 | ນັກຮຽນຮູ້ ຫວຽດນາມ: ການປ່ຽນແປງໃໝ່ວິທະຍາສາດເຕັກໂນໂລຢີຢູ່ ຈີນ ຈະສືບຕໍ່ມີບາດກ້າວບຸກທະລຸຫຼາຍຢ່າງ |
| ຍູ້ແຮງການຮ່ວມມືມິດຕະພາບ ຫວຽດນາມ - ໄທ ຜ່ານບັນດາການເຄື່ອນໄຫວທາງການທູດປະຊາຊົນ |
ກ່າວຄຳປາໄສທີ່ງານບຸນໝາກໄມ້ຫວຽດນາມ ຢູ່ຈີນ, ທ່ານລັດຖະມົນຕີ ຫງວຽນຮົ່ງຢ່ຽນ ເນັ້ນໜັກວ່າ ງານບຸນໝາກໄມ້ຫວຽດນາມ ດ້ວຍຫົວຂໍ້ “ໝາກໄມ້ຫວຽດນາມ - ສີ່ລະດູທີ່ຫອມແຊບ” - ແມ່ນເຫດການສົ່ງເສີມການຄ້າທີ່ສຳຄັນ, ປິ່ນອ້ອມກອງປະຊຸມ ຄັ້ງທີ 13, ຄະນະກຳມະການການຮ່ວມມືເສດຖະກິດການຄ້າ ຫວຽດນາມ - ຈີນ.
 |
| ພິທີເປີດງານບຸນໝາກໄມ້ຫວຽດນາມ ຢູ່ປັກກິ່ງ, ຈີນ. ພາບ: moit.gov.vn |
“ເຫດການນີ້ຍັງຈະເປັນປະຖົມປັດໄຈ, ບົດຮຽນປະສົບການເພື່ອຈັດຕັ້ງບັນດາງານບຸນສະເພາະຂະແໜງເປັນປະຈຳກ່ວາອີກ ແລະ ບໍ່ພຽງແຕ່ຢູ່ປັກກິ່ງ ເທົ່ານັ້ນ, ຫາກຍັງຢູ່ບັນດາທ້ອງຖິ່ນອື່ນໆຂອງຈີນ ເພື່ອເຊື່ອມຕໍ່, ເປີດກວ້າງການສົ່ງອອກໝາກໄມ້ຫວຽດນາມ ໄປຍັງທ້ອງຕະຫຼາດໃຫຍ່ແຫ່ງນີ້” - ທ່ານລັດຖະມົນຕີ ຫງວຽນຮົ່ງຢ່ຽນ ເນັ້ນໜັກ.
ທ່ານລັດຖະມົນຕີໄດ້ສະເໜີວ່າ ບັນດາອົງການທີ່ມີໜ້າທີ່ຂອງຈີນ ສືບຕໍ່ສົມທົບກັນ, ສ້າງເງື່ອນໄຂສະດວກກ່ຽວກັບການກັກກັນພະຍາດ, ຜ່ານດ່ານສິນຄ້າ ແລະ ການແກ້ໄຂບັນຫາທີ່ກ່ຽວຂ້ອງເຖິງນະໂຍບາຍເສດຖະກິດ, ການຄ້າສອງຝ່່າຍລະຫວ່າງສອງປະເທດ, ສ້າງຄວາມສະດວກໃຫ້ແກ່ການເຄື່ອນໄຫວຮ່ວມມື, ແລກປ່ຽນການຄ້າລະຫວ່າງປະຊາຄົມວິສາຫະກິດຂອງສອງປະເທດ; ພິເສດແມ່ນສືບຕໍ່ເປີດປະຕູທ້ອງຕະຫຼາດ, ເປີດກວ້າງບັນຊີລາຍຊື່ໝາກໄມ້, ຜະລິດຕະພັນກະສິກຳຂອງຫວຽດນາມ ທີ່ສົ່ງອອກໃນໂຄຕ້າໄປຍັງຈີນ. ໂດຍຜ່ານນັ້ນ, ກໍ່ປະກອບສ່ວນໂຄສະນາເຜີຍແຜ່ລົດຊາດໝາກໄມ້ທີ່ເປັນເອກະລັກສະເພາະ, ຫອມແຊບຂອງຫວຽດນາມ ໃຫ້ແກ່ເພື່ອນມິດ, ຜູ້ບໍລິໂພກຈີນ.
ສ່ວນທ່ານລັດຖະມົນຕີ ຫງວຽນຮົ່ງຢ່ຽນ ຢືນຢັນວ່າ ຫວຽດນາມ ພ້ອມແລ້ວທີ່ຈະສ້າງເງື່ອນໄຂສະດວກຕາມຂໍ້ກຳນົດຂອງກົດໝາຍ ເພື່ອໃຫ້ບັນດາໝາກໄມ້ຫຼາຍປະເພດຂອງຈີນ ໄດ້ນຳເຂົ້າທ້ອງຕະຫຼາດຫວຽດນາມ, ກໍ່ຄືຊ່ວຍໃຫ້ວິສາຫະກິດຈີນ ລົງທຶນ, ດຳເນີນທຸລະກິດຢ່າງມີປະສິດທິຜົນ, ຍືນຍົງຢູ່ຫວຽດນາມ.
