ພົບ​ປະ​ລະ​ຫວ່າງ​ ຫວຽດ​ນາມ - ລັດ​ເຊຍ ​ຍິ່ງ​ຄົບ​ຖ້ວນ​ສົມ​ບູນ​ກວ່າ​ເມື່ອ​ມີ​ການ​ແບ່ງ​ປັນ​ຫຼາຍ​ຢ່າງ​ຈາກ​ຜູ້​ແທນ ​ຫວຽດ​ນາມ. ທ່ານ​ປະທານ​ປະ​ເທດ ໂຕ່ເລີມ ຢືນຢັນ​ວ່າ: ມີ​ຄົນ​ທີ່​ເຄີຍ​ດຳລົງ​ຊີວິດ, ​ເຮັດ​ວຽກ, ສຶກສາຮ່ຳຮຽນ​ຢູ່ ​ລັດ​ເຊຍ ​ແລະ ​​ທັງຜູ້​ທີ່​ບໍ່​ເຄີຍ​ໄປ​ຍັງ​ ລັດ​ເຊຍ ແຕ່ກໍ່ລ້ວນ​ແຕ່​ຮັກ​ແພງ ລັດ​ເຊຍ, “ຮູ້ສຶກ​ໄດ້ເຖິງ​ຄວາມມະນຸດສະທຳທີ່​ເລິກ​ເຊິ່ງຂອງ ລັດເຊຍ, ຈິດ​ວິນ​ຍານ​ຂອງ​ ລັດ​ເຊຍ, ພາສາ ລັດເຊຍ ໂດຍຜ່ານ​ແຕ່ລະ​ໜ້າ​ປຶ້ມ, ຮູບ​ເງົາ, ເລື່ອງ​ເລົ່າ​ຂອງ​ພໍ່​ເຖົ້າ​ແມ່​ເຖົ້າ ​ແລະ ​ພໍ່​ແມ່”.

ບັນດາ​ຜູ້​ມີ​ກຽດ​ກ່າວ​ຄຳ​ປາ​ໄສ​ຢູ່ກອງ​ປະຊຸມທີ່​ຕາງໜ້າ​ໃຫ້​ບັນດາ​ລຸ້ນນັກສຶກສາ ຫວຽດນາມ ຢືນຢັນ​ວ່າ ຫວຽດນາມ ​ແລະ ລັດ​ເຊຍ ມີ​ການ​ພົວພັນ​ອັນ​ເລິກ​ເຊິ່ງ ​ແລະ ໝັ້ນຄົງ, ​ໄດ້​ຮັບ​ການ​ພິສູດ​ໃຫ້​ເຫັນ​ຜ່ານໄລຍະ​ເວລາ ​ແລະ ​ແມ່ນ​ຊັບ​ສິນ​ອັນ​ລ້ຳ​ຄ່າ​ຂອງ​ສອງ​ປະ​ເທດ ແລະ ປະຊາຊົນ​. ຜູ້ຕາງໜ້າ​ບັນດາ​ນັກ​ສຶກສາ​ຫວຽດນາມ ​ໄດ້​ສະແດງຄວາມຂອບ​ອົກ​ຂອບ​ໃຈ​ບັນດາ​ຄວາມ​ເອົາ​ໃຈ​ໃສ່​ຢ່າງໃກ້ຊິດຂອງ​ລັດຖະບານ 2 ປະ​ເທດ ​ເພື່ອ​ຊ່ວຍ​ໃຫ້​ປະຊາຊົນ 2 ປະ​ເທດ​ມີ​ຄວາມ​ເຂົ້າ​ໃຈ​ເຊິ່ງກັນ ແລະ ກັນ.

ດ້ວຍ​ການ​ສະ​ແດງ​ອອກ​ທີ່​ອ່ອນ​ໂຍນ ​ແລະ ກະທັດຮັດ, ທ່ານ​ປະທານາທິບໍດີ Putin ​ໄດ້​ຕອບບັນດາຄຳຖາມ​ຢ່າງ​ຈະ​ແຈ້ງ​ຕໍ່ບັນດາ​ບັນຫາ​ທີ່​ໄດ້ຮັບຄວາມສົນໃຈຂອງ​ບັນດາ​ຜູ້​ແທນ. ທ່ານມີຄວາມປະທັບໃຈທີ່ສຸດກັບຄວາມສາມາດຂອງຜູ້ແທນບາງຄົນທີ່ຈະໃຊ້ພາສາລັດເຊຍ "ຄ້າຍຄື" ແລະ ຈົນກະທັ້ງ "ບໍ່ແຕກຕ່າງຫຍັງກັບຊາວ ລັດເຊຍ". ສໍາລັບທ່ານ, "ນັ້ນແມ່ນສິ່ງທີ່ສຸດຍອດແລ້ວ".

