ເສີມຂະຫຍາຍທ່າໄດ້ປຽບ ແລະເພີ່ມທະວີການເຊື່ອມຕໍ່ຜະລິດຕະພັນກະເສດລະຫວ່າງ ຫວຽດນາມ - ມົງໂກລີ

	ຫວຽດນາມ - ມົງໂກລີ: 70 ປີ​ແຫ່ງ​ການ​ພົວພັນ​ມິດຕະພາບ ​ແລະການ​ຮ່ວມ​ມື​ຮອບດ້ານ
	VUFO, ສະຖານທູດ ມົງໂກນ ປະຈຳ ຫວຽດນາມ ປຶກສາຫາລືກ່ຽວກັບການເພີ່ມທະວີການຮ່ວມມື

ວັນທີ 20 ພະຈິກ, ສະມາຄົມມິດຕະພາບ ຫວຽດນາມ - ມົງໂກນ ໄດ້ສົມທົບກັບກະຊວງກະສິກຳ ແລະ ພັດທະນາຊົນນະບົດ ຈັດຕັ້ງເວທີປາໄສສົ່ງເສີມຜະລິດຕະພັນກະເສດ ຫວຽດນາມ - ມົງໂກລີ. ​ເຫດການ​ດັ່ງກ່າວ​ແມ່ນ​ສ່ວນ​ໜຶ່ງ​ຂອງ​ບັນດາ​ການ​ເຄື່ອນ​ໄຫວ​ ເພື່ອ​ແນ​ໃສ່​ສະ​ເຫຼີ​ມສະຫຼອງ 70 ປີ​ແຫ່ງ​ວັນ​ສ້າງ​ຕັ້ງ​ການ​ພົວພັນ​ທາງ​ການ​ທູດ​ລະຫວ່າງ 2 ປະ​ເທດ (17 ພະຈິກ 1954 – 17 ພະຈິກ 2024). ນີ້​ກໍ່​ແມ່ນ​ການ​ເຄື່ອນ​ໄຫວນອນ​ໃນ​ຂອບ​ເຂດ​ງານ​ວາງສະ​ແດງ​ກະສິກຳ​ສາກົນ AgroViet 2024.

ເວທີປາໄສສົ່ງເສີມຜະລິດຕະພັນກະເສດ ຫວຽດນາມ - ມົງໂກລີ

ກ່າວ​ຄຳ​ປາໄສ​ເປີດ​ເວທີ​ປາ​ໄສ, ທ່ານ ​ເຈິນ​ກົງ​ຖັງ, ຫົວໜ້າສະຖາ​ບັນ​ນະ​ໂຍບາຍ ​ແລະ ຍຸດ​ທະ​ສາດ​ພັດທະນາ​ກະສິກຳ ​ແລະ ຊົນນະບົດ (IPSARD), ​ໃຫ້​ຮູ້​ວ່າ: ​ໃນ​ໄລຍະ​ທີ່ຜ່ານ​ມາ​, ວົງ​ເງິນ​ການ​ຄ້າ​ສອງ​ຝ່າຍ​ລະຫວ່າງ ຫວຽດນາມ ​- ມົງ​ໂກ​ລີ ​ໄດ້​ເພີ່ມ​ຂຶ້ນ 2-3 ​ເທົ່າ (ຈາກ 41,5 ລ້ານ USD ໃນປີ 2017 ຂຶ້ນ 85 ລ້ານ USD ໃນປີ 2022 ແລະ ບັນລຸ 132 ລ້ານ USD ໃນປີ 2023). ​ໃນ 7 ​ເດືອນ​ຕົ້ນ​ປີ 2024, ວົງ​ເງິນ​ການ​ຄ້າ​ສອງ​ຝ່າຍ​ບັນລຸ 65,5 ລ້ານ USD ​ແລະ 2 ປະ​ເທດ​ບັນລຸ​ເປົ້າ​ໝາຍ​ນຳ​ວົງ​ເງິນ​ການ​ຄ້າ​ສອງ​ຝ່າຍ​ຂຶ້ນ​ເຖິງ 200 ລ້ານ USD ​ໂດຍ​ໄວ.