ໂດຍແບ່ງປັນຄວາມຄິດເຫັນຄືກັນ, ທ່ານຮອງລັດຖະມົນຕີກະຊວງກະສິກຳ ແລະ ພັດທະນາຊົນນະບົດ ຫວຽດນາມ ເຈີ່ນແທ່ງນາມ ເນັ້ນໜັກວ່າ ເຫດການຄັ້ງນີ້ ມີຄວາມໝາຍສຳຄັນຫຼາຍ, ເປັນຂີດໝາຍໝາກຜົນການຮ່ວມມືອັນດີງາມໃນຂົງເຂດກະສິກຳ ແລະ ການຄ້າກະສິກຳລະຫວ່າງ 2 ປະເທດ. ນີ້ກໍ່ແມ່ນໂອກາດອັນລ້ຳຄ່າເພື່ອໃຫ້ບັນດາວິສາຫະກິດຂອງສອງປະເທດໄດ້ເຊື່ອມຕໍ່, ແລກປ່ຽນການຄ້າ, ຊຸກຍູ້ການຮ່ວມມືພັດທະນາອຸດສາຫະກຳໝາກໄມ້ຂອງສອງປະເທດ.
ຕາມທ່ານຮອງຫົວໜ້າກົມອາຊີ (ກະຊວງການຄ້າຈີນ) ແລ້ວ, ຈີນ ແມ່ນທ້ອງຕະຫຼາດສົ່ງອອກໝາກໄມ້, ພືດຜັກໃຫຍ່ທີ່ສຸດຂອງຫວຽດນາມ. ປີ 2023, ການສົ່ງອອກກະສິກຳຂອງຫວຽດນາມ ໄປຍັງຈີນ ກວມ 21% ຍອດວົງເງິນສົ່ງອອກກະສິກຳຂອງຫວຽດນາມ ໄປຍັງທົ່ວໂລກ.
 |
| ແຂກທ່ອງທ່ຽວເຂົ້າຮ່ວມງານບຸນໝາກໄມ້ຫວຽດນາມ. ພາບ: moit.gov.vn |
ດ້ວຍຄວາມມານະພະຍາຍາມລວມຂອງທັງສອງຝ່າຍ, ໝາກໄມ້ບັນດາປະເພດຂອງຫວຽດນາມ ທີ່ມີຄຸນນະພາບສູງຄື ໝາກທຸລຽນ, ໝາກມັງກອນ, ໝາກກ້ວຍ, ໝາກມ່ວງ… ໄດ້ມີໜ້າຢູ່ທ້ອງຕະຫຼາດປະຊາຊົນ 1,4 ຕື້ຄົນ. ພ້ອມກັນນັ້ນ, ບັນດາຜະລິດຕະພັນທີ່ຜະລິດຢູ່ຫວຽດນາມ ເຊັ່ນ: ກາເຟ, ເຝີ... ຍັງໄດ້ຮັບຄວາມນິຍົມຊົມຊອບຈາກຜູ້ບໍລິໂພກຊາວຈີນຫຼາຍຄົນ. ພ້ອມກັບການຜັນຂະຫຍາຍຮອບດ້ານຂອງສັນຍາຄູ່ຮ່ວມມືເສດຖະກິດຮອບດ້ານພາກພື້ນ (RCEP) ກໍ່ຄືການຍົກລະດັບສັນຍາການຄ້າເສລີຈີນ-ອາຊຽນ ຢ່າງບໍ່ຢຸດຢັ້ງນັ້ນ, ການຮ່ວມມືດ້ານເຕັກໂນໂລຢີ, ມາດຕະຖານ, ການຜະລິດກະສິກຳລະຫວ່າງສອງປະເທດກໍ່ນັບມື້ນັບພັດທະນາຕາມທິດເລິກເຊິ່ງກວ້າງຂວາງກ່ວາອີກ.
ການຈັດຕັ້ງງານບຸນໝາກໄມ້ຫວຽດນາມ ຢູ່ນະຄອນຫຼວງປັກກິ່ງ ແມ່ນຂໍ້ລິເລີ່ມຂອງລະຫວ່າງກະຊວງອຸດສາຫະກຳ ແລະ ການຄ້າ ແລະ ກະຊວງກະສິກຳ ແລະ ພັດທະນາຊົນນະບົດ ຫວຽດນາມ ເພື່ອປະກອບສ່ວນການຜັນຂະຫຍາຍ, ຫັນບັນດາຄຳໝັ້ນສັນຍາ ແລະ ຄວາມຕັດສິນໃຈດ້ານການເມືອງຂອງການນຳຂັ້ນສູງຂອງສອງປະເທດພາຍຫຼັງການໄປຢ້ຽມຢາມຈີນ ຂອງທ່ານເລຂາທິການໃຫຍ່, ປະທານປະເທດ ຫວຽດນາມ ໂຕເລີມ ໃນດືອນສິງຫາທີ່ຜ່ານມາໃຫ້ປະກົດຜົນເປັນຈິງ.
