 | ສືບຕໍ່ເພີ່ມພູນຄູນສ້າງສາຍພົວພັນສາມັກຄີແບບພິເສດ ຫວຽດນາມ - ລາວ |
| ການນຳພັກ, ລັດ ຫວຽດນາມ ສົ່ງໂທລະເລກອວຍພອນສະເຫຼີມສະຫຼອງ 75 ປີແຫ່ງວັນຊາດຈີນ |
ນັກສຶກສາ, ນັກຄົ້ນຄວ້າລາວ 20 ຄົນທີ່ພວມຮໍ່າຮຽນຢູ່ສະຖາບັນກະສິກຳ ຫວຽດນາມ ແລະ ມະຫາວິທະຍາໄລກະສິກຳ ແລະ ປ່າໄມ້ ບັກຢາງ; ຜູ້ແທນ 100 ທ່ານທີ່ຕາງໜ້າໃຫ້ນັກຮົບເກົ່າອາສາສະໝັກ ແລະ ນັກຊ່ຽວຊານການທະຫານ 3.000 ກວ່າຄົນ ເຂົ້າຮ່ວມເຫດການ.
 |
| ທ່ານ ບຸນຍູ້ ໄຊປັນຍາ, ທີ່ປຶກສາອັກຄະລັດຖະທູດຂອງສະຖານທູດລາວ ປະຈຳ ຫວຽດນາມ ໄດ້ມອບດອກໄມ້ອວຍພອນອະດີດທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຊ່ວຍການປະຕິວັດລາວ ແຂວງ ບັກຢາງ. |
ໃນບັນຍາກາດອັນອົບອຸ່ນແຫ່ງມິດສະຫາຍ,ບັນດາຜູ້ແທນໄດ້ທົບທວນຄືນມູນເຊື້ອພິລະອາດຫານໃນ 75 ປີຜ່ານມາຂອງບັນດານັກຮົບເກົ່າອາສາສະໝັກ ແລະ ນັກຊ່ຽວຊານການທະຫານຫວຽດນາມ ທີ່ຊ່ວຍການປະຕິວັດລາວ.
ວັນທີ 30 ຕຸລາ 1949, ຄະນະປະຈຳສູນກາງພັກກອມມູນິດອິນດູຈີນ ໄດ້ກຳນົດວ່າ “ບັນດາກຳລັງກອງທັບຫວຽດນາມ ເຄື່ອນໄຫວບົນສະໜາມຮົບລາວ, ໄດ້ຈັດຕັ້ງເປັນລະບົບສະເພາະ ແລະ ມີຖານະນາມເປັນທະຫານອາສາສະໝັກ”. ພາຍໃຕ້ການຊີ້ນຳຂອງປະທານ ໂຮ່ຈີມິນ, ພະນັກງານ, ນັກຮົບ ຫວຽດນາມ ຫລາຍລຸ້ນຄົນບໍ່ລັງເລທີ່ຈະອົດທົນຜ່າຜ່ານຄວາມຫຍຸ້ງຍາກ, ການເສຍສະຫຼະເພື່ອຢືນຢູ່ຄຽງຂ້າງປະຊາຊົນລາວ ໃນການຕໍ່ສູ້ເພື່ອເອກະລາດ ແລະ ເສລີພາບ.
ຢູ່ແຂວງ ບັກຢາງ, ມີທະຫານອາສາສະໝັກນັບພັນຄົນເຂົ້າຮ່ວມເສັ້ນທາງຊ່ວຍການປະຕິວັດລາວ. ນັກຮົບຂອງແຂວງກວ່າ 1.000 ຄົນໄດ້ເສຍສະຫຼະຊີວິດ; ທະຫານເສຍອົງຄະຫລາຍພັນຄົນໄດ້ປະຖິ້ມກະດູກ ແລະ ເລືອດຂອງເຂົາເຈົ້າໃນສະໜາມຮົບ. ປະຈຸບັນ, ແຂວງດັ່ງກ່າວມີອະດີດທະຫານອາສາສະໝັກ ແລະ ນັກຊ່ຽວຊານການທະຫານຊ່ວຍການປະຕິວັດລາວ 3.000 ກວ່າຄົນ.
ບັນດາເລື່ອງລາວທີ່ຕື້ນຕັນໃຈກ່ຽວກັບສາຍພົວພັນຂອງທະຫານປະຊາຊົນ ຫວຽດນາມ - ລາວ ໄດ້ທົບທວນຄືນໂດຍຜ່ານຮູບພາບແມ່ລາວ ທີ່ເບິ່ງແຍງທະຫານອາສາສະໝັກຫວຽດນາມ ທີ່ປະສົບກັບພະຍາດໄຂ້ປ່າ ຫຼື ເລື່ອງລາວຂອງພະຍາບານຍິງ ຫວຽດນາມ ຂ້າມປ່າຂ້າມຫ້ວຍໄປຊ່ວຍຊີວິດທະຫານປະເທດລາວ ເຊິ່ງໄດ້ຝາກຄວາມປະທັບໃຈໃນໃຈຂອງປະຊາຊົນທັງສອງປະເທດ. ການປະກອບສ່ວນຂອງບັນດາທະຫານອາສາສະໝັກ ແລະ ນັກຊ່ຽວຊານ ຫວຽດນາມ ຍາມໃດກໍ່ໄດ້ຮັບການຮັບຮູ້ຈາກລັດຖະບານລາວ ດ້ວຍຫຼຽນໄຊ ຫຼຽນກາອັນສູງສົ່ງນັບຮ້ອຍອັນ ນັບແຕ່ປີ 2018 – 2020.
