ຜູ້ຊົງຄຸນວຸດທິມິດຕະພາບ ຈີນ ປະກອບສ່ວນພັດທະນາການພົວພັນ ຫວຽດນາມ-ຈີນ ແບບຍືນຍົງ

ຍສໝ - ທ່ານເລຂາທິການໃຫຍ່, ປະທານປະເທດ ໂຕເລີມ ເຊື່ອໝັ້ນວ່າ ຜູ້ແທນແຕ່ລະຄົນທີ່ເຂົ້າຮ່ວມການພົບປະ, ບໍ່ວ່າຈະເປັນໃຜ ຫຼື ດຳລົງຕຳແໜ່ງໃດກໍ່ຕາມ, ລ້ວນແຕ່ມີຄວາມປາຖະໜາລວມອັນໃຫຍ່ຫຼວງ ແມ່ນສາຍພົວພັນຫວຽດນາມ - ຈີນ “ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ".

	ສູນວັດທະນະທຳຈີນຢູ່ຮ່າໂນ້ຍ: ຊຸກຍູ້ການແລກປ່ຽນວັດທະນະທຳ ແລະ ສິລະປະຫວຽດນາມ - ຈີນ
	ຫວຽດນາມ ສະໜັບສະໜູນລາວ ໃນການປະຕິບັດບັນດາເປົ້າໝາຍພັດທະນາແບບຍືນຍົງ

ໃນຂອບເຂດການຢ້ຽມຢາມຂັ້ນລັດໄປຍັງຈີນ, ຕອນເຊົ້າວັນທີ 18 ສິງຫາ, ຢູ່ນະຄອນ ກວາງໂຈ່, ແຂວງກວາງຕຸ້ງ, ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໄດ້ມີການພົບປະກັບຜູ້ຕາງໜ້າບັນດາອົງການມິດຕະພາບ, ຍາດພີ່ນ້ອງຂອງຄອບຄົວບັນດານາຍທະຫານປະຕິວັດ, ນັກຊ່ຽວຊານ, ທີ່ປຶກສາທີ່ເຄີຍເຂົ້າຮ່ວມຊ່ວຍເຫຼືອ ຫວຽດນາມ ໃນໄລຍະສົງຄາມຕໍ່ຕ້ານ, ບັນດາພະນັກງານ, ລັດຖະກອນທີ່ໄດ້ ແລະ ພວມເຂົ້າຮ່ວມວຽກງານອະນຸລັກຮັກສາບັນດາຮ່ອງຮອຍທີ່ກ່ຽວຂ້ອງກັບການປະຕິວັດ ຫວຽດນາມ, ຜູ້ຊົງຄຸນວຸດທີ່ພົ້ນເດັ່ນຂອງ ຈີນ, ບັນດານັກຮຽນຮູ້, ນັກຄົ້ນຄວ້າກ່ຽວກັບ ຫວຽດນາມ, ອະດີດເອກອັກຄະລັດຖະທູດ ຈີນ ປະຈຳ ຫວຽດນາມ ແລະ ຊາວໜຸ່ມຈີນ.

ຜູ້ຊົງຄຸນວຸດທິມິດຕະພາບ ຈີນ ປະກອບສ່ວນພັດທະນາການພົວພັນ ຫວຽດນາມ-ຈີນ ແບບຍືນຍົງ

ທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ແລະ ບັນດາຜູ້ເເທນ ພ້ອມກັນກັບຜູ້ຕາງໜ້າຜູ້ຊົງຄຸນວຸດທິມິດຕະພາບ ຈີນ. (ພາບ: Tri Dung/TTXVN)

ເຂົ້າຮ່ວມກອງປະຊຸມມີທ່ານ ຮວ່າງຄຸນມິງ, ກຳມະການກົມການເມືອງສູນກາງພັກກອມມູນິດຈີນ, ເລຂາພັກແຂວງກວາງຕຸ້ງ, ການນຳສະມາຄົມມິດຕະພາບການທູດປະຊາຊົນ ຈີນ ແລະ ສະມາຄົມມິດຕະພາບຕ່າງປະເທດປະຊາຊົນແຂວງ ກວາງຕຸ້ງ, ບັນດາສະມາຊິກຄະນະຜູ້ແທນຂັ້ນສູງ ຫວຽດນາມ, ການນຳສະຫະພັນບັນດາອົງການມິດຕະພາບ ຫວຽດນາມ ແລະ ສະມາຄົມມິດຕະພາບ ຫວຽດນາມ - ຈີນ, ຜູ້ຕາງໜ້າຊາວຫວຽດນາມ, ວິສາຫະກິດ, ນັກສຶກສາຫວຽດນາມ ທີ່ອາໄສ, ເຮັດວຽກ ແລະ ຮ່ຳຮຽນຢູ່ແຂວງ ກວາງຕຸ້ງ.