ໃນ​ແຕ່​ລະ​ເລື່ອງລາວ​ຂອງ​ປະ​ທານາທິບໍດີ ​ສາ​ມາດ​ຮູ້​ສຶກ​ໄດ້​ຢ່າງ​ຈະ​ແຈ້ງ​ວ່າ “ເພື່ອນຄົນໜຶ່ງ” ພ້ອມ​ແລ້ວ​ທີ່​ຈະ​ຮ່ວມເດີນທາງ​ກັບ​ແຕ່ລະ​ບາດ​ກ້າວການ​ພັດ​ທະ​ນາ​ຂອງ​ ຫວຽດ​ນາມ... ພາບ: baoquocte.vn

ກ່ຽວ​ກັບ​ການ​ຮ່ວມ​ມື​ດ້ານ​ວິທະຍາສາດ, ທ່ານ​ປະທານາທິບໍດີ Putin ໃຫ້ຮູ້ວ່າວ່າ: ບຸລິມະສິດ​ສຳຄັນ​ທີ່​ສຸດ​ໃນ​ການ​ພັດທະນາ​ວິທະຍາສາດ​ຂອງ ລັດ​ເຊຍ ​ແມ່ນ​ການ​ເອົາ​ໃຈ​ໃສ່​ເຖິງ​ສຸຂະພາບ​ຂອງ​ປະຊາຊົນ, ​ເພີ່ມ​ອາຍຸ​ຍືນ ​ແລະ ຄຸນ​ນະພາ​ບຊີວິດ​ຂອງ​ມະນຸດ. ລັດ​ເຊຍ ​ໄດ້​ບັນ​ລຸ​ຜົນ​ສຳ​ເລັດ​ຫຼາຍ​ຢ່າງ​ໃນ​ການ​ຄົ້ນ​ຄ້​ວາ​ທາງ​ດ້ານ​ ປັນຍາ​ປະດິດ ​ແລະ ຂະແໜງການ​ອຸດ​ສາ​ຫະ​ກຳ​ນິວ​ເຄຼຍ. ທ່ານ Putin ແບ່ງປັນວ່າ, "ນີ້ແມ່ນຕໍາແຫນ່ງນໍາໜ້າຢ່າງແທ້ຈິງໃນໂລກ, ໃນຄວາມເປັນຈິງ ບໍ່ມີປະເທດໃດໃນໂລກທີ່ມີການພັດທະນາເຊັ່ນ ລັດເຊຍ". ເຕັກໂນໂລຢີນິວເຄຼຍແມ່ນຊ່ວຍເປັນຜົນປະໂຫຍດໃຫ້ແພດສາດ, "ຄວາມສາມາດດ້ານນິວເຄຼຍທີ່ທັນສະໄຫມສ້າງໂອກາດການປິ່ນປົວຫຼາຍສໍາລັບມະນຸດ".

ທ່ານ​ປະ​ທານ​ປະ​ເທດ Putin ໄດ້​ແບ່ງ​ປັນ​ຄວາມ​ຈິງໃຈໃນ​ການ​ຊຸກ​ຍູ້​ການ​ຮ່ວມ​ມື​ລະ​ຫວ່າງ 2 ປະ​ເທດ​ໃນ​ບັນ​ດາ​ຂົງ​ເຂດ​ຄື: ພະ​ລັງ​ງານ, ການ​ສຶກ​ສາ, ສາ​ທາ​ລະ​ນະ​ສຸກ, ການທ່ອງ​ທ່ຽວ… ​ໃນ​ແຕ່​ລະ​ເລື່ອງລາວ, ລ້ວນແຕ່ສາມາດ​​ຮູ້​ສຶກ​ໄດ້​ຢ່າງ​ຈະ​ແຈ້ງ​ວ່າ “ເພື່ອນຄົນໜຶ່ງ” ພ້ອມ​ແລ້ວ​ທີ່​ຈະ​ຮ່ວມເດີນທາງກັບ​ທຸກ​ບາດ​ກ້າວການ​ພັດ​ທະ​ນາ​ຂອງ​ ຫວຽດ​ນາມ, ເພື່ອຄວາມຈະເລີນຮຸ່ງເຮືອງ ແລະ ຄວາມຜາສຸກຂອງປະຊາຊົນສອງປະເທດ. ບັນຍາກາດທີ່ເຕັມໄປດ້ວຍໄມຕີຈິດມິດຕະພາບ ແລະ ຄວາມຕັ້ງຫວັງໃນການຮ່ວມມືໄດ້ປະກົດຂຶ້ນກວມລວມຢູ່ ໂຮງລະຄອນໃຫຍ່.

