 | Taste Atlas: ເຂົ້ົ້າຈີ່ ແລະ ເຝີ ໄດ້ນ່ອນຢູ່ໃນ 100 ອາຫານຕາມຖະຫນົນທີ່ແຊບທີ່ສຸດໃນອາຊີ |
| ເຝີ 50,000 ຖ້ວຍຮັບໃຊ້ແຂກມາຊິມອາຫານໃນງານ Festival ເຝີ 2024 |
 |
| ທ່ານ ຮ່າກິມຫງອກ ຮອງລັດຖະມົນຕີການຕ່າງປະເທດ ຫວຽດນາມ ໄດ້ໃຫ້ການຕ້ອນຮັບທ່ານ ເລ່ເຖຈື໊ ຫົວໜ້າບັນນາທິການໃຫຍ່ໜັງສືພິມ Tuoi Tre . (ພາບ: ຫງວຽນຮົ່ງ) |
ວັນທີ 27 ພຶດສະພາ, ຢູ່ສຳນັກງານກະຊວງການຕ່າງປະເທດ ຫວຽດນາມ, ທ່ານ ຮ່າກິມຫງອກ ຮອງລັດຖະມົນຕີການຕ່າງປະເທດ ຫວຽດນາມ ໄດ້ໃຫ້ການຕ້ອນຮັບທ່ານ ເລ່ເຖຈື໊ ຫົວໜ້າບັນນາທິການໃຫຍ່ໜັງສືພິມ Tuoi Tre. ເຂົ້າຮ່ວມກອງປະຊຸມມີຜູ້ຕາງໜ້າກົມການທູດວັດທະນະທຳ ແລະ UNESCO, ກົມອາຊີຕາເວັນອອກສ່ຽງເໜືອ, ກົມຖະແຫຼງຂ່າວ ແລະ ສື່ມວນຊົນ, ໜັງສືພິມ ໂລກ ແລະ ຫວຽດນາມ.
ໂດຍຕີລາຄາຢ່າງສູງການສົມທົບກັນລະຫວ່າງໜັງສືພິມ Tuoi Tre ແລະ ກະຊວງການຕ່າງປະເທດໃນວຽກງານຖະແຫຼງຂ່າວການຕ່າງປະເທດ, ທ່ານ ຮ່າກິມຫງອກ ເນັ້ນໜັກວ່າ: “ນັ້ນແມ່ນການຮ່ວມເດີນທາງ ແລະ ແບ່ງປັນສຳລັບວຽກງານການຕ່າງປະເທດ”.
ທ່ານ ເລເຖຈື໋ ສະແດງຄວາມຂອບອົກຂອບໃຈກະຊວງການຕ່າງປະເທດ ທີ່ໄດ້ໜູນຊ່ວຍວຽກງານຂ່າວສານການຕ່າງປະເທດ ກໍ່ຄືການຈັດຕັ້ງບັນດາເຫດການຢູ່ຕ່າງປະເທດ, ພິເສດແມ່ນລາຍການ ວັນຂອງເຝີ ປະຈຳປີ. ປີ 2023, ເປັນຄັ້ງທຳອິດທີ່ ໜັງສືພິມ Tuoi Tre ໄດ້ສົມທົບກັບກະຊວງການຕ່າງປະເທດ ແລະ ບັນດາອົງການທີ່ກ່ຽວຂ້ອງຈັດຕັ້ງ Festival Pho ຫວຽດນາມ ຢູ່ສວນສາທາລະນະ Yoyogi ຢູ່ Tokyo ປະເທດ ຍີ່ປຸ່ນ.
ການທີ່ນຳ ເຝີ “ອອກໄປຕ່າງປະເທດ” ບໍ່ພຽງແຕ່ຊ່ວຍໂຄສະນາພາບພົດຂອງປະເທດຊາດ, ວັດທະນະທຳ ແລະ ປະຊາຊົນ ຫວຽດນາມ ເທົ່ານັ້ນ ຫາກຍັງປະກອບສ່ວນຊຸກຍູ້ຄວາມສະໜິດຕິດພັນວັດທະນະທຳ, ການພົບປະແລກປ່ຽນປະຊາຊົນລະຫວ່າງ 2 ປະເທດອີກດ້ວຍ.
