ເຂົ້າຮ່ວມພິທີລົງນາມມີທ່ານ ໂດ້ຫວຽດຮ່າ, ປະທານສະຫະພັນບັນດາອົງການມິດຕະພາບນະຄອນໂຮ່ຈິມິນ; ທ່ານ ຫງວ້ຽນດົງເຄີຍ, ປະທານສະຫະພັນບັນດາອົງການມິດຕະພາບແຂວງ ກາເມົາ.
 |
| ພິທີລົງນາມຂໍ້ກຳນົດການປະສານສົມທົບກັນເຄື່ອນໄຫວວຽກງານການທູດປະຊາຊົນ ໄລຍະ 2024 – 2028 ລະຫວ່າງສະຫະພັນບັນດາອົງການມິດຕະພາບນະຄອນໂຮ່ຈິມິນ ກັບສະຫະພັນບັນດາອົງການມິດຕະພາບແຂວງ ກາເມົາ. ພາບ: HUFO |
ຕາມບົດບັນທຶກຊ່ວຍຈຳ ສະຫະພັນບັນດາອົງການມິດຕະພາບນະຄອນ ໂຮ່ຈີມິນ ແລະ ສະຫະພັນບັນດາອົງການມິດຕະພາບແຂວງ ກາເມົາ ຈະສົມທົບກັນຈັດຕັ້ງບັນດາການເຄື່ອນໄຫວສັນຕິພາບ, ຄວາມສາມັກຄີ, ມິດຕະພາບ ແລະ ການພົບປະແລກປ່ຽນປະຊາຊົນ; ແລກປ່ຽນວຽກງານຂໍ້ມູນຂ່າວສານ ແລະ ໜ້າທີ່ກ່ຽວກັບບັນຫາ,ການເຄື່ອນໄຫວທີ່ຕ້ອງການການໂຄສະນາເຜີຍແຜ່ ປຸກລະດົມ, ແບ່ງປັນຮຽນຮູ້ປະສົບການໃນຂົງເຂດການທູດປະຊາຊົນ ການລະດົມການຊ່ວຍເຫຼືອຈາກຕ່າງປະເທດທີ່ບໍ່ຂຶ້ນກັບລັດຖະບານ, ກໍ່ສ້າງກົງຈັກການຈັດຕັ້ງ, ການຝຶກອົບຮົມພະນັກງານ ແລະກົນໄກນະໂຍບາຍ. ສອງຝ່າຍກໍ່ສົມທົບກັນປຶກສາຫາລືກ່ຽວກັບການຈັດຕັ້ງ ແລະ ພັດທະນາບັນດາສະມາຄົມມິດຕະພາບສອງປະເທດ; ແລກປ່ຽນປະສົບການໃນການເຄື່ອນໄຫວວຽກງານ, ສະໜອງຂໍ້ມູນຂ່າວສານໃຫ້ແກ່ພະນັກງານ ແລະ ບັນດາສະມາຊິກກ່ຽວກັບສະພາບການສາກົນ ແລະ ບັນດາບັນຫາທີ່ກ່ຽວຂ້ອງ, ເພື່ອແນໃສ່ຜັນຂະຫຍາຍການເຄື່ອນໄຫວການທູດປະຊາຊົນ ແລະ ຂົນຂວາຍການອຸປະຖຳ.
ກ່າວຄຳເຫັນທີ່ພິທີລົງນາມ ທ່ານ ໂດ້ຫວຽດຮ່າ ໄດ້ສະແດງຄວາມປາດຖະໜາໃຫ້ສອງຫົວໜ່ວຍມີຫຼາຍການເຄື່ອນໄຫວສົມທົບກັນຢ່າງແໜ້ນແຟ້ນຕື່ມອີກໃນໄລຍະຈະມາເຖິງ ເພື່ອແນໃສ່ເສີມຂະຫຍາຍບົດບາດຂອງຕົນ ແລະ ຍົກສູງຄຸນນະພາບການເຄື່ອນໄຫວຂອງທ້ອງຖິ່ນ. ສອງຝ່າຍຈະສົມທົບກັນຜັນຂະຫຍາຍ, ຊຸກຍູ້ ແລະ ແລປ່ຽນປະສົບການໃນການລະດົມການຊ່ວຍເຫຼືອຈາກຕ່າງປະເທດທີ່ບໍ່ຂຶ້ນກັບລັດຖະບານ ເພື່ອແນໃສ່ພັດທະນາແບບຍືນຍົງ ແລະ ໝັ້ນຄົງ; ສົມທົບກັນຈັດຕັ້ງປະຕິບັດບັນດາເຫດການການເມືອງການຕ່າງປະເທດທີ່ສອງທ້ອງຖິ່ນຈັດຂື້ນໃຫ້ເປັນຢ່າງດີ.
ອານຸໄຊ ສະຫວັດ