ຕອນຈາກກັນກັບ​ທ່ານ​ປະ​ທາ​ນາ​ທິ​ບໍ​ດີ Putin ກໍ່​ແມ່ນ​​ຮອດເວລາ​ຕອນກາງຄືນ​ທີ່​ ຮ່າ​ໂນ້ຍ​ ແລ້ວ, ບັນ​ຍາ​ກາດ​ໄດ້​ຜ່ອນເບົາລົງ​ພາຍຫຼັງວັນທີ່ແດດຮ້ອນ. ປາດຖະໜາວ່າ, ນ້ຳໃຈມິດຕະພາບທີ່ໄດ້ເສີມສ້າງມາແຕ່ຫຼາຍລຸ້ນຄົນຈະສືບທອດ ແລະ ເສີມຂະຫຍາຍມູນເຊື້ອຄວາມສາມັກຄີ, ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ, ສືບຕໍ່ຄຽງບ່າຄຽງໄຫຼ່, ຊ່ວຍເຫຼືອເຊິ່ງກັນ ແລະ ກັນຜ່ານຜ່າຄວາມຫຍຸ້ງຍາກ, ສິ່ງທ້າທາຍ ເພື່ອຜົນປະໂຫຍດຂອງປະຊາຊົນສອງປະເທດ. ພວກຂ້າພະເຈົ້າກໍ່​ເຊື່ອ​ໝັ້ນ​ວ່າ ​ເລື່ອງ​ມິດຕະພາບ​ ຫວຽດນາມ - ລັດ​ເຊຍ​ ທີ່​ສວຍ​ງາມ​ຈະ​ບໍ່​ຈົບ​ລົງ​ໃນ​ບົດ/ພາກໃດໆ​ໃນ​ປະຈຸ​ບັນ, ​ເຊິ່ງ​ຈະ​ສືບ​ຕໍ່​​ຂະຫຍາຍ​ໄປ​ສູ່​ອະນາຄົດ ​ແລະ ຕະຫຼອດ​ໄປ!

ຍົກສູງການພົວພັນມິດຕະພາບທີ່ເປັນມູນເຊື້ອ ແລະ ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ສະຫະພັນ ລັດເຊຍ ຍສໝ - ທ່ານ​ປະ​ທາ​ນາ​ທິ​ບໍ​ດີ​ ລັດ​ເຊຍ Vladimir Putin ໄດ້​ສິ້ນ​ສຸດ​ການ​ຢ້ຽມ​ຢາມ​ທາງ​ລັດ​ຖະ​ກິດ​ຢູ່ ​ຫວຽດ​ນາມ ຢ່າງ​ສຳ​ເລັດ​ຜົນ. ​ເນື່ອງ​ໃນ​ໂອກາດ​ນີ້, ທ່ານ​ລັດຖະມົນຕີ​ການ​ຕ່າງປະ​ເທດ ຫວຽດນາມ ບຸຍແທງເຊີນ ​ໄດ້​ໃຫ້​ສຳພາດ​ຕໍ່​ນັກ​ຂ່າວ​ກ່ຽວ​ກັບ​ຄວາມ​ໝາຍ ​ແລະ ໝາກຜົນ​ອັນ​ພົ້ນ​ເດັ່ນ​ຂອງ​ການ​ຢ້ຽມຢາມຄັ້ງນີ້. ຂໍແນະນໍາເນື້ອໃນຂອງການສໍາພາດ.

ທ່ານປະທານາທິບໍດີ ລັດເຊຍ Vladimir Putin ແລະ ທ່ານປະທານປະເທດ ຫວຽດນາມ ໂຕ່ເລິມ ໄດ້ພົບປະກັບບັນດາອະດີດນັກສຶກສາ ຫວຽດນາມ ຢູ່ ລັດເຊຍ ຍສໝ - ວັນທີ 20 ມິຖຸນາ, ຢູ່ ຮ່າໂນ້ຍ, ທ່ານປະທານາທິບໍດີສະຫະພັນ ລັດເຊຍ Vladimir Putin ແລະ ທ່ານປະທານປະເທດ ຫວຽດນາມ ໂຕ່ເລິມ ໄດ້ໃຫ້ການຕ້ອນຮັບການນໍາສະມາຄົມມິດຕະພາບ ຫວຽດນາມ - ລັດເຊຍ ແລະ ບັນດາອະດີດນັກສຶກສາ ຫວຽດນາມ ທີ່ຮໍ່າຮຽນຢູ່ສະຫະພັນ ລັດເຊຍ.