| ທະຫານເຂດ 4 ຢ້ຽມຢາມ ແລະ ມອບຂອງຂວັນໃຫ້ປະຊາຊົນເຂດປະສົບໄພນໍ້າຖ້ວມ ເທື່ອທຽນເຫ້ວ | |
| ປະທານສະພາແຫ່ງຊາດ ເວືອງດິ່ງເຫວະ ເຂົ້າຮ່ວມການໂອ້ລົມສົນທະນາວິສາຫະກິດ ຫວຽດນາມ - ອາກຊັງຕິນ ຢູ່ແຂວງ Santa Fe |
“ວັນວັດທະນະທຳ ແລະ ການສຶກສາ Kyoto ຢູ່ ເຫ້ວ” ໄດ້ຈັດຕັ້ງເນື່ອງໃນໂອກາດສະເຫຼີມສະຫຼອງ 50 ປີແຫ່ງວັນສ້າງຕັ້ງການພົວພັນທາງການທູດ ຫວຽດນາມ - ຍີ່ປຸ່ນ ແລະ ເນື່ອງໃນໂອກາດສະເຫຼີມສະຫຼອງ 10 ປີແຫ່ງການພົວພັນຮ່ວມມື ແລະ ພົບປະແລກປ່ຽນມິດຕະພາບລະຫວ່າງແຂວງ ເທື່ອທຽນເຫ້ວ ແລະ ນະຄອນ Kyoto.
 |
ບັນດາຜູ້ແທນໄດ້ດຳເນີນພິທີຕັດແຖບຜ້າເປີດ “ວັນວັດທະນະທຳ ແລະ ການສຶກສາ Kyoto ຢູ່ເເຂວງ ເທື່ອທຽນເຫ້ວ ”. (ພາບ: ຫງວຽນແອງຕ໋ວນ) |
ກ່າວຄຳປາໄສທີ່ພິທີ, ທ່ານ Takatoshi Nishiwaki, ຜູ້ວ່າການນະຄອນ Kyoto ໃຫ້ຮູ້ວ່າ: “ວັນວັດທະນະທຳ ແລະ ສຶກສາ Kyoto ຢູ່ ເຫ້ວ” ແມ່ນໂອກາດເພື່ອແນະນຳນະຄອນ Kyoto ດ້ວຍບັນດາຈຸດວັດທະນະທຳທີ່ເປັນເປັນເອກະລັກພິເສດ. ທ່ານຫວັງວ່າ ຊາວຫວຽດນາມຈະຮູ້ຈັກນະຄອນ Kyoto ເປັນນະຄອນທີ່ມີປະຫວັດສາດກວ່າ 1.000 ປີ, ເຊິ່ງມີ 17 ມໍລະດົກໂລກທີ່ໄດ້ຮັບການຮັບຮອງຈາກ UNESCO ແລະ ແມ່ນ “ດິນແດນແຫ່ງການຮຽນຮູ້” ຂອງດິນແດນດອກສະກຸຣະ...
ຕາມທ່ານ ຫງວຽນວັນເຟືອງ, ປະທານຄະນະກຳມະການປະຊາຊົນແຂວງ ເທື່ອທຽນເຫ້ວ ແລ້ວ, ນີ້ແມ່ນການເຄື່ອນໄຫວປະກອບສ່ວນປັບປຸງ ແລະ ຮັດແໜ້ນການພົວພັນຮ່ວມມືມິດຕະພາບທີ່ເປັນມູນເຊື້ອລະຫວ່າງ 2 ແຂວງ ແລະ 2 ປະເທດ ໂດຍຜ່ານການຊຸກຍູ້ວັດທະນະທຳ, ການສຶກສາ, ແລກປ່ຽນລະຫວ່າງ 2 ປະເທດ. ຊາວໜຸ່ມແຂວງ Kyoto ແລະ ແຂວງເທື່ອທຽນເຫ້ວ. ພ້ອມກັນນັ້ນ, ກໍສ້າງເງື່ອນໄຂເພື່ອໃຫ້ຊາວເຫ້ວ, ຫວຽດນາມ ມີຄວາມເຂົ້າໃຈກ່ວາອີກກ່ຽວກັບວັດທະນະທຳ ແລະ ການສຶກສາຂອງ Kyoto ເວົ້າສະເພາະ ແລະ ຍີ່ປຸ່ນ ເວົ້າລວມ.
ທີ່ງານບຸນກໍໄດ້ຈັດບັນດາລາຍການພົບປະແລກປ່ຽນດົນຕີຂອງຊາວໜຸ່ມ ເຫ້ວ ແລະ Kyoto ດ້ວຍການເຂົ້າຮ່ວມຂອງນັກຮຽນ ນັກສຶກສາ 2 ປະເທດເກືອບ 600 ຄົນ ກັບບັນດາລາຍການສະແດງທີ່ດູດດື່ມດ້ວຍສີສັນວັດທະນະທຳຂອງແຕ່ລະປະເທດ. ນອກນັ້ນ, ຍັງມີຮ້ານວາງສະແດງ 14 ຮ້ານ, ແນະນຳໃຫ້ນັກທ່ອງທ່ຽວທີ່ເຂົ້າຮ່ວມໄດ້ເຫັນຕົວຈິງບັນດາຈຸດສີສັນພິເສດຂອງວັດທະນະທຳ ແລະ ການສຶກສາທີ່ເປັນເອກະລັກຂອງແຂວງ Kyoto, ປະເທດຍີ່ປຸ່ນ ເຊັ່ນ: ວັດທະນະທຳດື່ມນ້ຳຊາ, ກິໂມໂນ, ກິລາບານເຕະ ແລະ ແນະນຳບັນດາມະຫາວິທະຍາໄລໃນ Kyoto...
ທ່ານ ຫງວຽນວັນເຟືອງ ໃຫ້ຮູ້ວ່າ: ແຂວງ ເທື່ອທຽນເຫ້ວ ໄດ້ສ້າງຕັ້ງການພົວພັນຮ່ວມມືຢ່າງມີປະສິດທິຜົນກັບຫຼາຍທ້ອງຖິ່ນຂອງ ຍີ່ປຸ່ນ, ໃນນັ້ນມີນະຄອນ Kyoto. ທ່ານຫວັງວ່າໃນໄລຍະຈະມາເຖິງຈະມີບັນດາການເຄື່ອນໄຫວແລກປ່ຽນດ້ານວັດທະນະທຳ, ການສຶກສາ, ເສດຖະກິດ... ລະຫວ່າງບັນດາທ້ອງຖິ່ນຂອງ ຍີ່ປຸ່ນ ແລະ ແຂວງເທື່ອທຽນເຫ້ວ ຕື່ມອີກ, ປະກອບສ່ວນເຮັດໃຫ້ການພົວພັນລະຫວ່າງປະຊາຊົນສອງປະເທດນັບມື້ນັບແໜ້ນແຟ້ນກ່ວາອີກ.
ດີງເລື້ອງ
