 | ການບູລະນະຫໍເທບທິດາປະເທດ ລາວ ຢູ່ແຂວງ ນິງບິ່ງ |
| ສະມາຄົມມິດຕະພາບ ຫວຽດນາມ - ອິນເດຍ: ເປັນຂົວເຊື່ອມຕໍ່ອັນໜັກແໜ້ນໃຫ້ແກ່ການພົວພັນລະຫວ່າງ 2 ປະເທດ |
ລາຍການດັ່ງກ່າວ ໂດຍຄະນະກຳມະການປະຊາຊົນແຂວງ ລາວກາຍ, ກະຊວງການຕ່າງປະເທດ ແລະ ສະຖານທູດໄທ ປະຈຳ ຫວຽດນາມ ສົມທົບກັນເພື່ອຈັດຕັ້ງ. ມີຜູ້ແທນປະມານ 400 ຄົນມາຈາກບັນດາອົງການລັດຖະບານ, ສະຫະພັນການຄ້າ ແລະ ອຸດສາຫະກຳ ຫວຽດນາມ (VCCI), 14 ທ້ອງຖິ່ນໃນທົ່ວປະເທດ, ສະມາຄົມວິສາຫະກິດເຂດພູດອຍພາກເໜືອ, ພ້ອມກັນກັບຫຼາຍວິສາຫະກິດ ແລະ ນັກລົງທຶນຈາກ ໄທ ແລະ ຫວຽດນາມ ໄດ້ເຂົ້າຮ່ວມລາຍການ.
ບັນດາການເຄື່ອນໄຫວໃນລາຍການແມ່ນບາດກ້າວຫັນຍຸດທະສາດ "ສາມເຊື່ອມຕໍ່" ທີ່ການນຳຂັ້ນສູງຂອງສອງປະເທດໄດ້ຮັບຮອງເອົາເປັນລະອຽດ. ຍຸດທະສາດນີ້ປະກອບມີ: ການເຊື່ອມຕໍ່ບັນດາລະບົບສະໜອງຂອງບັນດາຂະແໜງການອຸດສາຫະກໍາສະຫນັບສະຫນູນເຊິ່ງກັນ ແລະ ກັນ; ເຊື່ອມຕໍ່ພື້ນຖານເສດຖະກິດຮາກຖານ, ພິເສດແມ່ນກຸ່ມວິສາຫະກິດຂະໜາດກາງ ແລະ ນ້ອຍກັບທ້ອງຖິ່ນ; ເຊື່ອມຕໍ່ຍຸດທະສາດການພັດທະນາແບບຍືນຍົງລະຫວ່າງບັນດານະໂຍບາຍເສດຖະກິດຊີວະພາບ - ເສດຖະກິດໝູນວຽນ - ເສດຖະກິດສີຂຽວຂອງ ໄທ ແລະ ຍຸດທະສາດພັດທະນາສີຂຽວຂອງ ຫວຽດນາມ.
ເຫດການນີ້ ໄດ້ສ້າງກາລະໂອກາດໃຫ້ບັນດາທ້ອງຖິ່ນ, ວິສາຫະກິດ ຫວຽດນາມ ແລະ ໄທ ໄດ້ພົບປະ, ແລກປ່ຽນ, ຊອກຫາກາລະໂອກາດຮ່ວມມືລົງທຶນ, ດຳເນີນທຸລະກິດໃນຂົງເຂດທີ່ມີຄວາມສາມາດບົ່ມຊ້ອນຂອງ 2 ປະເທດ. ພ້ອມກັນນັ້ນ, ນີ້ກໍ່ແມ່ນຂົວເຊື່ອມຕໍ່ທາງດ້ານວັດທະນະທຳ, ປະກອບສ່ວນເພີ່ມທະວີການພົບປະແລກປ່ຽນວັດທະນະທຳ, ສັງຄົມ ແລະ ເຊື່ອມຕໍ່ລະຫວ່າງປະຊາຊົນ ຫວຽດນາມ - ໄທ.
ທ່ານນາງ Urawadee Sriphihiromya, ເອກອັກຄະລັດຖະທູດ ໄທ ປະຈຳ ຫວຽດນາມ ໄດ້ສະແດງຄວາມຂອບໃຈສະມາຄົມມິດຕະພາບ ຫວຽດນາມ - ໄທ ທີ່ຍາມໃດກໍ່ເອົາໃຈໃສ່, ສະໜັບສະໜູນບັນດາການເຄື່ອນໄຫວຂອງສະຖານທູດໃນໄລຍະຜ່ານມາ. ການໜູນຊ່ວຍນີ້ ໄດ້ປະກອບສ່ວນຢ່າງແທດຈິງ ເພື່ອປັບປຸງ ແລະ ຜັນຂະຫຍາຍການພົວພັນຄູ່ຮ່ວມມືຍຸດທະສາດເພີ່ມທະວີລະຫວ່າງ ຫວຽດນາມ - ໄທ.
