 | ການທູດປະຊາຊົນ - ກຸນແຈຄຳທີ່ຜູກພັນສາຍພົວພັນມິດຕະພາບລະຫວ່າງ ຫວຽດນາມ ແລະ ສະຫະພັນ ລັດເຊຍ |
| ສະຖານທູດລາວ ປະຈຳ ລັດເຊຍ ອວຍພອນປີໃໝ່ ຫວຽດນາມ ປີມະໂລງ 2024 |
 |
| ລາຍການພົບປະແລກປ່ຽນ “ຂົວມິດຕະພາບ ຫວຽດນາມ - ລັດເຊຍ ວັນທີ 27 ກຸມພາ ປີ 2024” |
ການພົບປະຄັ້ງນີ້ມີການເຂົ້າຮ່ວມຂອງຜູ້ແທນເກືອບ 400 ຄົນທີ່ເປັນອະດີດນັກຮຽນ ຫວຽດນາມ ຢູ່ ລັດເຊຍ, ມີຄວາມສະໜິດຕິດພັນກັບ ລັດເຊຍ ເປັນເວລາຫຼາຍປີ ແລະ ບັນດານັກສຶກສາ, ຊາວໜຸ່ມ ຫວຽດນາມ ທີ່ຮັກແພງວັດທະນະທຳ ແລະ ພາສາ ລັດເຊຍ. ນີ້ແມ່ນການເຄື່ອນໄຫວສຳຄັນໃນບັນດາການເຄື່ອນໄຫວຂອງທ່ານປະທານາທິບໍດີ ລັດເຊຍ Putin ໃນການຢ້ຽມຢາມ ຫວຽດນາມ ຄັ້ງນີ້, ປະກອບສ່ວນຊຸກຍູ້ບັນດາການເຄື່ອນໄຫວແລກປ່ຽນປະຊາຊົນ ເພື່ອເພີ່ມທະວີຄວາມເຂົ້າອົກເຂົ້າໃຈ ແລະ ມິດຕະພາບລະຫວ່າງປະຊາຊົນສອງປະເທດ.
ທີ່ການພົບປະ, ທ່ານປະທານາທິບໍດີ ລັດເຊຍ Putin ໄດ້ສະແດງຄວາມປິຕິຊົມຊື່ນເມື່ອໄດ້ກັບຄືນມາ ຫວຽດນາມ, ໄດ້ພົບປະ ແລະ ພົວພັນແລກປ່ຽນກັບຊາວ ຫວຽດນາມ ທີ່ຮ່ຳຮຽນຢູ່ ລັດເຊຍ ເປັນເວລາຫຼາຍປີ, ມີຄວາມເຂົ້າໃຈ ແລະ ຮັກແພງປະຫວັດສາດ, ວັດທະນະທຳ ແລະ ພາສາ ລັດເຊຍ. ທ່ານ ໄດ້ຕີລາຄາສູງບັນດາການປະກອບສ່ວນອັນສຳຄັນຂອງບັນດາລຸ້ນນັກສຶກສາ ຫວຽດນາມ ຢູ່ ລັດເຊຍ ໃນການພົວພັນມິດຕະພາບທີ່ເປັນມູນເຊື້ອ ແລະ ການຮ່ວມມືອັນດີງາມຂອງ 2 ປະເທດໃນຫຼາຍປີຜ່ານມາ.
ຜູ້ນຳ ລັດເຊຍ ປາດຖະໜາວ່າ ບັນດາລຸ້ນອະດີດນັກສຶກສາ ຫວຽດນາມ ຈະສືບຕໍ່ເປັນຂົວເຊື່ອມຕໍ່ເພື່ອໃຫ້ລຸ້ນໜຸ່ມ ຫວຽດນາມ ເຂົ້າໃຈວັດທະນະທຳ, ປະເທດຊາດ ແລະ ປະຊາຊົນ ລັດເຊຍ, ປະກອບສ່ວນປົກປັກຮັກສາ ແລະ ພັດທະນາການພົວພັນມິດຕະພາບທີ່ເປັນມູນເຊື້ອ ຫວຽດນາມ - ລັດເຊຍ ກວ່າອີກ.
