| ປະຊາຄົມຊາວຫວຽດນາມຢູ່ມົງໂກລີ ປະກອບສ່ວນເງິນ 7000 ໂດລາ ເພື່ອຊ່ວຍພີ່ນ້ອງຮ່ວມຊາດ ໃນການຕໍ່ສູ້ກັບໂລກລະບາດ | |
| ທຶນການສຶກສາ 5 ທຶນເພື່ອໄປສຶກສາຕໍ່ທີ່ປະເທດມົງໂກລີໃນປີ 2020 |
ໂດຍສະແດງຄວາມຊົມເຊີຍ ແລະ ຕີລາຄາສູງ ການມາຢ້ຽມຢາມ ຫວຽດນາມ ຂອງທ່ານ Jambalsuren ປະທານສະພາປະຊາຊົນແຂວງ Tuv ແລະ ຄະນະຜູ້ແທນສະພາປະຊາຊົນແຂວງ Tuv, ທ່ານ ເຈີ່ນແທັງເມີນ ຮອງປະທານຜູ້ປະຈຳການສະພາແຫ່ງຊາດ ໃຫ້ຮູ້ວ່າ: ການຢ້ຽມຢາມຂອງຄະນະຜູ້ແທນໄດ້ດຳເນີນໃນສະພາບການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ - ມົງໂກລີ ພວມພັດທະນາໄປດ້ວຍດີ ແລະ 2 ຝ່າຍພວມມຸ່ງໄປເຖິງການສະເຫຼີມສະຫຼອງ 70 ປີແຫ່ງວັນສ້າງຕັ້ງການພົວພັນທາງການທູດໃນປີ 2024.
ທ່ານ ເຈີ່ນແທັງເມີນ ຮອງປະທານຜູ້ປະຈຳການສະພາແຫ່ງຊາດ ປາດຖະໜາວ່າ ໃນສະພາບການຜັນແປຢ່າງວ່ອງໄວ ແລະ ສັບສົນທີ່ບໍ່ເຄີຍມີມາກ່ອນຢູ່ໃນໂລກ ແລະ ພາກພື້ນ, ການພົວພັນມິດຕະພາບທີ່ເປັນມູນເຊື້ອລະຫວ່າງ ຫວຽດນາມ ແລະ ມົງໂກລີ ຍັງສືບຕໍ່ໄດ້ຮັບຄວາມຄືບໜ້າໃໝ່, ພິເສດແມ່ນໃນການຮ່ວມມືດ້ານການເມືອງ, ການປ້ອງກັນຊາດ - ປ້ອງກັນຄວາມສະຫງົບ.
 |
| ທ່ານ ເຈີ່ນແທັງເມີນ ຮອງປະທານຜູ້ປະຈຳການສະພາແຫ່ງຊາດ ແລະ ທ່ານ Jambalsuren ປະທານສະພາປະຊາຊົນແຂວງ Tuv. |
ໂດຍເນັ້ນໜັກເຖິງການພົວພັນລັດຖະສະພາລະຫວ່າງສອງປະເທດນັບມື້ນັບແໜ້ນແຟ້ນ ແລະ ພັດທະນາຢ່າງບໍ່ຢຸດຢັ້ງ, ໄດ້ຮັບຄວາມເອົາໃຈໃສ່ໃນການຊຸກຍູ້ຂອງການນຳຂັ້ນສູງ, ທ່ານ ເຈີ່ນແທັງເມີນ ຮອງປະທານຜູ້ປະຈຳການສະພາແຫ່ງຊາດ ໃຫ້ຮູ້ວ່າ: ສະພາແຫ່ງຊາດ 2 ປະເທດໄດ້ລົງນາມໃນຂໍ້ຕົກລົງການຮ່ວມມື ໄລຍະ 2018 – 2022, ເນື່ອງໃນໂອກາດທ່ານປະທານສະພາແຫ່ງຊາດ ມົງໂກລີ ມາຢ້ຽມຢາມຫວຽດນາມ 2018. 2 ຝ່າຍໄດ້ຮັກສາການແລກປ່ຽນຄະນະຜູ້ແທນຂັ້ນສູງ ແລະ ບັນດາກຳມາທິການບັນດາຂັ້ນຂອງສະພາແຫ່ງຊາດ ກ່ອນການແຜ່ລະບາດຂອງພະຍາດໂຄວິດ-19. 2 ຝ່າຍໄດ້ສ້າງຕັ້ງກຸ່ມສະມາຊິກລັດຖະສະພາມິດຕະພາບສອງຝ່າຍ.
