 | ນະຄອນ ໂຮ່ຈີມິນ ສະເຫຼີມສະຫຼອງວັນຊາດ ຣູມານີ ຄົບຮອບ 106 ປີ |
| ສະມາຄົມມິດຕະພາບ ຫວຽດນາມ - ໄທ ເຂົ້າຮ່ວມພິທີຖວາຍຜ້າ ກະຖິນ ຢູ່ ຖາຍບີ່ງ |
ທີ່ການພົບປະ, ທ່ານພົນຕີ ເລວັນເຮິນ ໄດ້ສົ່ງຄຳອວຍພອນດ້ວຍຄວາມຍິນດີຢ່າງສຸດໃຈມາຍັງເອກອັກຄະລັດຖະທູດ ວິສາມັນຜູ້ມີອຳນາດເຕັມ ແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ ທ່ານ ນາງ ຄຳເພົາ ເອີນທະວັນ ພ້ອມດ້ວຍພະນັກງານ, ລັດຖະກອນສະຖານທູດທັງໝົດ.
ທ່ານພົນຕີ ເລວັນເຮິນ ຢັ້ງຢືນວ່າ: ສາຍພົວພັນມິດຕະພາບທີ່ເປັນມູນເຊື້ອ, ຄວາມສາມັກຄີແບບພິເສດ ແລະ ການຮ່ວມມືຮອບດ້ານລະຫວ່າງ ຫວຽດນາມ - ລາວ ແມ່ນຊັບສິນອັນລ້ຳຄ່າຂອງປະຊາຊົນ 2 ປະເທດ, ໄດ້ກໍ່ສ້າງ ແລະ ເພີ່ມພູນຄູນສ້າງມາດ້ວຍຫຼາຍລຸ້ນການນໍາ ແລະ ປະຊາຊົນຂອງສອງປະເທດ.
 |
| ຄະນະສະມາຄົມມິດຕະພາບ ຫວຽດນາມ-ລາວ ອວຍພອນສະຖານທູດ ລາວ ປະຈໍາ ຫວຽດນາມ ເນື່ອງໃນໂອກາດວັນຊາດ ລາວ ຄົບຮອບ 49 ປີ. |
ທ່ານພົນຕີ ກໍ່ເນັ້ນໜັກເຖິງບົດບາດສຳຄັນຂອງການສືບຕໍ່ເພີ່ມທະວີບັນດາການເຄື່ອນໄຫວຮ່ວມມືລະຫວ່າງປະຊາຊົນ ເພື່ອເສີມຂະຫຍາຍສາຍພົວພັນແບບພິເສດ ຫວຽດນາມ - ລາວ. ພາຍຫຼັງ 1 ປີແຫ່ງການຜັນຂະຫຍາຍມະຕິກອງປະຊຸມໃຫຍ່ຜູ້ແທນທົ່ວປະເທດຄັ້ງທີ 5 ອາຍຸການ 2023-2028, ສະມາຄົມມິດຕະພາບ ຫວຽດນາມ - ລາວ ໄດ້ປ່ຽນແປງໃໝ່ບັນດາການເຄື່ອນໄຫວທາງການທູດປະຊາຊົນ, ເພີ່ມທະວີການສົມທົບກັນລະຫວ່າງສະມາຄົມມິດຕະພາບ ລາວ - ຫວຽດນາມ ແລະ ສະຖານທູດ ລາວ ປະຈຳ ຫວຽດນາມ, ພ້ອມກັນນັ້ນ ກໍ່ຍູ້ແຮງບັນດາໂຄງການຮ່ວມສຳພັນບຳລຸງສ້າງແຫຼ່ງຊັບພະຍາກອນມະນຸດຮ່ວມກັນ.
ປີ 2025 ເປັນຂີດໝາຍການສະເຫຼີມສະຫຼອງ 50 ປີແຫ່ງວັນສ້າງຕັ້ງສະມາຄົມມິດຕະພາບ ຫວຽດນາມ - ລາວ ແລະ ສະມາຄົມມິດຕະພາບ ລາວ - ຫວຽດນາມ. ທ່ານພົນຕີ ເລວັນເຮິນ ປາດຖະໜາຢາກສົມທົບກັບສະຖານທູດ ລາວ ປະຈໍາ ຫວຽດນາມ ຢ່າງແໜ້ນແຟ້ນ ເພື່ອຈັດຕັ້ງບັນດາການເຄື່ອນໄຫວລະນຶກທີ່ມີຄວາມໝາຍ, ປະກອບສ່ວນຮັດແໜ້ນສາຍພົວພັນແບບພິເສດລະຫວ່າງ 2 ປະເທດ.