ນັບແຕ່ສັນຕິພາບໄດ້ຮັບການສ້າງມາຮອດປະຈຸບັນ, ບັນດາອະດີດທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຊ່ວຍການປະຕິວັດລາວ ຢູ່ແຂວງ ບັກຢາງ ໄດ້ສືບຕໍ່ເສີມຂະຫຍາຍ, ອະນຸລັກຮັກສາມູນເຊື້ອ ແລະ ຄຸນນະທາດອັນດີງາມຂອງ “ທະຫານຊາວພຸດ” ທີ່ປະຊາຊົນເຜົ່າລາວ ໄດ້ມອບໃຫ້.
ກ່າວຄຳປາໄສທີ່ພິທີ, ທ່ານ ບຸນຍູ້ ໄຊປັນຍາ ໄດ້ສົ່ງຄວາມຂອບໃຈຢ່າງເລິກເຊິ່ງເຖິງພັກ, ລັດ ແລະ ປະຊາຊົນ ຫວຽດນາມ. ທ່ານ ເນັ້ນໜັກວ່າ ການເສຍສະຫຼະຊີວິດຂອງທະຫານຫວຽດນາມ ທີ່ຍັງຢູ່ໃນຜືນປ່າ, ເສັ້ນທາງຂອງລາວ ແລະ ປະຊາຊົນລາວ ຈະລະນຶກເຖິງຄຸນງາມຄວາມດີນີ້ຕະຫຼອດໄປ.
ທ່ານພົນຈັດຕະວາ ຫງວຽນວັນເດະ ໃຫ້ຮູ້ວ່າ ບັກຢາງ ແມ່ນສະຖານທີ່ມີການປະກອບສ່ວນສຳຄັນຫຼາຍຢ່າງໃນການຊ່ວຍການປະຕິວັດລາວ. ຄະນະຕິດຕໍ່ປະສານງານແຂວງ ຍາມໃດກໍ່ເຂົ້າຮ່ວມບັນດາການເຄື່ອນໄຫວບໍລິຈາກຢ່າງຕັ້ງໜ້າ ເພື່ອຊ່ວຍເຫຼືອປະຊາຊົນ ແລະ ນັກຮົບເກົ່າລາວ, ສືບຕໍ່ຮັກສານ້ຳໃຈສາມັກຄີ, ຄວາມຕິດພັນລະຫວ່າງສອງປະເທດ.
ທ່ານສະເໜີໃຫ້ບັນດາບັນດາອະດີດທະຫານອາສາສະໝັກ ແລະ ນັກຊ່ຽວຊານການທະຫານຫວຽດນາມ ຊ່ວຍການປະຕິວັດລາວ ແຂວງ ບັກຢາງ ສືບຕໍ່ກໍ່ສ້າງ, ເພີ່ມພູນຄູນສ້າງ ແລະ ປົກປັກຮັກສານ້ຳໃຈສາມັກຄີມິດຕະພາບແບບພິເສດອັນຍິ່ງໃຫຍ່, ຮ່ວມສຳພັນຕໍ່ສູ້ຢ່າງຊື່ສັດ, ພ້ອມກັນນັ້ນ ກໍ່ຖ່າຍທອດຈິດໃຈນັ້ນໄປສູ່ຄົນລຸ້ນຕໍ່ໄປ.
 |
| ຜູ້ຕາງໜ້າຄະນະຕິດຕໍ່ປະສານງານອະດີດທະຫານອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ຊ່ວຍການປະຕິວັດລາວ ແຂວງ ບັກຢາງ ໄດ້ມອບຂອງຂວັນທີ່ມີຄວາມໝາຍໃຫ້ແກ່ບັນດານັກສຶກສາ, ນັກຄົ້ນຄ້ວາລາວ. |
ທ່ານ ເຈີ່ນກົງແທ່ງ, ປະທານສະຫະພັນບັນດາອົງການມິດຕະພາບແຂວງ ບັກຢາງ ສະເໜີໃຫ້ສະມາຄົມມິດຕະພາບຫວຽດນາມ - ລາວ ຂອງແຂວງ, ບັນດາອະດີດທະຫານອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ຊ່ວຍການປະຕິວັດລາວ ສືບຕໍ່ເສີມຂະຫຍາຍມູນເຊື້ອ, ປັບປຸງສາຍພົວພັນຮ່ວມມືລະຫວ່າງສອງປະເທດ; ເປັນເສນາທິການ, ສະເໜີຂໍ້ລິເລີ່ມໃໝ່ ເພື່ອຊຸກຍູ້ການພົວພັນມິດຕະພາບ ບັກຢາງ - ໄຊສົມບູນ ໃຫ້ນັບມື້ນັບແໜ້ນແຟ້ນ. ຄຽງຂ້າງນັ້ນ, ກໍ່ປ່ຽນແປງໃໝ່ ແລະ ຍົກສູງບັນດາການເຄື່ອນໄຫວໂຄສະນາເຜີຍແຜ່, ຂົນຂວາຍ, ແນະນຳ ແລະ ໂຄສະນາຮູບພາບບ້ານເກີດເມືອງນອນ, ປະຊາຊົນ, ວັດທະນະທຳພື້ນເມືອງຂອງແຂວງ ບັກຢາງ ກັບເພື່ອນມິດສາກົນ.
