 | ນັກສຶກສາຫວຽດນາມ ດຳລົງຊີວິດຢ່າງມີຄວາມຮັບຜິດຊອບ ແລະ ຮ່ຳຮຽນຢູ່ລາວຢ່າງຈິງຈັງ |
| ເຊື່ອມຕໍ່ນັກສຶກສາຕ່າງປະເທດໂດຍຜ່ານປະສົບການວັດທະນະທໍາ |
ຕາມໜັງສືພິມ ກວາງຫງາຍ ແລ້ວ, ໃນປະມານເດືອນກໍລະກົດ, ບັນດານັກສຶກສາອາເມລິກາ ມາແຂວງ ກວາງນາມ ເພື່ອຊ່ວຍເຫຼືອປະຊາຊົນທ້ອງຖິ່ນກໍ່ສ້າງເຮືອນຢູ່ທີ່ແຂງແຮງ, ກວ້າງຂວາງກວ່າ. ນີ້ແມ່ນປີທີ 17 ຂອງໂຄງການອາສາສະໝັກລະດູຮ້ອນສາກົນໂດຍສະຫະພັນຊາວໜຸ່ມແຂວງ ກວາງຫງາຍ ສົມທົບກັບອົງການ Putney Student Travel (ອາເມລິກາ) ປະຕິບັດ.
ປີນີ້, ໂຄງການໄດ້ຮັບການປະຕິບັດຢູ່ຕາແສງ ວ້ານເຕືອງ ແລະ ຕິ້ງເຄ, ດ້ວຍການເຂົ້າຮ່ວມຂອງນັກສຶກສາອາສາສະໝັກ ອາເມລິກາ 31 ຄົນ. ໃນນັ້ນ, ຄະນະທຳອິດລວມມີ ນັກສຶກສາ 15 ຄົນ ໄດ້ດຳເນີນຢູ່ຕາແສງ ວ້ານເຕືອງ ນັບແຕ່ວັນທີ 1-18 ກໍລະກົດ; ຄະນະທີ 2 ມີ 16 ຄົນ ໄດ້ດຳເນີນຢູ່ຕາແສງ ຕິ້ງເຄ ແຕ່ວັນທີ 6-23 ກໍລະກົດ.
 |
| ໂຄງການອາສາສະໝັກສາກົນລະດູຮ້ອນຢູ່ກວາງນາມປີ 2025. (ພາບ: ໜັງສືພິມກວາງຫງາຍ) |
ໃນໄລຍະພັກເຊົາຢູ່ ກວາງຫງາຍ, ບັນດານັກສຶກສາ ອາເມລິກາ ຈະໜູນຊ່ວຍການໃຊ້ຈ່າຍ ແລະ ວັນເຮັດວຽກເພື່ອກໍ່ສ້າງເຮືອນການກຸສົນ 6 ຫຼັງ, ດ້ວຍຍອດມູນຄ່າ 450 ລ້ານດົ່ງ, ເພື່ອມອບໃຫ້ບັນດາຄອບຄົວທຸກຍາກ, ຜູ້ປະສົບກັບຄວາມຫຍຸ້ງຍາກ. ນອກຈາກນັ້ນ, ບັນດານັກສຶກສາຍັງຈະເຂົ້າຮ່ວມບັນດາການເຄື່ອນໄຫວແລກປ່ຽນ ແລະ ການດຳເນີນຊີວິດຊຸມຊົນ, ຮັດແໜ້ນຄວາມສາມັກຄີກັບຊາວໜຸ່ມທ້ອງຖິ່ນ.
