 | ດານັງ: ນັກສຶກສາ ລາວ ຫຼາຍຄົນໄປວັດເພື່ອອະທິຖານກ່ອນລະດູສອບເສັງ |
| ທ່ານ ຟ້າມຮຶວຮວາ ໄດ້ຮັບເລືອກຕັ້ງເປັນປະທານສະມາຄົມມິດຕະພາບ ຫວຽດນາມ - ໄທ ນະຄອນ ດານັງ ສະໄໝ 2024 - 2029. |
 |
| ທ່ານນາງຮອງປະທານຄະນະກຳມະການປະຊາຊົນນະຄອນ ດານັງ ຫງວຽນທິແອງທິ ຮັບຂອງຂວັນທີ່ລະນຶກຈາກທ່ານນາງ Satomi Iwashige, ຮອງອະທິການບໍດີ ມະຫາວິທະຍາໄລແຂວງ Nagasaki. |
ວັນທີ 3 ກໍລະກົດ, ທ່ານນາງຮອງປະທານຄະນະກໍາມະການປະຊາຊົນນະຄອນ ດານັງ ຫງວຽນທິແອງທິ ໄດ້ໃຫ້ການຕ້ອນຮັບ ແລະ ເຮັດວຽກກັບຄະນະຜູ້ແທນມະຫາວິທະຍາໄລແຂວງ Nagasaki (ຍີ່ປຸ່ນ) ໂດຍທ່ານນາງ Satomi Iwashige, ຮອງອະທິການບໍດີ ຮັບຜິດຊອບດ້ານຍຸດທະສາດ ແລະ ການພົວພັນສາກົນຂອງໂຮງຮຽນເປັນຫົວໜ້າຄະນະ .
ຕາມທ່ານນາງ ຫງວຽນທິແອງທິ ແລ້ວ, ແຕ່ປີ 2013, ມະຫາວິທະຍາໄລແຂວງ Nagasaki ແລະ ພະແນກການຕ່າງປະເທດນະຄອນ ດານັງ ໄດ້ເລີ່ມຜັນຂະຫຍາຍໂຄງການແລກປ່ຽນນັກສຶກສາຝຶກງານ.
ຮອດປີ 2017, ໂດຍໄດ້ຮັບການເຫັນດີຈາກຄະນະກຳມະການປະຊາຊົນນະຄອນ ດານັງ, ພະແນກການຕ່າງປະເທດນະຄອນ ດານັງ ແລະ ມະຫາວິທະຍາໄລ ແຂວງ Nagasaki ໄດ້ລົງນາມໃນບົດບັນທຶກຊ່ວຍຈຳກ່ຽວກັບການຮ່ວມມື, ໃນນັ້ນ ເນື້ອໃນຕົ້ນຕໍແມ່ນການແລກປ່ຽນນັກສຶກສາສາກົນ.
ໃນໄລຍະແຕ່ປີ 2018 – 2020, ມະຫາວິທະຍາໄລແຂວງ Nagasaki ໄດ້ສົມທົບກັບອຳນາດການປົກຄອງນະຄອນ Goto ແລະ ອຳນາດການປົກຄອງແຂວງ Nagasaki ຂອງ ຍີ່ປຸ່ນ ເພື່ອຊຸກຍູ້ການສ້າງຕັ້ງໂຮງຮຽນສອນພາສາ ຍີ່ປຸ່ນ Goto ຈັດຕັ້ງການສິດສອນພາສາ ຍີ່ປຸ່ນ ໃຫ້ແກ່ນັກສຶກສາ ຫວຽດນາມ ດ້ວຍຄ່າທຳນຽມບຸລິມະສິດ, ເພື່ອຈຸດປະສົງລະດົມສົ່ງເສີມໃຫ້ນັກສຶກສາໄປຮຽນຢູ່ເກາະ Goto, ແຂວງ Nagasaki, ພາກໃຕ້ຂອງ ຍີ່ປຸ່ນ.
ປະຈຸບັນ, ມີນັກສຶກສາ ຫວຽດນາມ ຫຼາຍຄົນໄດ້ຮຽນຈົບ ແລະ ມີເງື່ອນໄຂຄົບຖ້ວນດ້ານພາສາ ຍີ່ປຸ່ນ ເພື່ອສືບຕໍ່ຮ່ຳຮຽນບັນດາຫຼັກສູດຝຶກອົບຮົມຊັ້ນສູງກວ່າຢູ່ ຍີ່ປຸ່ນ.
ທ່ານນາງຮອງປະທານຄະນະກຳມະການປະຊາຊົນນະຄອນ ດານັງ ໄດ້ສະແດງຄວາມຂອບໃຈຕໍ່ບັນດາການນຳຂອງມະຫາວິທະຍາໄລແຂວງ Nagasaki ທີ່ໄດ້ອຸປະຖຳໃຫ້ແກ່ການຈັດຕັ້ງປະຕິບັດໂຄງການໂພຊະນາກາ ແລະ ສຸຂະພາບໃນໂຮງຮຽນຢູ່ນະຄອນ ດານັງ ໃນຊຸມປີຜ່ານມາ; ຢືນຢັນວ່າໂຄງການດັ່ງກ່າວໄດ້ປະກອບສ່ວນຍົກສູງຄວາມສາມາດ ແລະ ຄວາມຮູ້ດ້ານໂພຊະນາການ ແລະ ສຸຂະພາບໃນໂຮງຮຽນໃຫ້ແກ່ພະນັກງານຄຸ້ມຄອງ ແລະ ເບິ່ງແຍງຢູ່ບັນດາໂຮງຮຽນອະນຸບານ ແລະ ໂຮງຮຽນປະຖົມສຶກສາໃນນະຄອນ; ຍົກສູງຄຸນນະພາບການບໍລິການດູແລ ແລະ ເບິ່ງແຍງເດັກອະນຸບານ ແລະ ນັກຮຽນຊັ້ນປະຖົມສຶກສາໃນບັນດາໂຮງຮຽນອະນຸບານ ແລະ ປະຖົມ.
