ທີ່ການພົບປະ, ທ່ານລັດຖະມົນຕີກະຊວງການຕ່າງປະເທດ ບຸ່ຍແທງເຊີນ ໄດ້ຢືນຢັນວ່າ ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຍີ່ປຸ່ນ ສືບຕໍ່ພັດທະນາຢ່າງແທດຈິງ, ມີປະສິດທິຜົນໃນທຸກຂົງເຂດ ດ້ວຍຄວາມໄວ້ເນື້ອເຊື່ອໃຈດ້ານການເມືອງສູງ. ຍີ່ປຸ່ນ ແມ່ນໜຶ່ງໃນບັນດາຄູ່ຮ່ວມມືສຳຄັນແຖວໜ້າຂອງ ຫວຽດນາມ ໃນບັນດາຂົງເຂດ ODA, ການລົງທຶນ, ການຄ້າ, ແຮງງານ. ແຫຼ່ງທຶນ ODA ຂອງຍີ່ປຸ່ນ ໄດ້ປະກອບສ່ວນຢ່າງສຳຄັນ ເຂົ້າໃນການກໍ່ສ້າງພື້ນຖານໂຄງລ່າງ ດ້ວຍຫຼາຍໂຄງການທີ່ເປັນສັນຍາລັກສະເພາະຂອງການພົວພັນສອງປະເທດ. ສອງປະເທດກໍ່ພວມເປີດກວ້າງການຮ່ວມມືໃນຂົງເຂດໃໝ່ຄື ການຫັນປ່ຽນພະລັງງານ, ການຫັນເປັນສີຂຽວ, ການຫັນເປັນດີຈີຕອນ...
ສະເໜີການຍົກເວັ້ນວີຊາເຂົ້າເມືອງ, ໃຫ້ວີຊາໄລຍະຍາວແກ່ພົນລະເມືອງ ຫວຽດນາມ
ທີ່ການພົບປະກັບທ່ານຮອງປະທານສະພາສູງ Nagahama Hiroyuki, ທ່ານ ບຸ່ຍແທງເຊີນ ສະເໜີໃຫ້ ຍີ່ປຸ່ນ ເອົາໃຈໃສ່, ສະໜັບສະໜູນ ແລະ ຊຸກຍູ້ການພົບປະແລກປ່ຽນຄະນະຜູ້ແທນທຸກຂັ້ນ, ພົບປະແລກປ່ຽນສະພາແຫ່ງຊາດ, ພົບປະແລກປ່ຽນລະຫວ່າງບັນດາສະມາຊິກລັດຖະສະພາໜຸ່ມ, ສະມາຊິກລັດຖະສະພາເພດຍິງ; ສະໜັບສະໜູນສອງປະເທດ ເຮັດໃຫ້ການຮ່ວມສຳພັນເສດຖະກິດຜ່ານການຊຸກຍູ້ການຮ່ວມມືດ້ານ ODA, ການລົງທຶນ, ການຄ້າ... ເລິກເຊິ່ງກ່ວາອີກ.
 |
| ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ໄດ້ພົບປະກັບ ທ່ານຮອງປະທານສະພາສູງ ຍີ່ປຸ່ນ Nagahama Hiroyuki. (ພາບ: ໜັງສືພິມໂລກ ແລະ ຫວຽດນາມ) |
ພ້ອມກັນນັ້ນ, ກໍ່ຊຸກຍູ້ການຮ່ວມມືລະຫວ່າງສອງປະເທດໃນການບຳລຸງສ້າງແຫຼ່ງຊັບພະຍາກອນມະນຸດທີ່ມີຄຸນນະພາບສູງໃນຂົງເຂດເຄິ່ງຊັກນຳໄຟຟ້າ, ປັນຍາປະດິດ, ການຫັນເປັນດິຈິຕອນ, ການຫັນເປັນສີຂຽວ, ທາງລົດໄຟ ແລະ ທາງລົດໄຟຄວາມໄວສູງ; ຊຸກຍູ້ການພົບປະແລກປ່ຽນ, ການເຊື່ອມຕໍ່ທ້ອງຖິ່ນ; ເປີດກວ້າງການຮ່ວມມືດ້ານວັດທະນະທຳ ແລະ ການພົບປະແລກປ່ຽນປະຊາຊົນ.
ທ່ານ ບຸ່ຍແທງເຊີນ ສະໜັບສະໜູນລັດຖະບານ ຍີ່ປຸ່ນ ສືບຕໍ່ຫັນຂັ້ນຕອນເປັນງ່າຍດາຍ ແລະ ມຸ່ງໄປເຖິງການຍົກເວັ້ນວີຊາເຂົ້າເມືອງ, ພິຈາລະນາໃຫ້ວີຊາໄລຍະຍາວແກ່ພົນລະເມືອງ ຫວຽດນາມ.
