| VASEA: ຈະໃຫ້ບຸລິມະສິດບັນດາການເຄື່ອນໄຫວ, ໂຄງການທີ່ ອົດສະຕຣາລີ ແລະ ຫວຽດນາມ ໄດ້ຕົກລົງເປັນເອກະພາບກັນ | |
| ອົດສະຕຣາລີ ຊຸກຍູ້ການຕ່າງປະເທດວິທະຍາສາດໃນອາຊີ-ປາຊີຟິກ |
ທີ່ການເຈລະຈາ, 2 ຝ່າຍໄດ້ເຫັນດີເປັນເອກະພາບວ່າ ການພົວພັນລະຫວ່າງ ຫວຽດນາມ - ອົດສະຕຣາລີ ພວມມີບັນດາບາດກ້າວພັດທະນາຢ່າງເຂັ້ມແຂງ, ຮອບດ້ານ ແລະ ບັນລຸໄດ້ໝາກຜົນຫຼາຍຢ່າງທີ່ແທດຈິງ, ໄດ້ສະແດງໃຫ້ເຫັນໂດຍການຍົກລະດັບການພົວພັນຂຶ້ນເປັນຄູ່ຮ່ວມມືຍຸດທະສາດຮອບດ້ານໃນໂອກາດການຢ້ຽມຢາມ ອົດສະຕຣາລີ ຢ່າງເປັນທາງການຂອງທ່ານນາຍົກລັດຖະມົນຕີ ຟ້າມມີງຈິງ ໃນເດືອນມີນາ 2024.
 |
| ການສົນທະນາໂດຍທ່ານ ໂດ້ຮຸ່ງຫວຽດ, ຮອງລັດຖະມົນຕີການຕ່າງປະເທດ ຫວຽດນາມ ແລະ ທ່ານ ນາງ Michelle Chan, ຮອງລັດຖະມົນຕີກະຊວງການຕ່າງປະເທດ ແລະ ການຄ້າ ອົດສະຕຣາລີ ເປັນປະທານຮ່ວມ. |
2 ຝ່າຍເນັ້ນໜັກວ່າ ຫວຽດນາມ ແລະ ອົດສະຕຣາລີ ໄດ້ແບ່ງປັນຫຼາຍຈຸດທີ່ຄ້າຍຄືກັນ, ມີຄວາມໄວ້ເນື້ອເຊື່ອໃຈດ້ານຍຸດທະສາດສູງ, ແມ່ນພື້ນຖານສຳຄັນເພື່ອເສີມຂະຫຍາຍການພົວພັນຮ່ວມມືໃນທຸກຂົງເຂດກ່ວາອີກ. ໃນສະພາບການທີ່ທັງ ຫວຽດນາມ ແລະ ອົດສະຕຣາລີ ກໍ່ຄືບັນດາປະເທດໃນພາກພື້ນພວມປະເຊີນໜ້າກັບສິ່ງທ້າທາຍອັນໃຫຍ່ຫຼວງ ຍ້ອນຄວາມເຄັ່ງຕຶງດ້ານພູມສາດການເມືອງເພີ່ມຂຶ້ນ, 2 ຝ່າຍ ກໍ່ໄດ້ເຫັນດີເປັນເອກະພາບຕ້ອງຊຸກຍູ້ການຮ່ວມມືຍຸດທະສາດໃຫ້ແໜ້ນແຟ້ນ ແລະ ມີຍຸດທະສາດກ່ວາອີກໃນຂອບເຂດການພົວພັນໃໝ່ເພື່ອຕອບສະໜອງບັນດາສິ່ງທ້າທາຍລວມ; ເຫັນດີເພີ່ມທະວີການພົບປະແລກປ່ຽນ, ປຶກສາຫາລືເພື່ອຫັນບັນດາຂໍ້ຕົກລົງຂັ້ນສູງທີ່ບັນລຸໄດ້ເປັນລະອຽດ, ເປີດກ້ວາງບັນດາຂົງເຂດຮ່ວມມືໃໝ່ທີ່ເໝາະສົມກັບຄວາມຕ້ອງການ, ທ່າແຮງ ແລະ ຜົນປະໂຫຍດຂອງສອງປະເທດ.
