 | ນ້ຳໃຈມິດຕະພາບຫວຽດນາມ - ກູບາ ແມ່ນແບບຢ່າງໃນການພົວພັນສາກົນ ແລະການທູດປະຊາຊົນ |
| ກວາງນາມ - ດານັງ - ເທື່ອທຽນເຫ້ວ ໂຄສະນາ, ສົ່ງເສີມການທ່ອງທ່ຽວຢູ່ Sydney (ອົດສະຕຣາລີ) |
ສະຖານທູດຫວຽດນາມ ປະຈຳ ອາເມລິກາ ໄດ້ເປັນປະທານ ແລະ ສົມທົບກັບອົງການ Things To Do DC ເພື່ອຈັດຕັ້ງບັນດາເຫດການໂຄສະນາສັງລວມດ້ານເສດຖະກິດ, ວັດທະນະທຳ ແລະ ອາຫານຢູ່ເຮືອນ ຫວຽດນາມ ທີ່ນະຄອນຫຼວງ ວໍຊິງຕັນ ດີຊີ.
 |
| ທ່ານເອກອັກຄະລັດຖະທູດ ຫງວຽນກວກຢຸງ ກ່າວປາໄສ. (ພາບ: ກ່ຽວຈາງ/ຫວຽດນາມ+) |
ເຂົ້າຮ່ວມພິທີມີແຂກຜູ້ມີກຽດ 100 ກວ່າທ່ານ ລວມມີວົງການການເມືອງ, ອຳນາດການປົກຄອງທ້ອງຖິ່ນ, ການນຳວິສາຫະກິດ, ນັກຮຽນຮູ້, ວົງການສິລະປິນ, ນັກຂ່າວ ແລະ ຜູ້ຕາງໜ້າບັນດາອົງການການເມືອງສັງຄົມ.
ຕາມນັກຂ່າວຫວຽດນາມ ຢູ່ວໍຊິງຕັນ ດີຊີ, ກ່າວຄຳປາໄສທີ່ເຫດການ, ທ່ານເອກອັກຄະລັດຖະທູດ ຫວຽດນາມ ປະຈຳ ອາເມລິກາ ຫງວຽນກວກຢຸງ ໄດ້ນຳສະເໜີສະພາບລວມກ່ຽວກັບປະຫວັດສາດອັນຍາວນານ, ວັດທະນະທຳທີ່ເປັນມູນເຊື້ອທີ່ຫຼາກຫຼາຍ ແລະ ເປັນເອກະລັກສະເພາະ, ຊາວ ຫວຽດນາມ ທີ່ດຸໝັ່ນອົດທັນ, ສະຫຼາດ, ມີໃຈເມດຕາ, ອົດທົນ, ຮັກແພງແຂກຄົນ. ທ່ານເອກອັກຄະລັດຖະທູດຍັງໄດ້ແນະນຳບັນດາຜົນງານໃນການພົວພັນລະຫວ່າງ ຫວຽດນາມ ແລະ ອາເມລິກາ.
ຕໍ່ຈາກນັ້ນ, ລາຍການເຫດການໄດ້ດຳເນີນໄປຢ່າງຟົດຟື້ນ ແລະ ອຸດົມສົມບູນ ດ້ວຍ 3 ພາກຕົ້ນຕໍຄື: ການນຳສະເໜີກ່ຽວກັບເສດຖະກິດ, ການຄ້າການລົງທຶນເຂົ້າຫວຽດນາມ, ການສະແດງຊຸດອາພອນພື້ນເມືອງ 3 ພາກພື້ນຂອງ ຫວຽດນາມ ແລະ ງານລ້ຽງຕ້ອນຮັບດ້ວຍອາຫານ ຫວຽດນາມ.
 |
| ງານສະແດງແຟຊັນຊົນເຜົ່າຂອງສະມາຄົມພັນລະຍາສະຖານທູດ. (ພາບ: ກ່ຽວຈາງ/ຫວຽດນາມ+) |
ເຫດການໄດ້ດຶງດູດຄວາມສົນໃຈຂອງແຂກເຂົ້າຮ່ວມດ້ວຍການສະແດງຊຸດອາພອນພື້ນເມືອງທີ່ມີສີສັນຂອງບັນດາຊົນເຜົ່າເຂດພູດອຍພາກເໜືອ, ເສື້ອ ບາບ່າ, ເສື້ອ 4 ປ່ຽງ ແລະ ຊຸດເສື້ອຍາວທີ່ສະຫງ່າງາມເກີນໄປຕາມຈັງຫວະດົນຕີ ຫວຽດນາມ.