ບັນດາຜູ້ແທນ ຈີນ ໄດ້ສະແດງຄວາມຮູ້ສຶກຕື້ນຕັນໃຈ ເມີ່ອແບ່ງປັນບັນດາຄວາມຊົງຈຳກ່ຽວກັບປະທານ ໂຮ່ຈີມິນ ໃນໄລຍະເຄື່ອນໄຫວຢູ່ ຈີນ; ກ່ຽວກັບວັນທີ່ໄດ້ຢືນຢູ່ຄຽງຂ້າງກັບບັນດາທະຫານບາດເຈັບ, ທະຫານເຈັບປ່ວຍ ຫວຽດນາມ, ປິ່ນປົວອາການບາດເຈັບພ້ອມກັນ, ແບ່ງປັນບັນດາການເຄື່ອນໄຫວອະນຸລັກ, ປົກປັກຮັກສາ ແລະ ເຜີຍແພ່ບັນດາມໍລະດົກປະຫວັດສາດແຫ່ງການປະຕິວັດຫວຽດນາມ ຢູ່ຈີນ; ຢືນຢັນຈະສືບຕໍ່ສືບທອດ ແລະ ສືບຕໍ່ “ສາຍພົວພັນອັນດູດດື່ມລະຫວ່າງ ຫວຽດນາມ - ຈີນ, ທັງເປັນມິດສະຫາຍ, ທັງເປັນອ້າຍນ້ອງ”, ຢຶດໝັ້ນໃນອຸດົມການ, ຄວາມໄວ້ເນື້ອເຊື່ອໃຈລວມໃນພາລະກິດແຫ່ງການສ້າງສາ ແລະ ພັດທະນາຂອງແຕ່ລະປະເທດ.

ກ່າວຄຳປາໄສທີ່ການພົບປະ, ທ່ານເລຂາທິການໃຫຍ່, ປະທານປະເທດ ໂຕເລີມ ໄດ້ສະແດງຄວາມປິຕິຊົມຊື່ນທີ່ໄດ້ພົບປະກັບບັນດາເພື່ອນມິດ, ສະຫາຍ, ຜູ້ຕາງໜ້າປະຊາຊົນທຸກຊັ້ນວັນນະຢູ່ ຈີນ, ບັນດາຜູ້ທີ່ໄດ້, ພວມ ແລະ ຈະຊຸກຍູ້ການພົວພັນມິດຕະພາບທີ່ເປັນມູນເຊື້ອຢ່າງບໍ່ຢຸດຢັ້ງ ແລະ ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຈີນ.

ກວາງໂຈ່ ກໍ່ແມ່ນບ່ອນທີ່ປະທານ ໂຮ່ຈີມິນ ທັງດຳເນີນບັນດາການເຄື່ອນໄຫວປະຕິວັດ ຫວຽດນາມ, ທັງເຂົ້າຮ່ວມຂະບວນການປະຕິວັດຈີນ ແລະ ກອມມູນິດສາກົນ ຢ່າງຕັ້ງໜ້າ. ປະຫວັດສາດແຫ່ງການຕໍ່ສູ້ຄຽງຂ້າງລະຫວ່າງນັກປະຕິວັດສອງປະເທດ ຫວຽດນາມ - ຈີນ ແມ່ນຕົວຢ່າງທີ່ສ່ອງແສງໃຫ້ເຫັນຂະບວນການຕໍ່ສູ້ປະຕິວັດຂອງຊົນຊັ້ນກຳມາຊີບໂລກ, ໄດ້ວາງພື້ນຖານອັນໜັກແໜ້ນໃຫ້ແກ່ການພົວພັນມິດຕະພາບ ຫວຽດນາມ - ຈີນ.

ທ່ານເລຂາທິການໃຫຍ່, ປະທານປະເທດ ໂຕເລີມ ແລະ ບັນດາຜູ້ເເທນຜູ້ຊົງຄຸນວຸດທິມິດຕະພາບ ຈີນ. (ພາບ: Tri Dung/TTXVN)