ບົນຈິດໃຈນັ້ນ, ເພື່ອສືບຕໍ່ປະກອບສ່ວນພັດທະນາການພົວພັນຮ່ວມມືລະຫວ່າງ 2 ປະເທດເວົ້າລວມ ແລະ ລະຫວ່າງບັນດາທ້ອງຖິ່ນຂອງ 2 ປະເທດເວົ້າສະເພາະ, ທ່ານ ເຈີ່ນແທັງເມີນ ຮອງປະທານຜູ້ປະຈຳການສະພາແຫ່ງຊາດ ສະເໜີໃຫ້ການນຳແຂວງ Tuv ແລະ ແຂວງຮ່ວາບິງ ຮ່ວມມືກັນຢ່າງແໜ້ນແຟ້ນ, ຜັນຂະຫຍາຍບາງເນື້ອໃນ. ຕາມນັ້ນແລ້ວ, ກໍ່ສືບຕໍ່ເພີ່ມທະວີການຮ່ວມມືໃນຂົງເຂດກະສິກຳ, ດຳເນີນການຄົ້ນຄ້ວາ ແລະ ສຳຫຼວດຕະຫຼາດ, ຮ່ວມທຸລະກິດ, ຮ່ວມມືລະຫວ່າງບັນດາວິສາຫະກິດຂອງສອງຝ່າຍ; ໜູນຊ່ວຍ ແລະ ສ້າງເງື່ອນໄຂສະດວກໃຫ້ແກ່ການສົ່ງອອກ ແລະ ນຳເຂົ້າບັນດາຜະລິດຕະພັນກະເສດ ເຊິ່ງ 2 ຝ່າຍມີທ່າແຮງ.
ເນື່ອງໃນໂອກາດນີ້, ໂດຍຜ່ານຄະນະ, ທ່ານ ເຈີ່ນແທັງເມີນ ຮອງປະທານຜູ້ປະຈຳການສະພາແຫ່ງຊາດ ໄດ້ສົ່ງຄຳຖາມຢຶ້ຢາມຖາມຂ່າວ ແລະ ອວຍພອນບັນດາການນຳສະພາແຫ່ງຊາດ ມົງໂກລີ ມີສຸກຂະພາບເຂັ້ມແຂງ ແລະ ຫວັງວ່າຈະໄດ້ຮັບຕ້ອນການນຳສະພາແຫ່ງຊາດ ມົງໂກລີ ມາຢ້ຽມຢາມ ຫວຽດນາມ ໂດຍໄວ; ອວຍພອນມຫ້ການຢ້ຽມຢາມຫວຽດນາມ ຂອງຄະນະຜູ້ແທນສະພາປະຊາຊົນແຂວງ Tuv ປະສົບຜົນສຳເລັດຢ່າງຈົບງາມ, ທັງເປັນການຊຸກຍູ້ການພົວພັນຮ່ວມມືລະຫວ່າງ 2 ແຂວງ ຮ່ວາບິ່ງ ແລະ Tuv ນັບມື້ນັບພັດທະນາຢ່າງແທດຈິງ ແລະ ມີປະສິດທິຜົນ.
