ເຂົ້າຮ່ວມພິທີປິດຊຸດອົບຮົມມີຜູ້ຕາງໜ້າການນຳບັນດາຫົວໜ່ວຍທີ່ຂຶ້ນກັບວິທະຍາຄານສັນຕິບານປະຊາຊົນ ພ້ອມດ້ວຍສຳມະນາກອນຂອງຊຸດອົບຮົມທັງໝົດ.
 |
| ທ່ານສາດສະດາຈານ, ປະລິນຍາເອກ, ພັນເອກພິເສດ ຫງວຽນເຈືອງທໍ້, ຮອງຫົວໜ້າວິທະຍາຄານສັນຕິບານປະຊາຊົນກ່າວຄຳປາໄສທີ່ພິທີ. |
ໃນບົດປາໄສປິດຊຸດອົບຮົມ, ທ່ານຮອງຫົວໜ້າວິທະຍາຄານ ຢັ້ງຢືນວ່າ: ການຈັດຊຸດຮຽນແມ່ນມີຄວາມຈຳເປັນ ແລະ ເປັນປະໂຫຍດຢ່າງແທ້ຈິງ, ໄດ້ເພີ່ມເຕີມ ແລະ ອັບເດດບັນດາບັນຫາໃໝ່ທີ່ກ່ຽວຂ້ອງເຖິງວຽກງານຕ້ານການເຄື່ອນໄຫວສວຍໃຊ້ອົງການບໍ່ຂຶ້ນກັບລັດຖະບານຕ່າງປະເທດເພື່ອລ່ວງລະເມີດຄວາມໝັ້ນຄົງແຫ່ງຊາດ. ນີ້ແມ່ນບັນດາບັນຫາວິຊາສະເພາະທີ່ເລິກເຊິ່ງໂດຍກະຊວງຕຳຫຼວດ ຫວຽດນາມ ໄດ້ສະຫຼຸບຈາກພາກປະຕິບັດ ແລະ ສ້າງເປັນທິດສະດີ, ບົນພື້ນຖານການສືບທອດປະສົບການອັນລ້ຳຄ່າຈາກຫຼາຍປະເທດໃນໂລກ. ພາຍຫຼັງເວລາທີ່ໄດ້ຮໍ່າຮຽນຢ່າງຈິງຈັງ ແລະ ມີຄວາມຮັບຜິດຊອບສູງ, ບັນດາສຳມະນາກອນໄດ້ສຳເລັດໜ້າທີ່ທີ່ໄດ້ກຳນົດໄວ້ຢ່າງດີເລີດ ແລະ ໄດ້ຮັບໃບຢັ້ງຢືນຈົບຫຼັກສູດການຝຶກອົບຮົມ.
ກ່າວປາໄສທີ່ພິທີປິດ, ທ່ານຮອງຫົວໜ້າວິທະຍາຄານໄດ້ຊົມເຊີຍບັນດາສຳມະນາກອນທີ່ສຳເລັດໜ້າທີ່ຮ່ຳຮຽນຢ່າງດີເລີດ; ພ້ອມກັນນັ້ນ, ກໍ່ໄດ້ຍ້ອງຍໍສັນລະເສີນຈິດໃຈສອບຖາມ ແລະ ຜ່ານຜ່າຄວາມຫຍຸ້ງຍາກດ້ານພາສາ ເພື່ອໄດ້ຮັບຄວາມຮູ້ ແລະ ປະສົບຜົນສຳເລັດຕາມຄາດໝາຍທີ່ຊຸດອົບຮົມວາງໄວ້; ພ້ອມກັນນັ້ນ, ກໍ່ເຊື່ອໝັ້ນວ່າ ບັນດາສຳມະນາກອນຈະນຳໃຊ້ຢ່າງມີໄຫວພິບ, ມີຫົວຄິດປະດິດສ້າງ, ມີປະສິດທິຜົນບັນດາຄວາມຮູ້ທີ່ຕົນໄດ້ຮັບເຂົ້າໃນການປະຕິບັດຕົວຈິງ, ປະກອບສ່ວນສ້າງສາ ແລະ ປົກປັກຮັກສາປະເທດຊາດ ແລະ ປະຊາຊົນ ລາວ.
