 | ຫວຽດນາມ - ອົດສະຕຣາລີ ສ້າງເງື່ອນໄຂສະດວກໃຫ້ແກ່ການຮ່ວມມືທ້ອງຖິ່ນ |
| ຢາລາຍ ເຊື່ອມຕໍ່ການຮ່ວມມືດ້ານການຄ້າ, ການລົງທຶນຢູ່ ອົດສະຕຣາລີ |
ທີ່ເຫດການ, ຂະແໜງການທ່ອງທ່ຽວ 3 ທ້ອງຖິ່ນໄດ້ແນະນຳຈຸດໝາຍປາຍທາງ, ຜະລິດຕະພັນການທ່ອງທ່ຽວ, ໂຄງການຊຸກຍູ້ການທ່ອງທ່ຽວ, ເຫດການ, ງານບຸນ; ແນະນຳບັນດາພາບຖ່າຍທີ່ໜ້າປະທັບໃຈຂອງ “ດິນແດນມໍລະດົກເເບບມະຫັດສະຈັນ”; ຈັດຕັ້ງພື້ນທີ່ເຊື່ອມຕໍ່ (B2B) ເພື່ອໃຫ້ບັນດາວິສາຫະກິດ ກວາງນາມ - ດານັງ - ເທື່ອທຽນເຫ້ວ ໄດ້ພົບປະ, ແລກປ່ຽນກັບບັນດາວິສາຫະກິດ, ຄູ່ຮ່ວມມືຢູ່ນະຄອນ Sydney.
 |
| ສູນສົ່ງເສີມການທ່ອງທ່ຽວຂອງ 3 ທ້ອງຖິ່ນ ກວາງນາມ - ດານັງ - ເທື່ອທຽນເຫ້ວ ໄດ້ລົງນາມໃນບົດບັນທຶກຊ່ວຍຈຳກັບສະມາຄົມທ່ອງທ່ຽວ Sydney ຕາເວັນຕົກ ກ່ຽວກັບການເພີ່ມທະວີການຮ່ວມມືດ້ານໂຄສະນາ, ສົ່ງເສີມ ແລະ ແລກປ່ຽນແຫຼ່ງນັກທ່ອງທ່ຽວ - (ພາບ: Bich Thuan/quangnam.gov.vn). |
ໃນຂອບເຂດຂອງໂຄງການ, ຂະແໜງການທ່ອງທ່ຽວຂອງ 3 ທ້ອງຖິ່ນໄດ້ລົງນາມໃນສັນຍາຮ່ວມມືກັບສະມາຄົມທ່ອງທ່ຽວ Sydney ຕາເວັນຕົກ. ໃນນັ້ນ, ສຸມໃສ່ເຂົ້າໃນບັນດາເນື້ອໃນເຊັ່ນ: ການສະໜອງຂໍ້ມູນການທ່ອງທ່ຽວ, ການປະສານງານສົ່ງເສີມການໂຄສະນາ, ເຊື່ອມຕໍ່ການຮ່ວມມືດ້ານທຸລະກິດ ເພື່ອພ້ອມກັນພັດທະນາລະຫວ່າງວິສາຫະກິດຂອງທຸກຝ່າຍ. ພິເສດແມ່ນການຍູ້ແຮງການແລກປ່ຽນແຫຼ່ງນັກທ່ອງທ່ຽວລະຫວ່າງບັນດາຈຸດໝາຍປາຍທາງຢູ່ພາກກາງ ກັບບັນດາຕົວເມືອງຂອງ ອົດສະຕຣາລີ.
ຕາມຂໍ້ສັງເກດຂອງທ່ານ ຫງວຽນວັນຟຸກ, ຫົວໜ້າພະແນກທ່ອງທ່ຽວແຂວງ ເທື່ອທຽນເຫ້ວ ແລ້ວ, ປະຈຸບັນ ອົດສະຕຣາລີ ແມ່ນມອນໃນ top 10 ທ້ອງຕະຫຼາດນັກທ່ອງທ່ຽວສາກົນຂອງພາກກາງ. ໃນ 7 ເດືອນຕົ້ນປີ 2024, ຈຳນວນເທື່ອນັກທ່ອງທ່ຽວ ອົດສະຕຣາລີ ພັກເຊົາຢູ່ ເທື່ອທຽນເຫ້ວ, ດານັງ ແລະ ກວາງນາມ ບັນລຸປະມານ 165.000 ເທື່ອຄົນ, ກວມເກືອບ 59% ຈຳນວນແຂກທ່ອງທ່ຽວ ອົດສະຕຣາລີ ຢູ່ ຫວຽດນາມ. ສິ່ງນີ້, ບໍ່ພຽງແຕ່ສະແດງໃຫ້ເຫັນຄວາມສາມາດຟື້ນຟູເສດຖະກິດການທ່ອງທ່ຽວເທົ່ານັ້ນ, ຫາກຍັງຄາດຄະເນເຖິງຄວາມດຶງດູດ ແລະ ການເຕີບໂຕຂອງແຂກທ່ອງທ່ຽວ ອົດສະຕຣາລີ ໄປຍັງເຂດພາກກາງ.
