 | ກໍ່ສ້າງເຂດທະເລແຫ່ງສັນຕິພາບ, ສະຖຽນລະພາບ, ມິດຕະພາບ, ການຮ່ວມມື ແລະພັດທະນາ |
| ການຮ່ວມມືດ້ານເສດຖະກິດ ຫວຽດນາມ - ສິງກະໂປ: ກຳລັງໜູນຈາກການຫັນເປັນດິຈິຕອນ ແລະ ເສດຖະກິດສີຂຽວ |
ໂດຍເຂົ້າຮ່ວມການພົບປະມີທ່ານ ເຈີ່ນແທງນາມ, ຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ, ປະທານສະມາຄົມມິດຕະພາບ ຫວຽດນາມ - ມົງໂກລີ; ທ່ານ Jigjee Sereejav, ເອກອັກຄະລັດຖະທູດຜູ້ມີອໍານາດເຕັມແຫ່ງ ມົງໂກລີ ປະຈຳ ຫວຽດນາມ; ທ່ານ ໂດ້ຫວຽດຮ່າ, ປະທານສະຫະພັນບັນດາອົງການມິດຕະພາບນະຄອນ ໂຮ່ຈິມິນ, ພ້ອມກັບອະດີດນັກສຶກສາ ຫວຽດນາມ ຢູ່ ມົງໂກລີ ແລະ ຜູ້ທີ່ຮັກແພງ ມົງໂກລີ ເປັນຈຳນວນຫລວງຫລາຍ.
ເສັ້ນທາງມິດຕະພາບຂອງ 7 ທົດສະວັດ
ທີ່ພິທີ, ທ່ານ ເຈີ່ນແທງນາມ ໄດ້ທວນຄືນບັນດາຂີດໝາຍທີ່ສຳຄັນຂອງການພົວພັນສອງປະເທດ ຫວຽດນາມ - ມົງໂກລີ. ວັນທີ 17 ພະຈິກ 1054, 2 ປະເທດໄດ້ສ້າງຕັ້ງການພົວພັນທາງການທູດຢ່າງເປັນທາງການ, ເປັນຂີດໝາຍ ມົງໂກລີ ແມ່ນໜຶ່ງໃນບັນດາປະເທດທຳອິດ ທີ່ໄດ້ຮັບຮູ້ ແລະ ສ້າງຕັ້ງການພົວພັນກັບ ຫວຽດນາມ ໃນພາກພື້ນອາຊີຕາເວັນອອກສ່ຽງໃຕ້. ເດືອນກໍລະກົດ 1955, ປະທານໂຮ່ຈີມິນ ໄດ້ໄປຢ້ຽມຢາມ ມົງໂກລີ, ສ້າງພື້ນຖານອັນໝັ້ນແກ່ນໃຫ້ແກ່ການພົວພັນມິດຕະພາບສອງຝ່າຍ.
 |
| ທ່ານ ເຈີ່ນແທງນາມ, ຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ, ປະທານສະມາຄົມມິດຕະພາບ ຫວຽດນາມ - ມົງໂກລີ ກ່າວຄຳປາໄສທີ່ພິທີສະເຫຼີມສະຫຼອງ. |
ໃນຕະຫຼອດ70 ປີ, ການພົວພັນ ຫວຽດນາມ - ມົງໂກລີ ໄດ້ພັດທະນາຢ່າງບໍ່ຢຸດຢັ້ງ, ດ້ວຍບັນດາການຮ່ວມມືຢ່າງແທດຈິງ ແລະ ຍືນຍົງໃນບັນດາຂົງເຂດການເມືອງ, ເສດຖະກິດ, ວັດທະນະທຳ, ການສຶກສາ... ນັບແຕ່ປີ 1979, ຄະນະກຳມະການລະຫວ່າງລັດຖະບານ ຫວຽດນາມ - ມົງໂກລີ ໄດ້ຮັບການສ້າງຕັ້ງ, ໄດ້ຈັດຕັ້ງກອງປະຊຸມ 18 ຄັ້ງຢ່າງສຳເລັດຜົນ. ກອງປະຊຸມຄັ້ງທີ 19 ຄາດວ່າຈະດຳເນີນໄປໃນເດືອນພະຈິກ 2024 ຢູ່ ຮ່າໂນ້ຍ, ເຊິ່ງໃຫ້ຄຳໝັ້ນສັນຍາຈະເປີດກາລະໂອກາດຮ່ວມມືໃໝ່ຫຼາຍຢ່າງໃຫ້ທັງສອງປະເທດ.
