| ຄະນະກູ້ໄພຫວຽດນາມ ໄດ້ຕີລາຄາສູງຈາກຕວກກີ ແລະ ເພື່ອນມິດສາກົນ ສຳຫຼັບຄວາມສາມາດ ແລະ ນ້ຳໃຈເຮັດວຽກ | |
| ກະຊວງຕຳຫຼວດ ຫວຽດນາມ - ລາວ ສົມທົບກັນປ້ອງກັນ, ຕ້ານອາດຊະຍາກຳປະເພດຕ່າງໆ |
ໃນຂອບເຂດການຢ້ຽມຢາມລາວ, ຕອນບ່າຍວັນທີ 29 ກັນຍາ, ຢູ່ນະຄອນຫຼວງ ວຽງຈັນ, ທ່ານພົນເອກ ໂຕເລິມ, ລັດຖະມົນຕີກະຊວງຕຳຫຼວດ ຫວຽດນາມ ໄດ້ເຂົ້າຢ້ຽມຂ່ຳນັບທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ແລະ ທ່ານນາຍົກລັດຖະມົນຕີ ລາວ ສອນໄຊ ສີພັນດອນ.
ລາຍງານຕໍ່ການນຳຂັ້ນສູງຂອງລາວ ກ່ຽວກັບຜົນການເຈລະຈາລະຫວ່າງການນຳສອງກະຊວງໃນຕອນເຊົ້າວັນທີ 29 ກັນຍາ, ທ່ານລັດຖະມົນຕີກະຊວງຕຳຫຼວດ ທ່ານພົນເອກ ໂຕເລິມ ໃຫ້ຮູ້ວ່າ: ສອງຝ່າຍໄດ້ຕີລາຄາໝາກຜົນການປະຕິບັດແຜນການຮ່ວມມືປະຈຳປີ 2023, ລົງນາມ. ແຜນການຮ່ວມມືປີ 2024 ລະຫວ່າງສອງກະຊວງ; ເປັນປະທານຮ່ວມພິທີເປີດໂຄງການກໍ່ສ້າງວິທະຍາໄລການເມືອງຕຳຫຼວດລາວ - ຂອງຂວັນຈາກພັກ, ລັດຖະບານ, ກະຊວງຕຳຫຼວດ ຫວຽດນາມ ໃຫ້ກະຊວງຕຳຫຼວດລາວ.
 |
ທ່ານເລຂາທິການໃຫຍ່, ປະທານປະເທດ ລາວ ທອງລຸນ ສີສຸລິດ ໃຫ້ການຕ້ອນຮັບທ່ານ ພົນເອກ ໂຕເລິມ ລັດຖະມົນຕີກະຊວງຕຳຫຼວດ ຫວຽດນາມ |
ທີ່ການເຂົ້າຢ້ຽມຂ່ຳນັບການນຳຂັ້ນສູງລາວ, ທ່ານລັດຖະມົນຕີ ໂຕເລິມ ໄດ້ເນັ້ນໜັກວ່າ ສອງກະຊວງ ສືບຕໍ່ສົມທົບກັນຢ່າງແໜ້ນແຟ້ນ, ແຈ້ງໃຫ້ກັນຊາບຢ່າງທັນການ, ມີການຮ່ວມມືຢ່າງມີປະສິດທິຜົນໃນການຕໍ່ສູ້, ປ້ອງກັນ ຕ້ານອາດຊະຍາກຳຂ້າມຊາດຊະນິດຕ່າງໆ, ຢຶດໝັ້ນ ບໍ່ປະໃຫ້ອົງການ, ສ່ວນບຸກຄົນສວຍໃຊ້ຜືນແຜ່ນດິນຂອງປະເທດນີ້ເພື່ອຕ້ານຄືນປະເທດເພື່ອນ.
ທີ່ການພົບປະ, ການນຳຂັ້ນສູງລາວ ປາດຖະໜາວ່າ ການຮ່ວມມືລະຫວ່າງກະຊວງປ້ອງກັນຄວາມສະຫງົບລາວ ແລະ ກະຊວງຕຳຫຼວດ ຫວຽດນາມ ສືບຕໍ່ພັດທະນາເຂົ້າສູ່ລວງເລິກ, ຮັບໃຊ້ໜ້າທີ່ພັດທະນາເສດຖະກິດ ສັງຄົມ ແລະ ການທູດຂອງແຕ່ລະປະເທດ ຢ່າງແທດຈິງ.
ກ່ອນໜ້ານັ້ນ, ໃນວັນດຽວກັນ, ຄະນະຜູ້ແທນຂັ້ນສູງກະຊວງຕຳຫຼວດ ຫວຽດນາມ ໂດຍທ່ານລັດຖະມົນຕີ ໂຕເລິມ ເປັນຫົວໜ້າ ໄດ້ເຂົ້າຮ່ວມການພົບປະເຈລະຈາກັບຄະນະຜູ້ແທນຂັ້ນສູງກະຊວງຕຳຫຼວດ ລາວ ໂດຍທ່ານຮອງນາຍົກລັດຖະມົນຕີ, ລັດຖະມົນຕີກະຊວງປ້ອງກັນຄວາມສະຫງົບ ວິໄລ ຫຼ້າຄຳຟອງ ເປັນຫົວໜ້າຄະນະ.
ຄຳຮຸ່ງ
