GREAT ແມ່ນໂຄງການລົງທຶນບຸກເບີກຂອງລັດຖະບານ ອົດສະຕາລີ ກັບເປົ້າໝາຍສັງລວມ ເພື່ອມຸງໄປເຖິງການຍົກສູງອຳນາດ ແລະ ຄວາມສາມາດ, ທີ່ຕັ້ງດ້ານເສດຖະກິດ ແລະ ສັງຄົມຂອງແມ່ຍິງຊົນເຜົ່າສ່ວນໜ້ອຍໃນແຂວງ ລາວກາຍ ແລະ ເຊີນລາ. ໄລຍະ 2 ຂອງໂຄງການ 10 ປີນີ້ ຈະໄດ້ຮັບການຜັນຂະຫຍາຍຮອດປີ 2027 ຢູ່ບັນດາເມືອງ, ນະຄອນຂອງ 2 ແຂວງເປັນສ່ວນຫຼາຍ.
 |
| ຄອບຄົວຊາວເຜົ່າສ່ວນໜ້ອຍ ເພີ່ມລາຍຮັບດ້ວຍການປູກໜໍ່ໄມ້. |
ໂຄງການ GREAT ຮ່ວມມືກັບບັນດາວິສາຫະກິດ ເພື່ອຍົກສູງກຳລັງຄວາມສາມາດ ແລະ ສະມັດຕະພາບຂອງບັນດາຕົວແທນໃນບັນດາລະບົບສະໜອງຜະລິດຕະພັນກະສິກຳ ແລະ ສະໜອງບໍລິການທ່ອງທ່ຽວທີ່ມີຄຸນນະພາບສູງ ໂດຍຜ່ານໂຄງການຝຶກອົບຮົມການເປັນຜູ້ນໍາ, ການຜະລິດດຳເນີນທຸລະກິດ, ເຕັກນິກການຜະລິດ, ການຝຶກອົບຮົມວິຊາຊີບ, ການເຊື່ອມຕໍ່ທ້ອງຕະຫຼາດ ແລະ ປັບປຸງການເຂົ້າເຖິງບັນດາການບໍລິການທາງດ້ານການເງິນ.
ນອກຈາກນັ້ນ, ໂຄງການ ຈະເພີ່ມທະວີການເຂົ້າເຖິງ ແລະ ການນໍາໃຊ້ທັກສະດິຈິຕອນ ແລະ ເຕັກໂນໂລຢີດິຈິຕອນໃນການດຳເນີນທຸລະກິດ. ຄາດວ່າ ຈະມີແມ່ຍິງເກືອບ 30.000 ຄົນ, 70% ແມ່ນແມ່ຍິງຊົນເຜົ່າສ່ວນໜ້ອຍ ຈະໄດ້ຮັບຜົນປະໂຫຍດຈາກໄລຍະທີ 2 ຂອງໂຄງການ.
ນັບແຕ່ປີ 2017 ເປັນຕົ້ນມາ, ໂຄງການ ໄດ້ປະສົບຜົນສໍາເລັດໃນການປັບປຸງທີ່ຕັ້ງຂອງແມ່ຍິງໃນຄອບຄົວ, ຊຸມຊົນ ແລະ ສະພາບແວດລ້ອມການຜະລິດ-ທຸລະກິດ ໂດຍຜ່ານການແຊກແຊງ ເພື່ອເພີ່ມທະວີທັກສະ ແລະ ຄວາມໝັ້ນໃຈຂອງເຂົາເຈົ້າ. ສືບທອດບັນດາຜົນສຳເລັດທີ່ບັນລຸໄດ້, ໃນໄລຍະ 5 ປີຂ້າງໜ້າ, ໂຄງການ GREAT ຈະທະວີຄູນຮູບແບບທີ່ໄດ້ສຳເລັດຜົນ ແລະ ໜູນຊ່ວຍການເພີ່ມສິດອຳນາດ ແລະ ຄວາມສາມາດດ້ານເສດຖະກິດຂອງແມ່ຍິງ.
ໂຄງການ GREAT ຈະປະກອບສ່ວນໜູນຊວຍການປະຕິບັດບັນດາໂຄງການເປົ້າໝາຍແຫ່ງຊາດກ່ຽວກັບການພັດທະນາເສດຖະກິດ - ສັງຄົມຂອງເຂດຊົນເຜົ່າສ່ວນໜ້ອຍ ແລະ ເຂດພູດອຍ, ຫຼຸດຜ່ອນຄວາມທຸກຍາກແບບຍືນຍົງ, ກໍ່ສ້າງຊົນນະບົດໃໝ່ ແລະ ຍຸດທະສາດຄວາມສະເໝີພາບລະຫວ່າງຍິງ - ຊາຍຂອງ ຫວຽດນາມ. ບັນດາວິທີການເຂົ້າເຖິງຄິດປະດິດສ້າງໂດຍ GREAT ໄດ້ຜັນຂະຫຍາຍຢູ່ສອງແຂວງ ແມ່ນຄາດວ່າຈະກາຍເປັນຕົວແບບໃນທົ່ວປະເທດກ່ຽວກັບວິທີຜັນຂະຫຍາຍທີ່ມີລັກສະນະກວມລວມບັນດາການແຊກແຊງດັ່ງກ່າວ.
ທ່ານນາງ Cherie Russell, ທີ່ປຶກສາການຮ່ວມມືດ້ານການພັດທະນາ, ສະຖານທູດ ອົດສະຕາລີ ປະຈຳ ຫວຽດນາມ ກ່າວຄຳປາໄສທີ່ພິທີເປີດ “ຄວາມສາມາດບົ່ມຊ້ອນດ້ານກະສິກຳອັນໃຫຍ່ຫຼວງ ແລະ ຄວາມງາມທາງທຳມະຊາດຂອງ ລາວກາຍ ແລະ ເຊີນລາ ນຳມາເຊິ່ງບັນດາກາລະໂອກາດເສດຖະກິດຢ່າງຈະແຈ້ງໃຫ້ແກ່ບັນດາວິສາຫະກິດໃນຂະແຫນງກະສິກຳ ແລະ ການທ່ອງທ່ຽວ. ໂດຍຜ່ານ GREAT, ແມ່ຍິງ, ພິເສດແມ່ນແມ່ຍິງຊົນເຜົ່າສ່ວນຫນ້ອຍ ຈະໄດ້ຮັບຜົນປະໂຫຍດຢ່າງສະເຫມີພາບຈາກການເຕີບໂຕຂອງສອງຂະແຫນງເສດຖະກິດເຫຼົ່ານີ້".
ມິງດຶກ
