ຫວຽດນາມ ສະແດງໃຫ້ເຫັນຄວາມຮັບຜິດຊອບ ແລະ ຄວາມມານະພະຍາຍາມຂອງຕົນໃນການປະຕິບັດພັນທະເປັນສະມາຊິກຂອງສົນທິສັນຍາຕ້ານການທໍລະມານ.

	ນະໂຍບາຍສະເໝີຕົ້ນສະເໝີປາຍຂອງຫວຽດນາມ ໃນການປົກປັກຮັກສາ ແລະຊຸກຍູ້ສິດທິມະນຸດ
	ຍູ້ແຮງວຽກງານ​ຂໍ້​ມູນ​ຂ່າວ​ສານການຕ່າງປະເທດກ່ຽວກັບສະພາບການສິດທິມະນຸດຂອງ ຫວຽດນາມ

ການສຳມະນາໂດຍ​ທ່ານ​ພົນ​ຈັດຕະວາ ຫງວຽນ​ວັນ​ກີ, ຮອງ​ຫົວໜ້າ​ກົມ​ພົວພັນ​ຕ່າງປະ​ເທດ ແລະ ທ່ານ​ພັນ​ເອກສາມດາວ ໂງ​ດຶກ​ຖັງ, ຮອງ​ຫົວໜ້າ​ກົມ​ກົດໝາຍ ​ແລະ ການ​ປະຕິ​ຮູບ​ດ້ານ​ບໍລິຫານ, ຕຸລາການ​ ກະຊວງ​ຕຳຫຼວດ ​ເປັນ​ປະທານ.

​ເຂົ້າ​ຮ່ວມ​ກອງ​ປະຊຸມ​ມີ​ທ່ານ​ນາງ Sabina Stein, ຜູ້ຊ່ວຍຫົວໜ້າ​ຜູ້ຕາງໜ້າປະຈຳ, ຫົວໜ້າ​ຫ້ອງການ​ບໍລິຫານ​ ​ແລະ ການ​ເຂົ້າ​ຮ່ວມ, UPDP ຢູ່ ຫວຽດນາມ ພ້ອມທັງຜູ້​ແທນ 70 ຄົນ​ທີ່​ມາ​ຈາກ​ບັນດາ​ອົງການ​ສູນ​ກາງ ​ແລະ ທ້ອງ​ຖິ່ນ. ກອງ​ປະ​ຊຸມ​ຍັງ​ໄດ້​ມີ​ການ​ເຂົ້າ​ຮ່ວມ​ຂອງ​ຜູ້​ຕາງ​ຫນ້າ​​ສະ​ຖານ​ທູດ ​ໂຮນ​ລັງ ​ປະຈຳນະ​ຄອນ ໂຮຈີມິນ.

ພົນ​​ພົນ​ຈັດຕະວາ ຫງວຽນ​ວັນ​ກີ, ຮອງ​ຫົວ​ໜ້າ​ກົມ​ພົວພັນຕ່າງ​ປະ​ເທດ, ກະ​ຊວງ​ຕຳຫຼວດ​ ໄດ້​ກ່າວ​ຄຳ​ປາ​ໄສ​ເປີດກອງ​ປະ​ຊຸມ.