ພິເສດແມ່ນບັນດາເຍື່ອງ ເຝີ ແລະ ຢໍ່ຈືນ ໂດຍພໍ່ຄົວສະຖານທູດປະຕິປັດ ແລະ ບັນດາເຍື່ອງອາຫານດັ້ງເດີມ ເຫວ້ ໄດ້ນຳເອົາລົດຊາດທີ່ເປັນສັນຍະລັກຂອງອາຫານ ຫວຽດນາມ ມາໃຫ້ແຂກຮັບປະທານ.
ຢູ່ນອກເຫດການ, ບັນດາແຂກເຂົ້າຮ່ວມມີຄວາມຊື່ນຊົມຍິນດີທີ່ສຸດ ເມື່ອໄດ້ຮັບເຊີນມາທົດລອງນຸ່ງຊຸດອາພອນພື້ນເມືອງຂອງຫວຽດນາມ ແລະ ໄດ້ປະສົບການໂດຍກົງກ່ຽວກັບວິທີເຮັດຢໍ່ຈືນ.
ທ່ານຫົວໜ້າອົງການ Things To Do DC Gregory Bland ໄດ້ສະແດງຄວາມຂອບໃຈທ່ານເອກອັກຄະລັດຖະທູດ ຫງວຽນກວກຢຸງ ແລະ ສະຖານທູດ ຫວຽດນາມ ປະຈຳ ອາເມລິກາ ທີ່ໄດ້ “ເປີດປະຕູ” ເຮືອນ ຫວຽດນາມ ໃຫ້ແກ່ບັນດາເພື່ອນມິດ ອາເມລິກາ.
 |
| ທ່ານ Gregory Bland, ຫົວໜ້າອົງການ Things To Do, ກ່າວຄຳປາໄສທີ່ເຫດການ. (ພາບ: ກ່ຽວຈາງ/TTXVN) |
ທ່ານ Bland ໃຫ້ຮູ້ວ່າ ບັນດາແຂກ ອາເມລິກາ ມີຄວາມກະຕືລືລົ້ນທີ່ເຂົ້າຮ່ວມເຫດການໂດຍສະຖານທູດໄດ້ຈັດຕັ້ງ ເພື່ອຊອກຮູ້ຢກ່ຽວກັບປະເທດຊາດ ແລະ ປະຊາຊົນ ຫວຽດນາມ ຢ່າງເລິກເຊິ່ງກ່ວາ.
ບັນດາແຂກເຂົ້າຮ່ວມສະແດງຄວາມປະທັບໃຈຕໍ່ບັນດາໝາກຜົນແຫ່ງການພັດທະນາເສດຖະກິດຂອງ ຫວຽດນາມ, ປາດຖະໜາຢາກຊອກຮູ້ຄົ້ນຫາທັດສະນິຍະພາບທີ່ມີຊື່ສຽງຢູ່ 3 ເຂດພາກຂອງປະເທດ ຫວຽດນາມ ແລະ ຊອກຫາກາລະໂອກາດລົງທຶນ ແລະ ດຳເນີນທຸລະກິດຢູ່ ຫວຽດນາມ.
ທ່ານ Bland ໄດ້ເລີ່ມເຮັດວຽກນີ້ປະມານ 25 ປີກ່ອນ. Things to do ໄດ້ນຳມາເຊິ່ງໂອກາດໃຫ້ບັນດານັກຊ່ຽວຊານໜຸ່ມໃນຫຼາຍຂົງເຂດ, ໂດຍກຳເນີດຈາກບ່ອນທີ່ແຕກຕ່າງກັນ ໄດ້ພົບປະ ແລະ ລົງຕົວຈິງການຄົ້ນຫາບັນດາສະຖານທູດຂອງບັນດາປະເທດຢູ່ ວໍຊິງຕັນ.