ຕາມ​ທ່ານ ເຈິນ​ກົງ​ຖັງ ແລ້ວ, ຫວຽດນາມ ​ແລະ ມົງ​ໂກ​ລີ ລ້ວນ​ແຕ່​ມີ​ທ່າ​ໄດ້​ປຽບທີີ່​ດີ​ໃນ​ຂົງ​ເຂດ​ກະສິກຳ. ຫວຽດນາມ ​ແມ່ນ​ປະ​ເທດ​ສົ່ງ​ອອກ​ສິນຄ້າ​ນຳ​ໜ້າບັນດາຜະລິດຕະພັນ​ຄື: ເຂົ້າ, ກາ​ເຟ, ໝາກ​ໄມ້​ເຂດ​ຮ້ອນ... ​ໃນ​ຂະນະ​ນັ້ນ, ມົງ​ໂກ​ລີ ​ແມ່ນ​ມີ​ຊື່​ສຽງ​ດ້ວຍ​ບັນດາຜະລິດຕະພັນຊີ້ນ​ງົວ, ຊີ້ນ​ແກະ ​ແລະ ຜະລິດຕະພັນຈາກນົມ​ທີ່​ມີ​ຄຸນ​ນະພາ​ບສູງ. ນີ້​ແມ່ນບັນດາ​ຂົງ​ເຂດ​ທີ່​​ວິ​ສາ​ຫະກິດ​ຂອງ​ທັງ​ສອງ​ປະ​ເທດ​ບໍ່​ພຽງ​ແຕ່​ສາມາດຊ່ວຍຊູ​ເຊິ່ງກັນ​ ແລະ ​ກັນ​ເທົ່າ​ນັ້ນ, ຫາກ​ຍັງ​ຂຸດ​ຄົ້ນ​ເພື່ອ​ຕອບ​ສະໜອງ​ຄວາມ​ຕ້ອງການທີ່ນັບມື້ນັບ​​ເພີ່ມ​ຂຶ້ນຂອງ​ຕະຫຼາດ​ໂລກ​.

“ການຈັດ​ຕັ້ງ​ເວທີ​ປາ​ໄສ​ສົ່ງ​ເສີມ​ຜະລິດ​ຕະພັນ​ກະ​ເສດ ຫວຽດນາມ - ມົງ​ໂກ​ລີ ​ແມ່ນ​ຂົວເຊື່ອມ​ຕໍ່​ສຳຄັນ​ເພື່ອ​ໃຫ້​ບັນດາ​ວິ​ສາ​ຫະກິດ​ຂອງ​ສອງ​ປະ​ເທດ​ພົບ​ປະ, ​ແລກປ່ຽນ​ຂໍ້​ມູນ​ຂ່າວສານ ​ແລະ ຊອກ​ຫາ​ກາລະ​ໂອກາດ​ຮ່ວມ​ມື. ນອກຈາກນັ້ນ, ຜ່ານເຫດການດັ່ງກ່າວ, ລັດຖະບານ 2 ປະເທດຈະແບ່ງປັນບັນດານະໂຍບາຍບຸລິມະສິດ ແລະ ກົນໄກໜູນຊ່ວຍເພື່ອໃຫ້ບັນດາວິສາຫະກິດສາມາດເຂົ້າເຖິງຕະຫຼາດຂອງແຕ່ລະປະເທດຢ່າງມີປະສິດທິຜົນກວ່າ”, ທ່ານ ເຈິນ​ກົງ​ຖັງ ກ່າວ.

ທ່ານ ເຈິນ​ກົງ​ຖັງ, ຫົວໜ້າສະຖາບັນນະໂຍບາຍ ແລະ ຍຸດທະສາດເພື່ອການພັດທະນາກະສິກຳ ແລະ ຊົນນະບົດ (IPSARD).