ການນຳນະຄອນ ດານັງ ຫວັງວ່າ ມະຫາວິທະຍາໄລແຂວງ Nagasaki ຈະສືບຕໍ່ເອົາໃຈໃສ່, ສົມທົບ ແລະ ໜູນຊ່ວຍອຳນາດການປົກຄອງນະຄອນ ໃນໄລຍະຈະມາເຖິງ, ພິເສດແມ່ນໃນຂົງເຂດການສຶກສາ - ບຳລຸງສ້າງ, ການແພດ...
ທີ່ການພົບປະ, ທ່ານນາງ Satomi Iwashige, ຮອງອະທິການບໍດີຮັບຜິດຊອບດ້ານຍຸດທະສາດ ແລະ ການພົວພັນສາກົນຂອງມະຫາວິທະຍາໄລແຂວງ Nagasaki ໄດ້ຂອບໃຈອຳນາດການປົກຄອງ ແລະ ປະຊາຊົນນະຄອນ ດານັງ ທີ່ມອບຄວາມຮັກແພງອັນອົບອຸ່ນມາຍັງຄະນະ.
ໃນຊຸມປີທີ່ຜ່ານມາ, ໂຮງຮຽນໄດ້ສົ່ງນັກສຶກສາຝຶກງານ ແລະ ອາຈານເປັນຈຳນວນຫຼວງຫຼາຍໄປຮ່ຳຮຽນ ແລະ ເຮັດວຽກຢູ່ນະຄອນ ດານັງ, ບັນລຸໄດ້ໝາກຜົນດີຫຼາຍຢ່າງ, ຈຳນວນນັກສຶກສາທີ່ລົງທະບຽນເພີ່ມຂຶ້ນໃນແຕ່ລະປີ. ຄວາມຮູ້ ແລະ ປະສົບການທີ່ນັກສຶກສາ ແລະ ອາຈານໄດ້ຮວບຮວມໃນຊ່ວງເວລາຢູ່ ດານັງ ໄດ້ຖືກຖ່າຍທອດ ແລະ ແບ່ງປັນຄືນໃຫ້ແກ່ບັນດາລຸ້ນນັກສຶກສາ ແລະ ອາຈານທີ່ມະຫາວິທະຍາໄລແຂວງ Nagasaki.
 |
| ບັນດາຜູ້ແທນໄດ້ຖ່າຍຮູບທີ່ລະນຶກ. |
ທ່ານນາງ Satomi Iwashige ໄດ້ຕີລາຄາວ່າ ດານັງ ແມ່ນນະຄອນທີ່ມີຄວາມສາມາດບົ່ມຊ້ອນພັດທະນາຢ່າງຫຼວງຫຼາຍ, ມີທຳມະຊາດທີ່ສວຍງາມ ແລະ ປະຊາຊົນໃຈດີ; ຫວັງວ່າຈະມີກາລະໂອກາດຮ່ວມມືກັບນະຄອນ ດານັງ ຫຼາຍຄັ້ງຕື່ມອີກໃນໄລຍະຈະມາເຖິງ.
ຕາມທ່ານນາງ Satomi Iwashige ແລ້ວ, ມະຫາວິທະຍາໄລແຂວງ Nagasaki ມີຫຼາຍຂະແໜງການທີ່ເໝາະສົມເພື່ອປະສານສົມທົບການຝຶກອົບຮົມ ແລະ ການຮ່ວມມືກັບນະຄອນ ດານັງ ໃນອະນາຄົດຄື: ເຕັກໂນໂລຊີຂໍ້ມູນຂ່າວສານ, ພະຍາບານ...
 | ງານມະຫະກຳກິລານັກຮຽນ ອາຊີຕາເວັນອອກສຽງໃຕ້ ຄັ້ງທີ 13 ໄດ້ດຳເນີນຢູ່ນະຄອນ ດານັງ ຍສໝ - ງານມະຫະກຳກິລານັກຮຽນອາຊີຕາເວັນອອກສຽງໃຕ້ ຄັ້ງທີ 13 ຈະໄດ້ດຳເນີນຢ່າງເປັນທາງການແຕ່ວັນທີ 1 ຫາວັນທີ 9 ມິຖຸນາ 2024 ຢູ່ນະຄອນ ດານັງ. ງານມະຫະກຳຄັ້ງນີ້ມີນັກກິລາ ແລະ ຄູເຝິກ 1.300 ກວ່າຄົນຂອງຄະນະກິລາທີ່ມາຈາກ 10 ປະເທດຄື: ບຣູໄນ, ກຳປູເຈຍ, ອິນໂດເນເຊຍ, ລາວ, ມາເລເຊຍ, ... |
 | ກົງສຸນໃຫຍ່ ລາວ ປະຈໍານະຄອນ ດານັງ ອວຍພອນງານບຸນໃຫຍ່ວັນວິສາຂະບູຊາ ຍສໝ - ຄະນະກົງສຸນໃຫຍ່ ແຫ່ງ ສາທາລະນະລັດ ປະຊາທິປະໄຕ ປະຊາຊົນ ລາວ ປະຈຳ ນະຄອນ ດານັງ ນຳໂດຍ ກົງສຸນໃຫຍ່ ທ່ານ ສຸພັນ ຫາດາວເຮືອງ ໄດ້ເຂົ້າອວຍພອນ ແລະ ບູຊາໃນບຸນວິສາຂະບູຊາ Vesak 2568 – 2024 ທີ່ວັດ ຕາມບາວ, ... |
ມິງດຶກ
