 | |
| ສະມາຄົມມິດຕະພາບ ຫວຽດນາມ, ໄທ: ເປີດກວ້າງການຮ່ວມມື, ເຊື່ອມຕໍ່ແບບຍືນຍົງ |
ກາຊັກສະຖານ ມຸ່ງໄປເຖິງການພັດທະນາແບບຍືນຍົງ
ສານຂອງປະທານາທິບໍດີ Tokayev ໄດ້ສຸມໃສ່ເຂົ້າເປົ້າໝາຍການພັດທະນາເສດຖະກິດ - ສັງຄົມແບບຍືນຍົງ, ຍົກສູງສະຫວັດດີການ ແລະ ກໍ່ສ້າງ “ກາຊັກສະຖານທີ່ຍຸຕິທຳ” ຜ່ານການປະຕິຮູບດ້ານການເມືອງ.
ກ່ຽວກັບດ້ານເສດຖະກິດ, ກາຊັກສະຖານ ຈະແກ້ໄຂຄວາມບໍ່ສົມດຸນ ລະຫວ່າງນະໂຍບາຍເງິນຕາ ແລະ ປີການເງິນ ໂດຍຜ່ານການປະຕິຮູບດ້ານພາສີ, ແນໃສ່ຕັ້ງເປົ້າຫມາຍເພີ່ມອັດຕາສ່ວນວິສາຫະກິດຂະໜາດກາງຂຶ້ນ 15% ໃນປີ 2029. ປະເທດນີ້ໄດ້ຍົກອອກກວ່າ 10.000 ຂໍ້ຈຳກັດໃນການດຳເນີນທຸລະກິດ, ສ້າງເງື່ອນໄຂທີ່ສະດວກໃນການລົງທຶນ.
ລັດຖະບານ ກາຊັກສະຖານ ກໍ່ຖືເປັນສຳຄັນໃນການພັດທະນາອຸດສາຫະກໍາ, ໂດຍສະເພາະແມ່ນຂະແໜງການປິໂຕເຄມີ ແລະ ໜູນຊ່ວຍການຜະລິດກະສິກໍາ ໂດຍຜ່ານນະໂຍບາຍ "ສິນເຊື່ອສິນຄ້າ" ເພື່ອຫນູນຊ່ວຍປະຊາຊົນເຂດຊົນນະບົດພັດທະນາການຜະລິດ.
 |
| ພາບບັນຍາກາດກອງປະຊຸມຖະແຫຼງຂ່າວ. ຮູບພາບ: ແບ້ກເຢືອງ |
ບັນດາໂຄງການພື້ນຖານໂຄງລ່າງດ້ານການຂົນສົ່ງ, ພະລັງງານ ແລະ ການບໍລິການສາທາລະນະ ກໍ່ໄດ້ຮັບການຊຸກຍູ້. ກາຊັກສະຖານ ຕັ້ງເປົ້າໝາຍການພັດທະນາບັນດາສູນການບິນເພື່ອຂົນສົ່ງສິນຄ້າ 150.000 ໂຕນ ຕໍ່ປີ ໃນໄລຍະ 4 ປີຕໍ່ໜ້າ. ສູນປັນຍາປະດິດແຫ່ງຊາດ ຈະໄດ້ເປີດຕົວໃນປີ 2025 ແລະ ສາຍກາບເຄເບີ້ນຜ່ານທະເລ ຈະເຊື່ອມຕໍ່ ກາຊັກສະຖານ ກັບ ອາແຊັກໄບຊານ, ພັດທະນາພື້ນຖານໂຄງລ່າງດິຈິຕອນ.
ທ່ານເອກອັກຄະລັດຖະທູດ Kanat Tumysh ຍັງໄດ້ກ່າວເຖິງບັນດາເປົ້າໝາຍອື່ນໆຄື: ການໝູນໃຊ້ແຫຼ່ງນ້ຳຖ້ວມ, ຍົກສູງແຫຼ່ງຊັບພະຍາກອນມະນຸດ, ປັບປຸງສຸຂະພາບຊຸມຊົນ, ປົກປັກຮັກສາສິ່ງແວດລ້ອມ ແລະ ການປັບໂຄງສ້າງລະບົບໜູນຊ່ວຍສັງຄົມຄືນໃໝ່.
