 | ຊາວ ຫວຽດນາມ ອາໄສຢູ່ຕ່າງປະເທດເຜີຍແຜ່ຄຸນຄ່າວັດທະນະທຳ ຫວຽດນາມ ຢູ່ ຝລັ່ງ |
| ເວທີປາໄສແມ່ຍິງ ຫວຽດນາມ ຢູ່ ເອີລົບ ໜູນຊ່ວຍຊາວ ຫວຽດນາມ ທີ່ໄດ້ຮັບຄວາມເສຍຫາຍຍ້ອນໄຟໄໝ້ຢູ່ ໂປໂລຍ |
 |
| ກະກຽມວັດຖຸດິບໃຫ້ເຍື່ອງອາຫານເຝີ ໃນເຫດການວັນບຸນເຝີຫວຽດນາມ ຢູ່ອາຟຼິກາໃຕ້ 2024. (ພາບ: ຮົ່ງມີງ) |
ວັນທີ 7 ທັນວາ - ວັນບຸນເຝີຫວຽດນາມ ຢູ່ອາຟຣິກາໃຕ້ 2024 ໄດ້ດຳເນີນຢູ່ເຂດຕະຫລາດອາຫານ Hazel Food Market ທີ່ມີຊື່ສຽງຂອງນະຄອນຫຼວງ Pretoria.
ນີ້ເປັນປີທີສອງທີ່ເຫດການນີ້ໄດ້ຈັດຕັ້ງຢູ່ປະເທດຮຸ້ງກິນນ້ຳ ແລະ ໄດ້ຮັບການຕອບຮັບຈາກປະຊາຊົນທ້ອງຖິ່ນຢ່າງຫຼວງຫຼາຍ.
ວັນບຸນເຝີຫວຽດນາມ ຢູ່ອາຟຼິກາໃຕ້ ແມ່ນໜຶ່ງໃນບັນດາຂໍ້ລິເລີ່ມຂອງສະຖານທູດຫວຽດນາມ ປະຈຳອາຟະລິກາໃຕ້, ສົມທົບກັບບັນດາອົງການຕາງໜ້າຫວຽດນາມ ຢູ່ອາຟຼິກາໃຕ້, ດ້ວຍຈຸດປະສົງເຜີຍແຜ່ຈິດໃຈອາຫານການກິນຂອງ ຫວຽດນາມ ເຖິງເພື່ອນມິດຢູ່ທ້ອງຖິ່ນເດີມ ແລະ ສາກົນ.
ນັບແຕ່ຕົ້ນ, ຊາວອາຟຼິກາໃຕ້ ຫຼາຍຄົນ, ສະມາຊິກຄະນະການທູດຈາກບັນດາປະເທດຕ່າງໆ ແລະ ປະຊາຄົມຊາວ ຫວຽດນາມ ອາໄສ, ເຮັດວຽກ ແລະ ຮ່ຳຮຽນຢູ່ອາຟຼິກາໃຕ້ ໄດ້ລຽນແຖວຢູ່ເຂດແນະນຳ ເຝີ ແລະ ອາຫານຂອງຫວຽດນາມ ຢ່າງກະຕືລືລົ້ນ.
ໃນເສືອຜ້າອາພອນທຸງສີແດງດາວເຫຼືອງທີ່ດີເດັ່ນ ແລະ ກຸບທີ່ມີສີສັນ, ບັນດາພະນັກງານ, ພາລະກອນ ແລະ ບັນດາສາມີ ແລະ ພັນລະຍາຂອງສະຖານທູດ ແລະ ບັນດາອົງການຜູ້ຕາງໜ້າຫວຽດນາມ ປະຈຳອາຟຼິກາໃຕ້ ໄດ້ເອກອ້າງຮ່ວມຮັບໃຊ້ແຂກຄົນດ້ວຍເຍື່ອງອາຫານ ເຝີງົວ ແລະ ເຝີໄກ່ແບບພື້ນເມືອງຂອງຫວຽດນາມ.
