 |
| ທ່ານເອກອັກຄະລັດຖະທູດ ຝຣັ່ງ ປະຈຳ ຫວຽດນາມ Olivier Brochet ໃຫ້ສຳພາດຕໍ່ນັກຂ່າວ. |
ຝຣັ່ງ ຕີລາຄາສູງການຢ້ຽມຢາມຂອງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ
ຕາມທ່ານເອກອັກຄະລັດຖະທູດ Olivier Brochet ແລ້ວ, ການໄປເຂົ້າຮ່ວມກອງປະຊຸມສຸດຍອດ ຝຣັ່ງໂກໂຟນີ ຄັ້ງທີ 19 ແລະ ການໄປຢ້ຽມຢາມ ສາທາລະນະລັດຝຣັ່ງ ຢ່າງເປັນທາງການຂອງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ເມື່ອບໍ່ດົນມານີ້ ແມ່ນການໄປຢ້ຽມຢາມທີ່ປະສົບຜົນສຳເລັດ ແລະ ສຳຄັນທີ່ສຸດ. ນີ້ແມ່ນຄັ້ງທຳອິດພາຍຫຼັງ 22 ປີທີ່ປະມຸກລັດຫວຽດນາມ ໄປຢ້ຽມຢາມຝຣັ່ງ, ພ້ອມກັນນັ້ນ ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ກໍ່ແມ່ນການນຳຜູ້ດຽວທີ່ມີການຢ້ຽມຢາມສອງຝ່າຍປິ່ນອ້ອມກອງປະຊຸມສຸດຍອດ ຝຣັ່ງໂກໂຟນີ.
ໃນຂອບເຂດການຢ້ຽມຢາມ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ໄປຢ້ຽມຢາມສວນສາທາລະນະ Montreau (ນະຄອນ Montreuil) - ບ່ອນທີ່ມີຮູບປັ້ນ ແລະ ເຂດອະນຸສອນສະຖານປະທານ ໂຮ່ຈີມິນ. ຄະນະຜູ້ແທນຍັງໄດ້ໄປຢ້ຽມຢາມນະຄອນ Sainte-Adresse ເພື່ອເປີດສະຫຼອງປ້າຍລະນຶກທີ່ມີຊື່ປະທານ ໂຮ່ຈີມິນ - ນີ້ແມ່ນບ່ອນດຳລົງຊີວິດຂອງເພິ່ນເປັນເວລາ 1 ປີ.
ຕາມທ່ານເອກອັກຄະລັດຖະທູດ Olivier Brochet ແລ້ວ, ການເດີນທາງໄປບັນດາເຂດດິນແດນນີ້ຂອງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ສະແດງໃຫ້ເຫັນປັດໄຈໃນປະຫວັດສາດ, ລັກສະນະພິເສດສະເພາະໃນງການພົວພັນລະຫວ່າງ ຝຣັ່ງ ແລະ ຫວຽດນາມ.
ພ້ອມກັນແກ້ໄຂບັນດາບັນຫາທົ່ວໂລກ
ການສ້າງຕັ້ງການພົວພັນຄູ່ຮ່ວມມືຍຸດທະສາດຮອບດ້ານ, ຝຣັ່ງ ແມ່ນປະເທດເອີລົບ ທຳອິດທີ່ມີການພົວພັນຢູ່ລະດັບນີ້ກັບຫວຽດນາມ. ຕາມທ່ານເອກອັກຄະລັດຖະທູດ ຝຣັ່ງ ແລ້ວ, ສິ່ງນີ້ໄດ້ສ່ອງແສງວ່າ ຝ່າຍຝຣັ່ງ ໄດ້ຮັບຮູ້ທີ່ຕັ້ງ, ບົດບາດສຳຄັນຂອງ ຫວຽດນາມ ໃນການເຂົ້າຮ່ວມທຸກນະໂຍບາຍທົ່ວໂລກຢ່າງຕັ້ງໜ້າກັບຝຣັ່ງ - ປະເທດກຳມະການຖາວອນສະພາຄວາມໝັ້ນຄົງສະຫະປະຊາຊາດ - ເພື່ອປະກອບສ່ວນຮັບປະກັນສັນຕິພາບ ແລະ ສະຖຽນລະພາບໃນໂລກ, ພາກພື້ນ.