ກ່າວ​ຄຳ​ປາໄສ​ທີ່​ພິ​ທີ​ເປີດ, ທ່ານ​ພົນຈັດຕະວາ ຫງວຽນ​ວັນ​ກີ, ຮອງ​ຫົວ​ໜ້າ​ກົມ​ພົວພັນຕ່າງ​ປະ​ເທດ, ກະ​ຊວງ​ຕຳຫຼວດ​ໃຫ້​ຮູ້​ວ່າ: “ພາຍຫຼັງທີ່​ ຫວຽດ​ນາມ ເຂົ້າ​ເປັນ​​ສະ​ມາ​ຊິກ​ສົນ​ທິ​ສັນ​ຍາ​ຕ້ານ​ການ​ທໍ​ລະ​ມານ, ວັນ​ທີ 17 ມີນາ 2015, ຫວຽດນາມ ມີ​ໜ້າ​ທີ່ປະຕິບັດ​ພັນທະ​ຂອງ​ຕົນ​ຕາມ​ສົນ​ທິ​ສັນ​ຍາ, ​ໃນ​ນັ້ນ​ມີ​ການ​ສ້າງ ​ແລະ ປ້ອງກັນ​ບົດ​ລາຍ​ງານ​ແຫ່ງ​ຊາດ​ກ່ຽວ​ກັບ​ການ​ປະຕິບັດ​ສົນທິສັນຍາ​ຕ້ານ​ການ​ທໍ​ລະ​ມານ. ກະຊວງ​ຕຳຫຼວດ​ໄດ້​ຍື່ນ​ສະ​ເໜີ​ຕໍ່​ຄະນະ​ກຳມະການ​ສົນທິສັນຍາ 3 ຄັ້ງ, ​ໃນ​ນັ້ນ, ບົດ​ລາຍ​ງານ​ຫຼ້າ​ສຸດ​ແມ່ນ​ບົດ​ລາຍ​ງານ​ແຫ່ງ​ຊາດ​ຄັ້ງ​ທີ 2 ກ່ຽວ​ກັບ​ການ​ປະຕິບັດ​ສົນທິສັນຍາ​ຕ້ານ​ການ​ທໍລະມານ ​ແລະ ປະຈຸ​ບັນ, ຫວຽດນາມ ພວມ​ລໍຖ້າ​​ຄະນະ​ກຳມະການ​ແຈ້ງໃຫ້ນຳ​ສະ​ເໜີ ​ແລະ ປ້ອງ​ກັນ​ບົດ​ລາຍ​ງານ​ສະບັບ​ນີ້”.

ທ່ານພົນ​ຈັດຕະວາ ຫງວຽນ​ວັນ​ກີ ຖື​ວ່າ: ການ​ກໍ່ສ້າງ ​ແລະ ປ້ອງກັນ​ບົດ​ລາຍ​ງານ​ແຫ່ງ​ຊາດ ​ແມ່ນ​ໜຶ່ງ​ໃນ​ບັນດາ​ໜ້າ​ທີ່​ສຳຄັນ, ​ໄດ້​ສະ​ແດງ​ໃຫ້​ເຫັນ​ຄວາມ​ຮັບຜິດຊອບ ​ແລະ ຄວາມ​ມານະ​ພະຍາຍາມ​ຂອງ ຫວຽດນາມ ​ໃນ​ຂະ​ບວນການ​ປະຕິບັດ​ພັນທະ​ຂອງ​ຕົນ​ໃນ​ຖານະ​ເປັນ​ສະມາຊິກ​ຂອງ​ສົນທິສັນຍາ​ຕ້ານ​ການ​ທໍລະມານ.

ການສຳມະນາ​ໄດ້​ດຳ​ເນີນ​ເປັນ​ເວລາ 01 ວັນ ດ້ວຍ 03 ກອງ​ປະຊຸມ​ຄື: (1) ສະພາບ​ລວມຂອງ​ ຫວຽດນາມ ​ເຂົ້າ​ຮ່ວມ​ສົນທິສັນຍາ​ຕ້ານ​ການ​ທໍລະມານ ​ແລະ ພັນທະ​ຂອງ​ປະ​ເທດ​ສະມາຊິກ​ປະຕິບັດ​ໜ້າ​ທີ່​ຮັບຜິດຊອບ; (2) ຂອບ​ກົດໝາຍ​ຂອງ​ ຫວຽດນາມ ກ່ຽວກັບການຕ້ານ​ການ​ທໍລະມານ; (3) ການຈັດຕັ້ງປະຕິບັດສົນທິສັນຍາຕ້ານການທໍລະມານ ເຊິ່ງຜູ້ຕາງຫນ້າຂອງກົມກົດໝາຍ ແລະ ການປະຕິຮູບດ້ານບໍລິຫານ, ຕຸລາການ ກະຊວງຕຳຫຼວດ ໄດ້ນຳສະເໜີສະພາບລວມຂອງສົນທິສັນຍາຕ້ານການທໍລະມານ ແລະ ບັນດາຮູບແບບການປະພຶດ ຫຼື ການລົງໂທດທີ່ໂຫດຮ້າຍ, ບໍ່​ມີ​ມະ​ນຸດສະທຳ ​ຫຼື​ ເຮັດໃຫ້ມະນຸດອັບອາຍຂາຍໜ້າ (ສົນທິສັນຍາຕ້ານການທໍລະມານ), ຂະບວນການສ້າງບົດລາຍງານແຫ່ງຊາດຄັ້ງທີ 2 ປະຕິບັດສົນທິສັນຍາ ແລະ ບັນດາຜົນງານດີເດັ່ນຂອງ ຫວຽດນາມ ໃນການຮັບປະກັນສິດບໍ່ຖືກທໍລະມານ.

