 | ຊາວຫວຽດນາມ ໄປອອກແຮງງານຢູ່ຕ່າງປະເທດໄດ້ປະກອບສ່ວນໃຫ້ປະເທດຊາດ 3,5 – 4 ຕື້ USD/ປີ |
| ປະຊາຄົມຊາວຫວຽດນາມຢູ່ຮຸງກາຣີ ໜູນຊ່ວຍຊາວຫວຽດນາມອົບພະຍົບອອກຈາກຢູແກຼນ |
ທ່ານ ປອ ເລວຽດກວັ໋ກ ໃຫ້ຮູ້ວ່າ: ປັນຍາປະດິດແມ່ນກຸນແຈເພື່ອເປີດສູ່ບັນດາການປະຕິວັດໃນອະນາຄົດ
ຕາມທ່ານ ປອ ເລວຽດກວັ໋ກ ແລ້ວ, ການພັດທະນາຢ່າງເຂັ້ມແຂງຂອງປັນຍາປະດິດຈະເປັນສິ່ງທ້າທາຍໃຫຍ່ເມື່ອວຽກງານແບບດັ້ງເດີມຫຼາຍວຽກຖືກຫັນເປັນແບບອັດຕະໂນມັດ. ເຖິງຢ່າງໃດກໍຕາມ, ນີ້ກໍ່ແມ່ນໂອກາດອັນໃຫຍ່ຫຼວງໃຫ້ແກ່ ຫວຽດນາມ. ໃນຂະນະທີ່ຫຼາຍປະເທດຍັງຄົງຖືກຈຳກັດໃນບັນດາວຽກງານປະຈຸບັນ, ຫວຽດນາມ ສາມາດພັດທະນາໄປພ້ອມກັບປັນຍາປະດິດ.
 |
| ທ່ານ ປອ ເລວຽດກວັ໋ກ. |
ດ້ວຍປະສົບການຂອງຕົນ, ທ່ານ ປອ ເລວຽດກວັ໋ກ ໄດ້ສະເໜີ 4 ຂໍ້ສະເໜີແນະເພື່ອໃຫ້ ຫວຽດນາມ ປ່ຽນຄວາມທ້າທາຍນີ້ໃຫ້ກາຍເປັນກາລະໂອກາດ:
ອັນທີໜຶ່ງ, ຫວຽດນາມ ຄວນຮັບຮູ້ວ່າ ຊັບສິນໃຫຍ່ທີ່ສຸດຂອງເຮົາ ແມ່ນມະນຸດ. ບົນພື້ນຖານນັ້ນ, ຫວຽດນາມ ຄວນລົງທຶນຢ່າງແຮງເຂົ້າໃນການສຶກສາປັນຍາປະດິດ, ພິເສດແມ່ນລະດັບມະຫາວິທະຍາໄລ. ຫວຽດນາມ ຄວນສ້າງມະຫາວິທະຍາໄລຂອບຂະໜາດ ອາຊີ ກ່ຽວກັບປັນຍາປະດິດ, ດ້ວຍບັນດາຫຼັກສູດບຳລຸງສ້າງລົງເລິກຂະແໜງນັບແຕ່ຊຸມປີຕົ້ນ.
ອັນທີສອງ, ພາຍຫຼັງລົງທຶນເຂົ້າຊັບພະຍາກອນມະນຸດແລ້ວ, ຫວຽດນາມ ຕ້ອງຊອກຫາວິທີຍາດແຍ່ງເອົາແຫຼ່ງຊັບພະຍາກອນມະນຸດທີ່ມີຄຸນນະພາບສູງ. ວິທີທີ່ດີທີ່ສຸດທີ່ຈະເຮັດໄດ້ສິ່ງນີ້ ແມ່ນການລົງທຶນເຂົ້າໃນລະບົບນິເວດນະວັດຕະກຳ ແລະ ການເລີ່ມດຳເນີນທຸລະກິດ. ປະສົບການສະແດງໃຫ້ເຫັນວ່າ ໃນທຸກໆການປະຕິວັດມີຜູ້ຊະນະ ແລະ ຜູ້ເສຍໄຊ ແລະ ວິທີທີ່ມີປະສິດທິຜົນທີ່ສຸດເພື່ອຊອກຫາຜູ້ຊະນະແມ່ນການສ້າງລະບົບນິເວດການເລີ່ມດຳເນີນທຸລະກິດທີ່ຫຼາກຫຼາຍ ແລະ ເຂັ້ມແຂງ.
