ຕາມບົດລາຍງານກ່ຽວກັບສະພາບການຂອງປະຊາຄົມຊາວຫວຽດນາມ ຢູ່ແຂວງ ຢູນໜານ (ຈີນ), ທ່ານກົງສຸນໃຫຍ່ຫວຽດນາມ ປະຈຳ ຄຸນໝິງ ຮວ່າງມິນເຊີນ ເນັ້ນໜັກວ່າ ການໄປປະຕິບັດງານຄັ້ງນີ້ຂອງທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ມີຄວາມໝາຍສຳຄັນ, ໃນນັ້ນ ມີການສ້າງກຳລັງຜັກດັນຊຸກຍູ້ການຮ່ວມມືຢ່າງເຂັ້ມແຂງ, ມີປະສິດທິຜົນ, ແທດຈິງລະຫວ່າງບັນດາທ້ອງຖິ່ນຂອງຫວຽດນາມ ແລະ ຈີນ ກວ່າອີກ.
ຕາມທ່ານແລ້ວ, ແຂວງ ຢູນໜານ ແມ່ນທ້ອງຖິ່ນທີ່ສຳຄັນຢູ່ພາກຕາເວັນຕົກສຽງໃຕ້ຂອງ ຈີນ, ມີປະຊາກອນຫຼາຍກວ່າ 48 ລ້ານຄົນ. ແຂວງ ຢູນໜານ ກໍ່ມີການພົວພັນຢ່າງເລິກເຊິ່ງ, ສະໜິດສະໜົມກັບຫວຽດນາມ.
 |
| ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ພົບປະກັບພະນັກງານ, ລັດຖະກອນຂອງສະຖານກົງສຸນໃຫຍ່ ແລະ ປະຊາຄົມຊາວຫວຽດນາມ ຢູ່ແຂວງຢູນໜານ, ຈີນ. ພາບ: VGP/Nhat Bac |
ປະຈຸບັນມີຊາວຫວຽດນາມ ຢູ່ແຂວງ ຢູນໜານ ປະມານ 40.000 ຄົນ, ໃນນັ້ນມີນັກຮຽນ, ນັກສຶກສາປະມານ 5.000 ຄົນ. ປະຊາຊົນມີຊີວິດທີ່ໝັ້ນຄົງ, ຍາມໃດກໍ່ມຸ່ງໄປເຖິງປະເທດຊາດ. ໃນເວລາເກີດພາຍຸໃນຫວ່າງມໍ່ໆນີ້, ປະຊາຊົນໄດ້ບໍລິຈາກ 5.000 USD ເພື່ອໜູນຊ່ວຍປະຊາຊົນຜູ້ປະສົບໄພທຳມະຊາດ.
ທ່ານນາຍົກລັດຖະມົນຕີ ຫວຽດນາມ ຍົກຢ່າງຈະແຈ້ງວ່າ ຄຸນໝິງ ແລະ ຢູນໜານ ແມ່ນບັນດາຊື່ເຂດດິນແດນທີ່ໃກ້ຊິດກັບຫວຽດນາມ. ຢູ່ທີ່ນີ້, ປະທານ ໂຮ່ຈີມິນ ມາ ແລະ ເຮັດວຽກໃນຂະບວນການຊອກເສັ້ນທາງກູ້ຊາດ ແລະ ຊີ້ນຳການປະຕິວັດ. ປະຈຸບັນ, ການພົວພັນລະຫວ່າງແຂວງ ຢຸນໜານ ກັບ 4 ແຂວງຊາຍແດນຂອງຫວຽດນາມ ເຊິ່ງແມ່ນແຂວງ ລາວກາຍ, ດ້ຽນບຽນ, ລາຍເຈົາ, ຮ່າຢາງ ແມ່ນດີງາມທີ່ສຸດ.