ໂດຍແລກປ່ຽນກັບນັກຂ່າວຫວຽດນາມ, ທ້າວ Keith Dali, ແຂກຊາວອາຟຼິກາໃຕ້ ໃຫ້ຮູ້ວ່າ: “ຂ້າພະເຈົ້າມັກອາຫານຫວຽດນາມ ໃນມື້ນີ້ແທ້ໆ. ຂ້າພະເຈົ້າໄດ້ກິນກາເຟເຢັນໜ້ອຍໜຶ່ງທີ່ສະຫວາດສະເຫວີຍແທ້ໆ. ເຍື່ອງອາຫານ ຢໍ່ຈືນແຊບ ແລະ ນຸ້ມ...
ນີ້ແມ່ນຄັ້ງທຳອິດຂອງຂ້າພະເຈົ້າທີ່ໄດ້ຊີມອາຫານຫວຽດນາມ ແລະ ສິ່ງນີ້ເຮັດໃຫ້ຂ້າພະເຈົ້າຢາກມາຢ້ຽມຢາມ ຫວຽດນາມແທ້ໆ. ທີ່ຈິງແລ້ວ, ຂ້າພະເຈົ້າກຳລັງຂໍວີຊາເພື່ອໄປທ່ຽວຫວຽດນາມ ແລະ ສາມາດລົງຕົວຈິງກັບອາຫານຫຼາຍກວ່າອີກ. ເຫດການນີ້ ແມ່ນການແນະນໍາທີ່ດີກ່ຽວກັບອາຫານ ແລະ ຂ້າພະເຈົ້າກໍ່ມັກສິ່ງນີ້".
ບໍ່ພຽງແຕ່ແນະນຳກ່ຽວກັບອາຫານຫວຽດນາມ ເທົ່ານັ້ນ, ວັນບຸນເຝີຫວຽດນາມ ຢູ່ອາຟຼິກາໃຕ້ ກໍ່ຍັງໄດ້ຮັບຖືວ່າແມ່ນໂອກາດເພື່ອໃຫ້ຊາວອາຟຼິກາໃຕ້ ແລະ ບັນດາປະເທດເຂົ້າໃຈຕື່ມອີກກ່ຽວກັບວັດທະນະທຳ, ປະເທດຊາດ ແລະ ປະຊາຊົນ ຫວຽດນາມ.
ໃນຂະນະນັ້ນ, ນາງ Zuné Naudé ໄດ້ແບ່ງປັນວ່າ: “ທຸກຄັ້ງທີ່ຂ້າພະເຈົ້າເວົ້າເຖິງຫວຽດນາມ, ຂ້າພະເຈົ້າກໍ່ຄິດເຖິງເຝີ. ຂ້າພະເຈົ້າໄດ້ກິນເຝີຫຼາຍເທື່ອແລ້ວ, ແຕ່ຖ້ວຍເຝີທີ່ຂ້າພະເຈົ້າກິນມື້ນີ້ເປັນຖ້ວຍເຝີທີ່ແຊບທີ່ສຸດເທົ່າທີ່ຂ້າພະເຈົ້າເຄີຍກິນມາຈົນເຖິງປະຈຸບັນ.
ມາເຫດການນີ້, ຂ້າພະເຈົ້າໄດ້ຮຽນຮູ້ໄດ້ຫຼາຍສິ່ງກ່ຽວກັບເຝີ ແລະ ສິ່ງດັ່ງກ່າວເຮັດໃຫ້ຂ້າພະເຈົ້າຢາກມາຢ້ຽມຢາມ ຫວຽດນາມ. ຂ້າພະເຈົ້າຮູ້ສຶກວ່າຊາວຫວຽດນາມ ໃຈດີ ແລະ ມີຄວາມຮັກແພງ. ແລະເຍື່ອງອາຫານຢໍ່ຈືນກໍແຊບຫຼາຍ. ແລະ ກາເຟ, ຂ້າພະເຈົ້າຮູ້ສຶກແປກໃຈວ່າກາເຟແຊບແຊບປານໃດ”.