ເນື່ອງໃນໂອກາດນີ້, ຄະນະຕິດຕໍ່ປະສານງານອະດີດທະຫານອາສາສະໝັກ ແລະ ນັກຊ່ຽວຊານການທະຫານ ຫວຽດນາມ ຊ່ວຍການປະຕິວັດລາວ ແຂວງ ບັກຢາງ ກໍ່ໄດ້ມອບຂອງຂວັນທີ່ມີຄວາມໝາຍໃຫ້ແກ່ບັນດານັກສຶກສາ, ນັກຄົ້ນຄ້ວາລາວ.
 | ສະຖານທູດຈີນ ມອບທຶນການສຶກສາໃຫ້ນັກຮຽນດີເດັ່ນຢູ່ໂຮງຮຽນພາກເໜືອ ຫວຽດນາມ 34 ແຫ່ງ ຍສໝ - ວັນທີ 26 ກັນຍາ 2024, ຢູ່ຮ່າໂນ້ຍ, ສະຖານທູດຈີນ ປະຈຳ ຫວຽດນາມ ໄດ້ຈັດພິທີມອບທຶນການສຶກສາໃຫ້ນັກຮຽນດີເດັ່ນ 225 ຄົນທີ່ມາຈາກ ໂຮງຮຽນປະຖົມ ແລະ ມັດທະຍົມຕອນຕົ້ນ 34 ແຫ່ງຂຶ້ນກັບບັນດາແຂວງພາກເໜືອຂອງ ຫວຽດນາມ. ນີ້ແມ່ນສ່ວນໜຶ່ງໃນໂຄງການຮ່ວມມືດ້ານການສຶກສາ ເພື່ອສົ່ງເສີມຈິດໃຈຮ່ຳຮຽນ, ປະກອບສ່ວນຊຸກຍູ້ການພັດທະນາການສຶກສາ ແລະ ມິດຕະພາບ ຫວຽດນາມ ... |
![[ຮູບພາບ] ທ່ານເລຂາທິການໃຫຍ່, ປະທານປະເທດ ລາວ ໄດ້ພົບປະກັບອະດີດທະຫານອາສາສະໝັກ](https://huunghivietlao.thoidai.com.vn/stores/news_dataimages/ducmh/092024/11/19/croped/thumbnail/3819_anh-tong-bi-thu-chu-tich-nuoc-lao-gap-go-cuu-quan-tinh-nguyen-chuyen-gia-viet-nam-va-the-he-tre-viet-nam-lao-20240911175939.jpg "[ຮູບພາບ] ທ່ານເລຂາທິການໃຫຍ່, ປະທານປະເທດ ລາວ ໄດ້ພົບປະກັບອະດີດທະຫານອາສາສະໝັກ") | [ຮູບພາບ] ທ່ານເລຂາທິການໃຫຍ່, ປະທານປະເທດ ລາວ ໄດ້ພົບປະກັບອະດີດທະຫານອາສາສະໝັກ ຍສໝ - ໃນຂອບເຂດການຢ້ຽມຢາມທາງລັດຖະກິດ ຫວຽດນາມ, ວັນທີ 11 ກັນຍາ ຢູ່ຮ່າໂນ້ຍ, ທ່ານເລຂາທິການໃຫຍ່ຄະນະບໍລິຫານງານສູນກາງພັກປະຊາຊົນປະຕິວັດລາວ, ປະທານປະເທດ ແຫ່ງ ສປປ ລາວ ທອງລຸນ ສີສຸລິດ ໄດ້ມີການພົບປະກັບອະດີດທະຫານອາສາສະໝັກ, ນັກຊ່ຽວຊານຫວຽດນາມ ແລະ ລຸ້ນໜຸ່ມ ຫວຽດນາມ - ລາວ. ທ່ານເລຂາທິການໃຫຍ່ຄະນະບໍລິຫານງານສູນກາງພັກກອມມູນິດ ຫວຽດນາມ, ປະທານປະເທດ ... |
ມີງດຶກ
