7 ໜ້າທີ່ຈຸດສຸມ
ຕາມທິດທາງທີ່ໄດ້ສະເໜີທີ່ກອງປະຊຸມໃຫຍ່, ໃນອາຍຸການ2024-2029, ສະຫະພັນບັນດາອົງການມິດຕະພາບແຂວງ ເງ້ອານ ໄດ້ສຸມໃສ່ 7 ໜ້າທີ່ຈຸດສຸມ ເພື່ອຊຸກຍູ້ການວຽກງານການທູດປະຊາຊົນທີ່ປະດິດສ້າງ ແລະ ມີປະສິດທິຜົນ, ລວມມີ:
ຍົກສູງປະສິດທິຜົນຂອງວຽກງານຂໍ້ມູນຂ່າວສານການຕ່າງປະເທດ; ປ່ຽນແປງໃໝ່ເນື້ອໃນ, ຫັນບົດຂ່າວ ແລະ ຮູບພາບເປັນຫຼາຍຮູບຫຼາຍແບບ; ນຳໃຊ້ເຕັກໂນໂລຢີທີ່ກ້າວໜ້າເຂົ້າໃນວຽກງານໂຄສະນາເຜີຍແຜ່, ທັນເວລາ, ຊັດເຈນ, ໜ້າສົນໃຈ.
 |
| ຄະນະບໍລິຫານງານສະຫະພັນບັນດາອົງການມິດຕະພາບແຂວງ ເງ້ອານ ອາຍຸການ 2024-2029 ໄດ້ເປີດຕົວທີ່ກອງປະຊຸມໃຫຍ່. (ພາບ: tuyenhinnhghean.vn) |
ໂດຍສືບຕໍ່ຜັນຂະຫຍາຍການປະຕິບັດບັນດາຄຳສັ່ງ, ມະຕິ, ແຜນການ, ຂໍ້ສະຫຼຸບຂອງສູນກາງ ແລະ ແຂວງ ເງ້ອານ ກ່ຽວກັບວຽກງານການທູດປະຊາຊົນ; ເຜີຍແຜ່, ໂຄສະນາເພື່ອໃຫ້ສະມາຊິກໄດ້ຮັບຮູ້ຢ່າງຈະແຈ້ງກ່ຽວກັບ ແຜນນະໂຍບາຍ, ທັດສະນະຂອງພັກ, ນະໂຍບາຍ, ກົດໝາຍຂອງລັດກ່ຽວກັບການເພີ່ມທະວີການນຳພາຂອງພັກ, ສືບຕໍ່ປ່ຽນແປງໃໝ່, ຍົກສູງປະສິດທິຜົນວຽກງານການທູດປະຊາຊົນໃນສະພາບການໃໝ່.
ປະຕິບັດລະບຽບຂໍ້ກຳນົດສົມທົບກັບການປະຕິບັດວຽກງານການທູດປະຊາຊົນຢ່າງມີປະສິດທິຜົນ ລະຫວ່າງຄະນະກຳມະການແນວໂຮມປະເທດຊາດ ຫວຽດນາມ ແຂວງ ເງ້ອານ, ພະແນກພົວພັນຕ່າງປະເທດ ແລະ ສະຫະພັນບັນດາອົງການມິດຕະພາບແຂວງ ເງ້ອານ ໄລຍະ 2021-2026 ແລະ ການສົມທົບກັນຈັດຕັ້ງບັນດາການເຄື່ອນໄຫວວຽກງານການທູດປະຊາຊົນ ກັບບັນດາພະແນກ, ຄະນະ, ຂະແໜງການ, ທ້ອງຖິ່ນ, ບັນດາມະຫາວິທະຍາໄລ, ວິທະຍາໄລ, ວິສາຫະກິດ ແລະ ອົງການຈັດຕັ້ງປະຊາຊົນ.