 |
| ກຳມະກອນກໍ່ສ້າງຢູ່ຕາແສງ ວານເຕືອງ ພວມຊີ້ນຳບັນດານັກສຶກສາ ອາເມລິກາ ກ່ຽວກັບວິທີດັດແປງດິນຈີ່ເພື່ອສ້າງກຳແພງເຮືອນ. (ພາບ: ໜັງສືພິມ ໄຊງ່ອນ ປົດປ່ອຍ) |
ຕາມໜັງສືພິມ ໄຊງ່ອນ ປົດປ່ອຍ ແລ້ວ, ຢູ່ຕາແສງ ວານເຕືອງ, ມີນັກສຶກສາ ອາເມລິກາ 15 ຄົນເຂົ້າຮ່ວມການກໍ່ສ້າງເຮືອນ, ແບ່ງອອກເປັນ 3 ກຸ່ມ, ແຕ່ລະກຸ່ມຮັບຜິດຊອບເຮືອນຫຼັງໜຶ່ງ. Hannah, ອາຍຸ 17 ປີ, ຈາກການາດາ, ແບ່ງປັນວ່າ: “ຂ້າພະເຈົ້າໄດ້ເຂົ້າຮ່ວມໂຄງການຂອງ Putney Student Travel ຢູ່ 4 ປະເທດຕ່າງກັນ ແລະ ຄັ້ງນີ້ຂ້າພະເຈົ້າເລືອກຫວຽດນາມ ເພາະວ່າຂ້າພະເຈົ້າປະທັບໃຈຫຼາຍກັບກິດຈະກໍາອາສາສະໝັກກໍ່ສ້າງເຮືອນໃຫ້ປະຊາຊົນ. ເມື່ອຂ້າພະເຈົ້າຊອກຮູ້ຢູ່ໃນເວັບໄຊທ໌ຂອງອົງການ, ຂ້າພະເຈົ້າຮູ້ວ່ານີ້ຈະເປັນປະສົບການພິເສດ ແລະ ມັນກໍ່ແມ່ນແນວນັ້ນ”.
 |
| Học sinh Mỹ được học cách xây dựng nhà. (Ảnh: Báo Sài Gòn giải phóng) ນັກສຶກສາອາເມລິກາ ໄດ້ຮຽນຮູ້ວິທີການສ້າງເຮືອນ. (ພາບ: ໜັງສືພິມ ໄຊງ່ອນ ປົດປ່ອຍ) |
Stephen, ອາຍຸ 16 ປີ, ໃຫ້ຮູ້ວ່າ: “ກ່ອນມາຫວຽດນາມ, ນ້ອງຮູ້ສຶກເປັນຫ່ວງກ່ຽວກັບອາຫານຫວຽດນາມ ໜ້ອຍໜຶ່ງ, ບໍ່ຮູ້ວ່າຈະເໝາະສົມກັບນ້ອງ ຫຼື ບໍ. ສະນັ້ນ , ນ້ອງໄດ້ໄປຮ້ານອາຫານຫວຽດນາມສອງສາມແຫ່ງຢູ່ ອາເມຣີກາ ເພື່ອລອງກ່ອນ ແລະ ໂຊກດີວ່ານ້ອງຈະເຫັນດີ. ເມື່ອນ້ອງມາຮອດແຂວງກວາງຫງາຍ, ນ້ອງພົບວ່າມັນຫນ້າສົນໃຈທີ່ປະຊາຊົນມັກດື່ມກາເຟ ແລະ ກິນເຂົ້າຈີ່ໃນຕອນເຊົ້າ, ນີ້ແມ່ນຈຸດວັດທະນະທຳທີ່ເປັນເອກະລັກສະເພາະທີ່ນ້ອງມັກແທ້ໆ.
 |
| Một nam học sinh Mỹ cảm thấy vui vẻ khi được đẩy xe . (Ảnh: Báo Sài Gòn giải phóng) ນັກສຶກສາຊາຍອາເມລິກາ ຄົນໜຶ່ງຮູ້ສຶກດີໃຈໃນເວລາທີ່ຍູ້ລົດ. (ພາບ: ໜັງສືພິມ ໄຊງ່ອນ ປົດປ່ອຍ) |
ນາງ ຟ້າມທິຍານ, ຊາວບ້ານເຕີນຮີ (ຕາແສງ ວານເຕືອງ) ສະແດງວ່າ: “ເຮືອນເກົ່າຂອງຂ້າພະເຈົ້າໄດ້ຕົກຕ່ຳຢ່າງໜັກໜ່ວງ. ໃນລະດູຝົນ, ຂ້າພະເຈົ້າຍາມໃດກໍ່ມີຄວາມກັງວົນຢູ່ສະເໝີ, ຕ້ອງຢູ່ກັບຄົນອື່ນຢູ່ທຸກແຫ່ງຫົນຍ້ອນຢ້ານເຮືອນຈະພັງລົງ. ປະຈຸບັນໄດ້ຮັບການໜູນຊ່ວຍເຮືອນໃໝ່, ຄອບຄົວຂ້າພະເຈົ້າມີມຸງຫລັງຄາເພື່ອປ້ອງກັນຝົນ ແລະ ກັນແດດ.”