ທີ່ພິທີ, ທ່ານຮອງຫົວໜ້າວິທະຍາຄານສັນຕິບານປະຊາຊົນໄດ້ມອບໃບຢັ້ງຢືນໃຫ້ສຳມະນາກອນທີ່ເຂົ້າຮ່ວມຊຸດອົບຮົມ.
 |
| ທ່ານສາດສະດາຈານ, ປະລິນຍາເອກ, ພັນເອກພິເສດ ຫງວຽນເຈືອງທໍ້, ຮອງຫົວໜ້າຮອງຫົວໜ້າວິທະຍາຄານສັນຕິບານປະຊາຊົນ ໄດ້ມອບໃບຢັ້ງຢືນໃຫ້ແກ່ບັນດາສຳມະນາກອນ. |
ກ່າວປາໄສຄວາມຮູ້ສຶກທີ່ພິທີ, ທ່ານ ພັນເອກ ໄຊຍະພອນ ພົມມະບຸນ, ຫົວໜ້າຄະນະພະນັກງານກະຊວງປ້ອງກັນຄວາມສະຫງົບ ລາວ - ຕາງໜ້າໃຫ້ບັນດາສຳມະນາກອນຊຸດຝຶກອົບຮົມ ໄດ້ສະແດງຄວາມຂອບອົກຂອບໃຈບັນດາການນຳກະຊວງຕຳຫຼວດ ຫວຽດນາມ, ຄະນະພັກ, ຄະນະອຳນວຍການຂອງວິທະນາຄານ ແລະ ບັນດາຫົວໜ່ວຍທີ່ກ່ຽວຂ້ອງ ທີ່ໄດ້ເອົາໃຈໃສ່ ແລະ ສ້າງທຸກເງື່ອນໄຂ ເພື່ອໃຫ້ຜູ້ຮຽນໄດ້ຮ່ຳຮຽນ, ພົບປະແລກປ່ຽນ, ຮຽນຮູ້ປະສົບການກັບຕຳຫຼວດບັນດາຫົວໜ່ວຍ ແລະ ທ້ອງຖິ່ນຂອງ ຫວຽດນາມ, ເຊິ່ງໄດ້ສ້າງເປັນບັນດານ້ຳໃຈອັນດີງາມ ແລະ ຄວາມປະທັບໃຈຢ່າງເລິກເຊິ່ງກ່ຽວກັບນ້ຳໃຈມິດຕະພາບລະຫວ່າງກະຊວງປ້ອງກັນຄວາມສະຫງົບ ລາວ ແລະ ກະຊວງຕຳຫຼວດ ຫວຽດນາມ.
 |
| ທ່ານ ພັນເອກ ໄຊຍະພອນ ພົມມະບຸນ, ຫົວໜ້າຄະນະພະນັກງານກະຊວງປ້ອງກັນຄວາມສະຫງົບລາວ ກ່າວຄວາມຮູ້ສຶກທີ່ພິທີ. |
 | ກະຊວງຕຳຫຼວດຫວຽດນາມ ແລະກະຊວງປ້ອງກັນຄວາມສະຫງົບລາວ ເພີ່ມທະວີການຮ່ວມມືມິດຕະພາບ ຍສໝ - ຮອງລັດຖະມົນຕີສອງທ່ານ ໄດ້ເຫັນດີເປັນເອກະພາບນຳກັນວ່າ ບັນດາກົມກອງທີ່ມີໜ້າທີ່ຂອງສອງກະຊວງ ຈະສືບຕໍ່ຊຸກຍູ້ ແລະໜູນຊ່ວຍຄວາມຄືບໜ້າຜັນຂະຫຍາຍການປະຕິບັດໂຄງການກໍ່ສ້າງລະບົບຄຸ້ມຄອງພົນລະເມືອງ ແລະບັດປະຈໍາຕົວໃຫ້ຝ່າຍລາວ. |
 | ການນຳລາວ ໄດ້ຕີລາຄາສູງໝາກຜົນການຮ່ວມມືລະຫວ່າງກະຊວງຕຳຫຼວດ ຫວຽດນາມ ແລະ ລາວ ຍສໝ - ໃນຂອບເຂດການຢ້ຽມຢາມລາວໃນວັນທີ 29 ກັນຍານີ້, ຄະນະຜູ້ແທນຂັ້ນສູງກະຊວງຕຳຫຼວດຫວຽດນາມ ໂດຍທ່ານພົນເອກ ໂຕເລິມ - ກຳມະການກົມການເມືອງ, ລັດຖະມົນຕີກະຊວງຕຳຫຼວດ ໄດ້ໃຫ້ການຕ້ອນຮັບທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ແລະ ນາຍົກລັດຖະມົນຕີລາວ ສອນໄຊ ສີພັນດອນ; ໄດ້ມີການເຈລະຈາກັບຄະນະຜູ້ແທນຂັ້ນສູງກະຊວງຕຳຫຼວດລາວ. |
ມິງດຶກ (ແປຕາມ hvannd.edu.vn)