 |
| ທ່ານປະທານາທິບໍດີ ສະຫະພັນ ລັດເຊຍ Vladimir Putin ຕອບຄຳຖາມຂອງອະດີດນັກສຶກສາ ຫວຽດນາມ ຢູ່ ລັດເຊຍ. |
ທ່ານປະທານາທິບໍດີ Putin ໃຫ້ຮູ້ວ່າ: ສະຫະພັນ ລັດເຊຍ ຈະສືບຕໍ່ໜູນຊ່ວຍການແລກປ່ຽນນັກສຶກສາໂດຍຜ່ານຫຼາຍຊ່ອງທາງຄື: ບັນດາໂຄງການສຶກສາຢູ່ທ້ອງຖິ່ນ, ບັນດາຫຼັກສູດມະຫາວິທະຍາໄລ… ໂດຍຜ່ານນັ້ນ, ກໍ່ສືບຕໍ່ພັດທະນາການພົວພັນ ຫວຽດນາມ - ລັດເຊຍ. ທ່ານປະທານາທິບໍດີ ສະຫະພັນ ລັດເຊຍ ຫວັງວ່າບັນດາອະດີດນັກສຶກສາ ຫວຽດນາມ ຢູ່ ລັດເຊຍ ຈະສືບຕໍ່ປະກອບສ່ວນເຂົ້າໃນການພົວພັນຄູ່ຮ່ວມມືຍຸດທະສາດຮອບດ້ານລະຫວ່າງ 2 ປະເທດ.
ກ່າວຄຳປາໄສທີ່ການພົບປະ, ທ່ານປະທານປະເທດ ຫວຽດນາມ ໂຕ່ເລິມ ໃຫ້ຮູ້ວ່າ: ນີ້ແມ່ນການພົບປະດ້ວຍບັນຍາກາດອັນອົບອຸ່ນ, ໄວ້ເນື້ອເຊື່ອໃຈຂອງບັນດາເພື່ອນມິດທີ່ສະໜິດສະໜົມ, ດ້ວຍນ້ຳໃຈທີ່ຈິງໃຈ ແລະ ການສົນທະນາດ້ວຍຫົວໃຈ. ຢູ່ທີ່ນີ້, ຊາວ ຫວຽດນາມ, ໃນນັ້ນມີຜູ້ທີ່ເຄີຍດຳລົງຊີວິດ, ເຮັດວຽກ, ຮ່ຳຮຽນຢູ່ ລັດເຊຍ ແລະ ບັນດາຜູ້ທີ່ບໍ່ເຄີຍໄປຮອດ ລັດເຊຍ ລ້ວນແຕ່ຮັກແພງ ລັດເຊຍ ແລະ ຮູ້ສຶກເຖິງຄວາມເປັນມະນຸດສະທຳອັນເລິກເຊິ່ງຂອງປະເທດຊາດ, ຈິດວິນຍານ, ພາສາ ລັດເຊຍ ໂດຍຜ່ານບັນດາປຶ້ມ, ຮູບເງົາ, ເລື່ອງເລົ່າກ່ຽວກັບປະຊາຊົນ ລັດເຊຍ, ໄດ້ມີໂອກາດພົບປະກັບທ່ານປະທານາທິບໍດີ ລັດເຊຍ Vladimir Putin - ບຸກຄົນທີ່ປະຊາຊົນ ລັດເຊຍ ໄວ້ເນື້ອເຊື່ອໃຈໃນຫຼາຍທົດສະວັດຜ່ານມາ, ໄດ້ນຳພາ ລັດເຊຍ ບັນລຸໄດ້ບັນດາຜົນງານສຳຄັນ ແລະ ພວມສືບຕໍ່ນຳພາ ລັດເຊຍ ຜ່ານຜ່າທຸກຄວາມຫຍຸ້ງຍາກ, ສິ່ງທ້າທາຍ, ພ້ອມກັນນັ້ນ ກໍ່ປະກອບສ່ວນເຂົ້າໃນຄວາມສັນຕິພາບ, ສະຖຽນລະພາບ ແລະ ການພັດທະນາໃນພາກພື້ນ ແລະ ໃນໂລກ.