ເຫັນດີເປັນເອກະພາບກັບບັນດາຂໍ້ສະເໜີຂອງ ຫວຽດນາມ, ທ່ານ Hiroyuki ໄດ້ຢືນຢັນວ່າ ຈະສະໜັບສະໜູນການຊຸກຍູ້ການພົວພັນຄູ່ຮ່ວມມືຍຸດທະສາດຮອບດ້ານ ຫວຽດນາມ - ຍີ່ປຸ່ນ ໃນທຸກຂົງເຂດ; ເພີ່ມທະວີການພົບປະແລກປ່ຽນ, ການຮ່ວມມືຢ່າງແໜ້ນແຟ້ນລະຫວ່າງອົງການນິຕິບັນຍັດຂອງສອງປະເທດໃນໄລຍະຈະມາເຖິງ.
ທ່ານກໍ່ໃຫ້ຮູ້ວ່າ: ຍີ່ປຸ່ນ ຈະສືບຕໍ່ສ້າງເງື່ອນໄຂເພື່ອໃຫ້ຄົນງານ, ນັກຝຶກງານຫວຽດນາມ ມີຄວາມສະຫງົບປອດໄພໃນການເຮັດວຽກໃນຂອບເຂດລະບົບໃໝ່ “ບຳລຸງສ້າງ-ເຮັດວຽກ” ເຊິ່ງ ຍີ່ປຸ່ນ ໄດ້ປະກາດໃຊ້ເພື່ອປ່ຽນແທນລະບອບ “ນັກຝຶກງານທັກສະ”.
ຍູ້ແຮງລະດັບຄວາມຄືບໜ້າບັນດາໂຄງການ ODA ຢູ່ ຫວຽດນາມ
 |
| ທ່ານລັດຖະມົນຕີການຕ່າງປະເທດ ຫວຽດນາມ ບຸ່ຍແທງເຊີນ ໄດ້ພົບປະ, ແລກປ່ຽນກັບທ່ານຮອງປະທານອົງການຮ່ວມມືສາກົນ ຍີ່ປຸ່ນ (JICA). (ພາບ: ໜັງສືພິມໂລກ ແລະ ຫວຽດນາມ) |
ເມື່ອເຮັດວຽກກັບທ່ານຮອງປະທານ JICA ນາງ Miyazaki Katsura, ທ່ານ ບຸ່ຍແທງເຊີນ ໄດ້ຢືນຢັນວ່າ ລັດຖະບານ ຫວຽດນາມ ສືບຕໍ່ຖື ODA ແມ່ນແຫຼ່ງທຶນສຳຄັນ, ບຸລິມະສິດໃນບັນດາໂຄງການກໍ່ສ້າງພື້ນຖານໂຄງລ່າງໃຫຍ່, ຈຸດສຸມໃນໄລຍະຈະມາເຖິງ. ບົນຈິດໃຈນັ້ນ, ຝ່າຍ ຫວຽດນາມ ໄດ້ສະເໜີໃຫ້ ຍີ່ປຸ່ນ ຊຸກຍູ້ໂຄງການຮ່ວມມື ODA ທີ່ສຳຄັນລະຫວ່າງ 2 ປະເທດຈຳນວນໜຶ່ງ.
ທ່ານຮອງປະທານ JICA ໄດ້ເຫັນດີເປັນເອກະພາບພິຈາລະນາຂໍ້ສະເໜີຂອງຝ່າຍ ຫວຽດນາມ ກ່ຽວກັບການຜັນຂະຫຍາຍບັນດາໂຄງການກູ້ຢືມ ODA, ໜູນຊ່ວຍບຳລຸງສ້າງແຫຼ່ງຊັບພະຍາກອນມະນຸດໃນບັນດາຂົງເຂດໃໝ່ຄື ການຫັນເປັນດີຈີຕອນ, ນະວັດຕະກຳ.
Hokkaido ຢາກຮັບຄົນງານ ຫວຽດນາມ ຕື່ມອີກ
 |
| ທ່ານລັດຖະມົນຕີວ່າການກະຊວງການຕ່າງປະເທດ ຫວຽດນາມ ບຸ່ຍແທງເຊີນ (ຊ້າຍ) ແລະ ທ່ານ Suzuki Naomichi ຜູ້ວ່າການແຂວງ Hokkaido. (ພາບ: ໜັງສືພິມປະຊາຊົນ) |
ໃນການພົບປະແລກປ່ຽນກັບທ່ານ Suzuki Naomichi ຜູ້ວ່າການແຂວງ Hokkaido, ທ່ານ ບຸ່ຍແທງເຊີນ ສະເໜີໃຫ້ແຂວງ Hokkaido ສືບຕໍ່ເພີ່ມທະວີການຮ່ວມມືກັບບັນດາທ້ອງຖິ່ນຂອງ ຫວຽດນາມ ໃນບັນດາຂົງເຂດທີ່ລະອຽດ, ເເທດຈິງຄື ການຄ້າ, ການລົງທຶນ, ການທ່ອງທ່ຽວ, ວັດທະນະທຳ, ການສອນພາສາຍີ່ປຸ່ນ. ທ່ານ ກໍ່ໄດ້ສົ່ງເສີມໃຫ້ບັນດາວິສາຫະກິດຂອງແຂວງລົງທຶນເຂົ້າ ຫວຽດນາມ ຫຼາຍກ່ວາອີກໃນບັນດາຂົງເຂດທີ່ແຂວງ Hokkaido ມີທ່າແຮງຄື ກະສິກຳເຕັກໂນໂລຢີສູງ, ປ່າໄມ້, ການປຸງແຕ່ງ ແລະ ສົ່ງອອກສິນທະເລ...