ການປ່ຽນແປງໃໝ່ເນື້ອໃນ ແລະ ຮູບແບບການພົວພັນມິດຕະພາບ, ການຮ່ວມມື; ປັບປຸງ ແລະ ຍົກສູງການພົວພັນທີ່ມີຢູ່ແລ້ວຢ່າງປະສິດທິຜົນ, ສ້າງບັນດາການພົວພັນໃໝ່; ລະດົມຂຸດຄົ້ນແຫຼ່ງຊັບພະຍາກອນຢ່າງຕັ້ງໜ້າ, ຫັນແຫຼ່ງຊ່ວຍເຫຼືອເປັນຫຼາຍຮູບຫຼາຍແບບ, ສົມທົບກັນນຳໃຊ້ແຫຼ່ງຊັບພະຍາກອນສາກົນຢ່າງມີປະສິດທິຜົນເພື່ອຮັບໃຊ້ໃຫ້ແກ່ການພັດທະນາເສດຖະກິດ - ສັງຄົມຂອງແຂວງ.
ຈັດຕັ້ງບັນດາການເຄື່ອນໄຫວສັນຕິພາບ, ການພົບປະແລກປ່ຽນມິດຕະພາບກັບປະຊາຊົນບັນດາປະເທດ, ປ່ຽນແປງໃໝ່ເນື້ອໃນ, ຍົກສູງວຽກງານລະດົມຢ່າງມີປະສິດທິຜົນ, ສະໜິດຕິດພັນຢ່າງກົມກຽວຜົນປະໂຫຍດດ້ານເສດຖະກິດກັບການຮັບປະກັນຄວາມຮຽກຮ້ອງການດ້ານການຕ່າງປະເທດ ແລະ ການປ້ອງກັນຊາດ ປ້ອງກັນຄວາມສະຫງົບເພື່ອຜົນປະໂຫຍດຂອງປະເທດຊາດ, ປະຊາຊົນໃນບັນດາການເຄື່ອນໄຫວວຽກງານການທູດປະຊາຊົນ.
ການປ່ຽນແປງໃໝ່ເນື້ອໃນ, ວິທີລະດົມຊາວຫວຽດນາມ ອາໄສຢູ່ຕ່າງປະເທດທີ່ມີເຊື້ອສາຍ ເງ້ອານ ເພື່ອປະກອບສ່ວນເຂົ້າໃນພາລະກິດແຫ່ງການສ້າງສາ ແລະ ພັດທະນາບ້ານເກີດເມືອງນອນ, ປະເທດຊາດ.
ຕັ້ງໜ້າເຂົ້າຮ່ວມວຽກງານຮັບປະກັນຊີວິດສັງຄົມ ແລະ ວຽກງານການກຸສົນ, ມະນຸດສະທຳ.
ການປ່ຽນແປງໃໝ່ແນວຄິດຈິນຕະນາການການທູດປະຊາຊົນ
ກ່າວຄຳປາໄສທີ່ກອງປະຊຸມໃຫຍ່, ທ່ານ ຫງວຽນຫງອກຮຸ່ງ, ຮອງປະທານສະຫະພັນບັນດາອົງການມິດຕະພາບ ຫວຽດນາມ ໄດ້ສະເໜີໃຫ້ສະຫະພັນບັນດາອົງການມິດຕະພາບແຂວງ ເງ້ອານ ເອົາໃຈໃສ່ເຖິງ 5 ຂົງເຂດວຽກງານໃນໄລຍະຈະມາເຖິງ:
 |
| ທ່ານຮອງປະທານສະຫະພັນບັນດາອົງການມິດຕະພາບ ຫວຽດນາມ ຫງວຽນຫງອກຮຸ່ງ ໄດ້ມອບໃບຍ້ອງຍໍໃຫ້ບັນດາກົມກອງລວມໝູ່, ສ່ວນບຸກຄົນ. (ພາບ: tuyenhinnhghean.vn) |
ທີໜຶ່ງ, ສະຫະພັນບັນດາອົງການມິດຕະພາບແຂວງ ເງ້ອານ ເປັນເສນາທິການໃຫ້ຄະນະພັກແຂວງ ສືບຕໍ່ເຊື່ອມຊຶມບັນດາຄຳຊີ້ນຳຂອງພັກກ່ຽວກັບວຽກງານການທູດປະຊາຊົນ ເພື່ອໃຫ້ທົ່ວລະບົບການເມືອງ ແລະ ປະຊາຊົນເຂົ້າໃຈຢ່າງຈະແຈ້ງເຖິງບົດບາດຂອງວຽກງານການທູດປະຊາຊົນ. ໃນນັ້ນ, ສະຫະພັນບັນດາອົງການມິດຕະພາບແຂວງ ເງ້ອານ ແລະ ບັນດາອົງການສະມາຊິກລ້ວນແຕ່ມີບົດບາດນຳໜ້າ.
