ທີ່ການພົບປະ, ຄະນະປະຕິບັດງານໄດ້ຮັບຟັງບົດລາຍງານຂອງທ່ານເອກອັກຄະລັດຖະທູດ ຫວຽດນາມ ປະຈຳ ຝລັ່ງ ດິງຕວານຖັງ ກ່ຽວກັບປະຫວັດສາດການພັດທະນາ, ຈຸດພິເສດ ແລະ ສະພາບການປະຈຸບັນຂອງປະຊາຄົມຊາວ ຫວຽດນາມ ຢູ່ ຝລັ່ງ ກໍ່ຄືຄຳເຫັນທີ່ແບ່ງປັນຂອງຜູ້ຕາງໜ້າບັນດາສະມາຄົມສະມາຊິກ.
 |
| ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໊ວັນຈ້ຽນ ໄດ້ມີການພົບປະກັບຊາວ ຫວຽດນາມ ອາໄສຢູ່ຝລັ່ງ ແລະ ບັນດາພະນັກງານສະຖານທູດ ຫວຽດນາມ ປະຈຳ ຝລັ່ງ. ພາບ: TTXVN |
ທ່ານ ໂດ໊ວັນຈ້ຽນ ໄດ້ຮັບຮູ້ບັນດາຄຳເຫັນ ແລະ ຄຳສະເໜີຂອງຊາວ ຫວຽດນາມ ອາໄສຢູ່ຕ່າງປະເທດ ກ່ຽວກັບວຽກງານແນວໂຮມປະເທດຊາດ ຫວຽດນາມ ກໍ່ຄືວຽກງານກ່ຽວກັບຊາວ ຫວຽດນາມ ຢູ່ຕ່າງປະເທດ. ບັນດາຄວາມຄິດເຫັນສ່ວນຫຼາຍແມ່ນການປົກປັກຮັກສາຮີດຄອງປະເພນີ, ວັດທະນະທຳ ແລະ ພາສາ ຫວຽດນາມ ຂອງລຸ້ນໜຸ່ມ; ຮັດແໜ້ນການພົວພັນລະຫວ່າງລູກຫຼານຊາວ ຫວຽດນາມ ຢູ່ຕ່າງປະເທດກັບບ້ານເກີດເມືອງນອນ; ສ້າງເງື່ອນໄຂໃຫ້ນັກປັນຍາຊົນຊາວ ຫວຽດນາມ ອາໄສຢູ່ຕ່າງປະເທດ ປະກອບສ່ວນເຂົ້າໃນການພັດທະນາຂອງປະເທດຊາດ...
 |
| ຜູ້ຕາງໜ້າປະຊາຄົມຊາວ ຫວຽດນາມ ອາໄສຢູ່ ຝລັ່ງ ໄດ້ແບ່ງປັນຄວາມຄິດເຫັນ ແລະຄວາມມຸ່ງຫວັງ. ພາບ: TTXVN |
ທ່ານ ໂດ໊ວັນຈ້ຽນ ຢືນຢັນວ່າ: ຊາວ ຫວຽດນາມ ອາໄສຢູ່ ຝລັ່ງ ແລະ ໃນທົ່ວໂລກ ຍາມໃດກໍ່ແມ່ນພາກສ່ວນສຳຄັນ ແລະ ບໍ່ອາດຂາດໄດ້ຂອງປະເທດຊາດ. ໂດຍຕີລາຄາຢ່າງສູງຄວາມກະຕືລືລົ້ນ ແລະ ຄວາມຮັບຜິດຊອບໃນການປະກອບສ່ວນສ້າງສາບ້ານເກີດເມືອງນອນຂອງຊາວ ຫວຽດນາມ ອາໄສຢູ່ ຝລັ່ງ, ທ່ານ ໂດ໊ວັນຈ້ຽນ ຫວັງວ່າ, ຊາວ ຫວຽດນາມ ອາໄສຢູ່ຕ່າງປະເທດ ຈະສືບຕໍ່ເສີມຂະຫຍາຍຈິດໃຈສາມັກຄີ, ອະນຸລັກຮັກສາ ແລະ ເສີມຂະຫຍາຍບັນດາຄຸນຄ່າວັດທະນະທຳ ຫວຽດນາມ ຢູ່ ຝລັ່ງ. ພ້ອມກັນນັ້ນ, ກໍ່ເຊື່ອມໂຍງຢ່າງແໜ້ນແຟ້ນກັບປະຊາຄົມຢູ່ປະເທດປະຈຳຖິ່ນ, ສືບຕໍ່ປະກອບສ່ວນຢ່າງຕັ້ງໜ້າເຂົ້າໃນພາລະກິດສ້າງສາ, ພັດທະນາປະເທດຊາດ ແລະ ເພີ່ມພູນຄູນສ້າງການພົວພັນມິດຕະພາບລະຫວ່າງ ຫວຽດນາມ - ຝລັ່ງ.