ບັນດາຜູ້ແທນເຂົ້າຮ່ວມການສຳມະນາສາກົນ “ແນະນຳບົດລາຍງານແຫ່ງຊາດຄັ້ງທີ 2 ຂອງ ຫວຽດນາມ ກ່ຽວກັບການປະຕິບັດສົນທິສັນຍາຕ້ານການທໍລະມານ ແລະ ບັນດາຮູບແບບການປະພຶດ ຫຼື ການລົງໂທດທີ່ໂຫດຮ້າຍ, ບໍ່​ມີ​ມະ​ນຸດສະທຳ ​ຫຼື​ ເຮັດໃຫ້ມະນຸດອັບອາຍຂາຍໜ້າ.

8 ຫົວ​ຂໍ້​ໄດ້​ປຶກສາ​ຫາລື​ຢູ່​ກອງ​ປະຊຸມ​ຂອງ​ກົມ​ບັນດາອົງການ​ຈັດ​ຕັ້ງ​ສາກົນ - ກະຊວງ​ການ​ຕ່າງປະ​ເທດ, ກົມ​ຮ່ວມ​ມື​ສາກົນ - ກະຊວງ​ຍຸຕິ​ທຳ, ສານ​ປະຊາຊົນ​ສູງ​ສຸດ, ກົມ​ຕຳຫຼວດ​ກ່ຽວ​ກັບ​ການ​ກັກ​ຂັງຊົ່ວຄາວ, ກັກ​ຂັງ ແລະ ປະຕິບັດ​ຄະດີ​ອາຍາ​ໃນ​ຊຸມ​ຊົນ, ກົມ​ຕຳຫຼວດ​ຄຸ້ມຄອງຄ້າຍຄຸມຂັງ, ຮາກຖານ​ການສຶກສາ​ພາກ​ບັງຄັບ, ​ໂຮງຮຽນດັດສ້າງ - ກະຊວງ​ຕຳຫຼວດ, ອົງການ​ໄອ​ຍະ​ການ​ປະຊາຊົນ​ສູງ​ສຸດ, ມະຫາວິທະຍາ​ໄລ​ກົດໝາຍ ​ຮ່າ​ໂນ້ຍ ​ໄດ້​ສະໜອງ​ຂໍ້​ມູນ​ຂ່າວສານ​ທີ່​ເປັນ​ປະ​ໂຫຍ​ດ​ໃນ​ການ​ປະຕິບັດ​ສົນທິສັນຍາ​ຕ້ານ​ການ​ທໍລະ​ມານ​ຢູ່​ບັນດາ​ກະຊວງ, ຂະແໜງການ ແລະ ໜ່ວຍງານທີ່ກ່ຽວຂ້ອງ, ນັບແຕ່ການສຶກສາ ເພື່ອຍົກສູງຈິດສຳນຶກກ່ຽວກັບສົນທິສັນຍາ, ປັບປຸງກົດໝາຍໃຫ້ສົມບູນແບບ ເພື່ອແນໃສ່ຈັດຕັ້ງປະຕິບັດສົນທິສັນຍາຢ່າງມີປະສິດທິຜົນ, ບັນດາມາດຕະການປົກປ້ອງສິດທິມະນຸດໃນການກັກຂັງ ແລະ ກັກຂັງຊົ່ວຄາວ, ກໍ່ຄືບັນດາບັນຫາທີ່ກ່ຽວຂ້ອງກັບການຮ້ອງຟ້ອງ ເພື່ອຮັບປະກັນສິດບໍ່ຖືກທໍລະມານ, ​ການ​ປະຕິບັດບັນດາ​ຄຳ​ໝັ້ນ​ສັນຍາ​ສາກົນ​ກ່ຽວ​ກັບ​ສິດທິ​ມະນຸດ.