ຄວາມສາມາດບົ່ມຊ້ອນໃນການຮ່ວມມື ຫງວຽດນາມ - ກາຊັກສະຖານ
ກ່ຽວກັບການຮ່ວມມື, ທ່ານເອກອັກຄະລັດຖະທູດ Tumysh ຢືນຢັນວ່າ ກາຊັກສະຖານ ແມ່ນຄູ່ຮ່ວມມືການຄ້າໃຫຍ່ອັນທີ 2 ຂອງ ຫວຽດນາມ ໃນສະຫະພັນເສດຖະກິດ ອາຊີ - ເອີຣົບ ແລະ ຫວຽດນາມ ແມ່ນຄູ່ຮ່ວມມືໃຫຍ່ອັນທີ 2 ຂອງກາຊັກສະຖານ ຢູ່ອາຊຽນ.
 |
| ທ່ານ Kanat Tumysh ເອກອັກຄະລັດຖະທູດວິສາມັນຜູ້ມີອຳນາດເຕັມ ກາຊັກສະຖານ ປະຈຳ ຫວຽດນາມ. ຮູບພາບ: ແບັກເຢືອງ |
ທ່ານສະເໜີເພີ່ມທະວີການພົວພັນການຄ້າຜ່ານເສັ້ນທາງລົດໄຟທີ່ເຊື່ອມຕໍ່ຫວຽດນາມ ກັບ ກາຊັກສະຖານ ແລະ ເອີຣົບ, ພ້ອມກັນນັ້ນ, ທ່ານເອກອັກຄະລັດຖະທູດ ກາຊັກສະຖານ ກໍ່ຢືນຢັນວ່າ: “ຫວຽດນາມ ແມ່ນປະຕູເພື່ອໃຫ້ ກາຊັກສະຖານ ເຂົ້າເຖິງຕະຫຼາດອາຊີຕາເວັນອອກສ່ຽງໃຕ້, ມີບົດບາດເປັນຂົວເຊື່ອມໂຍງ ເພື່ອໃຫ້ຫວຽດນາມ ພັດທະນາການຮ່ວມມືກັບບັນດາປະເທດອາຊີກາງ, CIS ແລະ ເອີຣົບ, ປະກອບສ່ວນຊຸກຍູ້ການເຄື່ອນໄຫວການຄ້າ ແລະ ການສົ່ງອອກລະຫວ່າງບັນດາຝ່າຍ”.
 | ຍສໝ - ທ່ານຮອງປະທານສະພາແຫ່ງຊາດ ຫວຽດນາມ ຫງວຽນດຶກຫາຍ ເນັ້ນໜັກວ່າ ຂໍ້ມູນ ແລະ ບົດຮຽນປະສົບການຈາກການໂອ້ລົມສົນທະນານີ້ ຈະຊ່ວຍໃຫ້ແຕ່ລະປະເທດໃນການສ້າງ ຫຼື ສືບຕໍ່ສ້າງລະບອບລະບຽບການ, ນະໂຍບາຍໃຫ້ສົມບູນແບບ, ຮັບໃຊ້ການພັດທະນາເສດຖະກິດ - ສັງຄົມຂອງແຕ່ລະປະເທດໃນສະພາບການໃໝ່. |
 | ຜູ້ຊົງຄຸນວຸດທິມິດຕະພາບ ຈີນ ປະກອບສ່ວນພັດທະນາການພົວພັນ ຫວຽດນາມ-ຈີນ ແບບຍືນຍົງ ຍສໝ - ທ່ານເລຂາທິການໃຫຍ່, ປະທານປະເທດ ໂຕເລີມ ເຊື່ອໝັ້ນວ່າ ຜູ້ແທນແຕ່ລະຄົນທີ່ເຂົ້າຮ່ວມການພົບປະ, ບໍ່ວ່າຈະເປັນໃຜ ຫຼື ດຳລົງຕຳແໜ່ງໃດກໍ່ຕາມ, ລ້ວນແຕ່ມີຄວາມປາຖະໜາລວມອັນໃຫຍ່ຫຼວງ ແມ່ນສາຍພົວພັນຫວຽດນາມ - ຈີນ “ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ". |
ແທັງຮັ່ງ