ໂດຍສືບຕໍ່ຜົນສໍາເລັດຂອງ ວັນຂອງເຝີ ໃນດິນແດນ ຍີ່ປຸ່ນ, ປີນີ້, ລາຍການ ວັນຂອງເຝີ ຈະຈັດຂຶ້ນ ຢູ່ ສ.ເກົາຫລີ ໃນລະດູໃບໄມ້ຫຼົ່ນທີ່ຈະມາເຖິງນີ້.
ທ່ານ ເລ່ເຖຈື໋ ປາດຖະໜາວ່າ ກະຊວງການຕ່າງປະເທດ ຈະສືບຕໍ່ໜູນຊ່ວຍການເຊື່ອມໂຍງບັນດາອົງການຂອງ ສ.ເກົາຫຼີ, ສະມາຄົມມິດຕະພາບ ສ.ເກົາຫຼີ - ຫວຽດນາມ, ຫວຽດນາມ - ສ.ເກົາຫຼີ ແລະ ບັນດາອົງການທີ່ກ່ຽວຂ້ອງຢູ່ ສ.ເກົາຫຼີ ໃນຂະບວນການເລືອກເອົາສະຖານທີ່, ຂຶ້ນແຜນການຈັດຕັ້ງລາຍການ.
ບັນດາການນຳໜັງສືພິມ Tuoi Tre ເຊື່ອໝັ້ນວ່າ ວັນຂອງເຝີ 2024 ຈະສ້າງຄວາມປະທັບໃຈຢ່າງເລິກເຊິ່ງໃຫ້ແກ່ປະຊາຊົນ ສ. ເກົາຫຼີ, ເພື່ອນມິດສາກົນ ແລະ ຊາວ ຫວຽດນາມ ຢູ່ປະເທດປະຈຳຖິ່ນ, ປະກອບສ່ວນເຂົ້ນໃນການສ້າງສຳເນົາເອກະສານຍື່ນສະເໜີຕໍ່ UNESCO ເພື່ອຮັບຮອງເອົາ ເຝີ ເປັນມໍລະດົກຕົວແທນດ້ານວັດທະນະທຳບໍ່ເປັນວັດຖຸຂອງມະນຸດ.
 |
| ແຂກທີ່ມາຮັບປະທານ ເຝີ ຢູ່ທີ່ເຫດການ ວັນຂອງເຝີ ຢູ່ ຍີ່ປຸ່ນ |
ທ່ານ ຮ່າກິມຫງອກ ໄດ້ຕີລາຄາຢ່າງສູງແນວຄວາມຄິດຂອງໜັງສືພິມ Tuoi Tre ໃນການຈັດຕັ້ງ ວັນຂອງເຝີ ຢູ່ ສ.ເກົາຫຼີ ແລະ ຖືວ່າ: ການທີ່ນຳ ເຝີ ໄປສູ່ເພື່ອນມິດສາກົນບໍ່ພຽງແຕ່ເພື່ອແນໃສ່ໂຄສະນາບັນດາເຍື່ອງອາຫານທີ່ເປັນສັນຍະລັກຂອງ ຫວຽດນາມ ເທົ່ານັ້ນ, ຫາກຍັງສົ່ງສານກ່ຽວກັບສິ່່ງຍອດຢ້ຽມທາງດ້ານວັດທະນະທຳ ແລະ ປະຊາຊົນ ຫວຽດນາມ.
ປະຈຸບັນ, ເຍື່ອງອາຫານ ຫວຽດນາມ ນັບມື້ນັບມີຊື່ສຽງຫຼາຍຂຶ້ນ ແລະ ເຜີຍແຜ່ໃນທົ່ວໂລກສ່ວນໃດໜຶ່ງ. ຢູ່ຫຼາຍປະເທດ, ບໍ່ແມ່ນເລື່ອງຍາກທີ່ຈະຊອກຫາຮ້ານອາຫານ ຫວຽດນາມ ແລະ ເຝີ ແມ່ນໜຶ່ງໃນບັນດາເຍື່ອງອາຫານທີ່ໄດ້ຮັບຄວາມນິຍົມຫຼາຍທີ່ສຸດ.
ພິເສດ, ອາຫານ ຫວຽດນາມ ບໍ່ພຽງແຕ່ມີຢູ່ໃນຊີວິດປະຈຳວັນເທົ່ານັ້ນ ຫາກຍັງເຂົ້າຮ່ວມໃນບັນດາການເຄື່ອນໄຫວທາງການທູດ, ເປັນ “ກຳລັງແຮງທາງດ້ານຈິດໃຈ” ທີ່ປະກອບສ່ວນກຳນົດຄຸນຄ່າ ແລະ ອິດທິພົນຂອງ ຫວຽດນາມ ໃນເວທີສາກົນ.