ທ່ານເລຂາທິການໃຫຍ່, ປະທານປະເທດ ໂຕເລີມ ໄດ້ສະແດງຄວາມຂອບໃຈເຖິງພັກ, ລັດ ຈີນ, ອົງຄະນະພັກ, ອຳນາດການປົກຄອງແຂວງ ກວາງຕຸ້ງ ທີ່ໄດ້ເອົາໃຈໃສ່ປົກປັກຮັກສາ ແລະ ອະນຸລັກຮັກສາສະຖານທີ່ເຂດຮ່ອງຮອຍສະມາຄົມຊາວໜຸ່ມປະຕິວັດຫວຽດນາມ, ສຸສານນັກຮົບເສຍສະຫຼະຊີວິດເພື່ອຊາດ ຟ້າມຮົ່ງໄທ, ບັນດາສັນຍາລັກແຫ່ງການພົວພັນມິດຕະພາບອັນເປັນມູນເຊື້ອ, ຄວາມສາມັກຄີ, ຄວາມສະໜິດຕິດພັນລະຫວ່າງສອງພັກ, ສອງປະເທດ ແລະ ປະຊາຊົນ ຫວຽດນາມ - ຈີນ.

ທ່ານເລຂາທິການໃຫຍ່, ປະທານປະເທດ ໂຕເລີມ ເຕັມໄປດ້ວຍຄວາມເຊື່ອໝັ້ນວ່າ ຜູ້ແທນທຸກຄົນທີ່ເຂົ້າຮ່ວມກອງປະຊຸມຄັ້ງນີ້, ບໍ່ວ່າຈະແມ່ນໃຜ ຫຼື ດຳລົງຕຳແໜ່ງກໍ່ຕາມ, ລ້ວນແຕ່ມີຄວາມປາຖະໜາລວມອັນໃຫຍ່ຫຼວງໃຫ້ແກ່ການພົວພັນ ຫວຽດນາມ - ຈີນ “ຂຽວສົດງົດງາມຕະຫຼອດໄປ, ໝັ້ນຄົງຂະໜົງແກ່ນຈົນຊົ່ວກາລະນານ” ແລະ ຈະສືບຕໍ່ມີບັນດາການປະກອບສ່ວນສຳຄັນເຂົ້າໃນການ “ປັບປຸງພື້ນຖານສັງຄົມໃຫ້ເຂັ້ມແຂງກວ່າ” ຄືໄດ້ຢືນຢັນໃນຖະແຫຼງການຮ່ວມ ຫວຽດນາມ - ຈີນ ເນື່ອງໃນໂອກາດການຢ້ຽມຢາມ ຫວຽດນາມ ຂອງທ່ານເລຂາທິການໃຫຍ່, ປະທານປະເທດ ຈີນ ສີຈິ້ນຜິງ ໃນເດືອນທັນວາ 2023, ຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ, ປະຊາຄົມແບ່ງປັນອະນາຄົດ ຫວຽດນາມ - ຈີນ.

ສ້າງເວທີໃຫ້ຊາວຫວຽດນາມອາໄສຢູ່ຕ່າງປະເທດ ສະເໜີແຜນການພັດທະນາສີຂຽວ ແລະຍືນຍົງ

ຍສໝ - ແຕ່ວັນທີ 21 – 24 ສິງຫາ 2024, ກອງປະຊຸມໃຫຍ່ຊາວຫວຽດນາມຢູ່ຕ່າງປະເທດໃນທົ່ວໂລກ ຄັ້ງທີ 4 ແລະ ເວທີນັກປັນຍາຊົນ ແລະ ນັກຊ່ຽວຊານຫວຽດນາມຢູ່ຕ່າງປະເທດ ປີ 2024 ຈະດຳເນີນຢູ່ຮ່າໂນ້ຍ.

ຫວຽດນາມ - ອີຣານ ຮ່ວມກັນຂຸດຄົ້ນຄວາມສາມາດບົ່ມຊ້ອນ, ກາລະໂອກາດພັດທະນາການທ່ອງທ່ຽວ

ຍສໝ - “ອີຣານ ມີຊື່ສຽງດ້ວຍບັນດາທິວທັດທຳມະຊາດທີ່ສວຍງາມ, ຫວຽດນາມ ພັດແມ່ນສະຖານທີ່ດຶງດູດ ດ້ວຍທິວທັດທຳມະຊາດທີ່ສວຍງາມມີເອກະລັກພິເສດຂອງທິດຕາເວັນອອກ. ປະຊາຊົນທັງສອງປະເທດ ມີຄວາມເປັນມິດ, ຮັກແພງແຂກຄົນ... ນັ້ນແມ່ນບັນດາຄວາມສາມາດບົ່ມຊ້ອນ ແລະ ກາລະໂອກາດ ເພື່ອໃຫ້ 2 ຝ່າຍພັດທະນາການທ່ອງທ່ຽວຜ່ານການແລກປ່ຽນປະສົບການ ແລະ ການຮ່ວມມື”. ທ່ານ Ali Akbar Nazari, ເອກອັກຄະລັດຖະທູດ ອີຣານ ປະຈຳ ...

ມີງດຶກ