ນາງ ໂຮ່ທິທູແທ່ງ, ປະທານສະຫະພັນຊາວໜຸ່ມແຂວງ ກວາງຫງາຍ ໃຫ້ຮູ້ວ່າ: “ໂຄງການແລກປ່ຽນອາສາສະໝັກສາກົນລະດູຮ້ອນ ແມ່ນໂອກາດເພື່ອເພີ່ມທະວີການພົວພັນມິດຕະພາບ, ຄວາມເຂົ້າໃຈເຊິ່ງກັນ ແລະ ກັນລະຫວ່າງນັກສຶກສາອາເມລິກາ ແລະ ຊາວໜຸ່ມແຂວງ ກວາງຫງາຍ. ພ້ອມກັນນັ້ນ, ກໍ່ເປັນການເຜີຍແຜ່ຈິດໃຈອາສາສະໝັກ ແລະ ແບ່ງປັນໃຫ້ປະຊາຄົມ, ນຳມາເຊິ່ງຄຸນຄ່າຕົວຈິງ”.
 |
| ນາງ ໂຮ່ທິທູແທ່ງ, ປະທານສະຫະພັນຊາວໜຸ່ມຫວຽດນາມ ແຂວງ ກວາງຫງາຍ. (ພາບ: ໜັງສືພິມ ກວາງຫງາຍ) |
ນັບແຕ່ປີ 2006 ເປັນຕົ້ນມາຮອດປະຈຸບັນ, ແຂວງກວາງຫງາຍ ໄດ້ຕ້ອນຮັບ 17 ຄະນະອາສາສະໝັກນັກສຶກສາສາກົນ, ເຂົ້າຮ່ວມການກໍ່ສ້າງເຮືອນ ແລະ ໂຮງຮຽນ 64 ຫຼັງ, ດ້ວຍຍອດຈຳນວນເງິນສະໜັບສະໜູນກວ່າ 2,1 ຕື້ດົ່ງ. ຜ່ານແຕ່ລະລະດູຮ້ອນ ມີນັກສຶກສາ ອາເມລິກາ ເກືອບ 1.000 ຄົນ ໄດ້ມາແຂວງ ກວາງນາມ, ໄດ້ນຳເອົາກຳລັງແຮງຊາວໜຸ່ມ, ຈິດໃຈອາສາສະໝັກ ແລະ ມິດຕະພາບທີ່ຈິງໃຈ, ປະກອບສ່ວນກໍ່ສ້າງຂົວເຊື່ອມຕໍ່ອັນໝັ້ນຄົງລະຫວ່າງ ຫວຽດນາມ ແລະ ອາເມລິກາ.
 | ອາເມລິກາ ປາດຖະໜາຢາກພັດທະນາການພົວພັນຄູຮ່ວມມືຮອບດ້ານ ຫວຽດນາມ - ອາເມລິກາ ໃຫ້ເຂົ້າສູ່ລວງເລິກ ຍສໝ - ທ່ານປະທານສະພາແຫ່ງຊາດ ສະເໜີໃຫ້ ອາເມລິກາ ຮັບຮູ້ກົດລະບຽບເສດຖະກິດຕະຫຼາດຂອງ ຫວຽດນາມ, ຈຳກັດບັນດາມາດຕະການດ້ານເຕັກນິກ ແລະ ປ້ອງກັນການຄ້າ ເພື່ອສ້າງຄວາມສະດວກໃຫ້ແກ່ສິນຄ້າ ຫວຽດນາມ ສົ່ງໄປ ອາເມລິກາ |
 | ຫວຽດນາມ - ອາເມລິກາ ຮ່ວມມືກັນເພື່ອແກ້ໄຂຜົນຮ້າຍຢ້ອນຫຼັງຈາກສົງຄາມ: ການສ້າງສາ ແລະ ການປັບປຸງຄວາມໄວ້ເນື້ອເຊື່ອໃຈລະຫວ່າງ ຫວຽດນາມ - ອາເມລິກາ ຍສໝ - ວຽກງານແກ້ໄຂຜົນຮ້າຍຢ້ອນຫຼັງຈາກສົງຄາມເປັນວຽກງານທີ່ໄດ້ຮັບຄວາມບູລິມະສິດທີສຸດໃນການຮ່ວມມືລະຫວ່າງສອງປະເທດ. |
ແທັງຮັ່ງ