ທ່ານປະທານປະເທດ ຫວຽດນາມ ກ່າວວ່າ ການແບ່ງປັນຂອງບັນດາຜູ້ແທນທີ່ການພົບປະໄດ້ສະແດງໃຫ້ເຫັນວ່າ ເຖິງວ່າສອງປະເທດຢູ່ຫ່າງໄກກັນຫຼາຍນັບພັນກິໂລແມັດກໍ່ຕາມ, ແຕ່ປະຊາຊົນ ຫວຽດນາມ ຍັງມີຄວາມເອົາໃຈໃສ່, ຕິດຕາມ ລັດເຊຍ, ຍິນດີພ້ອມກັບບັນດາຜົນງານ ແລະ ການພັດທະນາຂອງ ລັດເຊຍ, ຍາມໃດກໍ່ອວຍພອນໃຫ້ ລັດເຊຍ ຈະເລີນຮຸ່ງເຮືອງ, ວັດທະນາຖາວອນ, ພັດທະນາຢ່າງເຂັ້ມແຂງ, ຜ່ານຜ່າທຸກຄວາມຫຍຸ້ງຍາກ ແລະ ສິ່ງທ້າທາຍ.
 |
| ທ່ານປະທານປະເທດ ຫວຽດນາມ ໂຕ່ເລິມ ກ່າວຄຳປາໄສທີ່ການພົບປະ. |
ທ່ານປະທານປະເທດ ຫວຽດນາມ ໂຕ່ເລິມ ຂອບໃຈທ່ານປະທານາທິບໍດີ ລັດເຊຍ Vladimir Putin ທີ່ຍາມໃດກໍ່ຮັກແພງ ແລະ ເອົາໃຈໃສ່ເປັນພິເສດເຖິງ ຫວຽດນາມ, ປະກອບສ່ວນສຳຄັນເຂົ້າໃນການພັດທະນາສາຍພົວພັນລະຫວ່າງ 2 ປະເທດ, ຍົກລະດັບການພົວພັນລະຫວ່າງ 2 ປະເທດຂຶ້ນສູ່ລະດັບຄູ່ຮ່ວມມືຍຸດທະສາດ (ປີ 2001) ແລະ ຄູ່ຮ່ວມມືຍຸດທະສາດຮອບດ້ານ (ປີ 2012).
ຫວນຄືນຄຳສຸພາສິດ ລັດເຊຍ “ຄວາມຮັ່ງມີທັງໝົດບໍ່ສາມາດປຽບທຽບກັບນ້ຳໃຈເພື່ອນມິດໄດ້”, “ເພື່ອນເກົ່າໜຶ່ງຄົນດີກ່ວາເພື່ອນໃໝ່ສອງຄົນ”, ທ່ານປະທານປະເທດ ຫວຽດນາມ ເນັ້ນໜັກວ່າ ປະຊາຊົນ ຫວຽດນາມ ຍາມໃດກໍ່ຮູ້ບຸນຄຸນຢ່າງເລິກເຊິ່ງ ແລະ ຈົດຈຳເຖິງນໍ້າໃຈສະໜິດຕິດແໜ້ນ, ຄວາມຊື່ສັດຮັກແພງຂອງເພື່ອນມິດ ລັດເຊຍ. ໃນສະພາບການທີ່ມີການຜັນຂະຫຍາຍຢ່າງສັບສົນຫຼາຍຢ່າງໃນໂລກ ແລະ ພາກພື້ນ, ຫວຽດນາມ ແລະ ສະຫະພັນ ລັດເຊຍ ຈະສືບຕໍ່ເສີມຂະຫຍາຍມູນເຊື້ອຄວາມສາມັກຄີ ແລະ ຄວາມໄວ້ເນື້ອເຊື່ອໃຈເຊິ່ງກັນ ແລະ ກັນ, ສືບຕໍ່ຄຽງບ່າຄຽງໄຫຼ່, ຊ່ວຍເຫຼືອເຊິ່ງກັນ ແລະ ກັນຜ່ານຜ່າຄວາມຫຍຸ້ງຍາກ, ສິ່ງທ້າທາຍຕ່າງໆ ເພື່ອຜົນປະໂຫຍດຂອງປະຊາຊົນສອງປະເທດ.
