| ວັນວັດທະນະທຳຫວຽດນາມ ຢູ່ສະຫະພັນລັດເຊຍ ປີ 2024 | |
| ດໍາລົງຊີວິດຮູບການ "ຊີວິດທີ່ດີ, ສາສະຫນາທີ່ດີ" ແລະ ຊ່ວຍເຫຼືອເຊິ່ງກັນ ແລະກັນ ພັດທະນາຊີວິດການເປັນຢູ່ |
ນີ້ແມ່ນການເຄື່ອນໄຫວໃນຂອບເຂດການຢ້ຽມຢາມມົງໂກນ ຂັ້ນລັດຂອງ ສະຫາຍ ເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ຕາມຄຳເຊີນຂອງປະທານາທິບໍດີ Ukhnaagiin Khurelsukh. ການເຄື່ອນໄຫວດັ່ງກ່າວໄດ້ດຳເນີນເນື່ອງໃນໂອກາດທີ່ສອງປະເທດສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດ (17 ພະຈິກ 1954 - 17 ພະຈິກ 2024).
ໃນເວລາ 11:30 ໂມງ (ຕາມເວລາທ້ອງຖິ່ນ), ວັນທີ 30 ກັນຍາ, ຖ້ຽວບິນພິເສດທີ່ໂດຍສານ ສະຫາຍ ເລຂາທິການໃຫຍ່, ປະທານປະເທດ ໂຕເລີມ ແລະ ຄະນະຜູ້ແທນຂັ້ນສູງຫວຽດນາມ ໄດ້ເດີນທາງໄປຮອດສະໜາມບິນສາກົນ Genghis Khan.
 |
| ທ່ານ ລັດຖະມົນຕີການກະຊວງການຕ່າງປະເທດມົງໂກນ ໄດ້ຕ້ອນຮັບ ສະຫາຍ ເລຂາທິການໃຫຍ່ ແລະ ປະທານປະເທດ ໂຕເລີມ ເລີ່ມຕົ້ນການຢ້ຽມຢາມຂັ້ນລັດ ຢູ່ມົງໂກນ. (ຮູບພາບ: ໜັງສືພິມໂລກ ແລະ ຫວຽດນາມ) |
ພາຍຫຼັງເຂົ້າຮ່ວມພິທີຕ້ອນຮັບຢ່າງເປັນທາງການ ແລະ ພົບປະກັບການນຳຂັ້ນສູງອື່ນໆຂອງມົງໂກນ, ສະຫາຍ ເລຂາທິການໃຫຍ່, ປະທານປະເທດ ໂຕເລີມ ໄດ້ເຂົ້າຮ່ວມວັນວັດທະນະທຳຫວຽດນາມ ຢູ່ມົງໂກນ.
ນີ້ແມ່ນໂອກາດເພື່ອແນະນຳ. ໂຄສະນາຄຸນຄ່າວັດທະນະທຳ ແລະ ກຳລັງບົ່ມຊ້ອນດ້ານການທ່ອງທ່ຽວຂອງຫວຽດນາມ ໃຫ້ແກ່ປະຊາຊົນມົງໂກນ ຜ່ານບັນດາກິດຈະກຳການສະແດງສິລະປະ , ການຈັດງານວາງສະແດງ ເພື່ອໃຫ້ປະຊາຊົນມົງໂກນ ແລະ ໝູ່ເພື່ອນຊາດຕ່າງໆ ໄດ້ຄົ້ນຫາ, ລົງຕົວຈິງ ແລະ ເຂົ້າໃຈເລຶກເຊິ່ງກ່ຽວກັບວັດທະນະທຳ ປະຫວັດສາດ ແລະ ປະຊາຊົນຫວຽດນາມ. ຜ່ານນັ້ນ ກໍ່ໄດ້ປະກອບສ່ວນເຂົ້າໃນການພັດທະນາການພົວພັນມິດຕະພາບ ແລະ ການຮ່ວມມືທີ່ເປັນມູນເຊື້ອ ລະຫວ່າງຫວຽດນາມ - ມົງໂກນ ຫຼາຍກວ່າອີກ ແລະ ເປິດກ້ວາງບັນດາການພົວພັນຮ່ວມມືສອງຝ່າຍໃນຫຼາຍໆດ້ານ.