ກ່ອນໜ້ານັ້ນ, ໃນຂອບເຂດການເດີນທາງໄປປະຕິບັດງານ, ຄະນະໄດ້ໄປຖະຫວາຍທູບທຽນທີ່ອະນຸສາວະລີ ປະທານ ໂຮ່ຈີມິນ; ຢ້ຽມຢາມຫໍພິພິທະພັນປະຫວັດສາດຢູ່ສວນສາທາລະນະ Montreau (ນະຄອນ Montreuil); ພົບປະ ແລະ ເຮັດວຽກກັບການນຳສະມາຄົມມິດຕະພາບ ຝລັ່ງ - ຫວຽດນາມ (AAFV)...
 |
| ທ່ານປະທານຄະນະກຳມະການສູນກາງແນວໂຮມປະເທດຊາດ ຫວຽດນາມ ໂດ໊ວັນຈ້ຽນ ໄດ້ພົບປະກັບການນຳສະມາຄົມມິດຕະພາບ ຝລັ່ງ - ຫວຽດນາມ. ພາບ: TTXVN |
ທີ່ການພົບປະກັບ AAFV, ທ່ານ ໂດ໊ວັນຈ້ຽນ ໄດ້ຮັບຟັງກ່ຽວກັບບັນດາໂຄງການຮ່ວມມື; ຂໍ້ສະດວກ ແລະ ຂໍ້ຫຍຸ້ງຍາກຂອງ AAFV ໃນຂະບວນການເຄື່ອນໄຫວຢູ່ ຫວຽດນາມ. ຕີລາຄາສູງບັນດາຄວາມມານະພະຍາຍາມຂອງ AAFV, ທ່ານ ໂດ໊ວັນຈ້ຽນ ຫວັງວ່າ ໃນໄລຍະຈະມາເຖິງ, ຈະສືບຕໍ່ໄດ້ຮັບການສະໜັບສະໜູນຈາກບັນດາສະມາຊິກໃນການໂຄສະນາຮູບພາບປະເທດຊາດ ແລະ ປະຊາຊົນ ຫວຽດນາມ ມາຍັງເພື່ອນມິດ ຝລັ່ງ; ຊ່ວຍໃຫ້ປະຊາຄົມຊາວ ຫວຽດນາມ ຢູ່ ຝລັ່ງ ໄດ້ເຊື່ອມໂຍງເຂົ້າກັບປະເທດປະຈຳຖິ່ນເປັນຢ່າງດີ; ແບ່ງປັນບັນດາທັດສະນະຂອງ ຫວຽດນາມ ໃນເວທີສາກົນ...
 | ປະຊາຄົມຊາວຫວຽດນາມ ຢູ່ ມົງໂກລີ ຮ່ວມມືກັນໄຕ້ແສງສະຫວ່າງເຂດຊາຍແດນ ຍສໝ - ໂດຍຕອບສະໜອງການລະດົມຂອງສະມາຄົມນັກທຸລະກິດຫວຽດນາມ ຢູ່ຕ່າງປະເທດ, ວັນທີ 6 ມິຖຸນາ 2024, ສະຖານທູດ ຫວຽດນາມ ປະຈຳ ມົງໂກລີ ພ້ອມກັນກັບສະມາຄົມນັກທຸລະກິດ ຫວຽດນາມ ປະຈຳ ມົງໂກລີ ໄດ້ຈັດຕັ້ງພິທີບໍລິຈາກ ເພື່ອສະໜັບສະໜູນໂຄງການ “ໄຕ້ແສງສະຫວ່າງເຂດຊາຍແດນ” ຢູ່ ກາວບັ່ງ. |
 | ການເດີນທາງມາເປັນເວລາ 15 ປີທີ່ດັງກ້ອງກັງວານໄປດ້ວຍບົດເພງວິລະຊົນປະຕິວັດໃນປະເທດ ຝລັ່ງ ຍສໝ - ດົນຕີປະສານສຽງບ້ານເກີດເມືອງນອນໄດ້ຜ່ານການເດີນທາງມາເປັນເວລາ 15 ປີ, ປະກອບສ່ວນຢ່າງຕັ້ງໜ້າເຂົ້າໃນການແນະນຳໃຫ້ເພື່ອນມິດສາກົນຮູ້ຈັກພາບພົດຂອງ ຫວຽດນາມ ທີ່ສັນຕິພາບ ແລະ ສວຍງາມ. |
ມິງດຶກ