ທ່ານເອກອັກຄະລັດຖະທູດ Olivier Brochet ໃຫ້ຮູ້ວ່າ ການນຳ 2 ປະເທດຢືນຢັນບົດບາດໃຈກາງຂອງ ອາຊຽນ ແລະ ຝຣັ່ງ ພ້ອມແລ້ວທີ່ຈະເພີ່ມທະວີການຮ່ວມມືກັບ ຫວຽດນາມ ແລະ ອາຊຽນ, ປະກອບສ່ວນຮັກສາສັນຕິພາບ, ການຮ່ວມມືໃນພາກພື້ນ ແລະ ໃນໂລກ.
ເປີດກາລະໂອກາດເສີມຂະຫຍາຍການຮ່ວມມືໃນບັນດາຂົງເຂດຕື່ມອີກ
ຕາມທ່ານເອກອັກຄະລັດຖະທູດ Olivier Brochet ແລ້ວ, ການໄປຢ້ຽມຢາມຝຣັ່ງ ຢ່າງເປັນທາງການຂອງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ການຍົກລະດັບການພົວພັນລະຫວ່າງ 2 ປະເທດ ໄດ້ເປີດກາລະໂອກາດເພື່ອໃຫ້ 2 ປະເທດເສີມຂະຫຍາຍບັນດາກຳລັງບົ່ມຊ້ອນການຮ່ວມມືທີ່ມີຢູ່ແລ້ວໃນບັນດາຂົງເຂດ.
“ໜຶ່ງໃນບັນດາຂົງເຂດສຳຄັນທີ່ພວກເຮົາຈະສູູມໃສ່ໃນໄລຍະຈະມາເຖິງແມ່ນຍຸດທະສາດການຮ່ວມມືດ້ານປ້ອງກັນຊາດ, ປ້ອງກັນຄວາມສະຫງົບ, ຕໍ່ໄປແມ່ນອສດເວົ້າເຖິງຂົງເຂດຄົມມະນາຄົມ ແລະ ພະລັງງານ, ນະວັດຕະກຳ ກໍ່ຄືການພົບປະແລກປ່ຽນນັກສຶກສາ ເພື່ອເຮັດແນວໃດໃຫ້ການພົວພັນຮ່ວມມືລະຫວ່າງສອງປະເທດໄດ້ຮັບການເພີ່ມທະວີພັດທະນາໃນທຸກຂົງເຂດ", ທ່ານເອກອັກຄະລັດຖະທູດ Olivier Brochet ກ່າວ.
ວິສາຫະກິດຝຣັ່ງ ຫຼາຍແຫ່ງກໍ່ມີການຮ່ວມມືໃນຂົງເຂດນີ້. ພາຍຫຼັງວິວັດການບຳລຸງສ້າງ, ບັນດາວິສາຫະກິດໄດ້ຮັບສະໝັກນັກສຶກສາຫວຽດນາມ.
ໃນຂົງເຂດຄົມມະນາຄົມ, ທ່ານເອກອັກຄະລັດຖະທູດ ຝຣັ່ງ ໃຫ້ຮູ້ວ່າ ຝ່າຍຝຣັ່ງ ໄດ້ສະແດງຄວາມສົນໃຈໃນການຮ່ວມມື, ໜູນຊ່ວຍ ຫວຽດນາມ ພັດທະນາລະບົບທາງລົດໄຟ, ທ່າກຳປັ່ນທາງທະເລ, ພ້ອມທັງສືບຕໍ່ຊຸກຍູ້ການຮ່ວມມືດ້ານການບິນ.