2 ຝ່າຍໄດ້ຕີລາຄາສູງການຮ່ວມມືດ້ານປ້ອງກັນຊາດທີ່ພວມໄດ້ຮັບການຜັນຂະຫຍາຍຢ່າງຮອບດ້ານ ໂດຍຜ່ານບັນດາຊ່ອງທາງການເຈລະຈາ, ປຶກສາຫາລື, ຝຶກອົບຮົມ, ການຊ້ອມຮົບຮ່ວມ ແລະ ພິເສດແມ່ນການຮ່ວມມືຢ່າງມີປະສິດທິຜົນໃນຂົງເຂດຮັກສາສັນຕິພາບຂອງສະຫະປະຊາຊາດ.
2 ຝ່າຍໄດ້ເຫັນດີເປັນເອກະພາບວ່າ ຕ້ອງເພີ່ມທະວີການຮ່ວມມືດ້ານເສດຖະກິດ, ການຄ້າ, ການລົງທຶນ, ພະຍາຍາມເຮັດໃຫ້ 2 ປະເທດເປັນໜຶ່ງໃນ 10 ຄູ່ຮ່ວມມືດ້ານການຄ້າແຖວໜ້າຂອງກັນ ແລະ ເພີ່ມຂຶ້ນ 2 ເທົ່າໃນການລົງທຶນສອງສົ້ນທີ່ໄດ້ກໍານົດໄວ້ໃນຍຸດທະສາດເພີ່ມທະວີການຮ່ວມມືດ້ານເສດຖະກິດ (EEES). ອົດສະຕຣາລີ ປາດຖະໜາຢາກຊຸກຍູ້ການຮ່ວມມືກັບ ຫວຽດນາມ ໃນຂົງເຂດຫັນເປັນດີຈີຕອນ, ເສດຖະກິດດີຈີຕອນ, ຂົງເຂດເຕັກໂນໂລຢີສູງ, ເພີ່ມທະວີການລົງທຶນດ້ານພະລັງງານແຮງລົມ, ຄວາມຫຼາກຫຼາຍຂອງລະບົບຕ່ອງໂສ້ການສະໜອງ, ການຝຶກອົບຮົມພັດທະນາວິສາຫະກິດ, ໂດຍສະເພາະແມ່ນວິສາຫະກິດຂະໜາດນ້ອຍ ແລະ ຂະຫນາດກາງ, ເໝາະສົມກັບຍຸດທະສາດເສດຖະກິດອາຊີຕາເວັນອອກສຽງໃຕ້ຮອດປີ 2040 ຂອງ ອົດສະຕຣາລີ.
2 ຝ່າຍກໍ່ເຫັນດີເອກະພາບເພີ່ມທະວີການຮ່ວມມືດ້ານການສຶກສາ, ເຮັດໃຫ້ຂົງເຂດນີ້ ສືບຕໍ່ແມ່ນເສົາຄ້ຳຂອງການພົວພັນຄູ່ຮ່ວມມືຍຸດທະສາດຮອບດ້ານ; ເຫັນດີເປັນເອກະພາບສ້າງເງື່ອນໄຂສະດວກໃຫ້ແກ່ການພົບປະແລກປ່ຽນປະຊາຊົນ, ສະໜັບສະໜູນການຮ່ວມມືລະຫວ່າງທ້ອງຖິ່ນ, ເພີ່ມທະວີການໂຄສະນາວັດທະນະທຳ ເພື່ອຍົກສຸງຄວາມເຂົ້າໃຈລະຫວ່າງປະຊາຊົນສອງປະເທດ. ຫວຽດນາມ ໄດ້ສະແດງຄວາມຊົມເຊີຍ ອົດສະຕຣາລີ ທີ່ແບ່ງປັນຂໍ້ມູນກ່ຽວກັບບັນດາການປ່ຽນແປງໃນນະໂຍບາຍດຶງດູດນັກສຶກສາສາກົນເພື່ອຍົກສູງຄຸນນະພາບການບຳລຸງສ້າງ ອົດສະຕຣາລີ; ສະເໜີໃຫ້ ອົດສະຕຣາລີ ສືບຕໍ່ສ້າງເງື່ອນໄຂສະດວກ ແລະ ບໍ່ໃຫ້ບັນດານະໂຍບາຍໃໝ່ນີ້ກະທົບເຖິງຄວາມຄືບໜ້າຂອງການອອກວີຊາໃຫ້ນັກສຶກສາ ຫວຽດນາມ ຢູ່ ອົດສະຕຣາລີ.
