 | ສະຖານທູດຈີນ ມອບທຶນການສຶກສາໃຫ້ນັກຮຽນດີເດັ່ນຢູ່ໂຮງຮຽນພາກເໜືອ ຫວຽດນາມ 34 ແຫ່ງ |
| VUFO, UNDP ຢູ່ ຫວຽດນາມ ສືບຕໍ່ຊຸກຍູ້ການຮ່ວມມືເພື່ອພັດທະນາ |
 |
| ທ່ານ ຟານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ (VUFO) ໄດ້ໃຫ້ການຕ້ອນຮັບ ແລະ ເຮັດວຽກກັບທ່ານ Jigjee Sereejav, ເອກອັກຄະລັດຖະທູດວິສາມັນຜູ້ມີອຳນາດເຕັມ ມົງໂກນ ປະຈຳ ຫວຽດນາມ. (ພາບ: ດິງຮວ່າ) |
ທີ່ການເຮັດວຽກ, ທ່ານເອກອັກຄະລັດຖະທູດມົງໂກນ Jigjee Sereejav ໄດ້ສະແດງຄວາມຊົມຊື່ນຕໍ່ບັນດາການພັດທະນາຢ່າງຕັ້ງໜ້າໃນການພົວພັນ ຫວຽດນາມ - ມົງໂກນ ຫວ່າງມໍ່ໆມານີ້. ໃນນັ້ນ, ພົ້ນເດັ່ນແມ່ນການເດີນທາງໄປຢ້ຽມຢາມຂັ້ນລັດຢູ່ຫວຽດນາມ ຂອງທ່ານປະທານາທິບໍດີ ມົງໂກນ Ukhnaagiin Khurelsukh (ເດືອນພະຈິກ 2023) ແລະ ການເດີນທາງໄປຢ້ຽມຢາມທາງລັດຖະກິດຢູ່ ມົງໂກນ ຂອງທ່ານເລຂາທິການໃຫຍ່ ໂຕເລີມ (ວັນທີ 30 ກັນຍາ – 1 ຕຸລາ 2024). ໃນຂອບເຂດການເດີນທາງໄປຢ້ຽມຢາມຂອງທ່ານເລຂາທິການໃຫຍ່ ໂຕເລີມ , 2 ປະເທດໄດ້ອອກຖະແຫຼງການຮ່ວມລະຫວ່າງ ຫວຽດນາມ ແລະ ມົງໂກນ ກ່ຽວກັບການສ້າງຕັ້ງການພົວພັນຄູ່ຮ່ວມມືຮອບດ້ານ. ໃນປີ 2023, 2 ປະເທດໄດ້ລົງນາມໃນສັນຍາຍົກເວັ້ນວີຊາໃຫ້ຜູ້ຖືໜັງສືຜ່ານແດນທຳມະດາ, ສ້າງເງື່ອນໄຂສະດວກໃຫ້ແກ່ການພົບປະ, ແລກປ່ຽນ ແລະ ການຮ່ວມມືລະຫວ່າງວິສາຫະກິດ ແລະ ປະຊາຊົນສອງປະເທດ.
ທ່ານເອກອັກຄະລັດຖະທູດ Jigjee Sereejav ປາດຖະໜາຢາກສົມທົບກັບ VUFO ເພື່ອຊຸກຍູ້ການພົວພັນຮ່ວມມື, ເພີ່ມທະວີຄວາມເຂົ້າໃຈເຊິ່ງກັນ ແລະ ກັນລະຫວ່າງປະຊາຊົນ ຫວຽດນາມ - ມົງໂກນ, ພິເສດແມ່ນລຸ້ນໜຸ່ມ, ຜ່ານບັນດາການເຄື່ອນໄຫວວັດທະນະທຳ, ການສຶກສາ, ວັນນະຄະດີ, ສິລະປະ...
ທ່ານປະທານສະຫະພັນບັນດາອົງການມິດຕະພາບ ຫວຽດນາມ ຟານແອງເຊີນ ໃຫ້ຮູ້ວ່າ: ຫວຽດນາມ - ມົງໂກນ ຍັງມີຫຼາຍຂົງເຂດບົ່ມຊ້ອນເພື່ອພັດທະນາການຮ່ວມມື. ດ້ວຍປະຫວັດສາດສະຫງ່າອົງອາດ, ທໍາມະຊາດໃຫຍ່ໂຕມະໂຫຖານ, ປະສົບການໃນການຮັກສາສັນຕິພາບ, ສະຖຽນລະພາບປະເທດຊາດ, ການພັດທະນາເສດຖະກິດ - ສັງຄົມ, ມົງໂກນ ຍັງມີບັນດາທ່າແຮງທີ່ດຶງດູດຄູ່ຮ່ວມມື, ບັນດາອົງການຈັດຕັ້ງປະຊາຊົນ ແລະ ປະຊາຊົນ ຫວຽດນາມ.