ທີສອງ, ການປ່ຽນແປງໃໝ່ແນວຄິດ, ວິທີເຂົ້າເຖິງ, ກໍ່ຄືແບບວິທີ ແລະ ເນື້ອໃນການຜັນຂະຫຍາຍບັນດາການເຄື່ອນໄຫວວຽກງານການທູດປະຊາຊົນຕາມທິດທາງທີ່ເລິກເຊິ່ງ ແລະ ແທດຈິງ, ພ້ອມກັບວຽກງານການພົວພັນຕ່າງປະເທດຂອງພັກ ແລະ ການທູດແຫ່ງລັດ ເພື່ອສ້າງບັນດາການປະກອບສ່ວນທີ່ລະອຽດ, ມີປະສິດທິຜົນເຂົ້າໃນພາລະກິດແຫ່ງການປົກປັກຮັກສາປະເທດຊາດ ແລະ ພັດທະນາເສດຖະກິດ - ສັງຄົມ.
ທີສາມ, ຍູ້ແຮງວຽກງານການລະດົມຊ່ວຍເຫຼືອທີ່ບໍ່ຂຶ້ນກັບລັດຖະບານຕ່າງປະເທດ, ສຸມໃສ່ປັບປຸງການພົວພັນກັບບັນດາອົງການ ແລະ ຜູ້ອຸປະຖຳທີ່ພວມເຄື່ອນໄຫວຢູ່ທ້ອງຖິ່ນ. ພ້ອມກັນນັ້ນ, ກໍ່ສົມທົບກັນຢ່າງແໜ້ນແຟ້ນກັບບັນດາພະແນກ, ຄະນະ, ຂະແໜງການ ເພື່ອແກ້ໄຂບັນດາຄົງຄ້າງ, ພິເສດແມ່ນຂັ້ນຕອນການບໍລິຫານ, ເພື່ອຮັບປະກັນບັນດາລາຍການ ແລະ ໂຄງການໄດ້ຮັບການຜັນຂະຫຍາຍຢ່າງສະດວກ. ນອກນີ້, ກໍ່ຕ້ອງເປັນເຈົ້າການໃນການສ້າງຂໍ້ສະເໜີຮ່ວມມືໃນຂົງເຂດໃໝ່ຄື: ເຕັກໂນໂລຢີສູງ, ພະລັງງານສີຂຽວ ແລະ ການທ່ອງທ່ຽວຊຸມຊົນ...
ທີສີ່, ສືບຕໍ່ເສີມຂະຫຍາຍບັນດາຜົນງານທີ່ບັນລຸໄດ້ໃນວຽກງານຂໍ້ມູນຂ່າວສານການຕ່າງປະເທດໃນອາຍຸການຜ່ານມາ, ເພື່ອເປີດກວ້າງຂອບເຂດ ແລະ ເປົ້າໝາຍຜູ້ອ່ານຂອງເວັບໄຊຂໍ້ມູນຂ່າວສານເອເລັກໂຕນິກສັງລວມ. ສະຫະພັນບັນດາອົງການມິດຕະພາບແຂວງ ເງ້ອານ ຕ້ອງເພີ່ມທະວີການລົງທຶນເຂົ້າໃນເຕັກໂນໂລຢີ, ເນື້ອໃນ ແລະ ການເຄື່ອນໄຫວເຜີຍແຜ່. ການໂຄສະນາເຜີຍແຜ່ບັນດາແຜນນະໂຍບາຍ, ນະໂຍບາຍຂອງລັດ, ພ້ອມທັງບັນດາໝາກຜົນທີ່ແຂວງ ເງ້ອານ ບັນລຸໄດ້ ຈະຊ່ວຍໃຫ້ເພື່ອນມິດສາກົນ ເຂົ້າໃຈກ່ຽວກັບບັນດານະໂຍບາຍ, ຜົນງານຢ່າງຈະແຈ້ງກ່ວາອີກໃນການພັດທະນາເສດຖະກິດ - ສັງຄົມ, ວັດທະນະທຳ ແລະ ບັນດາທັດສະນີຍະພາບທີ່ພົ້ນເດັ່ນຂອງ ເງ້ອານ.