 |
| ທ່ານ ເລວັນເຮິນ ຮອງປະທານສະມາຄົມມິດຕະພາບ ຫວຽດນາມ - ລາວ ໄດ້ມີການແລກປ່ຽນກັບເອກອັກຄະລັດຖະທູດ ລາວ ປະຈຳ ຫວຽດນາມ ທ່ານ ນາງ ຄໍາເພົາ ເອີນທະວັນ. |
ທ່ານ ນາງ ຄຳເພົາ ເອີນທະວັນ ຂອບອົກຂອບໃຈສະມາຄົມມິດຕະພາບ ຫວຽດນາມ - ລາວ ທີ່ຍາມໃດກໍ່ໄດ້ໃຫ້ຄວາມຮັກແພງເປັນພິເສດ ແລະ ການສະໜັບສະໜູນມາຍັງສະຖານທູດ. ທ່ານນາງໄດ້ຕີລາຄາສູງບັນດາການປະກອບສ່ວນຂອງສະມາຄົມໃນການເພີ່ມທະວີການພົບປະແລກປ່ຽນ ແລະ ການຮ່ວມມືລະຫວ່າງປະຊາຊົນສອງປະເທດ. ທ່ານເອກອັກຄະລັດຖະທູດໃຫ້ຮູ້ວາ ສະຖານທູດ ລາວ ປະຈຳ ຫວຽດນາມ ຈະສືບຕໍ່ສົມທົບກັນຢ່າງແໜ້ນແຟ້ນກັບສະມາຄົມ ນັບແຕ່ສູນກາງຮອດທ້ອງຖິ່ນ ເພື່ອຈັດຕັ້ງປະຕິບັດບັນດາການເຄື່ອນໄຫວຕົວຈິງ, ປະກອບສ່ວນປັບປຸງສາຍພົວພັນສາມັກຄີແບບພິເສດລະຫວ່າງສອງປະເທດ ຫວຽດນາມ - ລາວ.
 | 75 ປີແຫ່ງທະຫານອາສາສະໝັກຫວຽດນາມ ຢູ່ລາວ: ການເດີນທາງແຫ່ງຄວາມສາມັກຄີ ແລະການເສຍສະຫຼະ ຍສໝ - ວັນທີ 20 ຕຸລານີ້, ຢູ່ນະຄອນ ບັກຢາງ, ສະຫະພັນບັນດາອົງການມິດຕະພາບແຂວງ ບັກຢາງ, ສະມາຄົມມິດຕະພາບ ຫວຽດນາມ - ລາວ, ຄະນະຕິດຕໍ່ປະສານງານທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຊ່ວຍການປະຕິວັດລາວ ແຂວງ ບັກຢາງ ໄດ້ສົມທົບກັນເພື່ອຈັດຕັ້ງການພົບປະ, ການໂອ້ລົມສົນທະນາເນື່ອງໃນໂອກາດສະເຫຼີມສະຫຼອງ 75 ປີແຫ່ງວັນມູນເຊື້ອຂອງທະຫານອາສາສະໝັກ ແລະ ນັກຊ່ຽວຊານການທະຫານ ... |
 | ສະມາຄົມມິດຕະພາບ ຫວຽດນາມ - ໄທ ເຂົ້າຮ່ວມໂຄງການ “ພົບປະໄທ” ຄັ້ງທີ 2 ຢູ່ແຂວງ ລາວກາຍ ຍສໝ - ທ່ານພົນໂທ ຮສຈ.ປອ ຫງວຽນວັນແທງ, ອະດີດກຳມະການສູນກາງພັກ, ຮອງປະທານຮັບຜິດຊອບສະພາທິດສະດີສູນກາງ, ປະທານສະມາຄົມມິດຕະພາບ ຫວຽດນາມ - ໄທ ຫາກໍ່ເຂົ້າຮ່ວມໂຄງການ “ພົບປະໄທ” ຄັ້ງທີ 2 ທີ່ໄດ້ຈັດຕັ້ງຢູ່ແຂວງ ລາວກາຍ ແຕ່ວັນທີ 27-30 ສິງຫາ 2024. |
ມິງດຶກ