ທ່ານປະທານ VUFO ຫວັງວ່າ ສະຖານທູດ ມົງໂກນ ຈະໜູນຊ່ວຍໃນການເຊື່ອມຕໍ່ ແລະ ແນະນຳ VUFO ກັບບັນດາຄູ່ຮ່ວມມືຂອງມົງໂກນ, ຜ່ານນັ້ນ ກໍ່ສ້າງການພົວພັນຮ່ວມມືຢ່າງຍາວນານ, ຍືນຍົງ ແລະ ມີປະສິດທິຜົນ. ພ້ອມກັນນັ້ນ, VUFO ກໍ່ຫວັງວ່າ ຢາກສົມທົບກັບສະຖານທູດ ເພື່ອແນໃສ່ຊຸກຍູ້ບັນດາການເຄື່ອນໄຫວແລກປ່ຽນຄະນະ, ພົບປະແລກປ່ຽນປະຊາຊົນລະຫວ່າງສອງປະເທດ.
ທ່ານປະທານ VUFO ແລະ ທ່ານເອກອັກຄະລັດຖະທູດ ມົງໂກນ ໄດ້ເປັນເອກະພາບກັນ ເພື່ອສືບຕໍ່ຍູ້ແຮງການຮ່ວມມືລະຫວ່າງ 2 ອົງການ, ລະຫວ່າງສະມາຄົມມິດຕະພາບ ຫວຽດນາມ - ມົງໂກນ ແລະ ສະມາຄົມມິດຕະພາບ ມົງໂກນ - ຫວຽດນາມ. ສອງຝ່າຍເຫັນດີເປັນເອກະພາບສົມທົບກັນຈັດຕັ້ງບັນດາການເຄື່ອນໄຫວສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ມົງໂກນ (ວັນທີ 17 ພະຈິກ1954 – ວັນທີ 17 ພະຈິກ 2024).
 | ຍສໝ - ວັນທີ 24 ກໍລະກົດ, ສະຖານທູດ ຫວຽດນາມ ປະຈໍາ ຕ່າງປະເທດຄື: ກູບາ, Algeria, ອາຟະລິກາໃຕ້ ໄດ້ເອົາທຸງລົງເຄິ່ງເສົາ, ປະກາດເປີດປຶ້ມໄຫວ້ອາໄລ ແລະ ຈັດພິທີໄຫວ້ອາໄລທ່ານເລຂາທິການໃຫຍ່ ຫງວຽນຟູ໋ຈ້ອງ. |
 | ຮັບຮູ້ການປະກອບສ່ວນຂອງຜູ້ຕາງໜ້າອົງການ UNICEF ປະຈຳ ຫວຽດນາມ ສຳລັບການສຶກສາ ຫວຽດນາມ ຍສໝ - ວັນທີ 1 ກໍລະກົດ, ຢູ່ ຮ່າໂນ້ຍ, ທ່ານລັດຖະມົນຕີ ກະຊວງສຶກສາ ແລະບຳລຸງສ້າງ ຫວຽດນາມ ຫງວຽນກິມເຊີນ ໄດ້ມອບຫຼຽນກາລະນຶກ “ເພື່ອພາລະກິດການສຶກສາ” ໃຫ້ແກ່ທ່ານນາງ Rana Flowers, ຫົວໜ້າຜູ້ຕາງໜ້າກອງທຶນເພື່ອເດັກນ້ອຍ ສະຫະປະຊາຊາດ (UNICEF) ປະຈໍາ ຫວຽດນາມ. ລາງວັນດັ່ງກ່າວແມ່ນເພື່ອຮັບຮູ້ບັນດາການປະກອບສ່ວນຢ່າງຕັ້ງໜ້າຂອງທ່ານສຳລັບການສຶກສາ, ເດັກນ້ອຍ ເວົ້າສະເພາະ ... |
ແທັງຮັ່ງ
