ນະຄອນ ໂຮ່ຈີມິນ ສະເຫຼີມສະຫຼອງບຸນປີໃໝ່ ກຳປູເຈຍ - ລາວ - ໄທ ຢ່າງຄຶກຄື້ນ

	ສີສັນສົດໃສຂອງການສະຫຼອງປີໃໝ່ປະຈຳຊາດຂອງ ກຳປູເຈຍ, ລາວ ແລະ ໄທ ຢູ່ນະຄອນ ໂຮ່ຈິມິນ
	ຄະນະປະຈຳ ຫວຽດນາມ ປະຈຳ ສປຊ ຈັດຕັ້ງພິທີສະເຫຼີມສະຫຼອງບຸນປີໃໝ່ປະຈຳຊາດຂອງ ລາວ ແລະ ກຳປູເຈຍ

ໃນວັນທີ 11 ເມສາ, ຢູ່ນະຄອນ ໂຮ່ຈີມິນ, ສະຫະພັນບັນດາອົງການມິດຕະພາບນະຄອນ (HUFO) ຮ່ວມກັບ ສະມາຄົມມິດຕະພາບ ຫວຽດນາມ - ກຳປູເຈຍ, ສະມາຄົມມິດຕະພາບ ຫວຽດນາມ - ລາວ, ສະມາຄົມມິດຕະພາບ ຫວຽດນາມ - ໄທ, ສະມາຄົມມິດຕະພາບ ຫວຽດນາມ - ອາຊີຕາເວັນອອກສ່ຽງໃຕ້ ນະຄອນ ໂຮ່ຈີມິນ ແລະ ຄະນະພຸດທະສາສະໜາສາກົນ ໄດ້ຈັດງານສະເຫຼີມສະຫຼອງບຸນປີໃໝ່ປະເພນີ ກຳປູເຈຍ - ລາວ - ໄທ ຂຶ້ນຢູ່ທີ່ວັດ ໂຜມິງ.

ບັນດາຜູ້ແທນໄດ້ເຂົ້າຮ່ວມ ແລະ ແບ່ງປັນຄວາມເບີກບານມ່ວນຊື່ນໃນໂອກາດປີໃໝ່ຂອງ ປະເທດລາວ, ກຳປູເຈຍ ແລະ ໄທ.

ນີ້ແມ່ນກິດຈະກຳທີ່ຈັດຂຶ້ນເປັນປະຈຳທຸກປີ ເພື່ອແນໃສ່ເພີ່ມທະວີຄວາມເຂົ້າອົກເຂົ້າໃຈເຊິ່ງກັນ ແລະ ກັນ ລະຫວ່າງ ຫວຽດນາມ ກັບບັນດາປະເທດໃກ້ຄຽງ, ທັງເປັນການຊຸກຍູ້ການແລກປ່ຽນວັດທະນະທຳ, ຮັດແໜ້ນສາຍພົວພັນການຮ່ວມມືໃນຫຼາຍຂົງເຂດ ລະຫວ່າງ ປະຊາຊົນນະຄອນ ໂຮ່ຈີມິນ ເວົ້າສະເພາະ ແລະ ຫວຽດນາມ ເວົ້າລວມ ກັບບັນດາປະເທດເພື່ອນມິດໃນພາກພື້ນ.

ທ່ານ ໂຮ່ ຊວນ ເລີມ, ຮອງປະທານສະຫະພັນບັນດາອົງການມິດຕະພາບ ນະຄອນ ໂຮ່ຈີມິນ ກ່າວຄຳເຫັນ.

ກ່າວຄຳປາໄສທີ່ລາຍການ, ທ່ານ ໂຮ່ ຊວນ ເລີມ, ຮ່ອງປະທານ HUFO ໄດ້ເນັ້ນໜັກວ່າ: ຫວຽດນາມ, ກຳປູເຈຍ, ລາວ ແລະ ໄທ ແມ່ນບັນດາປະເທດໃກ້ຄຽງທີ່ສະໜິດສະໜົມ, ດຳລົງຊີວິດຮ່ວມກັນໃນປະຊາຄົມ ອາຊຽນ, ມີມູນເຊື້ອຄວາມສາມັກຄີ ແລະ ຊ່ວຍເຫຼືອເຊິ່ງກັນ ແລະ ກັນ ໃນຕະຫຼອດໄລຍະການສ້າງສາ ແລະ ພັດທະນາປະເທດຊາດ.ບັນດາປະເທດໄດ້ ແລະ ພວມພ້ອມກັນແບ່ງປັນຄວາມຫຍຸ້ງຍາກ, ຮ່ວມມືກັນພັດທະນາ, ແນໃສ່ເປົ້າໝາຍສ້າງປະຊາຄົມ ອາຊຽນ ທີ່ມີສັນຕິພາບ, ສະຖຽນລະພາບ ແລະ ວັດທະນາຖາວອນ.