ໃນຂອບເຂດຂອງງານບຸນນີ້ ຈະໄດ້ດຳເນີນການເຄື່ອນໄຫວແລກປ່ຽນການຄ້າລະຫວ່າງວິສາຫະກິດຫວຽດນາມ ແລະ ຜູ້ນຳເຂົ້າ, ຈຳໜ່າຍໝາກໄມ້ຈີນ ໂດຍກົງ; ໂຄງການລົງຕົວຈິງຜະລິດຕະພັນ ແລະ ການເຈລະຈາກ່ຽວກັບຄວາມສາມາດບົ່ມຊ້ອນໃນການສົ່ງອອກໝາກໄມ້ ຫວຽດນາມ. ນີ້ແມ່ນໂອກາດທີ່ດີເພື່ອໃຫ້ນັກຜະລິດ, ສະໜອງຂອງຫວຽດນາມ ແນະນຳ, ໂຄສະນາເຄື່ອງໝາຍການຄ້າ, ຮູບພາບໝາກໄມ້ທີ່ພົ້ນເດັ່ນ, ກໍ່ຄືພົບປະ, ຊອກຫາລູກຄ້າ, ເພີ່ມທະວີການແລກປ່ຽນການຄ້າ, ສ້າງການພົວພັນຮ່ວມມືແບບຍືນຍົງກັບຄູ່ຮ່ວມມືທີ່ມີກຳລັງບົ່ມຊ້ອນກ່ຽວກັບການນຳເຂົ້າໝາກໄມ້ຢູ່ຈີນ.
ພ້ອມກັນນັ້ນ, ກໍ່ແມ່ນໂອກາດເພື່ອໃຫ້ຜູ້ບໍລິໂພກຈີນ ຈຳນວນຫຼວງຫຼາຍ ໄດ້ມີໂອກາດລົງຕົວຈິງໂດຍກົງກ່ຽວກັບຄຸນນະພາບ ແລະ ລົດຊາດທີ່ເປັນເອກະລັກສະເພາະ, ຄວາມແຕກຕ່າງຂອງໝາກໄມ້ຫວຽດນາມ, ພິເສດແມ່ນສຳລັບຜູ້ບໍລິໂພກຢູ່ນະຄອນຫຼວງປັກກິ່ງ ແລະ ທ້ອງຖິ່ນຢູ່ພາກເໜືອຂອງຈີນ - ບ່ອນທີ່ບໍ່ມີເງື່ອນໄຂເຂົ້າເຖິງໝາກໄມ້ຫວຽດນາມ ທີ່ມີຄຸນນະພາບສູງເປັນປະຈຳ, ຈາກນັ້ນ ກໍ່ຊ່ວຍໂຄສະນາເຄື່ອງໝາຍການຄ້າແຫ່ງຊາດເພື່ອຜະລິດຕະພັນກະເສດ ເວົ້າລວມ ແລະ ໝາກໄມ້ ເວົ້າສະເພາະ ຂອງຫວຽດນາມ ໄປຍັງທ້ອງຕະຫຼາດຈີນ.
 | ຫວຽດນາມ - ຍີ່ປຸ່ນ ເປີດກວ້າງການຮ່ວມມືດ້ານວີຊາ, ODA ແລະ ການສົ່ງອອກແຮງງານ ຍສໝ - ນີ້ແມ່ນເນື້ອໃນປຶກສາຫາລືທີ່ບັນດາການພົບປະລະຫວ່າງ ທ່ານລັດຖະມົນຕີກະຊວງການຕ່າງປະເທດ ຫວຽດນາມ ບຸ່ຍແທງເຊີນ ກັບທ່ານຮອງປະທານສະພາສູງ Nagahama Hiroyuki; ທ່ານນາງ Miyazaki Katsura ຮອງປະທານອົງການຮ່ວມມືສາກົນ ຍີ່ປຸ່ນ (JICA) ແລະ ທ່ານ Suzuki Naomichi ຜູ້ວ່າການແຂວງ Hokkaido ເຊິ່ງໄດ້ດຳເນີນໃນວັນທີ 9 ສິງຫາ ຢູ່ ... |
 | ນະຄອນໂຮ່ຈິມິນ ແລະກາເມົາ ສົມທົບກັນເຄື່ອນໄຫວວຽກງານການທູດປະຊາຊົນ ໄລຍະ 2024 – 2028 ຍສໝ - ສະຫະພັນບັນດາອົງການມິດຕະພາບນະຄອນ ໂຮ່ຈີມິນ ແລະ ສະຫະພັນບັນດາອົງການມິດຕະພາບແຂວງ ກາເມົາ ໄດ້ດຳເນີນພິທີລົງນາມ ຂໍ້ກຳນົດການປະສານສົມທົບກັນເຄື່ອນໄຫວວຽກງານການທູດປະຊາຊົນ ໄລຍະ 2024 – 2028. |
ມີງດຶກ