ແນວຄວາມຄິດແມ່ນແນະນໍາໃຫ້ບັນດາສະມາຊິກຂອງ Things to do ກ່ຽວກັບວັດທະນະທໍາຂອງແຕ່ລະປະເທດ ແລະ ສິ່ງທີ່ດີທີ່ສຸດອັນທີສອງແມ່ນການຂຶ້ນຍົນ, ຕົວຈິງແລ້ວບິນໄປປະເທດນັ້ນເພື່ອຄົ້ນຫາ, ລົງຕົວຈິງ ແລະ ຊອກຮູ້ໂອກາດເຮັດວຽກ.
 |
| ແຂກຄົນມັກຮັບປະທານຢໍ່ຈືນ, ເຝີ ແລະ ເຂົ້າປຸ້ນ ເຫວ້. (ພາບ: ກ່ຽວຈາງ/ຫວຽດນາມ+) |
ເຫດການໂຄສະນາສັງລວມໂດຍສະຖານທູດຈັດຕັ້ງ ໄດ້ສ້າງຄວາມປະທັບໃຈຢ່າງເລິກເຊິ່ງໃຫ້ແກ່ແຂກຄົນ, ແມ່ນໜຶ່ງໃນບັນດາຈຸດພົ້ນເດັ່ນຂອງບັນດາການເຄື່ອນໄຫວດ້ານການທູດວັດທະນະທຳ ປີ 2024, ແມ່ນປະຖົມປັດໄຈໃຫ້ບັນດາເຫດການສະເຫຼີມສະຫຼອງ 30 ປີແຫ່ງການພົວພັນລະຫວ່າງສອງປະເທດໃນປີ 2025.
 | ຫວຽດນາມ - ການາດາ ເພີ່ມທະວີການຮ່ວມມືດ້ານວັດທະນະທຳ, ສິລະປະ, ການພົບປະແລກປ່ຽນປະຊາຊົນ ຍສໝ - ນີ້ແມ່ນເນື້ອໃນຂອງການພົບປະແລກປ່ຽນລະຫວ່າງທ່ານ ຟ່ານແອງເຊີນ, ປະທານສະຫະພັນບັນດາອົງການມິດຕະພາບ ຫວຽດນາມ (VUFO) ແລະ ທ່ານ Shawn Steil, ເອກອັກຄະລັດຖະທູດ ການາດາ ປະຈຳ ຫວຽດນາມ, ໃນຕອນເຊົ້າວັນທີ 27 ສິງຫາ ຢູ່ ຮ່າໂນ້ຍ. |
 | ໜູນຊ່ວຍປະຊາຊົນຢູ່ ດ້ຽນບຽນ, ເຊີນລາ ແກ້ໄຂຜົນສະທ້ອນຈາກຝົນຕົກນ້ຳຖ້ວມ. ຍສໝ - ໂດຍຢ້ຽມຢາມ, ລະດົມບັນດາຄອບຄົວທີ່ມີຍາດພີ່ນ້ອງເສຍຊີວິດ, ຄອບຄົວທີ່ໄດ້ຮັບຄວາມເສຍຫາຍທາງດ້ານຊັບສິນພາຍຫຼັງຝົນຕົກນ້ຳຖ້ວມ; ໜູນຊ່ວຍດ້ານການເງິນ, ເຄື່ອງໃຊ້ທີ່ຈຳເປັນ, ທີ່ພັກຊົ່ວຄາວ... ແມ່ນການກະທຳທີ່ແທດຈິງ, ທັນການຂອງລັດຖະບານ, ບັນດາກະຊວງ, ຂະແໜງການ... ສຳລັບປະຊາຊົນບັນດາແຂວງ ດ້ຽນບຽນ, ເຊີນລາ ທີ່ຖືກຮັບຜົນກະທົບຢ່າງໜັກໜ່ວງຈາກຝົນຕົກນ້ຳຖ້ວມ. |
ແທັງຮັ່ງ