ພຣະອາຈານ ທິກ ທ້ຽນ ເຕີມ – ຮອງປະທານສະພາບໍລິຫານງານສູນກາງ ສະມາຄົມພຸດທະສາສະໜາ ຫວຽດນາມ ເປັນປະທານໃນພິທີທາງສາສະໜາ.

ເນື່ອງໃນໂອກາດບຸນປີໃໝ່ ໂຈນຈະນຳທະໄມ (Chol Chnam Thmay) ຂອງກຳປູເຈຍ, ບຸນປີໃໝ່ລາວ ແລະ ບຸນສົງການ ຂອງໄທ, ຄະນະຈັດຕັ້ງໄດ້ສົ່ງຄຳອວຍພອນໄຊອັນປະເສີດມາຍັງປະຊາຊົນທັງ 3 ປະເທດ, ຂໍໃຫ້ແຕ່ລະປະເທດຈົ່ງມີຄວາມຈະເລີນຮຸ່ງເຮືອງ ແລະ ຊີວິດການເປັນຢູ່ຂອງປະຊາຊົນໄດ້ຮັບການຍົກສູງຂຶ້ນເລື້ອຍໆ.

ຜ່ານການຈຳລອງບັນດາຮີດຄອງປະເພນີ ແລະ ພິທີກຳທີ່ເປັນເອກະລັກໃນໂອກາດປີໃໝ່, ງານບຸນບໍ່ພຽງແຕ່ສ້າງບັນຍາກາດທາງດ້ານວັດທະນະທຳທີ່ເຕັມໄປດ້ວຍເອກະລັກເທົ່ານັ້ນ, ແຕ່ຍັງສ້າງໂອກາດໃຫ້ປະຊາຊົນ, ນັກສຶກສາສາກົນ ແລະ ຊຸມຊົນບັນດາປະເທດທີ່ພວມດຳລົງຊີວິດ ແລະ ສຶກສາຢູ່ນະຄອນ ໂຮ່ຈີມິນ ໄດ້ພົບປະແລກປ່ຽນ, ເຊື່ອມຕໍ່ ແລະ ຮັດແໜ້ນສາຍພົວພັນມິດຕະພາບໃຫ້ແໜ້ນແຟ້ນຍິ່ງຂຶ້ນ.

ທ່ານ ໂພໄຊ ອຸ່ນມີໄຊ, ກົງສຸນໃຫຍ່ ແຫ່ງ ສປປ ລາວ ປະຈຳ ນະຄອນ ໂຮ່ຈີມິນ

ທ່ານ ໂພໄຊ ອຸ່ນມີໄຊ ໄດ້ສະແດງຄວາມດີໃຈທີ່ໄດ້ເຂົ້າຮ່ວມງານທີ່ມີຄວາມໝາຍນີ້. ທ່ານກ່າວວ່າ, ໃນກາງເດືອນເມສາຂອງທຸກໆປີ ແມ່ນໂອກາດບຸນປີໃໝ່ປະເພນີຂອງບັນດາປະເທດ: ລາວ, ກຳປູເຈຍ, ມຽນມາ ແລະ ໄທ; ສະເພາະຢູ່ປະເທດລາວ, ບຸນປີໃໝ່ລາວ ປີ 2026 ຈະຈັດຂຶ້ນໃນລະຫວ່າງວັນທີ 13 ຫາ 15 ເມສາ. ຕາມທັດສະນະຂອງທ່ານ, ນະຄອນ ໂຮ່ຈີມິນ ໄດ້ກາຍເປັນ "ເຮືອນຫຼັງທີສອງ", ບ່ອນທີ່ຊຸມຊົນຄົນລາວໄດ້ຮັບຄວາມເອົາໃຈໃສ່ ແລະ ສາມາດສະເຫຼີມສະຫຼອງປີໃໝ່ໃນບັນຍາກາດທີ່ອົບອຸ່ນ.

ພິທີກຳທາງປະເພນີໄດ້ດຳເນີນໄປຢ່າງສົມກຽດ, ສ່ອງແສງໃຫ້ເຫັນເຖິງເອກະລັກວັດທະນະທຳຂອງບັນດາປະເທດອາຊີຕາເວັນອອກສ່ຽງໃຕ້.

ເຂົ້າຮ່ວມງານບຸນຍັງມີນັກສຶກສາ ລາວ, ກຳປູເຈຍ, ໄທ ເປັນຈຳນວນຫຼວງຫຼາຍ ທີ່ພວມສຶກສາຢູ່ວິທະຍາໄລ ແລະ ມະຫາວິທະຍາໄລຕ່າງໆ ໃນທົ່ວຕົວເມືອງ. ບັນຍາກາດທີ່ເບີກບານມ່ວນຊື່ນ ແລະ ສະໜິດສະໜົມຂອງລາຍການ ໄດ້ສ້າງຄວາມປະທັບໃຈຢ່າງເລິກເຊິ່ງ.

