 | ເປີດຊຸດຝຶກອົບຮົມວິຊາພາສາລາວ ໃຫ້ພະນັກງານ-ລັດຖະກອນ ຢູ່ແຂວງ ຮ່າຕິ້ງ |
| ເສີມຂະຫຍາຍຄຸນຄ່າມໍລະດົກວັດທະນະທຳຜ່ານ Festival ນິງບິ່ງ - ຈາງອານ ປີ 2023 |
 |
| ວິຫານ ເທື້ອງໄທເຊີນ (ຕັ້ງຢູ່ຕາແສງ ເຊີນລາຍ, ເມືອງ ຍໍກວ່ານ, ແຂວງ ນິງບິ່ງ) ແມ່ນຮ່ອງຮອຍທາງປະຫວັດສາດ - ວັດທະນະທຳ ທີ່ໄດ້ຮັບການຈັດເຂົ້າລະດັບແຂວງຈາກຄະນະກຳມະການປະຊາຊົນແຂວງ ນິງບິ່ງ ໃນປີ 2007. ຮ່ອງຮອຍແມ່ນສະຖານທີ່ບູຊາ ແລະ ໄຫວ້ອາໄລເຖິງເຈົ້າຍິງ ໂຍ້ຍຮວ່າ (ເຈົ້າຍິງຂອງປະເທດ ລາວ). |
ວິຫານ ເທື້ອງໄທເຊີນ ໄຫວ້ອາໄລເຈົ້າຍິງຂອງປະເທດ ລາວ ດ້ວຍຊື່ ເຈົ້າຍິ່ງ ໂຍ້ຍຮວ່າ, ຕັ້ງຢູ່ເທິງຈອມພູ ຢູ່ບ້ານ ໄທເຊີນ, ຕາແສງ ເຊີນລາຍ, ເມືອງ ຍໍກວ່ານ, ແຂວງ ນິງບິ່ງ.
ວິຫານຕັ້ງຢູ່ເທິງເນີນພູທ່າມກາງພື້ນທີ່ໝູ່ບ້ານທີ່ມີຄວາມສະຫງົບສຸກ ແລະ ພູເຂົາທີ່ໃຫຍ່ໂຕມະໂຫຖານ. ເສັ້ນທາງຂຶ້ນວິຫານແມ່ນອ້ອມຮອບໄປດ້ວຍຕົ້ນໄມ້ຂຽວອຸ່ມທຸ່ມ.
ໃນແຕ່ລະປີ, ທີ່ຮ່ອງຮອຍໄດ້ດຳເນີນງານບຸນປະເພນີ ໃນວັນ 3 ເດືອນ 3 ຕາມຈັນທະປະຕິທິນ, ນອກຈາກການແຫ່ກ້ຽວອ້ອມບ້ານແລ້ວ, ຍັງມີການລະຫຼີ້ນພື້ນເມືອງຫຼາຍຢ່າງ. ພິເສດ ແມ່ນຈະມີການຟ້ອນ ແລະ ຮ້ອງເພງຕາມຈັງຫວະຈຳປາ (ເປັນການຟ້ອນລຳທຳເພງພື້ນເມືອງຂອງປະເທດ ລາວ) ເພື່ອລະນຶກເຖິງຄຸນງາມຄວາມດີຂອງເຈົ້າຍິງ ໂຍ້ຍຮວ່າ ແລະ ອະນຸລັກຮັກສາ, ເຊີດຊູມູນເຊື້ອອັນດີງາມຂອງສອງຊາດ ຫວຽດນາມ - ລາວ.
 |
| ຫໍເທບທິດາປະເທດ ລາວ ຈະໄດ້ຮັບການບູລະນະ, ປະດັບປະດາ ແລະ ກໍ່ສ້າງສວນສາທາລະນະເປັນ “ສວນວັດທະນະທຳທ່ອງທ່ຽວ ຫວຽດນາມ - ລາວ”. |
ທ່ານ ຫງວຽນແມ້ງເກື່ອງ, ຫົວໜ້າພະແນກວັດທະນະທຳ ແລະ ກິລາ ແຂວງ ນິງບິ່ງ ໃຫ້ຮູ້ວ່າ: ຫໍເທບທິດາປະເທດ ລາວ ແມ່ນຮ່ອງຮອຍພິເສດທາງປະຫວັດສາດ ແລະ ວັດທະນະທຳທີ່ເປັນຫຼັກຖານຕົວຈິງກ່ຽວກັບນ້ຳໃຈຄວາມສາມັກຄີລະຫວ່າງປະຊາຊົນສອງປະເທດ ຫວຽດນາມ - ລາວ. ຮ່ອງຮອຍດັ່ງກ່າວ ແມ່ນຍາມໃດກໍ່ໄດ້ຮັບການເບິ່ງແຍງ, ປົກປັກຮັກສາ, ບູລະນະ ແລະ ປະດັບປະດາໂດຍອຳນາດການປົກຄອງ ແລະ ປະຊາຊົນໃນທ້ອງຖິ່ນ, ໃນແຕ່ລະປີ ໄດ້ດຶງດູດແຂກທ່ອງທ່ຽວເປັນຈຳນວນຫຼວງຫຼາຍມາຢ້ຽມຢາມ.