ອັນທີສາມ, ຫວຽດນາມ ຄວນສຸມໃສ່ພັດທະນາບັນດາໂປແກຼມຂອງປັນຍາປະດິດຢ່າງເຂັ້ມແຂງ. ໃນສະຕະວັດທີ 21, ປັນຍາປະດິດຈະເປັນເຄື່ອງມືທີ່ສໍາຄັນ. ຂ່າວດີແມ່ນວ່າ ໃນປັດຈຸບັນ, ຊອບແວປັນຍາປະດິດຈໍານວນຫຼາຍພວມໄດ້ສະຫນອງພາຍໃຕ້ຮູບແບບລະຫັດແຫຼ່ງເປີດ, ເປີດສູ່ໂອກາດທີ່ຍິ່ງໃຫຍ່ໃຫ້ແກ່ບັນດາໂປແກຼມໃນອະນາຄົດອັນໃກ້ນີ້.
ອັນທີສີ່, ຫວຽດນາມ ຄວນສ້າງຕັ້ງສະພາທີ່ປຶກສາຂັ້ນສູງກ່ຽວກັບຊິບ ແລະ ປັນຍາປະດິດ. ນີ້ແມ່ນບັນດາຂົງເຂດທີ່ກໍາລັງພັດທະນາດ້ວຍຄວາມໄວສົມຄວນ ແລະ ສະພາເຫຼົ່ານີ້ຈະຊ່ວຍຍົກອອກບັນດານະໂຍບາຍຊີ້ຂາດຢ່າງໄວວາ ແລະ ຖືກຕ້ອງໃນຂົງເຂດປາຍແຫຼມນີ້.
 | ບົດທີ 4: ຄວາມປາດຖະໜາ ແລະ ແຜນການຈະເລີນຮຸ່ງເຮືອງ ຍສໝ - ຂໍສົ່ງກັບຄືນໄປຫາແຜ່ນດິນບ້ານເກີດເມືອງນອນສຳລັບຄວາມປາຖະໜາອັນລຽບງ່າຍ ແລະ ມີຊີວິດແບບສາມັນ. ແລະຂໍຖະຫວາຍບັນດາຄວາມມຸ່ງມາດປາຖະໜາ ແລະ ແຜນການມາຍັງທ່ານ ເພື່ອປະກອບສ່ວນເຂົ້າໃນຄວາມສຸກ, ຄວາມຈະເລີນຮຸ່ງເຮືອງ, ມະຫາສາມັກຄີຂອງປວງຊົນທັງຊາດ. ວາລະສານ ຍຸກສະໄໝ ຂໍຖືເປັນກຽດທີ່ໄດ້ສົ່ງຄວາມມຸ່ງມາດປາຖະໜາຂອງຊາວຫວຽດນາມຢູ່ຕ່າງປະເທດ ໄປຍັງເພື່ອນຜູ້ອ່ານ. |
 | ຊາວຫວຽດນາມ ອາໄສຢູ່ຕ່າງປະເທດແຜ່ບໍລິຈາກສະໜັບສະໜູນບັ້ນຕໍ່ສູ້ປ້ອງກັນ, ຕ້ານໂລກລະບາດໂຄວິດ-19 ຢູ່ ຫວຽດນາມ ນັບແຕ່ເມື່ອພະຍາດໂຄວິດ-19 ແຜ່ລະບາດ ຄັ້ງທີ 4 ຢູ່ຫວຽດນາມ, ເຖິງວ່າການດໍາລົງຊີວິດຍັງປະສົບຄວາມຫຍຸ້ງຍາກກໍ່ຕາມ ແຕ່ພໍ່ແມ່ປະຊາຊົນຊາວຫວຽດນາມ ອາໄສຢູ່ຕ່າງປະເທດໄດ້ມີຫຼາຍຮູບການເພື່ອສະໜັບສະໜູນວຽກງານປ້ອງກັນ, ຕ້ານພະຍາດໂຄວິດ-19 ຢູ່ພາຍໃນປະເທດ. |
ມິງດຶກ