ຕາມແຜນການ, ລາຍການປະກອບມີກິດຈະກໍາຫຼັກດັ່ງນີ້: ການສະແດງສິລະປະການຮ້ອງ, ຟ້ອນ, ເຕັ້ນ, ດົນຕີແບບມູນເຊື້ອປະສົມຍຸກສະໄໝໃໝ່ຂອງຫວຽດນາມ; ການສະແດງອາພອນສະໄໝຊຸດເສື້ອຍາວ ຫວຽດນາມ; ການສາຍວິດີໂອແນະນຳວັດທະນະທໍາ, ທິວທັດຂອງຫວຽດນາມ; ພື້ນທີ່ວາງສະແດງແນະນຳກ່ຽວກັບວັດທະນະທໍາ, ການທ່ອງທ່ຽວ, ປະເທດຊາດ, ປະຊາຊົນຫວຽດນາມ; ການວາງສະແດງຜະລິດຕະພັນຫັດຖະກໍາ...
 |
| ຍິງສາວມົງໂກນ ໄດ້ເຊີນ ສະຫາຍເລຂາທິການໃຫຍ່, ປະທານປະເທດ ໂຕເລີມ ຮັບປະທານເຂົ້າໜົມນົມຕາມຮີດຄອງປະເພນີ. (ຮູບພາບ: ໜັງສືພິມໂລກ ແລະ ຫວຽດນາມ) |
ຕາມທ່ານເອກອັກຄະລັດຖະທູດຫວຽດນາມ ປະຈຳມົງໂກນ ຫງວຽນຕ໋ວນແທ່ງ ແລ້ວ, ການຢ້ຽມຢາມ ຂອງ ສະຫາຍເລຂາທິການໃຫຍ່, ປະທານປະເທດ ໂຕເລີມ ຢູ່ມົງໂກນ ຄັ້ງນີ້ ມີຄວາມໝາຍປະຫວັດສາດໃນການພົວພັນລະຫວ່າງສອງປະເທດ, ເປີດໄລຍະໃໝ່ແຫ່ງການຮ່ວມມືຮອບດ້ານ, ແທດຈິງ, ມີປະສິດທິຜົນ ແລະ ຍາວນານ ເພື່ອຜົນປະໂຫຍດຂອງປະຊາຊົນສອງປະເທດ.
ຄາດວ່າມີຫຼາຍບົດບັນທຶກ, ຂໍ້ຕົກລົງສະບັບໃໝ່ໄດ້ຮັບການລົງນາມໃນການຢ້ຽມຢາມຄັ້ງນີ້ ເພື່ອເຮັດໃຫ້ເປົ້າໝາຍທີ່ກ່າວມາຂ້າງເທິງປະກົດຜົນເປັນຈິງ. ການຍົກລະດັບຄວາມສໍາພັນສອງຝ່າຍຂຶ້ນສູ່ລະດັບສູງໃໝ່ ສະແດງໃຫ້ເຫັນເຖິງຄວາມມຸ່ງໝັ້ນຂອງທັງສອງປະເທດໃນການເພີ່ມທະວີການຮ່ວມມືຮອບດ້ານໃນຫຼາຍຂົງເຂດ; ພ້ອມກັນນັ້ນ, ກໍ່ເປີດໂອກາດໃໝ່ໃຫ້ທັງສອງຝ່າຍໄດ້ນໍາໃຊ້ທ່າແຮງການຮ່ວມມືທີ່ຍັງບໍ່ທັນໄດ້ຂຸດຄົ້ນຢ່າງເຕັມທີ່; ຊຸກຍູ້ການພົວພັນລະຫວ່າງປະຊາຊົນ ແລະ ຄວາມເຂົ້າໃຈເຊິ່ງກັນແລະກັນ.
“ການຊຸກຍູ້ການພົວພັນທາງການທູດລະຫວ່າງຫວຽດນາມ ແລະ ມົງໂກນ ຂຶ້ນສູ່ລະດັບສູງໃໝ່ ບໍ່ພຽງແຕ່ເປັນປະໂຫຍດຕໍ່ທັງສອງປະເທດ ແຕ່ຍັງເປັນການປະກອບສ່ວນໃນການຮັກສາຄວາມສະຖຽນລະພາບ ແລະ ສັນຕິພາບໃນພາກພື້ນ ແລະ ທົ່ວໂລກອີກດ້ວຍ” ທ່ານ ເອກອັກຄະລັດຖະທູດ ຫງວຽນຕວັນແທັງ ກ່າວ.
ແທັງຮັ່ງ