ກ່າວ​ຄຳ​ປາໄສ​ທີ່​ພິທີປິດກອງປະຊຸມ, ຜູ້ຕາງໜ້າ​ກົມ​ກົດໝາຍ ​ແລະ ປະຕິ​ຮູບ​ດ້ານ​ບໍລິຫານ, ຕຸລາການ, ກະຊວງ​ຕຳຫຼວດ ​ໄດ້​ຊົມ​ເຊີຍ ​ແລະ ຕີ​ລາຄາ​ສູງ​ບັນດາ​ຄຳ​ເຫັນ​ຂອງ​ບັນດາຜູ້​ແທນ, ຢືນຢັນ​ວ່າ ກະຊວງ​ຕຳຫຼວດ​ໄດ້​ບັນທຶກ​ຄຳ​ເຫັນ​ປະກອບ​ຂອງ​ບັນດາ​ອົງການ ​ແລະ ນັກ​ຊ່ຽວຊານ, ຈະ​ຈັດ​ຕັ້ງ​ການຄົ້ນຄວ້າ ​ແລະ ຮັບ​ເອົາ​ຄຳ​ເຫັນ​ຈາກ​ບັນດາ​ຜູ້​ແທນ​ໃນ​ກອງ​ປະຊຸມ ​ເພື່ອ​​ຍົກ​ສູງ​ປະສິດທິ​ຜົນ​ຂອງ​ການ​ປະຕິບັດ​ສົນທິສັນຍາ ​ກໍ່ຄືກະກຽມ​ໃຫ້​ແກ່ການນຳສະເໜີ ແລະ ປ້ອງກັນ​ບົດ​ລາຍ​ງານ​ແຫ່ງ​ຊາດ​ຄັ້ງ​ທີ 2 ຂອງ ຫວຽດນາມ ຢ່າງສຳເລັດຜົນ ກ່ຽວກັບສົນທິສັນຍາ​ຕ້ານ​ການ​ທໍລະມານ​ຢູ່​ຄະນະ​ກຳມະການ​ສົນທິສັນຍາ​ໃນໄລຍະຈະມາເຖິງນີ້.

ປະຊາຄົມໂລກ ໄດ້ຕີລາຄາສູງບັນດາຜົນງານຂອງຫວຽດນາມ ໃນການປົກປັກຮັກສາ ແລະ ຊຸກຍູ້ສິດທິມະນຸດ ຍສໝ - ຕອນບ່າຍວັນທີ 7 ພຶດສະພາ, ທີ່ສໍານັກງານໃຫຍ່ສະຫະປະຊາຊາດຢູ່ນະຄອນເຈນີວາ, ປະເທດສະວິດ, ຄະນະຜູ້ແທນຫວຽດນາມ ໂດຍທ່ານຮອງລັດຖະມົນຕີກະຊວງການຕ່າງປະເທດ ໂດຮູ່ງຫວຽດ ນໍາໜ້າໄດ້ເຂົ້າຮ່ວມກອງປະຊຸມປຶກສາຫາລືກ່ຽວກັບບົດລາຍງານແຫ່ງຊາດຂອງຫວຽດນາມ ຕາມກົນໄກທົບທວນປະຈຳໄລຍະ (UPR) ຮອບທີ IV ຂອງ ສະພາສິດທິມະນຸດ ສະຫະປະຊາຊາດ.

ການສົນທະນາກ່ຽວກັບກົນໄກການທົບທວນຕາມການກຳນົດເວລາ ຂອງສະຫະປະຊາຊາດກ່ຽວກັບສິດທິມະນຸດ ຍສໝ - ໃນວັນ​ທີ 21 ມີນາ​ນີ້, ຢູ່​ກົມ​ການ​ຕ່າງປະ​ເທດ, ກະຊວງ​ຕຳຫຼວດ ​ໄດ້​ຈັດ​ການສົນທະນາ​ປຶກສາ​ຫາລື​ ກ່ຽວ​ກັບ​ກົນ​ໄກ​ການທົບທວນ​ທົ່ວ​ໂລກ​ກ່ຽວ​ກັບ​ສິດທິ​ມະນຸດ (UPR). ການສົນທະນາ​ ​ມີ​ການ​ເຂົ້າ​ຮ່ວມ​ຂອງ​ຜູ້​ແທນ 80 ກວ່າ​ຫົວໜ່ວຍ, ທ້ອງ​ຖິ່ນ​ໃນກະຊວງ​ຕຳຫຼວດ, ​ໂດຍ​ທ່ານພົນຈັດຕະວາ ຫງວຽນ​ວັນ​ກີ, ຮອງ​ຫົວໜ້າ​ກົມ​ການ​ຕ່າງປະ​ເທດ​ເປັນ​ປະທານ.