 |
| ທີ່ການພົບປະ, ບັນດາຜູ້ແທນໄດ້ມີໂອກາດຕັ້ງຄຳຖາມໂດຍກົງຕໍ່ ທ່ານປະທານາທິບໍດີ ສະຫະພັນ ລັດເຊຍ Vladimir Putin. |
ທີ່ການພົບປະ, ບັນດາອະດີດນັກສຶກສາ ຫວຽດນາມ ຢູ່ ລັດເຊຍ ໄດ້ແບ່ງປັນຄວາມຊົງຈຳ ແລະ ນ້ຳໃຈເຖິງປະເທດ ແລະ ປະຊາຊົນ ລັດເຊຍ. ບັນດາຜູ້ແທນໄດ້ຕັ້ງຄຳຖາມຕໍ່ ທ່ານປະທານາທິບໍດີ ສະຫະພັນ ລັດເຊຍ Vladimir Putin ກ່ຽວກັບແງ່ຫວັງ ແລະ ທິດທາງຊຸກຍູ້ການຮ່ວມມືລະຫວ່າງ ຫວຽດນາມ - ລັດເຊຍ ໃນບັນດາຂົງເຂດຄື: ຄົ້ນຄວ້າວິທະຍາສາດ, ສາທາລະນະສຸກ, ບຳລຸງສ້າງພາສາ ລັດເຊຍ, ວັດທະນະທຳ, ສິລະປະ ແລະ ການທ່ອງທ່ຽວ.
 | ຫວຽດນາມ ເຂົ້າຮ່ວມການເຈລະຈາ ລັດເຊຍ - ອາຊຽນ ຢູ່ EEF 2023 ຍສໝ - ເວທີປາໄສດັ່ງກ່າວໄດ້ສຸມໃສ່ເຂົ້າໃນຫຼາຍບັນຫາແມ່ນທ່າອ່ຽງພັດທະນາລວມໃນປະຈຸບັນຂອງບັນດາປະເທດໃນໂລກ |
 | ຮັດແໜ້ນການຮ່ວມມື ລະຫວ່າງສອງພັກ ແລະ ສອງລັດ ຫວຽດນາມ - ລັດເຊຍ ຍສໝ - ໃນການຕ້ອນຮັບທ່ານ Dmitry Medvedev - ປະທານພັກປະເທດ ລັດເຊຍ ເອກະພາບ, ຮອງປະທານສະພາຄວາມໝັ້ນຄົງ ລັດເຊຍ ແລະ ຄະນະຜູ້ແທນຂັ້ນສູງສະຫະພັນລັດເຊຍ ມາຢ້ຽມຢາມ ຫວຽດນາມ, ທ່ານປະທານປະເທດ ຫວໍວັນເຖືອງ ໄດ້ຕີລາຄາສູງຄວາມໝາຍຂອງການຢ້ຽມຢາມຄັ້ງນີ້ ແມ່ນໂອກາດເພື່ອໃຫ້ 2 ຝ່າຍປຶກສາຫາລືກ່ຽວກັບບັນດາທິດທາງການຮ່ວມມື ຫວຽດນາມ - ລັດເຊຍ ໂດຍທົ່ວໄປ, ... |
ມິງດຶກ