ທີ່​ເວທີ​ປາ​ໄສ, ບັນດາ​ຜູ້​ແທນ​ໄດ້​ປຶກສາ​ຫາລື ​ແລະ ​ແບ່ງປັນ​ຄວາມ​ສາມາດ​ບົ່ມ​ຊ້ອນຂອງ​ການ​ຮ່ວມ​ມື​ດ້ານ​ການ​ຄ້າ​ລະຫວ່າງ ຫວຽດນາມ ​- ມົງ​ໂກ​ລີ ​ໃນ​ຂົງ​ເຂດ​ກະສິກຳ; ແນະນຳຂັ້ນຕອນການນຳເຂົ້າຊີ້ນແບ້ ແລະ ຊີ້ນແກະສູ່ຕະຫຼາດ ຫວຽດນາມ; ຄວາມ​ສາມາດ​ບົ່ມ​ຊ້ອນ ​ແລະ ການ​ຮ່ວມ​ມື​ໃນ​ການ​ລ້ຽງ ​ແລະ ຂ້າ​ແບ້, ແກະ​ລະຫວ່າງ ຫວຽດນາມ ​ແລະ ມົງ​ໂກ​ລີ; ຄວາມ​ສາມາດ​ບົ່ມ​ຊ້ອນໃນການສົ່ງອອກຊີ້ນສັດປີກ, ໄຂ່ ແລະ ກາລະໂອກາດພົວພັນການຄ້າກັບຕະຫຼາດ ມົງໂກລີ; ຄວາມ​ສາມາດ​ບົ່ມ​ຊ້ອນໃນການສົ່ງອອກໝາກໄມ້ ແລະ ກາລະໂອກາດໃນຕະຫຼາດ ມົງໂກລີ; ກາລະ​ໂອກາດ​ໃຫ້​ແກ່​ການ​ຮ່ວມ​ມື​ດ້ານ​ການ​ບໍລິການ ຫວຽດນາມ - ມົງ​ໂກ​ລີ; ຊຸກຍູ້​ຄວາມ​ສາມາດ​ບົ່ມ​ຊ້ອນໃນການ​ນຳ​ເຂົ້າ ​ແລະ ສົ່ງ​ອອກ​ຜະລິດ​ຕະພັນ​ກະ​ເສດ​ລະຫວ່າງ ຫວຽດນາມ ​- ມົງ​ໂກ​ລີ.

ໄຈ້ແຍກກ່ຽວກັບ “ຄວາມ​ສາມາດ​ບົ່ມ​ຊ້ອນ ​ແລະ ກາລະ​ໂອກາດ​ຮ່ວມ​ມື​ໃນ​ຂົງ​ເຂດ​ລ້ຽງ ​ແລະ ຂ້າ​ແບ້, ແກະ​ກັບ ​ມົງ​ໂກ​ລີ”, ທ່ານ ຢວ໊ານແຂ໋ງເຕິມ, ຮອງ​ຫົວໜ້າກົມ, ຮອງ​ຫົວໜ້າ​ຫ້ອງການ, ຄະນະ​ກຳມະການ​ຊາຍ​ແດນ​ແຫ່ງ​ຊາດ, ອະດີດ​ເອກ​ອັກຄະ​ລັດຖະທູດ ຫວຽດນາມ ປະຈຳ ມົງ​ໂກ​ລີ ​ຖືວ່າ: ສະພາບ​ອາກາດ​ຂອງ​ ມົງ​ໂກ​ລີ ​ແມ່ນ​ໜາວ​ເຢັນ, ເພາະສະນັ້ນ ການ​ລ້ຽງ​ສັດ​ພັດ​ທະ​ນາ​ຫຼາຍ​ກວ່າ​ການ​ປູກຝັງ. ມົງໂກລີ ໄດ້ເຂົ້າເປັນສະມາຊິກອົງການສັດຕະວະແພດໂລກຕັ້ງແຕ່ ປີ 1989. ລັກສະນະຂອງການລ້ຽງສັດຢູ່ ມົງໂກລີ ແມ່ນລ້ຽງສັດຕາມທຳມະຊາດຢູ່ທົ່ງຫຍ້າທີ່ກວ້າງຂວາງ, ສັດລ້ຽງໄດ້ກິນຫຍ້າສະໝູນໄພປະມານ 3.000 ຊະນິດຢູ່ເທິງທົ່ງຫຍ້າທີ່ກວ້າງໃຫຍ່, ມີຄຸນນະພາບຊີ້ນແຊບ. ​ແຕ່ວ່າ, ການ​ຈໍລະຈອນຂົນ​ສົ່ງ​ແມ່ນ​ບັນຫາ​ທີ່​ກີດຂວາງ​ການ​ຄ້າ ​ຫວຽດນາມ - ມົງ​ໂກ​ລີ.