Long Pinita, ນັກສຶກສາຈາກມະຫາວິທະຍາໄລການແພດ ຟ້າມງອກແທັກ ໄດ້ແບ່ງປັນດ້ວຍຄວາມຕື່ນເຕັ້ນວ່າ: "ນ້ອງຮູ້ສຶກອົບອຸ່ນຫຼາຍ ເພາະວ່າ ຫວຽດນາມ ໄດ້ຈັດບຸນປີໃໝ່ໃຫ້ພວກເຮົາ. ສຳລັບນ້ອງແລ້ວ, ນະຄອນ ໂຮ່ຈີມິນ ແມ່ນງາມ ແລະ ທັນສະໄໝຫຼາຍ. ຢູ່ໂຮງຮຽນ, ຄູອາຈານຍາມໃດກໍຊ່ວຍເຫຼືອ ແລະ ເອົາໃຈໃສ່ພວກເຮົາ. ໝູ່ເພື່ອນຊາວຫວຽດນາມກໍໜ້າຮັກຫຼາຍ. ນ້ອງເຫັນວ່າ ກຳປູເຈຍ ແລະ ຫວຽດນາມ ແມ່ນມີຄວາມສະໜິດສະໜົມກັນຫຼາຍ, ຄືກັນກັບອ້າຍນ້ອງກັນ. ນ້ອງປາດຖະໜາວ່າ ຫວຽດນາມ ແລະ ກຳປູເຈຍ ຈະນັບມື້ນັບມີຄວາມສາມັກຄີ ແລະ ພ້ອມກັນພັດທະນາ."

ໃນໂອກາດນີ້, ຕົວແທນຈາກວິສາຫະກິດແຫ່ງໜຶ່ງ ກໍໄດ້ມອບທຶນການສຶກສາ 40 ທຶນ ໃຫ້ແກ່ນັກສຶກສາ ລາວ ແລະ ກຳປູເຈຍ ອີກດ້ວຍ.

ຮັດແໜ້ນຄວາມມິດຕະພາບລະຫວ່າງຫວຽດນາມ - ລາວ ແລະ ກຳປູເຈຍ ໂດຍຜ່ານລາຍການ “ຄອບຄົວຫວຽດນາມ ກັບນັກຮຽນລາວ ແລະ ກຳປູເຈຍ”. ຍສໝ - ວັນທີ 12 ຕຸລາ, ສະມາຄົມນັກຮົບເກົ່ານະຄອນ ໂຮ່ຈີມິນ ໄດ້ຈັດຕັ້ງລາຍການພົບປະແລກປ່ຽນ “ຄອບຄົວຫວຽດນາມ ກັບນັກສຶກສາລາວ ແລະ ກຳປູເຈຍ ທີ່ພວມຮໍ່າຮຽນຢູ່ນະຄອນ ໂຮ່ຈີມິນ”, ເພື່ອແນໃສ່ເພີ່ມທະວີການພົວພັນຄວາມສາມັກຄີ, ມິດຕະພາບລະຫວ່າງປະຊາຊົນ 3 ປະເທດ, ສ້າງເງື່ອນໄຂໃຫ້ບັນດານັກສຶກສາສາກົນເຂົ້າໃຈເຖິງມູນເຊື້ອປະຕິວັດ, ວັດທະນະທໍາ ແລະປະຊາຊົນຫວຽດນາມ ກ່ວາອີກ.

ນະຄອນ ໂຮ່ຈີມິນ - Hyogo (ຍີ່ປຸ່ນ) ຊຸກຍູ້ການຮ່ວມມືຫັນເປັນສີຂຽວ ແລະ ດີຈີຕອນ ຍສໝ - ຊຸກຍູ້ການຮ່ວມມືຫັນເປັນສີຂຽວ ແລະ ດິຈິຕອນ ເພື່ອເປົ້າໝາຍພັດທະນາແບບຍືນຍົງ ແມ່ນຫົວຂໍ້ຫຼັກຂອງເວທີປາໄສເສດຖະກິດນະຄອນ ໂຮ່ຈີມິນ - ແຂວງ Hyogo (ຍີ່ປຸ່ນ) ຄັ້ງທີ 7 ປີ 2025. ເຫດການໂດຍສູນສົ່ງເສີມການຄ້າ ແລະ ການລົງທຶນ ນະຄອນ ໂຮ່ຈີມິນ (ITPC) ສົມທົບກັບລັດຖະບານແຂວງ Hyogo ຢູ່ນະຄອນ ...