|
ລາຍການສິລະປະທີ່ເປັນເອກະລັກສະເພາະ, ການສ້າງແຜນບົດທີ່ພິຖີພິຖັນ ແລະ ເຕັມໄປດ້ວຍຄວາມຄິດສ້າງສັນ ບໍ່ພຽງແຕ່ສະແດງໃຫ້ເຫັນບັນດາຈຸດວັດທະນະທຳທີ່ເປັນເອກະລັກສະເພາະຂອງ ຫວຽດນາມ ເທົ່ານັ້ນ ແຕ່ຍັງສະແດງໃຫ້ເຫັນການເຊື່ອມສານ ແລະ ຄວາມຄ້າຍຄືກັນລະຫວ່າງ 2 ວັດທະນະທໍາມຸນເຊື້ອທີ່ອຸດົມສົມບູນ, ພ້ອມກັນນັ້ນ ກໍ່ຍ້ອງຍໍມິດຕະພາບອັນໄດ້ທົດສອບໃນເດືອນປີທີ່ຜ່ານມາ ລະຫວ່າງ ຫວຽດນາມ ແລະ ລັດເຊຍ. ການສະແດງສິລະປະໄດ້ຮັບການປະດິດແບບໃໝ່ເພື່ອໃຫ້ຜູ້ຊົມລັດເຊຍ ສາມາດເຂົ້າເຖິງຄວາມງາມຂອງວັດທະນະທຳພື້ນເມືອງພ້ອມກັບຄວາມປະດິດສ້າງຂອງນັກສິລະປິນຫວຽດນາມ ໄດ້ງ່າຍທີ່ສຸດ .
ຄຽງຄູ່ກັບຄວາມປະທັບໃຈຂອງບັນດາດົນຕີຄລາສສິກ ແລະ ຮ້ອງໂອເປຣາ, ຜູ້ຊົມຍັງໄດ້ຊົມການສະແດງຜົນງານຫຼາຍຢ່າງຄື: “ເສິມຊວານ - ກາລິນກາ”, “ຕອນບ່າຍຂອງມົດສະກູ”… ດ້ວຍບັນດາເຄື່ອງດົນຕີພື້ນເມືອງທີ່ເປັນເອກະລັກສະເພາະຂອງຫວຽດນາມ ຈຸດພິເສດຂອງວັດທະນະທຳຫວຽດນາມ. ແນະນໍາບັນດາລາຍການສະແດງສິລະປະສົມທົບກັນດ້ານວັດທະນະທຳຂອງຫວຽດນາມ ແລະ ສະຫະພັນລັດເຊຍ ເຊິ່ງໄດ້ຮັບການຕ້ອນຮັບຈາກຜູ້ຊົມຊາວລັດເຊຍ ນັບພັນຄົນ.
 |
| ບັນດາລາຍການສະແດງສິລະປະສົມທົບກັບດ້ານວັດທະນະທຳຂອງຫວຽດນາມ ແລະ ສະຫະພັນລັດເຊຍ ໄດ້ຮັບການຕ້ອນຮັບຈາກຜູ້ຊົມເປັນຢ່າງດີ. (ພາບ: icd.gov.vn) |
ກ່ອນໜ້ານັ້ນ, ຢູ່ຫໍການສະແດງປະສານສຽງດົນຕີ Capella, ບັນດາຜູ້ຊົມ ແລະ ບັນດານັກສິລະປະຫວຽດນາມ ໄດ້ໄປຢ້ຽມຊົມສະຖານທີ່ວາງສະແດງ “ຫວຽດນາມ - ປະເທດມໍລະດົກທາງດ້ານວັດທະນະທຳ” ເຊິ່ງໄດ້ວາງສະແດງບັນດາຮູບພາບທີ່ປະທັບໃຈກ່ຽວກັບບັນດາມໍລະດົກທາງທຳມະຊາດ ແລະ ມໍລະດົກທາງວັດທະນະທຳ ຫວຽດນາມ ທີ່ໄດ້ຮັບການຂຶ້ນທະບຽນເປັນມໍລະດົກໂລກ ໂດຍ UNESCO, ພ້ອມກັບບັນດາປະເພດ ແລະ ນາມມະຍົດທີ່ໄດ້ຮັບການຮັບຮູ້ຈາກ UNESCO, ເຄື່ອງຫັດຖະກຳ, ເຄື່ອງນຸ່ງອາພອນພື້ນເມືອງຂອງຫວຽດນາມ… ບັນດາມໍລະດົກສະແດງໃຫ້ເຫັນການເຊື່ອມໂຍງຢ່າງກົມກຽວລະຫວ່າງການຮັກສາເອກະລັກວັດທະນະທຳຂອງຊາດກັບການປົກປັກຮັກສາສິ່ງແວດລ້ອມທຳມະຊາດ, ອະນຸລັກຮັກສາຊີວະນາໆພັນ ແລະ ການພັດທະນາເສດຖະກິດ.
ຊ ສະຫວັດ
