 | ນາມດິ້ງ ແລະ ແຂວງອຸດົມໄຊ ຂອງລາວ ຮ່ວມມືໃນການບຳລຸງສ້າງແຫຼ່ງຊັບພະຍາກອນມະນຸດ |
| ລົງນາມໃນຂໍ້ຕົກລົງການຮ່ວມມືດ້ານການທະຫານ - ການປ້ອງກັນປະເທດ ລະຫວ່າງແຂວງ ຮ່າຕິ້ງ ແລະ ແຂວງບໍລິຄຳໄຊ |
ໂດຍເຂົ້າຮ່ວມເຫດການມີຜູ້ຕາງໜ້າສະຖານທູດ ຫວຽດນາມ ປະຈຳ ລາວ; ຜູ້ຕາງໜ້າການນຳບັນດາກະຊວງ, ຄະນະ, ຂະແໜງການ ແລະ ອົງການທີ່ກ່ຽວຂ້ອງຂອງສອງປະເທດຫວຽດນາມ - ລາວ.
ການເປີດສະຫຼອງ, ມອບ-ຮັບ, ເປີດນຳໃຊ້ໂຄງການກໍ່ສ້າງລະບົບຊົນລະປະທານ 4 ແຫ່ງຢູ່ເມືອງ ອະນຸວົງ ແລະ ເມືອງ ທ່າໂທມ ໃນຄັ້ງນີ້ ບໍ່ພຽງແຕ່ສະແດງໃຫ້ເຫັນເຖິງຄວາມເອົາໃຈໃສ່ຂອງການນຳທຸກຂັ້ນຂອງ 2 ປະເທດສຳລັບການຊຸກຍູ້ຄວາມໝັ້ນຄົງ, ການພັດທະນາເສດຖະກິດ-ສັງຄົມຂອງແຂວງໄຊສົມບູນ ເທົ່ານັ້ນ, ຫາກຍັງສະແດງໃຫ້ເຫັນຄວາມຕັດສິນໃຈຂອງສອງລັດຖະບານ, ຄະນະກຳມະການຮ່ວມມືສອງປະເທດ ຫວຽດນາມ - ລາວ, ລາວ - ຫວຽດນາມ ໃນການຊຸກຍູ້ການຮ່ວມມືດ້ານກະສິກຳລະຫວ່າງ 2 ປະເທດອີກດ້ວຍ.
 |
| ບັນດາຜູ້ແທນ ໄດ້ຕັດແຖບຜ້າເປີດສະຫຼອງໂຄງການ. ພາບ: ເຈີ່ນຕ໋ວນ |
ທີ່ພິທີ, ໂດຍຕາງໜ້າໃຫ້ພັກ, ລັດຖະບານ ແລະ ປະຊາຊົນລາວ, ທ່ານ ວຽງຊັນ ຈັນທາ - ຫົວໜ້າຫ້ອງການຄະນະກຳມະການຮ່ວມມື ລາວ-ຫວຽດນາມ ໄດ້ສະແດງຄວາມຮູ້ບຸນຄຸນ ແລະ ຂອບໃຈຢ່າງຈິງໃຈເຖິງພັກ, ລັດຖະບານ ແລະ ປະຊາຊົນ ຫວຽດນາມ ອ້າຍນ້ອງ ທີ່ຍາມໃດກໍໃຫ້ການຮ່ວມມື, ໜູນຊ່ວຍລາວ ຢ່າງຮອບດ້ານໃນໄລຍະຜ່ານມາ, ພິເສດແມ່ນການໜູນຊ່ວຍບັນດາທ້ອງຖິ່ນທີ່ຍັງປະສົບກັບຄວາມຫຍຸ້ງຍາກຫລາຍຢ່າງໃນການກໍ່ສ້າງພື້ນຖານໂຄງລ່າງຂອງລາວ.
ທ່ານ ວຽງຊັນ ຈັນທາ ສະເໜີໃຫ້ອຳນາດການປົກຄອງແຂວງ ໄຊສົມບູນ ເປັນເຈົ້າການໃນການສົມທົບກັບບັນດາກະຊວງ, ຄະນະ, ຂະແໜງການທີ່ກ່ຽວຂ້ອງຂອງລາວ ແລະ ຫວຽດນາມ ສືບຕໍ່ສ້າງແຜນການຈັດຕັ້ງການຜັນຂະຫຍາຍວຽກງານຄຸ້ມຄອງ, ບຳລຸງຮັກສາ ເພື່ອຮັບປະກັນການນຳໃຊ້ໂຄງການໃຫ້ມີປະສິດທິຜົນສູງສຸດ ແລະ ຍາວນານ, ພ້ອມດຽວກັນນັ້ນ ກໍເອົາໃຈໃສ່ເຖິງການບຳລຸງສ້າງຖັນແຖວພະນັກງານເພື່ອຮັບໃຊ້ການຄຸ້ມຄອງຢ່າງມີປະສິດທິຜົນ; ເນັ້ນໜັກວ່າ, ໃນໄລຍະຈະມາເຖິງ, 2 ຝ່າຍຕ້ອງມີວິທີການ ແລະ ແຜນການນຳໃຊ້ໂຄງການນີ້ໃຫ້ສົມກັບຄວາມມຸ່ງມາດປາດຖະໜາຂອງ 2 ພັກ, 2 ລັດ, ເພື່ອປະກອບສ່ວນປັບປຸງ, ເພີ່ມພູນຄູນສ້າງສາຍພົວພັນມິດຕະພາບທີ່ເປັນມູນເຊື້ອ , ຄວາມສາມັກຄີແບບພິເສດ ແລະ ການຮ່ວມມືຮອບດ້ານ ລາວ-ຫວຽດນາມ.