ທ່ານຮອງລັດຖະມົນຕີຢືນຢັນວ່າ: ກະຊວງການຕ່າງປະເທດ, ຫົວໜ່ວຍທີ່ກ່ຽວຂ້ອງ ແລະ ບັນດາອົງການຜູ້ຕາງໜ້າ ຫວຽດນາມ ຢູ່ຕ່າງປະເທດ ຈະສົມທົບກັນຢ່າງແໜ້ນແຟ້ນກັບໜັງສືພິມ Tuoi Tre ໃນຂະບວນວິວັດການຈັດຕັ້ງລາຍການ.
ພາຍຫຼັງ 7 ປີທີ່ໄດ້ຈັດຂຶ້ນຢູ່ພາຍໃນປະເທດ, ວັນຂອງ ເຝີ ໄດ້ “ອອກໄປສູ່ຕ່າງປະເທດ” ດ້ວຍຈຸດປາຍທາງທຳອິດແມ່ນປະເທດ ຍີ່ປຸ່ນ ໃນປີ 2023.
ປີ 2024 ຈະແມ່ນຄັ້ງທີ 2 ທີ່ເຝີ ຫວຽດນາມ ຈະ “ອອກໄປຍັງຕ່າງປະເທດ” ແລະ ຈຸດປາຍທາງແມ່ນ ສ.ເກົາຫຼີ - ປະເທດທີ່ມີຫຼາຍຈຸດໃກ້ຄຽງກັບ ຫວຽດນາມ ໃນດ້ານວັດທະນະທຳອາຫານການກິນ. ໃນ 4 ເດືອນຕົ້ນປີນີ້, ມີນັກທ່ອງທ່ຽວ ສ.ເກົາຫຼີ ເຂົ້າມາ ຫວຽດນາມ 4 ລ້ານກວ່າເທື່ອຄົນ.
ລາຍການ ວັນຂອງເຝີ ໂດຍໜັງສືພິມ Tuoi Tre ສົມທົບກັບກະຊວງການຕ່າງປະເທດ, ກະຊວງອຸດສາຫະກຳ ແລະ ການຄ້າ ແລະ ບັນດາວິສາຫະກິດ ຫວຽດນາມ ຈັດຕັ້ງ.
 | ເຜີຍແພ່ຢ່າງທົ່ວເຖິງ ເຝີ ຫວຽດນາມ ຢູ່ ດິນແດນ ສ. ເກົາຫລີ ຮ້ານຂາຍເຝີ ມີຊື່ວ່າ “ເບັບຈູເຊີນ - ໝາຍຄວາມວ່າເຮືອນຄົວຂອງອາວເຊີນ” ໂດຍຕັ້ງຢູ່ ເມືອງ Gwangsan ແຂວງ Qwangju ສ. ເກົາຫລີ ແມ່ນຮ້ານເຝິທີ່ມີຊື່ສຽງຂອງ ຊາວຫວຽດນາມ. ເຖິງວ່າ ຮ້ານຂາຍເຝີນີ້ ເປີດຍັງບໍ່ທັນດົນປານໃດ ແຕ່ ເບັບຈູເຊີນ ໄດ້ກາຍເປັນສະຖານທີ່ລື້ງເຄີຍຂອງຫລາຍໆຄົນທີ່ນິຍົມເຝີ ຫວຽດນາມ. |
 | ເຝີ ຫວຽດນາມ ສ້າງຄວາມປະທັບໃຈຕໍ່ເພື່ອນມິດ ອາຊຽນ ວັນທີ 27 ພຶດສະພາ, ດ້ວຍການໜູນຊ່ວຍຂອງສະຖານທູດ ຫວຽດນາມ ປະຈຳ ມາເລເຊຍ, ຈຸດວັດທະນະທຳທີ່ເປັນເອກະລັກ, ທັດສະນີຍະພາບທີ່ໂດດເດັ່ນຈຳນວນໜຶ່ງກໍຄືອາຫານການກິນຂອງ ຫວຽດນາມ ໄດ້ແນະນຳໃຫ້ເພື່ອນມິດບັນດາປະເທດສະມາຊິກ ອາຊຽນ ຢູ່ປະເທດ ມາເລເຊຍ. |
ມິງດຶກ