ຕາມທ່ານນາຍົກລັດຖະມົນຕີ ຫວຽດນາມ ແລ້ວ, ມູນເຊື້ອການພົວພັນອັນດີງາມນີ້ ໄດ້ມີກົກເຄົ້າເຫງົ້າກໍມາແຕ່ດົນນານ, ພິເສດບັນດາການເຄື່ອນໄຫວແລກປ່ຽນປະຊາຊົນນັບແຕ່ເສັ້ນທາງລົດໄຟທີ່ເຊື່ອມຕໍ່ແຂວງ ຢຸນໜານ (ຈີນ) ກັບ ຫວຽດນາມ ໄດ້ຮັບການກໍ່ສ້າງໃນເມື່ອກ່ອນ. ຕາມການແບ່ງປັນຂອງພີ່ນ້ອງຊາວຫວຽດນາມ ຫຼາຍຄົນທີ່ໄດ້ໄປຕາມເສັ້ນທາງນີ້ ເພື່ອມາແຂວງຢຸນໜານ ເຮັດວຽກ, ດຳລົງຊີວິດ, ຫຼາຍຄອບຄົວມີ 4 ລຸ້ນຄົນຢູ່ທີ່ນີ້.
ເນັ້ນໜັກເຖິງຄວາມສຳຄັນຂອງທາງລົດໄຟໃນການເຊື່ອມຕໍ່ສອງພື້ນຖານເສດຖະກິດ, ເຊື່ອມຕໍ່ປະຊາຊົນ, ຊຸກຍູ້ການພົວພັນແລກປ່ຽນປະຊາຊົນລະຫວ່າງ 2 ປະເທດ, ທ່ານນາຍົກລັດຖະມົນຕີ ຫວຽດນາມ ຖືວ່າ ຄຸນໝິງ ແມ່ນສະຖານທີ່ທີ່ມີຄວາມໝາຍສຳຄັນຂອງການປະຕິວັດ ຫວຽດນາມ ແລະ ຄວາມໝາຍສຳຄັນນັ້ນຈະໄດ້ຮັບການເສີມຂະຫຍາຍກວ່າອີກ ໃນໄລຍະປະຈຸບັນ ເມື່ອ 2 ປະເທດສືບຕໍ່ປັບປຸງ, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ແລະ "ປະຊາຄົມແບ່ງປັນອານາຄົດ ຫວຽດນາມ - ຈີນ ທີ່ມີຄວາມໝາຍຍຸດທະສາດ" ນັບມື້ນັບໃຫ້ພັດທະນາ, ເລິກເຊິ່ງ, ຮອບດ້ານ ແລະ ຍືນຍົງ ເພື່ອນຳມາເຊິ່ງຜົນປະໂຫຍດລວມໃຫ້ສອງປະຊາຊົນ, ສອງປະເທດ.
 |
| ທ່ານນາຍົກລັດຖະມົນຕີ ຫວຽດນາມ ມອບຂອງຂວັນໃຫ້ພະນັກງານ, ລັດຖະກອນຂອງກົງສຸນໃຫຍ່ ຫວຽດນາມ ປະຈຳ ຄຸນໝິງ - ພາບ: VGP/Nhat Bac |
ທ່ານນາຍົກລັດຖະມົນຕີ ຫວຽດນາມ ຍົກຢ່າງຈະແຈ້ງວ່າ ຈີນແມ່ນປະເທດບ້ານໃກ້ເຮືອນຄຽງທີ່ມີເສັ້ນຊາຍແດນລວມ, "ພູຕໍ່ໃສ່ພູ, ແມ່ນ້ຳ ຕໍ່ໃສ່ແມ່ນ້ຳ", ແມ່ນເພື່ອນມິດສັງຄົມນິຍົມທີ່ເປັນມູນເຊື້ອ ແລະ ມີການພົວພັນສະໜິດສະໜົມກັບ ຫວຽດນາມ. ຫວຽດນາມ ຍາມໃດກໍ່ຖືການປັບປຸງ ແລະ ພັດທະນາການພົວພັນມິດຕະພາບ, ການຮ່ວມມືກັບ ຈີນ ເປັນສຳຄັນ, ຖືວ່ານີ້ແມ່ນແຜນການນະໂຍບາຍທີ່ສະເໝີຕົ້ນສະເໝີປາຍ, ການຮຽກຮ້ອງຢ່າງພາວະວິໄສ, ທາງເລືອກຍຸດທະສາດ ແລະ ບຸລິມະສິດອັນດັບໜຶ່ງໃນແນວທາງການຕ່າງປະເທດ.