ພິເສດ, ການໄປຢ້ຽມຢາມ ຫວຽດນາມ ຂອງທ່ານປະທານາທິບໍດີ ມົງໂກລີ Ukhnaagiin Khurelsukh ໃນເດືອນ ພະຈິກ 2023 ແລະ ການໄປຢ້ຽມຢາມ ມົງໂກລີ ຂອງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໃນເດືອນ ກັນຍາ 2024 ໄດ້ຍົກລະດັບ ແລະ ເຮັດໃຫ້ບັນດາຂອບເຂດການຮ່ວມມືສອງຝ່າຍເລິກເຊິ່ງກ່ວາອີກ. ການນຳ 2 ທ່ານໄດ້ເຫັນດີເປັນເອກະພາບຍົກລະດັບການພົວພັນລະຫວ່າງ 2 ປະເທດຂຶ້ນເປັນຄູ່ຮ່ວມມືຮອບດ້ານ ແລະ ສືບຕໍ່ເປີດກ້ວາງການຮ່ວມມືໃນຂົງເຂດການເມືອງ, ການປ້ອງກັນຊາດ, ປ້ອງກັນຄວາມສະຫງົບ ແລະ ການປະຕິບັດກົດໝາຍ, ເສດຖະກິດ - ການຄ້າ ແລະ ການລົງທຶນ; ຍູ້ແຮງການຮ່ວມມືທີ່ແທ້ຈິງກ່ຽວກັບກະສິກຳ, ວິທະຍາສາດ, ຄົມມະນາຄົມຂົນສົ່ງ, ວັດທະນະທຳ, ກິລາ, ການທ່ອງທ່ຽວ, ການສຶກສາ, ແຮງງານ, ສິ່ງແວດລ້ອມ ແລະ ການອຸປະຖຳສັງຄົມ... ການຍົກລະດັບນີ້ບໍ່ພຽງແຕ່ນຳມາເຊິ່ງຜົນປະໂຫຍດຕົວຈິງໃຫ້ແກ່ສອງປະເທດເທົ່ານັ້ນ, ຫາກຍັງປະກອບສ່ວນເຂົ້າໃນສັນຕິພາບ ແລະ ສະຖຽນລະພາບຢູ່ພາກພື້ນ.
ນ້ຳໃຈເພື່ອນມິດຜ່ານພື້ນທີ່ ແລະ ເວລາ
ທ່ານຮອງລັດຖະມົນຕີ ເຈີ່ນແທງນາມ ໃຫ້ຮູ້ວ່າ ການພົວພັນແລກປ່ຽນປະຊາຊົນລະຫວ່າງ ຫວຽດນາມ - ມົງໂກລີ ໄດ້ພັດທະນາຢ່າງເຂົ້ມແຂງຜ່ານຫຼາຍທົດສະວັດ, ສ້າງພື້ນຖານອັນໜັກແໜ້ນໃຫ້ແກ່ການພົວພັນລະຫວ່າງ 2 ປະເທດ. ສະມາຄົມມິດຕະພາບ ຫວຽດນາມ - ມົງໂກລີ ໄດ້ມີການປະກອບສ່ວນຢ່າງຕັ້ງໜ້າ, ກໍ່ສ້າງ ແລະ ພັດທະນາສາຍພົວພັນມິດຕະພາບລະຫວ່າງປະຊາຊົນສອງປະເທດ. ສະມາຄົມກໍ່ໄດ້ສ້າງສາຂາສະມາຄົມມິດຕະພາບຫລາຍແຫ່ງຢູ່ແຂວງ ແລະ ນະຄອນ, ໂຮງງານ, ສະຫະກອນ, ໂຮງຮຽນ...
ໃນຫຼາຍປີມານີ້, ມົງໂກລີ ໄດ້ບຳລຸງສ້າງນັກສຶກສາ ຫວຽດນາມ ຫຼາຍລຸ້ນຄົນ, ປະຈຸບັນໄດ້ເຕີບໂຕ ແລະ ໄດ້ຮັບບົດບາດສຳຄັນຫຼາຍຢ່າງໃນສັງຄົມ.
“ເຖິງວ່າຈະຫ່າງໄກທາງດ້ານພູມສາດກໍຕາມ, ແຕ່ຫົວໃຈຂອງອາດີດນັກສຶກສາ ຫວຽດນາມ ຢູ່ ມົງໂກລີ ຍາມໃດກໍຫັນໄປສູ່ສະຖານທີ່ທີ່ເຂົາເຈົ້າໄດ້ໃຊ້ເວລາໄວໜຸ່ມ ດ້ວຍຄວາມຮັກແພງ", ທ່ານ ນາມ ກ່າວ.
ກ່າວຄຳປາໄສທີ່ພິທີ, ທ່ານເອກອັກຄະລັດຖະທູດຜູ້ມີອຳນາດເຕັມແຫ່ງ ມົງໂກລີ ປະຈຳ ຫວຽດນາມ Jigjee Sereejav ໃຫ້ຮູ້ວ່າ ການພົວພັນ ຫວຽດນາມ - ມົງໂກລີ ໄດ້ຜ່ານ 3 ໄລຍະ,ນັບແຕ່ການພົວພັນແບບອ້າຍນ້ອງ (1954-1990), ການພົວພັນເປັນເພື່ອນມິດ (1991-2022) ເຖິງການພົວພັນຄູຮ່ວມມືຮອບດ້ານ (ນັບແຕ່ປີ 2023 ມາຮອດປະຈຸບັນ).