ທີຫ້າ, ຖືວຽກງານບຳລຸງສ້າງ ແລະ ຍົກສູງກຳລັງຄວາມສາມາດໃຫ້ຖັນແຖວພະນັກງານທີ່ເຮັດວຽກງານການຕ່າງປະເທດເປັນສຳຄັນ, ພິເສດ ແມ່ນການທູດປະຊາຊົນ, ດ້ວຍຈຸດສຸມແມ່ນການກໍ່ສ້າງກຳລັງສືບທອດຢູ່ອົງການສະຫະພັນບັນດາອົງການມິດຕະພາບແຂວງ ເງ້ອານ ແລະ ບັນດາອົງການສະມາຊິກ. ພ້ອມກັນນັ້ນ, ກໍ່ເພີ່ມທະວີການຈັດຕັ້ງບັນດາກອງປະຊຸມແບ່ງປັນຂໍ້ມູນບັນຫາສະເພາະຈາກຫຼາຍແງ່ມູມທີ່ແຕກຕ່າງກັນ, ທັງອັບເດດຄວາມຮູ້ ແລະ ທັງສ້າງກາລະໂອກາດເພື່ອຍົກວຽກງານການທູດປະຊາຊົນໃຫ້ໃກ້ຊິດກັບປະຊາຊົນທຸກຊັ້ນວັນນະ, ກໍ່ຄືບັນດາພະແນກ, ຄະນະ, ຂະແໜງການ.
 | ເຜີຍແຜ່ບັນດາຄຸນຄ່າວັດທະນະທຳ, ສິລະປະຫວຽດນາມ ຢູ່ ເຊນປີເຕີເບີກ (ສະຫະພັນລັດເຊຍ) ຍສໝ - ເຂົ້າຮ່ວມລາຍການ, ຝ່າຍຫວຽດນາມ ໂດຍມີທ່ານລັດຖະມົນຕີກະຊວງວັດທະນະທຳ, ກິລາ ແລະ ທ່ອງທ່ຽວ ຫວຽດນາມ ຫງວຽນວັນຮຸ່ງ; ທ່ານເອກອັກຄະລັດຖະທູດວິສາມັນຜູ້ມີອຳນາດເຕັມແຫ່ງສາທາລະນະລັດສັງຄົມນິຍົມຫວຽດນາມ ປະຈຳສະຫະພັນລັດເຊຍ ດັ້ງມິງຄອຍ. ຝ່າຍສະຫະພັນລັດເຊຍ, ມີທ່ານ ໂບນຕີນ ຟີດໍ (Boltin Fedor) ປະທານຄະນະກຳມະການວັດທະນະທຳນະຄອນເຊນປີເຕີເບີກ (St.Petersburg). ທ່ານ ການກາໂນບ ວີຢາກຈິລາບ (Kalganov ... |
 | ຍສໝ - ທ່ານປະທານາທິບໍດີ ລັດເຊຍ Vladimir Putin ໄດ້ສິ້ນສຸດການຢ້ຽມຢາມທາງລັດຖະກິດຢູ່ ຫວຽດນາມ ຢ່າງສຳເລັດຜົນ. ເນື່ອງໃນໂອກາດນີ້, ທ່ານລັດຖະມົນຕີການຕ່າງປະເທດ ຫວຽດນາມ ບຸຍແທງເຊີນ ໄດ້ໃຫ້ສຳພາດຕໍ່ນັກຂ່າວກ່ຽວກັບຄວາມໝາຍ ແລະ ໝາກຜົນອັນພົ້ນເດັ່ນຂອງການຢ້ຽມຢາມຄັ້ງນີ້. ຂໍແນະນໍາເນື້ອໃນຂອງການສໍາພາດ. |
ມີງດຶກ