ທ່ານ ຫງວຽນວັນແທງ, ປະທານສະມາຄົມມິດຕະພາບ ຫວຽດນາມ - ໄທ ໄດ້ຕີລາຄາສູງການຈັດຕັ້ງລາຍການ “ພົບປະໄທ” ປີ 2024 ຢູ່ແຂວງ ລາວກາຍ. ທ່ານ ກໍ່ໄດ້ສະແດງຄວາມປິຕິຊົມຊື່ນຕໍ່ບັນດາບາດກ້າວພັດທະນາທີ່ນັບມື້ນັບແໜ້ນແຟ້ນ, ແທດຈິງ, ມີປະສິດທິຜົນຂອງການພົວພັນຮ່ວມມືສອງຝ່າຍ ຫວຽດນາມ-ໄທ ໃນໄລຍະມໍ່ໆມານີ້.
ທ່ານຍັງໄດ້ປະກາດບາງການເຄື່ອນໄຫວຂອງສະມາຄົມນັບແຕ່ປະຈຸບັນຮອດທ້າຍປີ 2024, ໃນນັ້ນມີການສົມທົບກັບສະມາຄົມມິດຕະພາບ ໄທ - ຫວຽດນາມ ເພື່ອຈັດຕັ້ງກອງປະຊຸມຮ່ວມມືປະຈຳປີ ຄັ້ງທີ 13 ຢູ່ແຂວງ ຊົນບູຣີ, ໄທ ແຕ່ວັນທີ 12-14 ກັນຍາ 2024.
ຂ້າງລຸ່ມນີ້ແມ່ນຮູບພາບຈຳນວນໜຶ່ງຂອງການເຄື່ອນໄຫວທີ່ລາຍການ:
 |
| ພິທີເປີດງານວາງສະແດງບັນດາຜະລິດຕະພັນ ໄທ - ຫວຽດນາມ |
 |
| ທ່ານ ຫງວຽນວັນແທງ, ປະທານສະມາຄົມມິດຕະພາບ ຫວຽດນາມ - ໄທ (ທີສອງຈາກຊ້າຍ) ພ້ອມກັນກັບທ່ານນາງເອກອັກຄະລັດຖະທູດໄທ ປະຈຳ ຫວຽດນາມ Urawadee Sriphihiromya (ທີສອງຈາກຂວາ) ແລະ ທ່ານ ຫວູຊວນເກື່ອງ, ຮອງເລຂາພັກແຂວງ, ປະທານສະພາປະຊາຊົນແຂວງ ລາວກາຍ (ທີ 3 ຈາກຊ້າຍ) ຢ້ຽມຢາມຮ້ານວາງສະແດງຜະລິດຕະພັນກະເສດທີ່ມີຄຸນນະພາບສູງຂອງແຂວງ ລາວກາຍ. |
 |
| ທ່ານ ຫງວຽນວັນແທງ, ປະທານສະມາຄົມມິດຕະພາບ ຫວຽດນາມ - ໄທ ແລະ ທ່ານນາງ Urawadee Sriphihiromya, ເອກອັກຄະລັດຖະທູດ ໄທ ປະຈໍາ ຫວຽດນາມ ໄດ້ຖ່າຍຮູບກັບຜູ້ຕາງໜ້າການນຳຂອງວິສາຫະກິດ ຫວຽດນາມ ແລະ ໄທຈຳນວນໜຶ່ງ. |
 | ເປີດຊຸດຝຶກອົບຮົມວິຊາພາສາລາວ ໃຫ້ພະນັກງານ-ລັດຖະກອນ ຢູ່ແຂວງ ຮ່າຕິ້ງ ຍສໝ - ໃນການເຂົ້າຮ່ວມຫຼັກສູດຮຽນ, ພະນັກງານ, ລັດຖະກອນແຂວງ ຮ່າຕິ້ງ ຈະໄດ້ຮັບການຮ່ຽນຮູ້ກ່ຽວກັບພາສາ, ຮີດຄອງປະເພນີ, ພັດທະນາເສດຖະກິດ, ວັດທະນະທຳ - ສັງຄົມຂອງລາວ. |
 | ໄທ - ທ້ອງຕະຫຼາດນຳເຂົ້າໝາກທຸລຽນ ໃຫຍ່ອັນດັບທີ 2 ຂອງ ຫວຽດນາມ ໄທ ເປັນປະເທດສົ່ງອອກໝາກທຸລຽນໃຫຍ່ທີ່ສຸດຂອງໂລກ, ກາຍເປັນທ້ອງຕະຫຼາດນຳເຂົ້າໝາກທຸລຽນໃຫຍ່ອັນດັບສອງຂອງ ຫວຽດນາມ ໃນ 4 ເດືອນຕົ້ນ ປີ 2024. |
ມີງດຶກ