 |
| ຊຸກຍູ້ການຮ່ວມມືລະຫວ່າງທ້ອງຖິ່ນຂອງສອງປະເທດ ຫວຽດນາມ - ມົງໂກລີ |
ໂດຍສະແດງຄວາມຂອບໃຈ ທ່ານ ເຈີ່ນແທັງເມີນ ຮອງປະທານຜູ້ປະຈຳການສະພາແຫ່ງຊາດ ທີ່ໄດ້ສະຫລະເວລາມາຕ້ອນຮັບຄະນະ, ທ່ານ ປອ Jambalsuren - ປະທານສະພາປະຊາຊົນແຂວງ Tuv ໃຫ້ຮູ້ວ່າ: ຈຸດປະສົງຂອງຄະນະຜູ້ແທນມາຢ້ຽມຢາມ ຫວຽດນາມ ແມ່ນເພື່ອຮ່ຳຮຽນ, ແລກປ່ຽນບົດຮຽນ; ຫັນເນື້ອໃນບົດບັນທຶກຄວາມເຂົ້າໃຈທີ່ໄດ້ລົງນາມກັບສະພາປະຊາຊົນແຂວງຮ່ວາບິງ ໃຫ້ເປັນອັນລະອຽດ; ຈາກນັ້ນ, ກໍ່ຈັດຕັ້ງປະຕິບັດບັນດາເນື້ອໃນທີ່ໄດ້ຕົກລົງກັນລະຫວ່າງສອງຝ່າຍໃນໄລຍະຈະມາເຖິງຢ່າງເຂັ້ມແຂງ, ມຸ່ງໄປເຖິງຈຸດໝາຍການພັດທະນາແບບຍືນຍົງຂອງສອງທ້ອງຖິ່ນ, ປະກອບສ່ວນເພີ່ມທະວີການຮ່ວມມືມິດຕະພາບລະຫວ່າງສອງປະເທດ.
ທ່ານ ປອ Jambalsuren ແຈ້ງໃຫ້ທ່ານຮອງປະທານຜູ້ປະຈຳການສະພາແຫ່ງຊາດ ຫວຽດນາມ ຊາບກ່ຽວກັບການເຄື່ອນໄຫວຂອງຄະນະຜູ້ແທນຢູ່ຫວຽດນາມ ໂດຍໃຫ້ຮູ້ວ່າ ໃນການຢ້ຽມຢາມ, ທ່ານ ແລະ ບັນດາສະມາຊິກຄະນະ ໄດ້ມີລາຍການເຮັດວຽກກັບແຂວງຮ່ວາບິງ ເພື່ອຜັນຂະຫຍາຍບັນດາເນື້ອໃນຂອງບົດບັນທຶກຄວາມເຂົ້າໃຈກ່ຽວກັບການຮ່ວມມືລະຫວ່າງສອງທ້ອງຖິ່ນທີ່ໄດ້ລົງນາມໃນເດືອນ ມັງກອນ ປີ 2018, ໂດຍສຸມໃສ່ຂົງເຂດການຮ່ວມມືໃນຂົງເຂດກະສິກຳ, ທ່ອງທ່ຽວ, ການສຶກສາ - ບຳລຸງສ້າງ, ວັດທະນະທຳ - ສິລະປະ, ປະຕິສັງຂອນບັນດາອະນຸສອນສະຖານປະຫວັດສາດ.
 |
ເມື່ອແບ່ງປັນກັບການຕີລາຄາ, ຂໍ້ສະເໜີຂອງທ່ານ ເຈີ່ນແທັງເມີນ ຮອງປະທານຜູ້ປະຈຳການສະພາແຫ່ງຊາດ ກ່ຽວກັບການຮ່ວມມືລະຫວ່າງແຂວງ Tuv ແລະ ແຂວງຮ່ວາບິງ, ບັນດາທ້ອງຖິ່ນຂອງຫວຽດນາມ, ທ່ານ Jambalsuren ຢືນຢັນວ່າ ຈະເອົາໃຈໃສ່ ແລະ ສົມທົບກັບແຂວງ ຮ່ວາບິງ ປະຕິບັດບັນດາເນື້ອໃນການຮ່ວມມືລະຫວ່າງສອງຝ່າຍຢ່າງມີປະສິດທິຜົນ, ປະກອບສ່ວນພັດທະນາຢ່າງຕັ້ງໜ້າລະຫວ່າງສອງປະເທດ.
ຄຳຮຸ່ງ