ທ່ານນາຍົກລັດຖະມົນຕີ ຫວຽດນາມ ສະເໜີໃຫ້ບັນດາອົງການຕາງໜ້າສືບຕໍ່ເອົາໃຈໃສ່, ເບິ່ງແຍງດູໃຫ້ປະຊາຄົມ, ຖືປະຊາຊົນເປັນຍາດຕິພີ່ນ້ອງທີ່ໃກ້ຊິດ, ເບິ່ງແຍງດ້ານວຽກງານໃຫ້ພໍ່ແມ່ປະຊາຊົນຄືດັ່ງຄອບຄົວຂອງຕົນ, ພິເສດແມ່ນຍາມໃດທີ່ປະສົບກັບຄວາມຫຍຸ້ງຍາກ, ຄວາມລຳບາກ.
ທ່ານນາຍົກລັດຖະມົນຕີ ຫວຽດນາມ ປາດຖະໜາວ່າ ແຕ່ລະຄົນຈະເປັນທູດຂອງສາຍພົວພັນມິດຕະພັນ ຫວຽດນາມ - ຈີນ “ທັງເປັນມິດສະຫາຍ, ທັງເປັນອ້າຍນ້ອງ” ທີ່ໄດ້ຮັບການສ້າງສາ, ເພີ່ມພູນຄູນສ້າງຜ່ານຫຼາຍລຸ້ນຄົນ ແລະ ສືບຕໍ່ໄດ້ຮັບການສືບທອດຕໍ່ໄປສູ່ລຸ້ນຫຼັງ. ການພົວພັນດັ່ງກ່າວໄດ້ກາຍເປັນມໍລະດົກອັນລ້ຳຄ່າຂອງສອງຊາດ, ສອງປະເທດ, ຕ້ອງໄດ້ຮັບການສືບທອດ, ອະນຸລັກຮັກສາ, ເສີມຂະຫຍາຍ, ຊຸກຍູ້ ແລະ ພັດທະນາບໍ່ຢຸດຢັ້ງ ຈາກລຸ້ນຄົນໃນປະຈຸບັນໄປສູ່ອະນາຄົດ.
 | ຍສໝ - ຕອນເຊົ້າວັນທີ 23 ຕຸລາ, ທ່ານນາຍົກລັດຖະມົນຕີ ຫວຽດນາມ ຟ້າມມິງຈິງ ໄດ້ນຳໜ້າຄະນະຜູ້ແທນຂັ້ນສູງຫວຽດນາມ ເດີນທາງອອກຈາກນະຄອນຫຼວງ ຮ່າໂນ້ຍ ໄປເຂົ້າຮ່ວມກອງປະຊຸມບັນດາການນຳກຸ່ມບັນດາພື້ນຖານເສດຖະກິດຫາກໍ່ພົ້ນເດັ່ນຂຶ້ນ (BRICS) ຢູ່ Kazan, ສະຫະພັນລັດເຊຍ ແຕ່ວັນທີ 23 – 24 ຕຸລາ 2024 ຕາມຄຳເຊີນຂອງທ່ານປະທານາທິບໍດີລັດເຊຍ Vladimir Putin, ... |
 | ຍສໝ - ທ່ານເລຂາທິການໃຫຍ່, ປະທານປະເທດ ຫວຽດນາມ ຢືນຢັນວ່າ ໜ້າທີ່ຂອງບັນດາເອກອັກຄະລັດຖະທູດ ແມ່ນຢູ່ໃນທຸກດ້ານ, ຂົງເຂດຂອງປະເທດຊາດ ຄື: ການທູດ, ເສດຖະກິດ, ວັດທະນະທຳ, ການປ້ອງກັນຊາດ, ປ້ອງກັນຄວາມສະຫງົບ, ປົກປ້ອງສິດ, ຜົນປະໂຫຍດຂອງຊາດ. |
ມີງດຶກ