ໃນຂົງເຂດພະລັງງານ, ທ່ານເອກອັກຄະລັດຖະທູດ ຝຣັ່ງ ໃຫ້ຮູ້ວ່າ ຝ່າຍຝຣັ່ງ ໄດ້ຕີລາຄາສູງ ຫວຽດນາມ ໃນການໃຫ້ຄຳໝັ້ນສັນຍາຢ່າງເຂັ້ມແຂງ, ມີຄວາມຕັດສິນໃຈສູງກ່ຽວກັບບັນຫາສົມດຸນກາກບອນ ດ້ວຍເປົ້າໝາຍແມ່ນຮອດປີ 2050 ຈະບັນລຸໄດ້ລະດັບການປ່ອຍອາຍພິດກາກບອນເປັນ 0 ຢູ່ ຫວຽດນາມ.
ໃນຂົງເຂດສາທາລະນະສຸກ, ຂົງເຂດຮ່ວມມືໜຶ່ງທີ່ມີປະຫວັດສາດຍາວນານ 30 ກວ່າປີ, ທ່ານເອກອັກຄະລັດຖະທູດ ຝຣັ່ງ ປາດຖະໜາວ່າ ຂົງເຂດນີ້ຈະມີບາດກ້າວບຸກທະລຸໃນໄລຍະຈະມາເຖິງ ເພື່ອຕອບສະໜອງຄວາມຕ້ອງການດ້ານການແພດຂອງປະຊາຊົນຫວຽດນາມ ທີ່ໄດ້ມີບັນດາການປ່ຽນແປງໃນວິວັດການພັດທະນາຂອງປະເທດຊາດ.
 | ລາວ ໝັ້ນໃຈຮັບດຳລົງບົດບາດເປັນປະທານອາຊຽນ 2024 ກັບການຮ່ວມເດີນທາງຂອງຫວຽດນາມ ຍສໝ - ໂດຍຮັບຄຳເຊີນຂອງທ່ານ ສອນໄຊ ສີພັນດອນ, ນາຍົກລັດຖະມົນຕີ ລາວ, ປະເທດປະທານ ອາຊຽນ 2024 ທ່ານ ຟ້າມມິງຈິງ ນາຍົກລັດຖະມົນຕີຫວຽດນາມ ຈະນຳໜ້າຄະນະຜູ້ແທນຂັ້ນສູງຫວຽດນາມ ເຂົ້າຮ່ວມກອງປະຊຸມສຸດຍອດອາຊຽນ ຄັ້ງທີ 44 ແລະ 45 ແລະ ບັນດາກອງປະຊຸມສຸດຍອດທີ່ກ່ຽວຂ້ອງຢູ່ນະຄອນຫຼວງວຽງຈັນ ແຕ່ວັນທີ 8 - 10 ... |
 | ລັດເຊຍ ຍາມໃດກໍ່ຖື ຫວຽດນາມ ເປັນຄູ່ຮ່ວມມືທີ່ໄວ້ເນື້ອເຊື່ອໃຈ, ເປັນເພື່ອນມິດທີ່ສັດຊື່ ຍສໝ - ນັບແຕ່ວັນທີ 8 – 10 ກັນຍາ, ທ່ານປະທານສະພາແຫ່ງຊາດ ເຈີນແທງເໝີນ ນຳໜ້າຄະນະຜູ້ແທນຂັ້ນສູງສະພາແຫ່ງຊາດ ຫວຽດນາມ ໄປຢ້ຽມຢາມ ສະຫະພັນລັດເຊຍ ຢ່າງເປັນທາງການ ແລະ ເປັນປະທານຮ່ວມກອງປະຊຸມຄະນະກຳມະການການຮ່ວມມືລະຫວ່າງລັດຖະສະພາ ຫວຽດນາມ - ລັດເຊຍ ຄັ້ງທີ 3. ເນື່ອງໃນໂອກາດນີ້, ທ່ານເອກອັກຄະລັດຖະທູດ ຫວຽດນາມ ປະຈຳສະຫະພັນລັດເຊຍ ... |
ມີງດຶກ