ທ່ານທວນຄືນຄຳຂອງທ່ານພົນໂທ Jambyn Jamyan ທີ່ກອງປະຊຸມວິທະຍາສາດເນື່ອງໃນໂອກາດສະເຫຼີມສະຫຼອງ 60 ປີແຫ່ງວັນສ້າງຕັ້ງການພົວພັນລະຫວ່າງ 2 ປະເທດ: “ເຖິງວ່າຢູ່ໄກ, ຫວຽດນາມ ຍັງຢູ່ໃນຫົວໃຈຂອງຂ້າພະເຈົ້າ”. ທ່ານຍັງເນັ້ນໜັກເຖິງຄວາມຮັກແພງແບບພິເສດຂອງຊາວ ມົງໂກລີ ທີ່ມີຕໍ່ປະທານ ໂຮ່ຈີມິນ - ຜູ້ນຳທີ່ຍິ່ງໃຫຍ່, ເພິ່ນໄດ້ “ຜ່ານຜ່າຄວາມຫຍຸ້ງຍາກ ແລະ ມີຄວາມຜາສຸກດ້ວຍຄວາມລຽບງ່າຍ ແລະ ຄວາມຍິ່ງໃຫຍ່”.
ໃນໄລຍະທີ່ປະສົບກັບຄວາມຫຍຸ້ງຍາກຂອງສົງຄາມ ຫວຽດນາມ, ປະຊາຊົນ ມົງໂກລີ ບໍ່ເສຍດາຍເຫື່ອແຮງ ຫຼື ວັດຖຸອຸປະກອນເພື່ອໜູນຊ່ວຍປະຊາຊົນ ຫວຽດນາມ, ພິສູດໃຫ້ແກ່ຄວາມເປັນມິດທີ່ຈິງໃຈ ແລະ ຄວາມສາມັກຄີລະຫວ່າງປະຊາຊົນສອງປະເທດ. ໄລຍະປະຈຸບັນແມ່ນ “ຈຸດສຸດຍອດຂອງການຮ່ວມມື ແລະ ຄວາມກ້າວໜ້າແບບພິເສດ” ລະຫວ່າງ 2 ປະເທດ, ມົງໂກລີ ຖື ຫວຽດນາມ ແມ່ນຄູ່ຮ່ວມມືສຳຄັນໃນພາກພື້ນ ອາຊຽນ ແລະ ເປັນ “ບ້ານໃກ້ເຮືອນຄຽງທີ 3”.
 | ຍສໝ - ໃນຂອບເຂດການໄປຢ້ຽມຢາມເພື່ອເຂົ້າຮ່ວມສັບປະດາຂັ້ນສຸງສະມັດຊາໃຫຍ່ສະຫະປະຊາຊາດ ຊຸດທີ 79 ແລະ ເຮັດວຽກຢູ່ ອາເມລິກາ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ມີການເຄື່ອນໄຫວສຳຄັນຫຼາຍຢ່າງເພື່ອຊຸກຍູ້ການພົວພັນຮ່ວມມືລະຫວ່າງ ຫວຽດນາມ ແລະ ອາເມລິກາ ໃນບັນດາຂົງເຂດຍຸດທະສາດເຊັ່ນ ອຸດສາຫະກໍາເຄິ່ງຊັກນຳໄຟຟ້າ, ປັນຍາປະດິດ(AI) ແລະ ການບິນ. |
 | ບາດກ້າວໃໝ່ໃນການພົວພັນປະຊາຊົນ ແລະການຮ່ວມມືດ້ານເສດຖະກິດລະຫວ່າງ ຫວຽດນາມ ແລະກູບາ ຍສໝ - ການຢ້ຽມຢາມທາງລັດຖະກິດຂອງ ສະຫາຍ ໂຕເລິມ ເລຂາທິການໃຫຍ່, ປະທານປະເທດຫວຽດນາມ ໄປຍັງ ກູບາ ນັບແຕ່ວັນທີ 25 – 27 ກັນຍາ ມີຄວາມໝາຍສຳຄັນໃນການປັບປຸງຄວາມສາມັກຄີລະຫວ່າງສອງປະເທດ. ນີ້ບໍ່ພຽງແຕ່ແມ່ນກາລະໂອກາດເປີດກວ້າງການຮ່ວມມືດ້ານເສດຖະກິດ, ການຄ້າເທົ່ານັ້ນ, ຫາກຍັງສະແດງໃຫ້ເຫັນສາຍພົວພັນມິດຕະພາບອັນຍາວນານລະຫວ່າງປະຊາຊົນສອງປະເທດ, ດ້ວຍບັນດາໝາກຜົນຢ່າງຕັ້ງໜ້າໃນການພົບປະແລກປ່ຽນປະຊາຊົນ ແລະ ການຮ່ວມມືທ້ອງຖິ່ນ. |
ມີງດຶກ