ພ້ອມກັນນັ້ນ, ກໍ່ເພີ່ມທະວີການຮ່ວມມືດ້ານບຳລຸງສ້າງແຫຼ່ງຊັບພະຍາກອນມະນຸດ, ພິເສດແມ່ນແຫຼ່ງຊັບພະຍາກອນມະນຸດທີ່ມີຄຸນນະພາບສູງໃນຂະແໜງເຄິ່ງຊັກນຳໄຟຟ້າ, ເປີດກວ້າງການຮັບເອົານັກຝຶກງານຫວຽດນາມ, ເອົາໃຈໃສ, ສ້າງເງື່ອນໄຂສະດວກໃຫ້ປະຊາຄົມຊາວ ຫວຽດນາມ ເພື່ອດຳລົງຊີວິດ, ຮ່ຳຮຽນ ແລະ ເຮັດວຽກຢູ່ແຂວງ Hokkaido.
ໂດຍຕີລາຄາສູງການປະກອບສ່ວນຂອງປະຊາຄົມຊາວຫວຽດນາມ ປະມານ 12.000 ຄົນຢູ່ Hokkaido, ທ່ານ Suzuki Naomichi ໃຫ້ຮູ້ວ່າ ແຂວງປາດຖະໜາຢາກເພີ່ມທະວີການຮ່ວມມືກັບບັນດາທ້ອງຖິ່ນຂອງຫວຽດນາມ, ຮັບເອົາຄົນງານທີ່ມີຄຸນະພາບສູງ, ນັກຝຶກງານ ຫວຽດນາມ ເຂົ້າມາເຮັດວຽກຢູ່ແຂວງຫຼາຍກວ່າອີກ ແລະ ເຫັນດີເປັນເອກະພາບຊຸກຍູ້ການຮ່ວມມືດ້ານບຳລຸງສ້າງແຫຼ່ງຊັບພະຍາກອນມະນຸດ.
 | ພາຍຫຼັງໄດ້ຮັບການຈັດຕັ້ງ, ສະມາຄົມມິດຕະພາບ ຫວຽດນາມ - ຍີ່ປຸ່ນ ໄດ້ມີການເຄື່ອນໄຫວດ້ວຍເປົ້າໝາຍ ແລະ ໜ້າທີ່ແມ່ນໂຄສະນາ, ຂົນຂວາຍ, ເຊື່ອມຕໍ່ການພົວພັນຊ່ວຍປະຊາຊົນແຂວງ ແທງຮວາ ແລະ ປະຊາຊົນຍີ່ປຸ່ນ ຊອກຮູ້ກ່ຽວກັບມູນເຊື້ອປະຫວັດສາດ, ວັດທະນະທຳ, ຮີດຄອງປະເພນີ, ແບບແຜນການດຳລົງຊີວິດດ້ານເສດຖະກິດ ສັງຄົມ, ວິທະຍາສາດ - ເຕັກນິກ ຂອງແຕ່ລະປະເທດ. ຜ່ານນັ້ນກໍເພີ່ມທະວີຄວາມເຂົ້າໃຈເຊິ່ງກັນແລະກັນ, ປະກອບສ່ວນຊຸກຍູ້ການພົວພັນຄູ່ຮ່ວມມືລະຫວ່າງສອງປະເທດ. |
 | ຊຸກຍູ້ການພົວພັນຄູ່ຮ່ວມມືຍຸດທະສາດ ຫວຽດນາມ - ຍີ່ປຸ່ນ ຜ່ານຊ່ອງທາງລັດຖະສະພາ ວັນທີ 11 ມິຖຸນາ, ຢູ່ຫໍສະພາແຫ່ງຊາດ, ກຸ່ມສະມາຊິກລັດຖະສະພາ ຫວຽດນາມ - ຍີ່ປຸ່ນ ໄດ້ຈັດການພົບປະເພື່ອແຈ້ງໃຫ້ຊາບກ່ຽວກັບຜົນງານການເຄື່ອນໄຫວໃນໄລຍະຈະຜ່ານມາ, ແລກປ່ຽນກ່ຽວກັບການກຳນົດທິດ, ແຜນການເຄື່ອນໄຫວຂອງກຸ່ມໃນອະຍຸການສະພາແຫ່ງຊາດຊຸດທີ XV. |
ມີງດຶກ