ສະເພາະໃນປີ 2023, ຫວຽດນາມ ໄດ້ຕ້ອນຮັບນັກທ່ອງທ່ຽວ ອົດສະຕຣາລີ 390.000 ເທື່ອຄົນ. ຕົວເລກນີ້ເກີນລະດັບກ່ອນການແຜ່ລະບາດຂອງພະຍາດໃນປີ 2019 ແລະ ເຮັດໃຫ້ ອົດສະຕຣາລີ ຢູ່ໃນ top 10 ທ້ອງຕະຫຼາດທີ່ສົ່ງນັກທ່ອງທ່ຽວ ໄປຍັງ ຫວຽດນາມ ຫຼາຍທີ່ສຸດ. ໃນ 7 ເດືອນຕົ້ນປີ 2024, ມີນັກທ່ອງທ່ຽວ ອົດສະຕຣາລີ 281.000 ກວ່າເທື່ອຄົນໄປຢ້ຽມຢາມ ຫວຽດນາມ, ເພີ່ມຂຶ້ນ 27% ເມື່ອທຽບໃສ່ໄລຍະດຽວກັນຂອງປີກາຍ, ເຮັດໃຫ້ ອົດສະຕຣາລີ ເປັນຈຸດທີ່ມີແຫຼ່ງແຂກທ່ອງທ່ຽວໃຫຍ່ອັນດັບ 8 ຂອງທ້ອງຕະຫຼາດ ຫວຽດນາມ.
ແລະ ໃນທິດກົງກັນຂ້າມ, ນັກທ່ອງທ່ຽວຈາກ ຫວຽດນາມ ຫຼາຍກວ່າ 166.000 ເທື່ອຄົນໄປ ອົດສະຕຣາລີ ໃນປີ 2023, ເພີ່ມຂຶ້ນ 35% ເມື່ອທຽບໃສ່ປີ 2019. ຫວຽດນາມ ແມ່ນທ້ອງຕະຫຼາດນັກທ່ອງທ່ຽວໜຶ່ງດຽວໃນ ອາຊີຕາເວັນອອກສຽງໃຕ້ ທີ່ກັບຄືນໄປທ່ອງທ່ຽວຢູ່ ອົດສະຕຣາລີ ພາຍຫຼັງໂລກລະບາດ.
 | ຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ຢູ່ ກວາງນາມ ໄດ້ຮັບລົດເຂັນ ຍສໝ - ວັນທີ 4 ສິງຫາ, ສະມາຄົມຜູ້ປະສົບເຄາະຮ້າຍຈາກທາດພິດສີສົ້ມ/ດີໂອຊິນ ແຂວງ ກວາງນາມ ໄດ້ຈັດຕັ້ງພິທີມອບລົດເຂັນ 20 ຄັນໃຫ້ຜູ້ປະສົບເຄາະຮ້າຍຈາກທາດພິດສີສົ້ມຢູ່ບັນດາເມືອງ ທັງບິ່ງ, ຕາມກີ, ຝູນິງ, ນູຍແທ່ງ. ລົດເຂັນຈຳນວນນີ້ແມ່ນໂດຍທ່ານນາງ ເຈີ່ນໂຕ໋ງ່າ, ຊາວຫວຽດນາມ ອາໄສຢູ່ ຝລັ່ງ ເຊື່ອມຕໍ່ເພື່ອຮຽກຮ້ອງການໜູນຊ່ວຍຈາກປະຊາຄົມຊາວ ຫວຽດນາມ ຢູ່ ສະວິດ. |
 | ດານັງ ເພີ່ມທະວີການຮ່ວມມືແລກປ່ຽນນັກສຶກສາກັບແຂວງ Nagasaki ຂອງ ຍີ່ປຸ່ນ ຍສໝ - ໃນຊຸມປີຜ່ານມາ, ມະຫາວິທະຍາໄລ Nagasaki Prefectural (ຍີ່ປຸ່ນ) ສົ່ງນັກສຶກສາຝຶກງານ ແລະ ຄູອາຈານໄປຮ່ຳຮຽນ ແລະ ເຮັດວຽກຢູ່ນະຄອນ ດານັງ ໄດ້ບັນລຸໝາກຜົນອັນດີງາມຫຼາຍຢ່າງ. |
ມີງດຶກ