ຜ່ານມາ ຮ່ອງຮອຍໄດ້ຮັບການບູລະນະ, ແຕ່ຂະໜາດ ແລະ ຂອບເຂດຍັງບໍ່ເໝາະສົມເພື່ອເຊີດຊູຄຸນຄ່າອັນສຳຄັນຂອງຮ່ອງຮອຍໃນການສະແດງນ້ຳໃຈມິດຕະພາບສາກົນລະຫວ່າງ ຫວຽດນາມ - ລາວ, ປະກອບສ່ວນພັດທະນາເສດຖະກິດ - ສັງຄົມຂອງທ້ອງຖິ່ນ.
 |
| ເສັ້ນທາງຂຶ້ນໄປຫໍເທບທິດາປະເທດ ລາວ ຢູ່ບ້ານ ໄທເຊີນ, ຕາແສງ ເຊີນລາຍ, ເມືອງ ຍໍກວ່ານ, ແຂວງ ນິງບິ່ງ. |
ທ່ານ ເກື່ອງ ກ່າວວ່າ “ພະແນກວັດທະນະທຳ ແລະ ກິລາ ໄດ້ຮັບການມອບໝາຍຈາກຄະນະກຳມະການປະຊາຊົນແຂວງ ນິງບິ່ງ ເປັນສູນຕິດຕໍ່ປະສານງານໃນການແລກປ່ຽນ ແລະ ເຮັດວຽກກັບສະຖານທູດ ສປປ ລາວ ປະຈຳ ສສ ຫວຽດນາມ, ຈັດຕັ້ງບັນດາການເຄື່ອນໄຫວຄົ້ນຄວ້າວິທະຍາສາດລະຫວ່າງຂະແໜງການ 2 ປະເທດ ເພື່ອແນໃສ່ເພີ່ມເຕີມ, ເຮັດໃຫ້ບັນດາຄຸນຄ່າດ້ານວິທະຍາສາດ, ປະຫວັດສາດ ແລະ ວັດທະນະທຳເລິກເຊິ່ງກວ່າອີກ ເພື່ອປະຕິບັດການບູລະນະ, ປະດັບປະດາຮ່ອງຮອຍຫໍເທບທິດາປະເທດ ລາວ ແລະ ກໍ່ສ້າງສວນສາທາລະນະ “ສວນວັດທະນະທຳທ່ອງທ່ຽວ ຫວຽດນາມ - ລາວ” ຢູ່ຕາແສງ ເຊີນລາຍ, ເມືອງ ຍໍກວ່ານ ໃຫ້ຮັບປະກັນບັນດາປັດໄຈທາງປະຫວັດສາດ - ວັດທະນະທຳ ຫວຽດນາມ - ລາວ”.
 | ລົງຕົວຈິງວັດທະນະທໍາ Kyoto ຢູ່ແຂວງ ເທື່ອທຽນເຫ້ວ ຍສໝ - ລາຍການແລກປ່ຽນດົນຕີ, ຮ້ານວາງສະແດງບັນດາຜະລິດຕະພັນທ້ອງຖິ່ນ, ລົງຕົວຈິງວັດທະນະທຳດື່ມນ້ຳຊາ, ກິໂມໂນ... ແມ່ນບັນດາການເຄື່ອນໄຫວທີ່ຈັດຂຶ້ນໃນຂອບເຂດໂຄງການ “ວັນວັດທະນະທຳ ແລະ ການສຶກສາ Kyoto ຢູ່ ເຫ້ວ” ໂດຍຄະນະກຳມະການປະຊາຊົນແຂວງເທື່ອທຽນເຫ້ວ (ຫວຽດນາມ) ສົມທົບກັບອຳນາດການປົກຄອງ ນະຄອນ Kyoto (ຍີ່ປຸ່ນ) ຈັດຂຶ້ນໃນວັນທີ 21 ພະຈິກ. |
 | ສ້າງຕັ້ງສະມາຄົມມິດຕະພາບຫວຽດນາມ - ສ.ເກົາຫຼີ ຢູ່ແຂວງ ເທື່ອທຽນເຫ້ວ ຍສໝ - ທ່ານປະທານຄະນະກຳມະການປະຊາຊົນແຂວງເທື່ອທຽນເຫ້ວ ຫາກໍ່ໄດ້ອອກມະຕິຕົກລົງເລກທີ 2735/QD-UBND ລົງວັນທີ 21 ພະຈິກ 2023 ວ່າດ້ວຍການອະນຸມັດໃຫ້ສ້າງຕັ້ງສະມາຄົມມິດຕະພາບຫວຽດນາມ - ສ.ເກົາຫຼີ ແຂວງ ເທື່ອທຽນເຫ້ວ. ຂໍ້ຕົກລົງນີ້ມີຜົນສັກສິດນັບແຕ່ມື້ລົງລາຍເຊັນ. |
ມິງດຶກ