ໂຄງການກໍ່ສ້າງລະບົບຊົນລະປະທານ 4 ແຫ່ງຢູ່ 2 ເມືອງ ອະນຸວົງ ແລະ ເມືອງ ທ່າໂທມ ຂຶ້ນກັບແຂວງໄຊສົມບູນ ມີມູນຄ່າການລົງທຶນທັງໝົດ 159.298 ຕື້ດົ່ງ, ໃນນັ້ນ ທຶນຊ່ວຍເຫຼືອຂອງລັດຖະບານ ຫວຽດນາມ 157.298 ຕື້ດົ່ງ; ທຶນສົມທົບຂອງລາວ ແມ່ນ 2 ຕື້ດົ່ງ. ເຈົ້າຂອງໂຄງການຢູ່ຝ່າຍ ຫວຽດນາມ ແມ່ນບໍລິສັດໃຫຍ່ຮ່ວມມືເສດຖະກິດ COECCO, ຝ່າຍລາວ ແມ່ນອຳນາດການປົກຄອງແຂວງ ໄຊສົມບູນ.
ໂຄງການດັ່ງກ່າວ ປະກອບມີບັນດາລາຍການເຊັ່ນ: ລະບົບ 4 ເສັ້ນທາງນ້ຳລົ້ນຕົ້ນຕໍ ແລະ ສຳຮອງໃນ 4 ບ້ານ; ດຳເນີນການກໍ່ສ້າງ, ຕິດຕັ້ງບັນດາກິດຈະກຳວານແບ່ງນ້ຳ, ທໍ່ນ້ຳ, ຂົວ, ທໍ່ລະບາຍນ້ຳ...
ໂຄງການທີ່ໄດ້ນຳເຂົ້າສູ່ການເຄື່ອນໄຫວ ຈະຮັບໃຊ້ຂົງເຂດການຜະລິດກະສິກຳ, ສ້າງເງື່ອນໄຂຊຸກຍູ້ການຜະລິດສິນຄ້າ ເພື່ອຄ່ອຍໆລົບລ້າງຄວາມອຶດຫີວ ແລະ ຫຼຸດຜ່ອນຄວາມທຸກຍາກໃຫ້ແກ່ປະຊາຊົນທ້ອງຖິ່ນ.
 | ນຳການເຄື່ອນໄຫວຂອງສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ໃຫ້ມີປະສິດທິຜົນ ແລະ ມີຄຸນນະພາບກ່ວາອີກ ຍສໝ - ວັນທີ 17 ເມສາ, ຢູ່ແຂວງ ດົ່ງນາຍ ໄດ້ດຳເນີນກອງປະຊຸມໃຫຍ່ສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ຄັ້ງທີ 2. ຢູ່ທີ່ນີ້, ປະທານສະມາຄົມມິດຕະພາບ ຫວຽດນາມ - ຝຣັ່ງ ແຂວງ ດົ່ງນາຍ ອາຍຸການ 2024 – ... |
 | ຮັກສາການພົວພັນມິດຕະພາບລະຫວ່າງແຂວງ ລາຍເຈົາ ກັບ ແຂວງ ຜົ້ງສາລີ, ອຸດົມໄຊ ຍສໝ - ຕອນເຊົ້າວັນທີ 14 ມີນານີ້, ຢູ່ຫໍປະຊຸມວັດທະນະທຳແຂວງ ລາຍເຈົາ ໄດ້ດຳເນີນການພົບປະເຈລະຈາລະຫວ່າງຄະນະຜູ້ແທນແຂວງ ລາຍເຈົາ ກັບຄະນະຜູ້ແທນແຂວງ ຜົ້ງສາລີ, ແຂວງ ອຸດົມໄຊ (ສາທາລະນະລັດ ປະຊາທິປະໄຕ ປະຊາຊົນລາວ). |
ມິງດຶກ