 |
| ພາບທີ່ການສົນທະນາ. |
ສອງຝ່າຍຍັງໄດ້ແລກປ່ຽນຂໍ້ມູນ, ແບ່ງປັນທັດສະນະກ່ຽວກັບບັນຫາຍຸດທະສາດ, ຄວາມໝັ້ນຄົງພາກພື້ນ, ສາກົນທີ່ຕ່າງຝ່າຍຕ່າງມີຄວາມສົນໃຈ. ສອງຝ່າຍເຊື່ອໝັ້ນວ່າ ໂລກ ແລະ ພາກພື້ນອາຊີ-ປາຊີຟິກ ແລະ ມະຫາສະໝຸດອິນເດຍ ພວມປະສົບກັບການປ່ຽນແປງພື້ນຖານ; ບັນດາການຜັນແປທີ່ບໍ່ດົນມານີ້ເຊັ່ນ: ການແກ່ງແຍ້ງຍຸດທະສາດລະຫວ່າງປະເທດໃຫຍ່, ຄວາມຂັດແຍ່ງ, ວິກິດການການເມືອງ - ສັງຄົມໃນຫຼາຍປະເທດ, ການແບ່ງແຍກກ່ຽວກັບເສດຖະກິດ, ເຕັກໂນໂລຢີ, ແລະ ບັນດາການຜັນແປ, ຄວາມສ່ຽງທີ່ຄາດເດົາໄດ້ຍາກຂອງເສດຖະກິດໂລກ ໄດ້ ແລະ ພວມສົ່ງຜົນສະທ້ອນເຖິງຄວາມໝັ້ນຄົງ ແລະ ການພັດທະນາຂອງບັນດາປະເທດ, ໃນນັ້ນມີ ອົດສະຕຣາລີ ແລະ ຫວຽດນາມ.
2 ຝ່າຍກໍ່ໄດ້ເຫັນດີເປັນເອກະພາບສືບຕໍ່ຊຸກຍູ້ການຮ່ວມມືຢູ່ບັນດາເວທີປາໄສຫຼາຍຝ່າຍຄື: ສະຫະປະຊາຊາດ, ອາຊຽນ ແລະ ບັນດາກົນໄກ ທີ່ນຳພາໂດຍອາຊຽນ, ລວມມີກອງປະຊຸມລັດຖະມົນຕີປ້ອງກັນປະເທດບັນດາປະເທດ ອາຊຽນ ເປີດກ້ວາງ (ADMM+). ອົດສະຕຣາລີ ໄດ້ຢືນຢັນຄືນໃໝ່ການສືບຕໍ່ຮ່ວມມືຢ່າງແໜ້ນແຟ້ນກັບ ອາຊຽນ, ສະໜັບສະໜູນ ອາຊຽນ ໃນການເສີມຂະຫຍາຍບົດບາດໃຈກາງໃນໂຄງປະກອບພາກພື້ນທີ່ອີງຕາມຂໍ້ກຳນົດກົດໝາຍ, ສະໜັບສະໜູນການແກ້ໄຂບັນດາຂໍ້ຂັດແຍ່ງກັນຢູ່ທະເລຕາເວັນອອກດ້ວຍສັນຕິວິທີ, ເຄົາລົບກົດໝາຍສາກົນ, ພິເສດແມ່ນສົນທິສັນຍາສະຫະປະຊາຊາດກ່ຽວກັບກົດໝາຍວ່າດ້ວຍທະເລ (UNCLOS) ປີ 1982.
ມີງດຶກ