ທ່ານ ຢວ໊ານແຂ໋ງເຕິມ ​ໃຫ້​ຮູ້​ວ່າ: ​ເພື່ອ​ແກ້​ໄຂ​ບັນຫາ​ດັ່ງກ່າວ, ຝ່າຍ ​ມົງ​ໂກລີ ​ສະ​ແດງ​ຄວາມ​ຍິນ​ດີ​ຕ້ອນຮັບ​ ຫວຽດນາມ ​ເຂົ້າ​ຮ່ວມ​ສັນຍາ​ການ​ຂົນ​ສົ່ງ​ທາງ​ລົດ​ໄຟ​ສາມ​ຝ່າຍ ມົງ​ໂກ​ລີ - ລັດ​ເຊຍ - ຈີນ ​ທີ່ໄດ້​ລົງ​ນາມ​ໃນ​ປີ 2016. ​ໃນ​ການ​ຢ້ຽມຢາມ ຫວຽດນາມ ​ວັນ​ທີ 5 ພະຈິກ 2023, ທ່ານ​ປະທານ​າທິບໍດີ ມົງ​ໂກລີ ກໍ່​ຢືນຢັນ​ຄືນ​ໃໝ່​ຢ່າງ​ເປັນ​ທາງ​ການ​ວ່າ ລັດຖະບານ ​ມົງ​ໂກລີ ຈະເປັນເຈົ້າການ​ສົມທົບ​ກັບ​ຝ່າຍ ຈີນ ​ກ່ອນ ​ເພື່ອ​ສ້າງ​ເງື່ອນ​ໄຂ​ສະດວກ​ໃຫ້ ​ຫວຽດນາມ ​ເຂົ້າ​ຮ່ວມ​ສັນຍາ​ສະບັບ​ນີ້.

​ໃນ​ຂອບ​ເຂດ​ຂອງ​ເວທີ​ປາ​ໄສ ກໍ່ ​ໄດ້​ດຳ​ເນີນ​ພິທີ​ລົງ​ນາມ​ໃນ​ບົດ​ບັນທຶກ​ຊ່ວຍ​ຈຳ​ກ່ຽວ​ກັບ​ການ​ຮ່ວມ​ມື ​ແລະ ຈຳໜ່າຍ​ຊີ້ນ​ແບ້, ແກະ ມົງ​ໂກລີ ຢູ່ ຫວຽດນາມ.

ວັນວັດທະນະທໍາຫວຽດນາມຢູ່ມົງໂກນ : ຊຸກຍູ້ນໍ້າໃຈມິດຕະພາບ ແລະຄວາມເຂົ້າໃຈເຊິ່ງກັນ ແລະກັນ ລະຫວ່າງປະຊາຊົນສອງຊາດ ຍສໝ - ວັນວັດທະນະທໍາຫວຽດນາມ ຈັດຂຶ້ນຢູ່ນະຄອນຫຼວງອູລານບາຕໍ ຂອງປະເທດມົງໂກນ ແຕ່ວັນທີ 30 ກັນຍາ ຫາ ວັນທີ 1 ສິງຫາ. ເຫດການດັ່ງກ່າວມີຄວາມໝາຍສຳຄັນໃນການສົ່ງເສີມມິດຕະພາບ ແລະ ຄວາມເຂົ້າໃຈເຊິ່ງກັນແລະກັນລະຫວ່າງປະຊາຊົນສອງຊາດ.

ຊຸກຍູ້ການຮ່ວມມືລະຫວ່າງທ້ອງຖິ່ນຂອງສອງປະເທດ ຫວຽດນາມ - ມົງໂກລີ ຍສໝ - ຫວ່າງແລ້ວນີ້, ທ່ານ ເຈີ່ນ​ແທັງເມີນ ກຳມະການ​ກົມ​ການ​ເມືອງ, ຮອງ​ປະທານຜູ້ປະຈຳການ​ສະພາ​ແຫ່ງ​ຊາດ ​ ​ໄດ້​ໃຫ້ການ​ຕ້ອນຮັບ​ຄະນະ​ຜູ້​ແທນ​ສະພາ​ປະຊາຊົນ​ແຂວງ Tuv, ມົງ​ໂກ​ລີ ນຳ​ໂດຍ​ທ່ານ ປອ. Jambalsuren - ປະທານ​ສະພາ​ປະຊາຊົນ​ແຂວງ ເປັນຫົວຫນ້າ​ຄະນະ.