ບໍ່ພຽງແຕ່ຊາວອາຟຼິກາໃຕ້ ເທົ່ານັ້ນ, ມີແຂກຫຼາຍຄົນຍັງສະແດງຄວາມຮັກແພງຕໍ່ເຍື່ອງອາຫານ ແລະ ວັດທະນະທຳ ຫວຽດນາມ. ທ່ານ Carlos Feo Acevedo ເອກອັກຄະລັດຖະທູດເວເນຊູເອລາ ປະຈຳອາຟະລິກາໃຕ້ ແບ່ງປັນວ່າ: “ມື້ນີ້ ແມ່ນວັນທີ່ສຸດຍອດຢູ່ Pretoria, ພິເສດແມ່ນງານບຸນອາຫານການກິນຫວຽດນາມ ທີ່ພວກຂ້າພະເຈົ້າພວມເຂົ້າຮ່ວມ. ອາຫານທີ່ດີແທ້, ຄົບຖ້ວນ ແລະ ແຊບຫຼາຍ.
ເຫດການນີ້ບໍ່ພຽງແຕ່ແນະນຳອາຫານ ຫວຽດນາມ ເທົ່ານັ້ນ, ຫາກຍັງແມ່ນຄວາມຮັກແພງຂອງເພື່ອນມິດ ແລະ ສະຫາຍຊາວ ຫວຽດນາມ ອີກດ້ວຍ. ພວກຂ້າພະເຈົ້າອາດສຳຜັດໄດ້ເຖິງຄວາມຮູ້ສຶກຈິດໃຈອັນມ່ວນຊື່ນ, ຄວາມສຸກຂອງຊາວຫວຽດນາມ ແລະ ສຸດຍອດທີ່ສຸດທີ່ໄດ້ແບ່ງປັນນ້ຳໃຈນັ້ນກັບເພື່ອນມິດຫວຽດນາມ”.
 | ຖັດຈາກຍີ່ປຸ່ນ, ເຝີ ຫວຽດນາມ ກໍາລັງຈະ 'ສົ່ງອອກ' ໄປທີ່ດິນແດນແຫ່ງກິມຈີ ຍສໝ - ລະດູໃບໄມ້ຫຼົ່ນທີ່ຈະມາເຖິງນີ້, ເຝີ - ອາຫານປະຈຳຊາດຫວຽດນາມ ຈະໄດ້ “ສົ່ງອອກ” ໄປຍັງ ສ.ເກົາຫຼີ, ຕາມລາຍການ ວັນຂອງເຝີ ຈັດຕັ້ງໂດຍໜັງສືພິມ Tuoi Tre (ໄວໜຸ່ມ). |
 | Taste Atlas: ເຂົ້ົ້າຈີ່ ແລະ ເຝີ ໄດ້ນ່ອນຢູ່ໃນ 100 ອາຫານຕາມຖະຫນົນທີ່ແຊບທີ່ສຸດໃນອາຊີ ຍສໝ - Taste Atlas ຍ້ອງຍໍເຂົ້າຈີ່ເປັນ “ມໍລະດົກ” ຂອງອາຫານຫວຽດນາມ. ເວັບໄຊສະເພາະກຽວກັບອາຫານໃຫ້ຮູ້ວ່າ, ແຕ່ລະພາກພື້ນ, ເຂົ້າຈີ່ຫວຽດນາມມີລົດຊາດທີ່ແຕກຕ່າງກັນ, ແຕ່ຈຸດທີ່ພົບທົ່ວໄປນັ້ນແມ່ນລ້ວນແຕ່ຖືກໜີບດ້ວຍເຂົ້າຈີ່ສີທອງແບບຝຣັ່ງ. |
